|
رد: دردشة بنات العراق, دردشة حوامل العراق , تجمع بنات العراق
كلي زوجي شكالج كتله هيج كلي زوجي تخبل بس ميعرف شيتصرف كتله شوف اني يمكن من كنت صغيرة اخر مرة اهلي غلطو عليه يمكن بالابتداي احنا معدنا هيج شي وابوك هسه زودها وهو غلطان من ساسه لراسه كل الموضوع هو مله علاقة بي لا المطبخ ولا اني كلت عليه كذاب وهسه يغلط عليه لهنا وبس انتهت ويه ابوك
ابوك ميستحق الخدمة وميقدر اي جميل اقدمه اله وحتى الجميل الي انت تسويه اله هم ميقدره وسوه من الحبة كبة وما قدر كل هذا تعبي ومسمعني اي كلمة طيبة جاي يحاسبني ع توافه هو مله علاقة بيها وفوكاتها يغلط عليه لالالالالا بعد لا اداريه ولا اسويله لان بكل الاحوال اني مو زينة واتخبلت اتهسترت والله كل الونسه طلعها من خشمنا وكمت ابجي واملخ بشعري وزوجي حاضني ويسكت بي |
رد: دردشة بنات العراق, دردشة حوامل العراق , تجمع بنات العراق
هلو بنات
الله يسااااااااااااااااعدج زينب |
رد: دردشة بنات العراق, دردشة حوامل العراق , تجمع بنات العراق
كال زوجي شتريدين اسوي اني مستعد كتله اريد ترد اعتباري وتلزم ابوك وتفهمه بطريقة او اخرى مله علاقه بيه بعد وميتجاوز عليه وحجيت كومة بهالصدد وزوجي وافق كال من نرجع
المشكلة هسه شنو زوجي ديحاول يهداني ويتقرب مني ويبوسني ويحضني بس يريدني اسكت ومدااسكت بس ابجي واحجي وخايفة هالموضوع ياثر ع علاقتي بزوجي واني ادري زوجي مقابل عالصار وراح يحجي ويه ابوه بس ماادري نفرته لزوجي وكتله اني خايفه هالشي ياثر ع علاقتنا كال اني مياثر عليه لان احبج وانتي مغلطانة كال انتي ليش ياثر كتله اخاف يسوي فجوة بيني وبينك بنات زوجي يحبني ويريد يرد اعتباري بس اني داانفره وخايفه ساعدوني مااريد هذايهجم بيتي |
رد: دردشة بنات العراق, دردشة حوامل العراق , تجمع بنات العراق
وانتي من اهل الخير فله
|
رد: دردشة بنات العراق, دردشة حوامل العراق , تجمع بنات العراق
وانتي من اهل الخير فله
اسفة طولت عليكم بس صدكوني اني بغربة ونفسيتي تعبانه مااتحمل هلكد هالمرة هذا هيج يحجي ويايه ما الي غير الله وغيركم اريد كل وحدة تنطيني رايها من تدخل..لتبخلون عليه بالنصيحة |
رد: دردشة بنات العراق, دردشة حوامل العراق , تجمع بنات العراق
يلا بنات اصبحون ع خير جميعا وانتظركم الصبح انشالله
|
رد: دردشة بنات العراق, دردشة حوامل العراق , تجمع بنات العراق
اهلين زينب اشلونج مشتاقه لج
فتحت المنتدى ونصدمت بخبارج وحالتج اجى عمج ودمر حياتج انا بشوف ام الزوج الي اتسوي هالحركات مو العكس الاب وهذا مطور وعايش بلندن المفروض افري حياته وعيشته بس الطبع متاصل بعروقهم هالعجايز ههههههه حبيبتي هو صدك الغلطان واهم شي زوجج واكف بصفج ونا اكول لتزعلين زوجج وتخربين حياتكم على ابوه ولا اهله لانه هذا طبعهم من تسكنين معاهم ابيت واحد هذا انتي جربتيه يومين من وصل اشلون لو على طول خخخ الله لا يكولهاا انسي الموضوع وكانو مصار واهم شي زوجج وزوجج اعتذر منج نيابه عن ابوه بس لتجبريه يرد ابوه اعتباره لج لو تبقين زعلانه لانه هذا مهما يكون ابوه وميكدر يطول لسانه عليه او يلزمه بشي لو نسيتي انو الاهل مهما غلطو علينا منزعل منهم ومنطول صوتنا عليهم صدك نضايق من تصرفهم بس نجاهل الموقف ونمشيه هو عليه يفهم ابوه الموقف وطبعا الاب لا تتوقعين يفهم غير الي ابراسه فطنشيه ما كانج تسمعيه سوي الي اكدرين عليه بلبيت واذا تعبانه اشتري الاكل من بره لانه صدك تعب عليج صارت عايله كلها عليج ولا تحتكين فيه اكثير حاولي يا مطبخ يا غرفتج يا بره البيت وخل يحجي لانه راح يحجي كلام وسوالف فلايام الجايه فلانه مواقت اتحملي وزوجج لشافج متحمله ابوه وصابره يحبج اكثرر ويحس انج صابره علموده وبس يمشي ابووه راح يعوضج هلاياام التعيسه الي شفتيهاا واذا على كلمت مو مرابيه ومتحترمين راح تسمعيها اهوايه من بيت الزوج بس كل واحد ويعرف تربيته انتى كولي لزوجج بتناسى الموضوع لانه ابوك ولاني احبك وفهميه بطريقتج وكم يوم راح يبقى وهو اساسا ليش جاي دبي وظاهر اشتاق لزوجته ومنقهر منكم ههههه وزوجت حماج بعد غلطانه المفروض تساعدج بطبخ حتى وهي جالسه ماكو عذر ولشافت شي اتغسله او تنظفه لانه مو كله عليج الشغل الله يساعدج على هلاياام وهلضيووف قبلاتي لج |
رد: دردشة بنات العراق, دردشة حوامل العراق , تجمع بنات العراق
صباح الخيررررررررررررررررررررررررر
اليوم تراب اجيت اشوفكم واروح انظف البيت صاير صحراء اهئ اهئ انوب هاي جم يوم ارتاحيت من كماشه واليوم راح تجي ويربي خايفه هيا كلما اتروح لبيت بتها تجيني شترتي الطلايب شرايه شوفي زنوبه والله قهرتيني وذكرتيني بكماشتي شوفي انا كالت على مو مربايه ومنافقه وجذابه وانواع الالقاب والله والله مره عمه زوجي اجت وانا جنت كاعده سئلت جنت بعد بنونه مصايره عندي كالت مصار عندكم شي حجت كماشه حجايه ماحجيت بيها لليوم فشرت علي كالت وين هاي الفكر ام ك ------ اليابس وانا كمت وانقهرت وبجيت وماكلت لازوجي ولا احد بس امي وهسه كتلكم وانا استحي احجي من هذا الحجي يعني حتى امي وصلت المعلومه بغير اسلوب لان مااكدر انطقها ومره بعشره محرم جنت حامل باخر حمل وزوجي راح لكربلاء واختي اجت تساعدني هيا تتخبل اذا شافت احد من اهلي يجي وكامت تتحجج كالت احنه مو زين ومعيشيج غيرنه اسبوع ويطلكوج كتله ليش شنو نقصي وسخه خايسه مو ام بيت لو مو شريفه جان تصيح الحكوني تغلط علي اتكول انتي مو شريفه واختي تحاجيها تكله مو عليج وهيا تصيح اليوم الم الناس عليج وكامت تدعي علي وعلى حملي اتكول فرحانه حبله طلعت غيرانه شلون حملت ومن اجه زوجي كامت تصيح تعال الحك غلطت علي وسبتني ووووووووووووووووووووو افترت علي حجي وتحلف بالقران وبالحسين بان انا هيج كلت وحجي هواي لو اريد اكتبها يرادلي ساعه ووراي تنظيف يعني المختصر هما ذول كبارنه الناس تكبر تتقرب لرب العالمين يغفر ذنوبها احنه يكبر يزيد ذنوبه علاقتي بزوجتي هو بلبدايه ماانطه بيه كدام امه وكال بان انا مااحجي هيج بس من كعدنه وحدنه يكلي شلون هيج تحجين خبلني وبجيت وتهسرت وبقيت يوم كامل بدون اكل ومااشتهي وانوب اجه ويكلي تعالي راضي امي انا كمت وكلت لوجه الله تعالى وراضيتها وبستها وهيا شايله خشمها علي شوفي انا لحد هسه ماخلصت من حجيها يوميه اسمع لقب وحجي وحتى كرايبها تخابرني تكول كماشه تكول ايمان باكت مليون من فلوسي واسكت لان الحجي وياها بدون نفع اتركيه واخدميه قربه لله تعالى والله لا يضيع تعبنا وها من طرحت تضحك تكول شارتي شورت بيها ومن رجعت من المستشفى حتى حمدلله على السلامه مكالت لي وزوجي يشوف ويغلس ويدري بامه ماتنجرع بس امه شيسوي اتحملي ويارب يروح اليوم قبل باجر وتخلصين منه الله لايوفق كل شراني وكل مؤذي انا حجيت قصه حياتي من حركه كلبي والله حركتي كلبي الله يصبرج ويعينج ويارب يارب يعوضنا بالولد الي يكسر عيونهم لان انا فرحانه مادامني ماحملت الها امل ابنها يتزوج تكول النسوان بمليونين ماعندك مليونين هاي امنيتها يارب لاتحقق اوووووووووووووف ولج من الصبح هيجتيني خل اروح انظف قبل لا تجي وتوريني النبي عربي |
رد: دردشة بنات العراق, دردشة حوامل العراق , تجمع بنات العراق
هلا رحوبه انورت واشرقت بشوفتج شلونج حبيبتي
باقي البنات شلونكم وحده وحده بدون اسامي |
رد: دردشة بنات العراق, دردشة حوامل العراق , تجمع بنات العراق
صباح الخييير بنااااااااات شلونكم انشالله الجميع بخيير
تسلمون حبايب رحوبة وامونة ع ردودكم وتفاعلكم ويايه واسفة جدا جدا منج امونة لان هيجت مواجعج والله لا يوفق كل واحد يحب يجرح الناس بكلماته الواطية والدنيئة اني تفاجات بانه طول لسانه عليه وهيج كالي لان احنا ماعدنا هيج يعني ابويه عمره ممطول لسانه ع نسوان اخواني ولا سامعة احد من اقاربنه يسوي هيج هسه تفاجات بهالشي من هذا ومن كماشة ورحاب تكلي شبعي هيج حجي بس الي اكللكمياه اذا احنا نسكت ونسمحلهم ونمرر عليهم اول مرة تصير تتكرر واحنا مو معدنا اهل ..قسما بالله العلي العظيم لوما زوجي واكف ويايه وحباب جان اوصلها لاهلي لان اشكال سمعت من عمي وغلست بس لهنا وبسسسسسسسسسس زوجي هو الواقف بعيني وعمي طلع ميغزر بي والله بنته مداريه مثلي من يجي يمي بس اني بعد لا اداريه ولا شي بس مجرد اطبخ للجميع واحط الاكل للجميع اي مداراة خاصة ماكو لان ميقدر ..من ارجع اداريه يسويني مكفخة يكوم كلما يضوج يطلع حركته بي وع ابو اني ماازعل واغلس بس هسه خليعرف قيمتي لان اني بتت بيت وبت اوادم مو جايه من وره البقر لوتشوفون زوجي هو المقهرني البارحة اني نايمة وغافية بنص الليل وهو كلما يفز يبوسني وطلع الصبح يبوسني ويحضني بس يريد يخفف عني ويحتضني باي طريقة ...واني هم احبه ومااكدر ااذيه اكثر لان هو بطريقة واخرى يريد يرضيني اذا انفره راح يضوج مني ويلتجأ لابوه |
| الساعة الآن 08:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .