| ميرنا |
06-06-2010 12:27 PM |
رد: تجمع حوامل ليبيا
ام اسيل ايش اخبارك والله فكرة حلوة انا تعرفت عليه فى الجامعة فى سنة ثانية وان كان ماخذيت انبتات فى راسى انخلة ولم تخرجنا جاء خطبنى وبعدها شكلى وجهى عليه خير من لاول ثانى يوم خطبتى انسجن لمدة 7سنوات وعمتك ميرنا ترجاء وبعد ما طلع بشهر اتزوجنا وكان وهو مسجون ايدزلى فى رسائل مع جارت اهلى راجلها امعه فى نفس القاطع وعندما تمشى الى راجلها ان نكتب رسالة ونعطيها لها اتشيلها امعها الى طرابلس فى سجن بوسليم ومش رسالة قولى بحث وهو يقولى مرات انطول انكان تبى تزوجى رانى امسمحك ولكن انا شاطر ة سكرت راسى عليه يريتنى ما رجيته لو كان هذا راهم اعويلتى فى الثانوى لكن نصيب*
|
| حبل الوصل |
06-06-2010 12:36 PM |
رد: تجمع حوامل ليبيا
يعنى راجلك موافق على التلقيح الصناعى
|
| حبل الوصل |
06-06-2010 12:38 PM |
رد: تجمع حوامل ليبيا
ميرنا ضحكتينى ربي يهنيكم
|
| حبل الوصل |
06-06-2010 12:41 PM |
رد: تجمع حوامل ليبيا
فكرة حلوة ام اسيل
انى مكنتش نعرف راجلى مع انه قريب ليا لانه كان يدرس في بنغازى المهم هو شافنى في المعهد اللي ندرس فيه وعجبته وبعدها مشي لبنغازى وانى مانندرى على شي كان هذاك الوقت انى ندرس في سنة اولى معهد قعد سنتين يفكر فيا وبعدها وانى ندرس في سنة ثالتة جى للمعهد وبعدها بيومين جتنى قريبته قالتى يبي يخطبك ووافقت وبعدها جي خطبنى من هلى وحبيته مووووووووت واستمرت الخطبة سنتين ونص وبعدها تزوجنا
|
| امنيات |
06-06-2010 01:02 PM |
رد: تجمع حوامل ليبيا
اقتباس:
المشاركة الأصلية كتبت بواسطة ميرنا
(المشاركة 195080)
قالولي بنية وانا خاطري في وليد لكن الحمدالله لك يارب
آمنيات
يااهلا وسهلا و مرحبتين بيك نحن معك وكيف اخواتك وانشالله ربى يتمم حملك على خير وتجيبى بسلامة
اما بنسبة للبنات ولاولاد انا حلمتلك انك فى يدك 8 محارم ونقولك يامنيات هذين لك قلتى لى صقع عليك جابهن لى راجلى من شارع دبى
هههههههههههه بيش دوريى من يفسرلك الحلم hwaml7
|
والله ضحكتيني وفرحتيني وخوفتيني 8 مرة وحدة انا 2 والتالتة في الطريقة وامه دايرة فيا اللي مايندار سموني ام البنات والله انا ماعندي مشكلة لكن وليدي عمرة 7 سنين ولما عرف بنية جاية يبكي ويخبط يقولي كيف 3بنات وعيل واحد شوفي البخت وراجلي لما يشوفني تعبانة يقولي خلاص معاش نبو عيال وانا انقولة نبي وليد تاني بس hwaml93hwaml93hwaml93hwaml93 وانا عارفة هدا اللي خاطرة فيه بيش يرضي امة يارب انشالله يعطي كل حد ولا يحرم حد |
| امنيات |
06-06-2010 01:06 PM |
رد: تجمع حوامل ليبيا
اقتباس:
المشاركة الأصلية كتبت بواسطة حبل الوصل
(المشاركة 195170)
وعليكم السلام نورتى التجمع وربي يتمملك حملك على خير ويخليلك عويلتك واللي من ربي يامحلاه اهم شي الخلقة التامة والسلامة
|
منور بوجودك والحمدالله علي البنية والوليد لكن صدقيني حتي كان عندي وليدين وبنية كنت نبي بنية توا عشان نعدلهم بس لكن الخيرة فيما اختارها الله انشاللة يعطيك كل مافي بالك يارب |
| حبل الوصل |
06-06-2010 01:28 PM |
رد: تجمع حوامل ليبيا
اقتباس:
المشاركة الأصلية كتبت بواسطة ميرنا
(المشاركة 195304)
والله شكلك حامل باذان الله واهم علامة الم الصدر بس قوليلى من قبل اتشعرى بهذه الاعراض فى لشهور لى عدنا يااااااااااااارب يفرحك انشالله وتفتكى من ها لقصة لو انك واخذا ابرة تفجير انقولك اكيدة من الابرة لكن انتى ما خذيتهشا وشهر لى فات جاتك الدورة قبل موعدها وانشالله ياحبل الوصل حامل لو كان هذا راهى جاتك
|
سامحينى والله ماانتبهت للرد
انى مش واخذة ابرة زى ماقلتى والوجع مايجينيش ديما يعنى قبل الدورة تنزل بدون اعراض على الاغلب وفعلا الشهر اللي فات لما خذيت الابرة نزلت بعدها باسبوعين |
| ام اسيل |
06-06-2010 01:42 PM |
رد: تجمع حوامل ليبيا
مسكين وافق غصبن عنه امس مثلتله فلم اسمه ام اسيل ملكة الدراما وقعدت قالبة وجهي وقتله خلاص معش نبي شي حتى عيال معش نبي شوية خش رقد وقالي ديري الي تبيها وانا نضحك في عقلي مساكين الرجالة يحسابو القرار في ايدهم ما يندرو على شي الله يستر اليوم يعدي على خير ومايسكرش راسه اخرى بعدك اليوم سيارتي خاربة وما عندي وين نهرب وجهي في وجهه ادعلولي اليوم يمشي على خير
اقتباس:
المشاركة الأصلية كتبت بواسطة حبل الوصل
(المشاركة 195332)
يعنى راجلك موافق على التلقيح الصناعى
|
|
| حبل الوصل |
06-06-2010 01:44 PM |
رد: تجمع حوامل ليبيا
ربي يساعدك ويصبر زوجك هههههههه ضحكتينى ياام اسيل
|
| ام اسيل |
06-06-2010 01:54 PM |
رد: تجمع حوامل ليبيا
انا تعرفت على راجلي في سنة رابعة قانون هو ضابط وجاي للجامعة يكحل في البنيات يبي يزوج المهم عمتك ام اسيل كانت ايام الرشاقة والشعيرات ناعمات ومطلوقات والحركات قضيت عليه جا يجري وانا درت جو التطنيش مع انه عجبني موت ومواصفاته زي مانبي ديما عاجبتني روحي ونبي واحد سمح واطول مني المهم طنشت وانا نقول في عقلي ان شاء مايهرب وقعد اسبوع يجي ويبهت وبعدها قعد يبي يدوي معايا وانا رافضة وفي جرتي من محاضرة لمحاضرة وبعدها غاب اسبوع وانا كليت الجيفة وندمت روحي ومعرفتش شن اندير وبعدها كلمتني صاحبتي كانت تقرا معايا ولها سنة موقفة المهم تاريتها اخته ماشي داويلها عليا ووصفني لها عرفتني وقالتله هذي صاحبتي وطبعا شكرتني بكل وزاد الراجل انهبل وقالتلي راهو قصده شريف وانا في عقلي نقول موافقة موافقة غير متحشمة نقولها وقتلها باهي نشوفه ونحكي معاه ونقرر وشفته (ومنها عشقت الوطن يااحباب) هذي قصتي وحكيتلكم اول الزواج كيف كان لكن توا والله عايشة حياتي طول وعرض نجيه ليا عصبي شوية لكن اطيب منه مافيه ومايحبش يزعلني بكل واحسن حاجة امه وخواته اطيب منهن مافيه والله خواته يحبني كيف اختهن بالزبط وما عمره صار بيناتنا زعل وحتى انا نحبهن
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Privacy Policy - copyright
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .
