منتديات حوامل النسائية - 【ツ】أحلى تجمع لأحلى حوامل التوائم 【ツ】 ‏الجزء الثالث

مساء الخير
الف مبروك للي ولدوا
وعقبال البقيه
أشكر كل من رد علي ورحب بتواجدي بينكم
الله يقومكم بالسلامه
الحمل بتؤام متعب والحمد لله
أول شيء الثقل وغير قلة النوم والانتفاخ بالجسم
انا أخر شهر قبل اولد بأسبوعين صرت أحك جسمي بشكل مو طبيعي
حتى ما صار يجبني نوم وزوجي يهديني حتى أهدي من الحك لكن بغيت أموت
كل وقت وبكل مكان ولما رحت العيادة خبرتني عندي حساسية حمل واعطتني أبرة الرئه كانت مثل النار دخلت بجسمي وظلت تسهرني طول الليل كأن جمره

والحمد لله
طبعاً قصة ولادتي بالنسبة لي ممتعه وبنفس الوقت تخوف لأن روسهم كانت تحت وكنت خايفه من الولادة بالطبيعي لأن أول حمل لكن الحمد لله بالتشجيع أجتزتها وولدت طبيعي
إللي تحب تقرا قصة ولادتي بتاريخ 19/09/2010م هذي هي والسموحه طولت عليكم

اقتباس:

مساء الخير كروشات أكيد تنتظروا الاكشن

يعطيكم الف عافيه وحشتوني كثير
الحمد لله انا ولدت الاحد الماضي
طبعاً يوم السبت الماضي كان عندي موعد وخلاص الدكتوره حددت لي موعد الثلاثاء حتي ينوموني ويعملون لي طلق صناعي بالاربعاء
وجلست خايفه كثير من الطلق الصناعي ورجعت البيت وانا ادعي ربي ان تجيني الاوجاع بدون طلق وقبل بكم يوم بديت امشي واحس اني مره اطفح انا وامشي
طبعا فجر الاحد وانا صاحيه اصلي الفجر حست بالالم في منطقة الرحم كانها الالم دوره وبعد الالم في الظهر
قلت اتوكل على الله واصلي
ودخلت الحمام الله يكرمكم وحست نزل لي ماي خفيف

بعدها توضيت وجلست اصلي وقريت سورة مريم وانا اوصل للسجده سجدت وجلست وحست الماي بدا ينزل واقول لزوجي أنا خلاص احس اني بولد اليوم والالم زاد بالظهر والبطن
وعلى طول لبس ورحنا المستشفى واخذت شنطتي وشنطة البيبات ورحنا المستشفى وبالطريق الماي ينزل بقوه والالم يزيد
اول ما وصلت عملوا لي تخطيط قلب الجنين وتضايقت منه لانه كان يضغط علي والالم يزيد كان الساعه 6 الصبح تقريبا وبعدها دخلوني بغرفه حتى يشوفوا الرحم كم راح ينفتح لكن جلست امشي بالممر رايحه وراجعه والالم يزيد بالتدريج وزوجي يشوف علي ويكلمني عشان اكون قويه وانا الالم كل ما امشي يزيد وجلست على المشي حاولي ربع ساعه واكثر وبعدها حست انه بيغمى علي رحت على طول بالسرير
ونمت والالم يزيد وبعدها قاسوا لي الرحم وكان مفتوح 3 وحولوني لغرفه الولادة وهناك بدت المعاناه حسيت اني بموت من الالم يهدا ويزيد والله شعور ما ينوصف ربي يسهل عليكم
كل ما زاد الالم حطوا لي الاوكسجين حتى اتنفس
بس حاولوا تاخذوا نفس عميق حتى ترتاحوا وحاولوا ما تصارخوا ابد حتى ما يزيد الضغط الحمد لله انا كنت ما اصارخ بس اتالم بصوت واطي
وجلست على هذاك الوضع واعطوني ابره تهدي الالم لكن تساعد على فتح الرحم
وبعدها خبرتني الدكتوره ان الرحم انفتح 8 والدور علي اني اساعد نفسي حتى اعمل بوووووووووووووووش
ويا الله من الالم سبحان الله لما جات الساعه 5 ونص العصر بديت اولد وحست نفسي بموت والحمد لله طلعت بنتي الاولى وبعدها ب4 دقايق طلعت الثانيه وكانت روسهم تحت والحمد لله عشان كذا كانت ولادتي طبيعيه ولله الحمد

ولدت وارتحت واحمد ربي انه سهل علي وادعي ربي يسهل عليكم

كانت ولادتي بالاسبوع 36 و5 ايام والحمد لله رب العالمين

جبت احلى بنوتين ادعوا ربي ريحفظهم لي من كل شر ويمتنوا وتزيد اوزانهم
الحمد لله ما احتاجوا للحضانه لان وحده وزنها 2 وثلاثمائه والثانيه 2 ومائتين

أشكر ربي واحمد شفتهم وراح كل الالم لما شفتهم وتطمن قلبي

طبعا سميت الاولى
سندس والثانية أستبرق

معنى الاسماء
الحرير الخفيف والحرير الغليط
دعواتكم ليهم بالصحه والعافيه

بالنسبة لي عندي مشكله بإرضاعهم احس الحليب ما يكفيهم فاضطر أعطيهم صناعي مع بعد ما ارضعهم طبيعي لأنهم صغار يا عمري

طبعا السموحه طولت عليكم وهذي هي قصتي

وبدخل بيوم ثاني الحين بطلع عنكم لأني أشتقت بناتي
كثير قلبي كله معهم لما ابتعد شوي اشتاق لهم

بنات انا ما مداني اقرا اخباركم طمنوني عليكم ومن ولد قبلي

حزن الزمان ـ محجبه والبنات جميع طمنوني عليكم
بلييييييييييييز بدخل بيوم غير بس عشان الوقت والنت مو عندي