|
رد: تجمع حوامل ليبيا
هو 7.3 ..... يستر الله وخلاص
دعواتكم |
رد: تجمع حوامل ليبيا
السلام عليكم شن حالكم
والله انا نبي رايكم انا قلتلكم انه نزل عليا شوية دم في يوم 19للدوره وافرزات بنيه يوم ووقف وامس الصبح نظفت الحوش قلبت اللي تحت فوق المهم بعد ماكملت نخش نعمل shower قبل مايجئ الباشا المهم لقيت افرازات بنيه ونقطه دم بعدها خلاص معاش نزل مني شئ لحد اليوم شن رايكم زعمه دوره مازال علي وقتها يومين موعدها الاحد الجاي ربي يستر متوقعه دوره معاش بنعدل |
رد: تجمع حوامل ليبيا
ربي يشفيك رد بالك علي روحك ام سعد
|
رد: تجمع حوامل ليبيا
سسسلام توا بس فضيت وروحو كل الضيوف الحمدلله جت مجموعه بيش نتريح من سريب ميمونه الضيوف عشان انا رميت..توا بنتى الكبيره نزلت مع عميمه ماانا ساكنه فوق من اهل زوجى وراجلى مازال ماروحش وبنتي الصغيره مش مهنيتنى نكتب حرفين
|
رد: تجمع حوامل ليبيا
ام سعد ماتخافيش اذا كنتى في شهرك كثرى من التمرلانه له فوائد عشان تجيبى طبيعى لانه يلين عظام الحوض ويسهل الولاده ويرفع الدم والحلبه فى الاسبوع الاخير مفيده وياريت مع الروينه لوكنتى تعرفيها مع حليب الصبح وهذا preganacareان مجربته وفعلا مفيد وانشالله ربى يسهلك ولادتك ويحفظلك الى بطنك وتتهنى بيه
|
رد: تجمع حوامل ليبيا
اختى ميمونه انحب نطمنك انا فى بنتي الثانيه كنت راميه قبلها مرتين ومشيت لدكتوره وقالتلى ما فيك شى المهم خذتنى امى لطبيبه عرب معروفه عندنا فى درنه مرستنى وقالتلى عندك غازات فى الرحم من شيل الثقل ووصفتلي علاج حتى انتى اذا كنتى مش حامل تقدرى تاخذيه الى هوا نص كيلو عسل وطنى مع ملعقه ونص زنجابيل وملعقه ونص كمون اسعد مطحون الى هولونه اسود متاع الخبزه ملعقه فى الصبح عالريق تقعدى ساعه وبعدين افطرى عادى وفى الليل ملعقه وبعدها ماتاكلى شى انكملك خذيت الوصفه وفعلآ حملت قبل مانعرف انى حامل درت حمله عالسطاح ونظفته وشلت اكياس القمامه لانه كنا نكملوا فى بنايه السطح المهم في يومها نزل عليا دم ونحسابها الدوره بس راجلى شك لان ليا مرتين راميه خذانى فى يومها ودرت التحليل وطلعت حامل عقبالك
|
رد: تجمع حوامل ليبيا
السلام عليكم
|
رد: تجمع حوامل ليبيا
تعرفوا راقدة في حوش أهلي قداش ليا معاش جيت ماجانيش النوم بكل نتقلب من جهة لثانيه سبحان الله نحس في روحي مريضه فم كبدي يحسن فيا وصداع كلكم راقدين
|
رد: تجمع حوامل ليبيا
عاشقه__وينك طمنينا يارب مانع خير
|
رد: تجمع حوامل ليبيا
صباح الخير نايضه من الفجر صليت الحمد لله بس كيف نوضت عندي تحليل إحتياطي في حوش بوي طبعا درته ودورتي موعدها غدوة المهم بعد 5 د قايق طلع خط ثاني ماتفرحوش
كملو قبل __طلع الخط وردي بس خفيف هلبه بس في زي الظل وردي تركزي بالضوء باش تشوفيه_شن رأيكم_ مع إني متوقعه مش حيصير حمل هالشهر على خاطر راجلي يحب الصغار هلبه ربي يفرحه_ |
| الساعة الآن 12:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .