منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

dr.loly 10-26-2013 05:44 PM

رد: حبيباتى سيدات ليبيا تفضلو لأعرف ما حالكم
 
اوشي هذه سلاطه بسيطة وطعمتها حلووة

هي انك تديري مكعبات بطاطا وبادنجال مكعبات مقلية .. وبعد يصفن كويس من الزيت

تضيفي لهن مكعبات طماطم وزيتون مقطع لونين اسود واخضر .. وجبنة تشيدر مقطعة مربعات..


وتحطي ع نار هكي نصف طماطم مبشورة وفصين ثوم مهروسات مع رشة كسبر ورشة شبت ..الشبت يضيف نكهة رهيبه ويمكن الاستغناء عنه عادي .. خلاص تاخدي الخلطه هذه وماتكونش واجد وتضيفيها للمزيج وتخلطي..



طبعا لاضافه رونق اكثر تقدري تضيفيلها رشة مفروم ..


وتزين باللوز المقلي ..

وعادة نخلط فيها نا باللوز ونزين فيها باللوز الخزايني ( الجووووز)


مع لمسة خطوط بسيط بالمايونز من فوق وبشرة جزر ع الاجناااب ووردات الليمون لتعطي للطبق لمسة جماليه




وهذه السلاطه من ابتكااااري ولا تخلو منها عزايم ام فرووووووسي

dr.loly 10-26-2013 05:47 PM

رد: حبيباتى سيدات ليبيا تفضلو لأعرف ما حالكم
 
وفي سلاطة نحبها برضة هي سلاطة العدس والجزر ..

هي انك تطبخي كمية عدس وجزر وثوم وتصفيهن كويس من الميه وتحطيهن ف ست البيت

لازم يكون الناتج ثقيل اشويه ... وبعدها اتضيفي هريسه عربيه حسب ماتحبي وتخلطيها بها ,,\





وهالسلاطه كانت ضمن سلاطات حفل تخرجــي ,,, وهي من ابتكار خالتي

dr.loly 10-26-2013 05:52 PM

رد: حبيباتى سيدات ليبيا تفضلو لأعرف ما حالكم
 
سلاطة جبنة بوك ..


وهي من اختراعي أيضآ



وهذي نذكرهااا ديما في اول ايام زواجي ههههه

حتي للسلاطات ذكري عندي خخخخخخخخخ


مش عارفه ليش نزلت عليها اول ايام زواجي بجد؟؟



وهي ببساطة انك تقلي مكعبات باذنجـــال وبعد يصفن ويجفن كويس من الزيـــت..

تضيفي لهن تقلية الطماطم


بعد تخلطيع ع النار .. مكعبات طماطم وقرن فلفل وثوم مهروووس ورشة شبت وبهارات وخصيصا كمون حوت هو لي يضفي نكهة رهيبه ... خلاص تجي تاخد هالخلطه وتخلطي بهالبادنجال ,,,


وبعدها تضيفي مقدار بسيط من جبنة بوووك ...


ومرات اندير فيها بجبنة مالحه ..






وهالسلطة درتها في فرح سلفي ... يوم الزفة عندهم بعد قالولي نبو نوع سلطة

ونذكر يومها كرهت قلي البادنجال خخخخخخ خصيصا كنت حامل بفروسا باخر السادس ومنفخه وحركتي ثقيله



بس الحق عجبتهم بكــل ,,,

dr.loly 10-26-2013 05:53 PM

رد: حبيباتى سيدات ليبيا تفضلو لأعرف ما حالكم
 
اوشي بالنسبة لاول سلاطة تقدري تفحميها تضيفي لها فحمه يعني


تعطي نكهة ولا ارووووع


وتقعد سلطة ملكية

dr.loly 10-26-2013 05:54 PM

رد: حبيباتى سيدات ليبيا تفضلو لأعرف ما حالكم
 
وفي سلطات اخري بالبقوليات وسلطة المكرونه الملونه ,,

اما سيزاار وكول سلو اكيد تعرفيهن ..




والتبووووله راهي لها طله أنيقه ف المناسبات حتي هي ..


ومن عشااااااااااقها نا ...

dr.loly 10-26-2013 05:55 PM

رد: حبيباتى سيدات ليبيا تفضلو لأعرف ما حالكم
 
بنات حبيت انفيدكن بهالطريقه ...
http://forum.hwaml.com/t276233.html#post3470675

هدية الخالق 10-26-2013 07:11 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته
شن أخبار الجميع ليكم وحشة
والله مش عارفة خيرني هالأيام نحس في روحي مش على بعضي
متعبتني سوما شوية الله يهديها المشكلة كلهم اهلي او زوجي لما نحكيلهم على مواقفها يقولولي عادي وانتي مبالغة هلبة ممكن لاني جديدة عالأمومة ومش متعودة على فكرة إني مسوؤلة على عيل صغير
تعبت الصراحة نحس في روحي نبي فترة استجمام يوم عالأقل نسترد فيه قواي وتتعدل نفسيتي شوية والله إمبارح لين قعدت نبكي لما هي تبكي نتوتر نحس في اكتافي وظهري متشنجات لما هيا تبكي والله نستنى في أمي أمتى تجي تشدها عليا شوية المشكلة ممكن تتعطل جيتهم شوية لانه راجلي قال على اساس قبل بيحصلوا سوبر فيزا تطلع في اسبوعين لكن لقاها صعبة شوية ومايصيرش منها توا مش عارفة امتى تطلعلهم الفيزا العادية أقل شي تبي أربعين يوم ربي يسهل وخلاص

أم أجنادين 80 10-26-2013 08:50 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته

صباح الخيرات

ماشاء الله امتة كتبتوه هدا

لي عودة لفضفضة وللتعليق علي كل الردود

لاننا بنطلعوا بعد شوية وعندي امتحان يوم الاثنين بصراحة عليا ضغط مش عادي

هذه صورة لحجرة الصلاة في المعهد اللي نقرا فيه

عجبتني اللقطة رغم انهم مش مسلمين والله تفاجات بالتجهيزات اللي فيها

حلوة الفكرة

https://scontent-a-lax.xx.fbcdn.net/...15708191_n.jpg

https://scontent-b-lax.xx.fbcdn.net/...32850503_n.jpg

https://scontent-b-lax.xx.fbcdn.net/...90516828_n.jpg

https://scontent-a-lax.xx.fbcdn.net/...92829917_n.jpg

أم أجنادين 80 10-26-2013 08:53 PM

رد: حبيباتى سيدات ليبيا تفضلو لأعرف ما حالكم
 
اوشي ان شاء الله راح نفيدك بهلبة سلاطات

وماشاء الله الخبيرة ام فراس ماقصرت

ماشاء الله عجبوني راح ناخدهم عندي ونديرهم

شموسة ياغالية ان شاء الله اخبارك كويسة

وباقي البنات كلكم سامحوني لو ماسالت علي الكل

في امان الله سلامات

sosolibya 10-26-2013 09:21 PM

رد: حبيباتى سيدات ليبيا تفضلو لأعرف ما حالكم
 
السلام عليكم

كأني سمعتكم تتشكو من الكساد اكيييد هذا في غيابي هههه

كيف حالكم على قولة الشراقة راااايفت عليكن بجد


ومانعلقش عليكم يافروسة عيب عليك ههههههه


الساعة الآن 07:47 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .