|
رد: تجمع الأمهات اللاتي سيلدن بشهر *ربيع الثاني* 1433
مرحبا حبايبي والله لكووووووم وحشه مووووووووت
اخيرا مسكت لاب بيدي ههههههههههههههههه ايوشتي فديتك وربي بغيت انفقع خخخخخخخخ يوم لقيت رسالتك لمن تقولي انك عارفه اني اتابع لكم وربي كل ليله اجلس اتصفح بلجوال ومتابعه اول باول بس شسوي هلجوال جنني واليوم رحت لاهل زوجي ومصدقت القى بلغرفه لاب وكنكت ولطشتهم ريم ولموني دلع شخباركم وحشتوووني سهاد الله يسعدكي ضحكتيني يييوم قلتي اول متحرك البيبي صرختي ههههههه تخيلت شكلك باقيلي اسبوع وادخل السابع بس متوقعه حساب دكتورتي غلط احسها متاخره حبتين بس عاتي اعذروووني والله اني دايم معاكم وودي اتكلم واسولف بس زين انو جوالي يخليني اتصفح يالله عقبال ماجيب لي لاب واطفشكم |
رد: تجمع الأمهات اللاتي سيلدن بشهر *ربيع الثاني* 1433
ايوشه ودي اني افدتك من اول ماسالتي
شوفي ياقلبي انا عن نفسي لبنوتاتي مجهز كثير لانو البيبي سبحان الله يكبر بسرعه خصوصا بلاربعين انا عن نفسي اللي اكثره البربتوزات واللفات هي اللي احتاجهم كثير طبعا كنت اجيب 3 اطقم كامله مع القبعات والمريله والقفاز واللفات اجيب قطن عشان ولاداتي بصيف ولان راح نكون بداية الصيف يعني جيبي قطن وصووف والبربتوز القطن جيبي اكمام طويله وشكلي لان البيبي طول الوقت بلفه خلال ال3اشهر الاوله يعني لو جبتي لبس حلو محد ينتبه يعني لاتتعبي حالك تجيبي كثير خليها بعد الاربعين تكون كبرانه وتروحو سوا تشترو وحلو المخمل مناسب لهلوقت لانو الجو بيكون متقلب واهم شي المدس مهم انا اجيب ثنين واحد للكشخه والمسيار والثاني لاي مكان سوق مستشفى حديقه زي كذا هذا اللي يحضرني بصراحه وكل واحد وراييه انا اشوف البيبي يكبر لاتكثرو ملابس اهم شي انتو جيبو من الان لانجري وكريمات واعشاب نفاس ومشد وعطورات وميك اب هذا المهم هههههههههه |
رد: تجمع الأمهات اللاتي سيلدن بشهر *ربيع الثاني* 1433
يبنات انتو ليش متسمعون الكلام صدقوني ماااافي زي زيت الزيتووون للتشققات وربي انه سحرررررررررررر
وانا استخدمه بس والله مو مستمره كسل مني بس احط ع بطني والمفروض ع جسمي كلوووو مو شرط يوميا كل يومين حطو والا ترى لو وصلتو التاسع تنصدمووون من انواع الخرايط اللي بجسمكم فيه ناس تشققاتهم بيضه هذي زينه بس ناس تطلع حمرا ولا بنيه وذي مصيبه تشوه نصيحه كلها كم شهر وتعدي ادهنو جسمكم بزبت زيتون حتى الصدر لانه يكبر ويتشقق لاتكو الكوكو بتر وربي كلام بس جارتي طنشت الزيتون وجطت زبدة الكوكو وبطنها طلع فيها تشققات بس موووووووو كثيره شوي واحنا مانبغا يطلع نهااااائي حطو زيت زيتون للي متشققات تلحق ع نفسها وبث تعبت خخخخخخخخخ |
رد: تجمع الأمهات اللاتي سيلدن بشهر *ربيع الثاني* 1433
بنات محطيتو برنامج عنااايه لاجسامكم بنفاس من زيوت ولا كريمات
اللي عندها شي تحطه هنا عشان نستفيد نبغا نطلع بصيفيه وااااااااااو نخقق مو حالتنا حاله انا اي شي القاه بحطه اهم شي الوجه والعيووون ودي تكون صحيه سمعت عن كريم الكولاجين من ريكسول يقولو حلو للبشره نفسي اجيبه بنفاسي ايوشه ياحلوتي انتو ايش تسوون بنفاسكم اقصد لشد البطن وللبشره تنظيف يعني سمكره هههههههههه |
رد: تجمع الأمهات اللاتي سيلدن بشهر *ربيع الثاني* 1433
السلام عليكم ورحمة الله وبركـآته
لي كثير مادخلت بس كنت مراقبه لأخبـآركم وأهتمـآماتكم وبحكم الجامعه والبيت والتعب والاختبـآرات جايه في الطريق الله يعديها ع خير بس كنت مأأقدر أطول ع النت كتير طبعا أنا اليوم يعتبر اليوم الثـآلث في الشهر السابع الحمدالله الله يتمم لنـآ ع خير ويبلغنـآ الولاده في ساعه رحمه أمممم للحين ماجهزت شي ولا عارفه ايش اسوي وايش أشتري كل تفكيري كيف ح يطلع شكل النونو وكيف وزنو واشياء كتير الحمدالله طبعا سويت اشعه 3 دي بداية الخامس وقلي الدكتور انه ولد اللهم اجعله سليما معافا كامل الخلق والخلقه امس كنت عند الدكتوره وسالتها عن وزن النونو وقالت لي كيلو وانا قريت انها تقريبي مو شرط انه اكيد المهم انه في وحده من صحباتي الله يهديها قالت لي انه في اطفال يجو 5 او 6 كيلو ومن يومها الله وكيلكم ماانام الليل وسار هدا الموضوع شاغل فكري :( ان شاءالله يجي بصحه وعافيه يارب لا زياده ولا نقصان ماني عارفه أشتري اي مقاس بالزبط الحين تايني بيبي ــــــ طبعا هدا مره صغير نيو بورن ـــــ أعتقد انه تقريبا يعتبر حق شهر 0-3ـــــــــ طبعا معروف ذا المقاس محتاره في المقاس اللي أشتريه ومحتاره في العدد خايفه أجيب شي ومااستفيد منه طلبت مني الدكتوره اني أعيد أشعه الـ3 دي يارب انها تكون كويسه لانو يبو يتأكدو من القلب ماكانت واضحه حجرات القلب في البدايه لانه كان صغير ووضعيته ماكانت تسمح مع انه دقات قلبه طبيعيه وكل شي تمام الحمدالله وان شاءالله ماأكون طولت عليكم واتمنى أحد يفيدني . :) |
رد: تجمع الأمهات اللاتي سيلدن بشهر *ربيع الثاني* 1433
((ريووووومة))
ننتظر القائمة اللي كتبتيها عشان نستفيد يالغلا^ــــــــ^ ((سارة)) بلاش الكسل لسى بدري علية نبي تحمسينا اكثر فديتك.. هلا والله ((ام جنى)) الله يسعدك يالغالية عسكري عند اهل زوجك عشان تنورينا بطلتك ياعسل والله استفدت كثير بمعلوماتك وصدق ما اشوف احد كتب عن الاهتمامات الشخصية وه بس كل فرحتنا بالنونو نسينا انفسنا راح ابحث وانزل موضوع وكل وحدة عندها معلومة تسدحها هنا .. واهم حاجة خلونا نتبادل الافكار والعادات ((كيفية شد البطن))بحكم اننا من كذا دولة اكيد في عادات تجيب نتيجة والله اني شايلة هم كرشتي واللي عندها شغالة تسالها ترو الاندنوسيات سمعت انهم يصلحوا طريقة تمسح البطن مسح.. ((سحاب)) الله يعينك يالغالية اجر ان شاء الله واحسن صلحي مثل ما قالوا البنات والله انهم ماقصروا يعني اهم شي لا تكثري لانه زي ما يقولوا يكبر بسرعة انا ماعندي خلفية بس بشتري اغراض بسيطة جدا وع قولة ام جنى بشتري اكثر شي البربتوزات واللفات لانة بيظل باللفة اكثر وقتة.. وسلامتكم... |
رد: تجمع الأمهات اللاتي سيلدن بشهر *ربيع الثاني* 1433
ههههههههههه رجعت اركض جمعت لكم كذا معلومة عن شد البطن بعد الولادة
اكثرهم يقولوا الرياضة حلوة بس انا عن نفسي متاكدة ماراح امارسها هههههههه وبخصوص سر جمال كروش الاندنوسيات بحثت فالنت عن هالسر يقولوا اكثرهم انهم يستخدموا يوميا 2ملعقة زنجبيل بودرة وليمونتين والله اعلم يابنات هالخلطة استخدمتها اختي لما كانت توها والدة ببنتها نظفت لها بطنها في فترة بسيطططططططة جدا بس ما استمرت عليها وانا قبل شوي ابحث بالنت لقيت اغلبية البنات يمدحوها لشد الكرش وتنظيف البطن راح اكتب لكم مكوناتها وان شاء الله اجربها بولادتي .... معلقة زنجبيل ومعلقة شاي اخضر ومعلقة كمون وعليهم كوب ماء مغلي وشربة علي الريق ممتاز بينزل الكرش مكان الحمل وبينظف البطن مكان الولادة ويا حلوات لقيت هالخلطة يقولوا انها خلطة بنات اوربا وسر رشاقة كروشهم ـــ عني بصراحة اول مرة اسمع فيها لكن بحطها هنا للي حابة تستفيد وشكلها مامنها ضرر المقادير 2 ملعقة كبيرة من اى كريم للجلد 3 ملاعق جلسرين 3ملاعق زيت زيتون قليل من ماء الورد نصف ليمونة. الطريقة: توضع في زجاجة وترج جيدا ثم يوضع إناء به ماء مغلي وتوضع به الزجاجة ثم يأخذ منها في راحة اليد ويدلك بة الثدى فى شكل دائرى والبطن والإرداف ويترك ساعة ثم يغسل بالماء الدافئ والصابون تكرر هذه العملية15 يوم وسوف ترين النتيجة بنفسك و الوصفة هذي يستعملها نساء أوروبا ام جنى هذي الخلطة لعيونك ياقمر (((((استخدامي أكياس الشاي الباردة او كمادات البابونج الباردة فهي تزيل الاحتقان الذي يسبب بدوره الجيوب. اذا كنت تريدين اراحة عينك المتعبتين امنحيهما حماما بالماء البارد او الشاي المثلج او بالتناوب بين كمادات ساخنة ثم باردة لتنشيط الدورة الدموية))) يارب افدتكم بالبسيط والله انا عن نفسي استفدت وتحمست اجربها hwaml53 يلا كروشااااات تفاعلوا كل وحدة تقول تجاربهم وعاداتهم نبي نستفيد .......hwaml29 |
رد: تجمع الأمهات اللاتي سيلدن بشهر *ربيع الثاني* 1433
سحاب
انا اليوم هوا اليوم العاشر من السابع بس مافهمت ايش هيا أشعة 3 دي اللي قلتيها هي نفس السونار انا قالت لي الدكتورة بنت ان شاء الله وزن الطفل كمان قالت لي كيلو وقالت انو كويس بالنسبة لبداية السابع اما صاحبتك هذي 5 او 6 ههههههههههه الله يهديها و اللي اعرفه انو افضل وزن عند الولادة 3 ونص |
رد: تجمع الأمهات اللاتي سيلدن بشهر *ربيع الثاني* 1433
سحاب ههههههههههه اووووما 5 6 كيلوووووووووو
وزن البيبي تبعك كثير حلو ومناسب جدا الوزن الطبيعي للبيبي اغلب الناس يجيبو من 2ونص الى 3 ونص وقليل 4 عني انا اجيب نقط ههههههههههه والاول 2و400 والثاني 2و300 بس ماشاءالله بعد فتره يكبرون بسرعه وتزيد اوزانهم يصيرون مربربين ودك تاكلينهم هههههههههههههههه مرسي خالص ياسهاد معلومات قيمه خسااااره اهل زوجي بكره رايحه احنا طلعنا نغير جو خميس وجمعه بس بس الله يفرجها |
رد: تجمع الأمهات اللاتي سيلدن بشهر *ربيع الثاني* 1433
بنات عندي طريقه لشد البطن فيه عضوه هنا بلمنتدى الله يجزاها خير كتبتها لنا وعلمتنا الطريقه وربي حلووووه الطريقه وتحمس بس نسيت وين مكانها
بس انتو روحو للعم قوقل واكتبو بزبط هالعنوان وتطلع لكم وارسلتلي ع الخاص الاغراض كيف شكلها ..<<طريقه رهيبه لشد البطن بالاربعين ادخلي ولن تندمي>> واذا نفسكم تعرفون شكل الاغراض زين ارسلكم ع الخاص اللي ارسلتلي ايااااه |
| الساعة الآن 03:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .