|
رد: حبيباتى سيدات ليبيا تفضلو لأعرف ما حالكم
اقتباس:
وعموما أني من نفس مدينتك من الخمس جيران يعني hwaml7 وربي يسهل ولادتك وتكون طبيعية وينوضك أنتي ومولودك بالف سلامة |
رد: حبيباتى سيدات ليبيا تفضلو لأعرف ما حالكم
اقتباس:
أولا بنتي قاعدة صغيرة وصعب عليا لأني نتوحم هلبة ونتعب وراجلي بره من الصبح لليل من بيها بنتي بالله وتانيا دراسة زوجي الحق تشحور معاي هلبة الحمل الأول ماشيين جايين عالمستشفي ومرات يغيب ويقعد يرد في باله مني فلهذا توا نبيه يركز في قريتة ونكملو فيسع ونروحو عييت من الوحدة والكساد |
رد: حبيباتى سيدات ليبيا تفضلو لأعرف ما حالكم
السلام عليكم صباحكم ورد وفل
|
رد: حبيباتى سيدات ليبيا تفضلو لأعرف ما حالكم
كيف حالكم اليوم جميعا
|
رد: حبيباتى سيدات ليبيا تفضلو لأعرف ما حالكم
عيوني بيتسكرو خلااص وتعبانة نحس في روحي
لأني اليوم درت رياضة لمدة ساعة قبل عادي منتعبش منها لأني متعودة عليها شبه يوميا لكن وقفت في شهر رمضان علشان الصيام والعطش وتوا حسيت روحي خذيت علي قلتها كاني أول مرة وطبعا أني الحمد لله مش سمينة ولا شي لكن نلعب فيها علشان نحافظ علي جسمي هكي وناكل اي شي براحتي علشان تقعد عندي لياقة ديما وجسمي مشدود ونشيطة |
رد: حبيباتى سيدات ليبيا تفضلو لأعرف ما حالكم
وديما نركز علي تمارين البطن
لأنه بعد الحمل والولادة مستحيييل تولي زي قبل حتي تنقص لكن يقعد فيها شوي فقلت منركز عليها حتي تنشد ونحافظ علي شكلها حتي للاحمال التانية |
رد: حبيباتى سيدات ليبيا تفضلو لأعرف ما حالكم
الباين ماناض حد منكم
نستادن منرقد سلامات |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
اهئ اهئ الولي نوضتني بترضع من 7 ونا طبعي بعد تنوض وترضع وتبكي وتنق معش نغرف نرقد مع انها رقدت هي توااا ومصدعه |
رد: حبيباتى سيدات ليبيا تفضلو لأعرف ما حالكم
هديه تعالي نا نضت
|
رد: حبيباتى سيدات ليبيا تفضلو لأعرف ما حالكم
8 ونص عندي توا وفي ليبيا 9 ونص نوضن ياكسولات..
ان شاء الله ربي يرزقن كلكلن بعياطة كيف الولي هههههههههه تحملن كلكن خاطي الحوامل |
رد: حبيباتى سيدات ليبيا تفضلو لأعرف ما حالكم
ماشاء الله هديه نشجعك ع تمارين البطن وبقوووة
نحن ليبيات مكارين وكسكو وجو رز وطبايخ هههه يعني بطن بطن حتي بلا جيااااب ويابال جياب ورا الرجاله كلهم ما يحبوها البطن ... استمري استمري جو تشجيع هههه |
رد: حبيباتى سيدات ليبيا تفضلو لأعرف ما حالكم
اقتباس:
بنتها فاحت لعندي هنا جت هههههه عادة ف اللحديقه لي جنبنا في جزء خاص بالشواء بس اكيد مش كيف ماتشوي في هوااا الجبل وشحات عاده وصحيحتين |
رد: حبيباتى سيدات ليبيا تفضلو لأعرف ما حالكم
اقتباس:
حتي اخر مرة دخلتي ععلقت واجد ... وان شاء الله تجيبي طبيعي كيف ماتمني...\ وتنوضي اصحيحه يارب |
رد: حبيباتى سيدات ليبيا تفضلو لأعرف ما حالكم
اقتباس:
اهلين جنودة ان شاء الله حاله حيقعد افضل معاهم زوجك شكله التهابه قووووي ... اسأليني نا لاني عانيت منها فتلرة الطفوله لعند ثاني ثانوي وبعدها الحمدلله... بجد جدي وجديدتي الله يرحهمهم دارولي طب عرب اللي هو العسل بالعنبره مبشوره ا واجديدتي تطبخلي في دحيه ساخنه مرتين باليوم ترشلي عليهن عمبره وزعتير... وكثريله من الشاهي الاخضر بالليم ... بس كل مايقعدن افضل هذينا الجهاز المناعي الاول في الجسم زي الفلتر ...هنااا مش كنت صغيره لكن هبلت الدكاتره ف جرتي ههههه متمسكه بهن ماحولتهنش لاني قاريه نا وفي ثانيه ابتدائي في مجله طبيبك انعهن مهمات وهك و و .... توا تقولي كيف تقرا وهي ف 2 ابتدائي ههههه بس كانت عندي موهبه ّّّّّ خشيت ف موضوع اخر |
رد: حبيباتى سيدات ليبيا تفضلو لأعرف ما حالكم
اقتباس:
يحلي ايامك حبيبتي .. |
رد: حبيباتى سيدات ليبيا تفضلو لأعرف ما حالكم
اقتباس:
اهلين حبيبتي امولـــه..... ان شاء الله اخبارك تمام اليوم؟ واستعمتعت فعلآ بالمشوار..كان ملتقي من اغلب مناطق ليبيا بس في نقص في الجهه الشرقيه ... عمومآ نظامنا يختلف كليا عليكن نحن لا بطاقات لاشئ... اول ماطلعنا عطو زوجي بعد وصلنا طرابلس 11 الف باوند مايعادل 24 الف ليبي... وهذينا ع اساس تمشي بهن امورك اول شهر والجو هضــآ.. اكبر عائله طالعه حصل 18 الف باوند طبعا عشان من زليتين وكان قريب شال معاه 6 بسسسسسس وصرف الباقي طلعنه 25 الف ديتار وحطهن بالمصرف هههه وعائلته 10 انفــآر... وطبعا نظامنا توا راتب ينزل شهريا ونحن تقريبا 4 الا ف باوند راتبنا وكل حاجه ندفعوها منه الاجار والجو كله متاع الغاز والميه والضي وبقيه الضرائب وديما شوبنق فالحق ماوفرنش شي بس هنا الشركات النفطيه يسسدن عليكم عادة اكيد... توا يدفعوهن عليكم ه 20 الف دولار اكيد وتصدقي يا اموله في اللمه في ناس ماشاء الله حسيتهم يوفروا ومدبرين امورهم وفي ناس احرف منا طلعوا ههههههه سافروا حتي السفر برا هههه |
رد: حبيباتى سيدات ليبيا تفضلو لأعرف ما حالكم
ع المهم عشان عندنا التأشيره البريطانيه نقدروا انخشوا اي مكان بأوروبا والامارات والسعوديه
ومعانا 2 واحد ومرته من الزاويه وواحد ومرته من زليتين عارفين وين مسافرين؟؟؟؟؟؟؟؟؟؟؟؟؟؟؟ فكــــــــــــــــــروا اشويــــــــــــــة ؟؟؟؟؟؟ فكــــرن ماشين الي........... الي الي مش قتلكن فكرن ههههه |
رد: حبيباتى سيدات ليبيا تفضلو لأعرف ما حالكم
ماشين للسعـــــــــــــــــــوديـــة ,,,,,,,,,,,,,,, بيحجـــوا ماشاء الله
بم انها هنا لا قرعه لاشئ ومنحتنا كويسه ............. وهذه اللي عنده عادة يديرها في بريطانيا هنا لانها اسهل من ليبيا بس هم صغار ف السن .. وصبايهم ديما لبس وتدهوير وشوبنق مع بعض بس كويسات طلعن امس حكن مع مقالبهن ...ايامات الفندق عشان ماعندهنش لغه انجليزيه طروح وجو ضحك م الاخير |
رد: حبيباتى سيدات ليبيا تفضلو لأعرف ما حالكم
وفي وحده من غريان ع عطلة نهايه السنه بيعدوا تركيا
|
رد: حبيباتى سيدات ليبيا تفضلو لأعرف ما حالكم
تي نحن خاطرنا نعدوا اسكتلندا بس قريبه جنبنا وضمن المملكه المتحده هههههه بس الويله ربي يحفظهم مقيدينا اشوي
|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم اليوم
ام نوزه ربي يسر ولادتك يااااااارب واتجيبي طبيعي ام فراس نوزه كتباتك انك اسألتي عليها بس الاملاء غلط قالت انخش من الاي باد حتي انا كتبتني جيري هههه |
رد: حبيباتى سيدات ليبيا تفضلو لأعرف ما حالكم
المزينه امتاعي مش فاضيه الخميس مش عارفه كيف بندير شكلي بنفوت العرس وخلاص
او بنمشي لوحده في حوشها مكياجها روووعه بس زحمه وراجلي يروح موخر صعب كان عندي نصيب في المشيه تو نمشي اليوم كنت بنمشي نستشور وانمكيج اختي اللي شهرها عنده سهريه بس ماصارش قالتلي بنمشي توه للغداء وخلاص فاحتمال نمشي للسوق بنكمل اثات حوشي وحوايج بنوتاتي الزوز مع ان الخريفي مازال منزلش وبناخد سرير لرنوده جديد وسهرات دار النوم خاطري انغيرهم وتريا وسط الحوش بنغيرها وتحف كهربائيه وووووو كتبت قائمه طويله عريضه ان شاء الله ربي ايوفقني في الختيار الحلو والاهم السريييييييع من غير حوسه المطبخ سرفيز وسفر ومتارد وووووووووو ربي يسر الامور |
رد: حبيباتى سيدات ليبيا تفضلو لأعرف ما حالكم
اليوم رقدت بعد الفجر قبل حتي ميروح راجلي من الجامع تعباااااانه وفتت البحر مع ان متفقين نمشوا اليوم
بس يلا فيها خيره |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم كلكم |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
http://forum.hwaml.com/t267404.html
اللي تحب تشارك بالمسابقه..وفكرتها وهي عبارة عن قصة تشاركينا بها ، مررتِ بها ، أو سمعتها ، أو حتى قرأتي عنها .. لمن طال بها الانتظار والشوق الى تحقيق حلم الامومة .. وبعد طول الصبر ومرارة الانتظار ... كان اليسر بعد العسر ..وبشرها الرحمن الرحيم بالفرج والذرية الطيبة .. http://forum.hwaml.com/imgcache2/hwa...999968_870.gif لتكون بشرى خير ونبراس أمل لكل المنتظرات بأذن الله تعالى .. |
رد: حبيباتى سيدات ليبيا تفضلو لأعرف ما حالكم
اللهـــم اني بلغـــت
|
رد: حبيباتى سيدات ليبيا تفضلو لأعرف ما حالكم
المســـآبقة هذه نتمني تشـــآرك فيها اثـــري ... بأسلوبها العدب اكيد حتكون بشري خير لكل منظره..بأذن الله
اثري به به شاركي عشان خاطري ههههه |
رد: حبيباتى سيدات ليبيا تفضلو لأعرف ما حالكم
اقتباس:
لاا يقعد خاطرك فيه لعند ماتجيبي... اي حاجه خاطرك فيها او تبي تمشيلها ديريها حي عليك را توعر ولادتك خخخخخ كلام مش منطقي بس بديت نقتنع بكلام عزايزنا |
رد: حبيباتى سيدات ليبيا تفضلو لأعرف ما حالكم
اهلا سوسو شخبارك
وشن صار ف عزمتك ووداع السوريين |
رد: حبيباتى سيدات ليبيا تفضلو لأعرف ما حالكم
وين رحتن؟..
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
هل اسنان طفلي اللبنية مهمة لكي احافظ عليها؟؟
مازال الكثير من الناس يعتقدون بان الاسنان اللبنية للانسان ليست مهمة وانها ستتغير عاجلا ام اجلا فماالمغزى من علاجها!! ان الاسنان اللبنية لدى اطفالنا لها اهمية كبرى وهي اساس الاسنان الدائمة, ولذلك يجب علينا المحافظة عليها لتبقى بصورة سليمة حتى تنتهي فترة وجودها,و اهمية ر الاسنان اللبنية يتلخص فيما يلي: هي مسؤولة عن توجيه الاسنان الدائمة لمواقعها الصحيحة.... * تساعد في نمو الوجه والفكين وكذلك تؤثر في النمو الطولي للوجه وشكله. * تساعد في التغذية والهضم الجيد للطعام وذلك بالمضغ الجيد له. * الاسنان اللبنية الصحية والخالية من التسوس تكون بيئة صحية للاسنان الدائمة. ان المشاكل التي تحدث للاسنان اللبنية ربما تؤدي الى مشاكل اخرى للاسنان الدائمة، ومثال على ذلك مايلي: * الاصابات للاسنان اللبنية الامامية يمكن ان تسبب اضطرابات في لون، شكل او حجم الاسنان الدائمة الامامية. * الاسنان اللبنية الامامية تبقى حتى سن 5 الى 6 سنوات ولكن الاسنان الخلفية تبقى مدة اطول ربما حتى سن 10 او 12 سنة, اذا كانت هذه الاسنان مصابة بالتسوس، هذا سوف يتسبب بالعدوى لبقية الاسنان الدائمة الموجودة في تلك الفترة. اذا كانت السن اللبنية مصابة بتعفن بسبب التسوس او جذر السن مصاب بخراج صديدي، هذا التعفن او الخراج ربما يؤثر على السن الدائمة التي لم تظهر بعد. * عند خلع السن اللبنية في وقت مبكر بدلا من تنظيفها وحشوها والمحافظة عليها، ربما يؤدي ذلك لاضطرابات في عملية نمو الاسنان الدائمة والفكين مما يؤدي ذلك في بعض الحالات الى الحاجة لعمل تقويم للاسنان في المستقبل وهذا كما هو معروف عملية مكلفة ماديا وطويلة من حيث الزمن, في بعض الحالات يمكن التخفيف او الاستغناء عن عملية تقويم الاسنان وذلك بوضع جهاز في الفم يعمل على المحافظة على الفراغات التي حدثت بسبب الخلع الاضطراري المبكر. * في عمر ست سنوات تظهر اول سن دائمة لدى الطفل وهذه السن ليست امامية كما يعتقد البعض ولكن هي سن من الاسنان الخلفية وهو الضرس الاخير في الفك, هذا الضرس يظهر من غير ان يكون بديلا لاحد الاضراس اللبنية وبذلك يكون مجموعة الاسنان في هذه المرحلة من العمر 24 سناً بدلا من 20, انه من المهم جدا ان تكون الاضراس اللبنية سليمة وصحية وتكون في موقعها الصحي قبل ظهور الضرس الدائم عند عمر ست سنوات حتى ينمو في موقعه الصحيح في الفك لانه يعتبر احدى القواعد المهمة لشكل الاسنان في الفك. ومما سبق ذكره يتضح لنا مدى اهمية الاسنان اللبنية واهمية المحافظة عليها، كما لايخفى على الجميع ان الاسنان سواء اللبنية او الدائمة لها اهمية جمالية وهي عنوان صحتك ونظافتك. |
رد: حبيباتى سيدات ليبيا تفضلو لأعرف ما حالكم
به معناها ســــــــــــلآم
|
رد: حبيباتى سيدات ليبيا تفضلو لأعرف ما حالكم
فروووووووسة تعالى
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
عندى هلللبة حكى نبى نهدرز عليكم
البارح كانت ليلتى متعبة ريم تبكى وخلاص يانااارى ليه فترة شهور رقبتها تحسس حااااالة تحك فيه قريب تقطعها والحق ماعاينهاش لأن يمشويجى وتوقعت انه بس لما تاكل حاجة ويسيح على رقبتها يزيد المهم البارح عياط يانارى وتحكيها جانى راجلى الفجر قال خلاص اليوكم بإذن الله نعاينوها ونمشو للبحر وحمود حتى هو يعيط أمس قرصاته نحلة فى خشمه وحااااااااله صابح العيون عينه مصكرة وبس |
| الساعة الآن 05:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .