|
رد: تجمع حــوامل التوائم
حبيبتي الوجع جاء فجاه ونفس الطفل الواحد في التعب والولاده والراس اكيدوجع كبيررررررررررررر
|
رد: تجمع حوامل التوائم
الف الف الف الف الف مبروووووووووك احمر الورد يتربون بعزك انتي وزوجك واسمااهم حلوه ربي يحفظهم
ممكن طلب منك انتي والبنات ادعولي اكون حامل بتؤااااام تكفووووووون |
رد: تجمع حــوامل التوائم
صباح الورد لاحلى وردات حوامل
الله يصبحكم بكل خير وسرور وعافيه وسعااااده لاتزول حبيت اسلم عليكم ولاتنسون اذكار الصباح والاستغفار والذكر سبحان الله والحمدالله ولا اله الا الله والله اكبر لا اله الا انت سبحانك اني كنت من الظالمين استغفرالله الذي لا اله الا هو الحي القيوم واتوب اليه |
رد: تجمع حوامل التوائم
اقتباس:
خرعتيني والله بس اكيد بكره بروح لدكتوره ثانيه اكييد والله يستر |
رد: تجمع حــوامل التوائم
ندى
ربي يوفقك maha8181 بسم الله عليك ماكان قصدي اخرعك بس ان شاء الله انه بترتفع عندك اذا حرصتي وانا ابيك تاخذين الاحتياط اختي الكبيره اذا حملت وصل دمها تسعه تصرف لها الدكتوره ابر وهي حامل بواحد لكن الشمندر يرفع نسبته اذا تبين طبيعي |
رد: تجمع حوامل التوائم
اقتباس:
انا مادري اش فيني مع اني مربيه مرتين طبيعي قبل بس خايفه هالمرة عشان توأم الله كريم خواتي مب لازم نخاف لازم نوكل امرنا لله سبحانه وتعالى وما نفكر هو وحده المسهل قال تعالى:( ومن يتوكل على الله فهو حسبه) |
رد: تجمع حــوامل التوائم
اي والله محجبه كلاكمك صحيح خصوصا اني بموت من الوحام ولا اشتهي اشوف او اشم الاكل
درجة ان زوجي يبيني اكل وداني للمطعم وانا اكلت من هنا وبعدها قعدت نص ساعه بحمام المطعم والله عيوني بغت تطلع من مكانها من الترجيع وهو مسكين قعد ياكل لحاله وانا كارهه الاكل وريحته وشكله وانا من اول ما احب اللحم والدجاج وصراحه حيييييل خايفه بسالكم الحين ما اقدر اعرف اوزان البيبيات زين ولا لسه بدري |
رد: تجمع حوامل التوائم
توام روحي
شلونك شلون الصغار طمنينا ترانا على اعصابنا ننتظر ردك وعسى مافيهم مشاكل ربي يخليهم لك |
رد: تجمع حــوامل التوائم
بنات ..\\
ادعولي انا في نص الثامن .. والرحم بنات مفتوح 3 سم والدكتور شال الربط وعطوني ابرة الرئة خايفة حيل ويقول احتمال الولادة الفجر بنات منو صارلها نفسي . تكفون دشو طمنوني . |
رد: تجمع حــوامل التوائم
السلام عليكم بنات مشكورين على السؤال انا الحمد لله بخير
بالنسبه للولادة كانت طبيعي حسيت بعوار قوي و انا بالجناح غي المستشفى و ناديت السستر سوت لي تخطيط طلق وقالت للدكتور قال الدكتور روحي جناح الولادة يعطونج شي يوقف الطلق وترجعين الجناح. رحت و فحصتني الدكتوره و قالت مفتوحه 4 سم و بعدها يابو جهاز السونار لقو الولد راسه تحت و البنت معترضه. اخذت ابرة الظهر لأن العوار ذبحني و خفت من القيصريه طبعاً كان فيه 4 دكاتره تقريبا و ممرضتين والحمد لله مع المحاولات طلع الولد و البنت شافوها بالسونار و عدلوا وضعها و طلعت بعد نصف ساعه تقريباً بعدها انا غبت عن الوعي بس اذكر قعدوني عشان المشيمه وكانو مشيمتين يعني مثل اربع ولادات بس الحمدلله مع ابرة الظهر ما حسيت الا بعد ما راح تأثيرها طلع عوار كل شي يوم صعدوني الجناح بعدما صحيت و قالوا شوفي الاطفال العصر في قسم الاطفال الخدج. رحت شفتهم بالكرسي المتحرك طبعا اهم في العنايه المركزة قالت الدكتوره ادعي لهم حجمهم وايد صغير و لاتسأليني عن الوزن الحين لأنهم راح يكشون اكثر بسبب المغذي و البنت عندها نزيف بس ما يدرون من وين و محتاجه نقل دم وما لقوا لها دم في بنك الدم و فصيلة دمهم غير عن فصيلة دمي و دم ابوهم. انا و زوجي فصيلة دمناa+ وهم a- و بعدها بيوم قالوا وقف النزيف و حالتهم مستقره والله كريم انا قمت اتحاشى الدكاتره كلامهم يخرع الصراحه كل يوم اروح لهم اقرى عليهم وادعيلهم والله كريم. وانتو بعد لا تنسوني بدعائكم وراح اوافيكم بالأخبار بس سامحوني نفسيتي وايد تعبانه و جسمي تعبان احس ما ارتحت كل يوم اروح المستشفى بس الحمدلله على كل حال |
| الساعة الآن 03:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .