رد: حبيباتى سيدات ليبيا تفضلو لأعرف ما حالكم
 

وتوة سلام ........

نشوفكم علي خير ياحبيبات

رد: حبيباتى سيدات ليبيا تفضلو لأعرف ما حالكم
 

السلام عليكم ورحم الله وبركاته



صبــاحوووو عســل

رد: حبيباتى سيدات ليبيا تفضلو لأعرف ما حالكم
 

امس كنت تعبانه اشويااات هضا ياعزيزاتي اول امس جتني الدورة بعد غياب شهر ونص وتوقيف الحبوب

وطبعا مغص وجو شين لدرجة درت خلطات لاول مــره,,

الخلطة لي منزلتيها ياشمووسه في منتدي الدورة وخلطة وحده اخري تنظف الرحم ..

بجد حسيتها متكدسه بعد غياب وماتبيش تنزل ف التجئت لهالحل..



عموما امس مش لدرجة التعب لي خلاص منها بس هكي نفسيتي ومش متحملة بنة المطبخ جو وحام هههه


عموما زوجي الغالي دار الفطور والغدا .. وخصيصا ان كان احد عطله

دار حويتات في السيلفر بالكوشه وشرمولة طايبه ههههههه وقالي سقع عليك ليااا زمااااااااان اصلا ماشفتها خخخخخخ

وعصير طبيعي وتغدينا ونعسنا ..

وبم ان ف مراخ من القروب جايبه اوليد وهدية الوليد لي طلبتها ع نت جت وكانت فراش العاب ..


وزوجي مكلمه ان بنجوا هالايام قلت خل نمشي وخلاص ف العشيه


خصيصا ان الحجاج جوا امــــــــــــس


وتبيلهم مشيات ..

ف ماحبيتش يكثرن عليا المشاوير وبسسس

رد: حبيباتى سيدات ليبيا تفضلو لأعرف ما حالكم
 

وفي واحد من سبها ازوج .. وقالو وصل هالايام

هو كان هنا وباته اصر ان يزوج خايف عليه وهكي وان مايردش والجو هذا..




قالتلي المراة الجايبه امس ان جتها العروس قبلي بيوم وقالتلها وصلنا من يومين ..




عموما زوجي اقترح عليا ان نعزموهم وانا رحبت جدآ بالفكرة ..




واحتمال يوم الجمعه قالي .. اليوم بيقوله





وفكرت انديرلهم عصبــان وبطاطا مبطنه وشيش وتشكيلة سلاطات حلوة ..

والوجبه محتاره بين رز بالخلطه وشعيريه بالخلطه..



والاكثر مكرونه بالخلطه



نحس فيهم مايعرفوهش واااجد عرب سبها وبعض مناطق الغرب

لان اصحاب زوجي عجبتهم وقالوا اول مرة نشوفوها لي ف مناطق هذه




ف انحب اندير لضيوفي حاجة جديدة ف الوجبة نوعا ما ..




والعروووس قلت نعطيها هدية ساااعه الحق شاريتها لروحي قبل

هي فضية بالموووف راقية بكل وقاعده ف علبتها ومسكرة مافتحتهش بكل



لاني مالبستهش بكل


عندي ساعه فضيه ناعمة ماركة بوووس جايبتها م ليبيا نلبس فيها حتي مع الموف حاليآ ... مرتاحتلها اكثر





وذاتس ات

رد: حبيباتى سيدات ليبيا تفضلو لأعرف ما حالكم
 

سوسو البيجامات لي مرة حكيت عليهم في اول الخريف .. قلت شريت بيجامات حوش تشكيلة وانوااع مابين البسيطات وكلاسكيات .. قتيلي صوريهن ..

وحتي انك علقتي لو انتقلنا كيف بنديرولها الدبش وهكي خخخخخخخخخ كيف صار جاك الزهااايمر...؟؟





ويوم الرمي هذا يجو فيه هل العريس للعروس ويجيبوا الكسوة والدبش والذهب

والعروس يغطولها وجهها ..برداء


وبعد يشتوا والجوا هذا ويعدوا تحول العروس غطاها



ومايطولوش واجد هل العريس بالكثير نص ساعه






وقبل مايجوا تكون حفله في ليدير فيها حتي ف صاله توا .. بس هي عادة في خيمة او بسيطة في الحوض


وقعدت تعرف بالحنه الصغيره توااااااااااا ... بعد تطورت الامور وقعدت جيبة الدبش ف الصاله ومايجوش هل العريس يعني


يقعد مشترك ف الصاله حنه وزفه




بس قاعده الحفله باسم الحنه الصغيره



وتلبس فيها العروس عادةة عبايه خليجيه وفيه لي تمكيج بسيط وفيه لي طالقه الشيانه وداسه شعرها وحنتها ههههه


عن نفسي ما اقتنعتش بكل بطلفة الشيانه هذه هههههههه


في حنتي الصغيره .. لبسته عباية طرفين كويتيه يقولولها ملكية

فوشي في السماوي الداكن .. ومطرزه بالذهبي و الفضي ..


وطلقت شعري ع طوله ومكيجت عادي جدآ .. وسندرت ههههههههه


صندرت معناها جلست ف كرسي العروس للعلم .. لو مافهمتيهش يعني



وكان عشا كسكو بالتقليه ( البصله) وبطاطا مبطنه وشيش وسلاطات وطرف مصران (عصبان)


داروهن في اطباق السيلفر هلي اختصارا للحوسه مع مشروب راني ...


ووزعوا علبة حلويات مع نسكافيه وبرضه اكواب ورق


هذا قبل العشا

ومع العشا حفاظة موزه وتفاحه ومنديل معطر وشيشه امية صغيره في طبق مغلف كل وحده يعطوها علبه




وقبل مايروحوا وزعوا عليهن



علبه فيه شمعة علي هيئة صدفه واللؤلوة لي فيها شمعه وع هيئة لؤلؤه صدفه .. بم انها ليلة حنه( ع اسا حنيت نا يعني ههههههه الغالي مايحبهش)


وكيسه فيه اشوية حنه ومعاها عطريه صغيره متاع 3 مل ..

وهذه كانت فكرة ماما ربي يحفظهاااا ..

وعادة مايدوروش فيها عندنا واااجد هالحاجه او مايديروش فيها بكل


وطبعا علبة خاصه للاطفال الحلوين وفيها كل مايحبوا ..


اه نسيت الشوكلاته وزعناها اول ماتجي الضيفه تاخد طرف وكانت كبيره اقل من كف اليد بشوي ومغلفه بشاش وورد مذهب لامع فيه لمسه يعني والورد بداخله ملبس وكل طرف شوكولاته معاه 3 ملبس






وهذه كانت حنتي الصغيره وحفلتها



ان شاء الله تكوني فهمتي الفكره

رد: حبيباتى سيدات ليبيا تفضلو لأعرف ما حالكم
 

المرمرة تعني الرخامه




واكيد الروايات ورق افضل وافضل لكن الله غالب منين بنحصلهم اذا كان زمان صاحبتي تجيبلي فيهم نقرااا ونردلها

بم ان خواتها الكبار بكل كانن عندهن من ايام الثمانينات


اذا كان قبل عشر سنين وماحصلتهن ف بنغازي يابال توا؟؟

رد: حبيباتى سيدات ليبيا تفضلو لأعرف ما حالكم
 

اوشي نيو لوك حسيتك... درتي

ماشاء الله اكيد حتطلعي نجمة السهره ...


شموسه الوانك حلوات لورق الحائط وبتديري جهه وحده بس؟؟؟ ف كل دار؟؟

لاني في شقتي درت الحائط الحجري ف مايمشيش معاه ..

بس بنديره ف غرفة نوم والعيال .. ان شاء الله



والمطبخ ماشاء الله روووعه ..


كنت نبيه هكي مفتوح ع صاله .. خصيصا موقع مطبخي جاي استراتيجي هههه

بس زوجي ماحبش الفكره الحق ..hwaml9


وقعد يقولي بنة الطبخ تطلع وجو هذا

قتله مع شفااط الغاز والشفاطه الاساسيه والحق قالي به


حتي بعد كان بناي يبني في جهة هذكي اتصل بياااا وقالي كيف تبيه لاخر لحظه غيرت رأأيي



بس ان شاء الله في حوش العمر حيكون مفتوح ع فكره مانحبش كلمة بااار خخخخخخ

وحنديروه في جهة متركنه بعيد عن الاماكن الحيويه بالمنزل



وتسكني بالهنا ياااارب وان شاء الله عتبة خير

رد: حبيباتى سيدات ليبيا تفضلو لأعرف ما حالكم
 

السلام عليكم ورحمه الله وبركاته


كيف حالكم اليوم

رد: حبيباتى سيدات ليبيا تفضلو لأعرف ما حالكم
 

وعليكم السلام

مرحبا جيجي شخبارك واخبار الحمل..

رد: حبيباتى سيدات ليبيا تفضلو لأعرف ما حالكم
 

الله يبارك فيكم

اليوم اختي عندها لمه تانيه لمتاعينا

بس والله ماقادره كيف كلمتني تسال عليا وتبيني انجي وحتي عزوزتي مش عارفه تمشي او لا مع انها ماعندها شئ

امس في الليل تعب هلبه اتصلت بدكتورتي قالتلي امشي قيسي ضغطك ولو منخفظ خودي علي طول تغديه

بس ممشيتش خفت انعطل وراجلي تاعب مع انه مسكين قالي وعاود نوضي هيا

توه الحمد لله احسن ولو روح بكري بنمشي انراجع

والحمد لله علي كل حال