|
رد: ديوانية البحرين - دردشة حوامل البحرين - البحرينيات
اقتباس:
ومثل ماقلتين في الحديد ولا في العبيد وبعدين كل شيء يهون يارب تدخلين التاسع وتولدين بالحلويين بأحسن صحة وسلامة ويارب قدمهم الخير والرزق الوفير عليكم والله يرزقكم بسيارة أحسن منها حاولي تطلعيين صدقات على طول مابنساش من دعائي وإنتين بعد على طول طمنينه عنش يالغالية |
رد: ديوانية البحرين - دردشة حوامل البحرين - البحرينيات
السلام عليكم
شخباركم ام علي: هلا وغلا فيش وحياش ويانه وان شاء الله نكون فال خير عليش ام امل يا هلا وغلا ان شاء الله صرتين اشوه الحين من الالم اللي تحسينه؟ بنت الايادويد هلا وينكم هالغطه كلكم مره وحده غطيتون بس زين اللي رجعتون بالسلامه حروف عاشقه تصدقين فز قلبي ماعليش شر واسم الله عليش وعلى اليهال من كل مكروه طلعي صدقه باستمرار واقري آية الكرسي والمعوذات يوميا وانفخيهم عليش بالاضافه الى قول الله اكبر كلما تشوفين هالمره كبري في ويهها والله يكفيش شرها ويكفينا وياش شر الحاسدين اني يختي عندي ناس من قرايبي هالكيني من المطالع والحين يوم دروا عن حملي طاحنين عمري والستار الله منهم باجر بيكبر بطني وتعالي للتشبيهات والحجي منهم ويم اللي اولد ان شاء الله بالسلامه خايفه على البيبي منهم بس ربش الحافظ والكريم روووز ويش صاير عفر ما تطبين عدلي جهازش لو اشتري غيره عفر خخخخ شمس وينش ماتبينين عسى المانع خير فلونه شخبارش؟ على طاري الشباصه اني اذا ربي قومني بالسلامه ويى جنيني باخذها وبخليها في البوم القمر ويى كل شي يخصه حنين شخبارش ان شاء الله بخير ام خليل هلا والله بالطش والرش اني يختي ماعرفتيني راعية وسواس من الزين حسبالش اني اشتريته مني والدرب حققت ويى راعية الموضوع اللي حطت عنه تحقيق كامل وهي محذره من شراء اوميغا3 يحتوي على فيتامين أ لان يسبب تشوهات للبيبي ووقفته لان يسبب لي حموضه ودقات قلبي تصير زلزال من الحموضه فتركته وبالنسبه للحفله اشتري في كارت بلانش دراعات يهبلون وفيه دراعه كانها فستان تقدرين تشترين وبالمبارك للمعاريس احلام ام طلاتش اشوفها خفت علينا من قطعتنا ام عايشه عساها ان شاء الله بخير |
رد: ديوانية البحرين - دردشة حوامل البحرين - البحرينيات
طفلي حياتي
باروح أوايق جان فيه شي عدل عندهم.. عن الاوميغا 3 اني افكر هاليومين اروح الصيدلية اسايلهم عن نوع زين وباخذ، اللي عندي خفت اخذه لانه مكتوب عليه اسالي الطبيب قبل الاستخدام.. |
رد: ديوانية البحرين - دردشة حوامل البحرين - البحرينيات
هلا ام خليل
اني اليوم اخذت وحده الحين توني لان الشيء اللي موزين تاخذينه على يووع واني قمت اكل وانسى اخذه مباشره عقب ما ينفرم الاكل ابلع وحده واحترقت معدتي حراق فأحسن طريقه انش تبلعينها مباشره بعد الاكل او اثناء الاكل وبالتوفيق ان شاء الله |
رد: ديوانية البحرين - دردشة حوامل البحرين - البحرينيات
طفلي حياتي وام خليل شلونكم؟
ام خليل يعني شنو أوايق؟ اوميغا مال شنو ليش تشربونه؟ |
رد: ديوانية البحرين - دردشة حوامل البحرين - البحرينيات
بروح ارقد تعبانه حدي
|
رد: ديوانية البحرين - دردشة حوامل البحرين - البحرينيات
مـــــــــــلل وضلوعي تعورني وايد ماقدر اعطس ولا اقدر اكح فيني الم قوي :(
صج الحمال تعب |
رد: ديوانية البحرين - دردشة حوامل البحرين - البحرينيات
اقتباس:
إنتين ويش أخبارش أحسش كأنش أني من الوسواس من أشوف ردودش أقول هيكي في وحدة أزيد مني يختيي الظروف إللي أمر بها قاهرة ،سفر زوجي ووحشتي بروحي وياليهال في البيت وفريقنا صخة ولاحد يدخل يشوف أحد لا أطلع ولاأشوف عتبة الباب ومسؤوليتهم بروحي والمدارس وتعب الحمال ربي يثبته ويطمني علية ،النفسية دمار أدخل أقرأ أخباركم وليين ليي خلق كتبت رد وقمت |
رد: ديوانية البحرين - دردشة حوامل البحرين - البحرينيات
شخباركم وحشتوني
ومشكورين على السؤال وما تقصرون الايام اللي طافت الصحة زفت صار عندي شد ومن قوته صاارت اريولي صوب البطه ازرق ما اقدر حتى امشي وفوق هذا الم الظهر دابحني يجيني الم مثل الطلق ودوار من نقص الدم كل على بعض وايد تعبانه احس حتى نفسيتي كلش وامتحانات بعد يعني ما في راحه قلت ادخل اشوف اخباركم واطمئن عليكم حروف ما تشوفين شر في الحديد ولا فيكم والله يعوضكم بدل السيارة بأفضل منها اخليكم تعبت بروح اريح شوي تصبحون على خير |
رد: ديوانية البحرين - دردشة حوامل البحرين - البحرينيات
ما تشوفين شر شموسه
|
رد: ديوانية البحرين - دردشة حوامل البحرين - البحرينيات
ماعليج شر شمس والله يعينج على المسؤولية هذي كلها ، الفتاة شخبارج من عقب الرقدة هههههههه ، رقدي الحين شبعي عدل ترى من الثامن بتنسين شي اسمه نوم انا ساعات ودي اصيح لاني دايخه حدي بس ماقدر انام على الجهتين فأتم قاعدة وارقد حالتي كلش صعبه والالم الي يصيدني والثقل كله صوب اليسار حالتي حاله
|
رد: ديوانية البحرين - دردشة حوامل البحرين - البحرينيات
طفلي حياتي
اللي عندي هيكو امريكي واطالعه مثل ماقلت لش مكتوب للحوامل استشارة الطبيب قبل. سايلت دكتورة المركز ماعرفت له قالت لي ما انصحش تاخذينه، واللي عندي امريكي ومكتوب عليه استشارة الطبيب في حالة الحمل. اوهوووووووو ماصار جانس بعد اروح الصيدلية اشوف واحد يناسب الحوامل. ايه صحي مكتوب على اللي عندش انه الحامل تاخذه عادي؟ وترى مكتوب عليه انه تاخذينه عباره مع الوجبه علشان جذي يوم تاخرتين غربل معدتش. الفتاة الذهبية ههههههه أوايق يعني أطل :) واقراص اوميغا3 هي زيت السمك وله فوايد وااااااايد وللحامل يخلي الجنين يصير ذكي وفطين ماشاءالله.. شوفي هالروابط تتكلم عنه http://ar.wikipedia.org/wiki/%D8%A3%D9%88%D9%85%D9%8A%D8%AC%D8%A7_3 http://forum.hawaaworld.com/showthread.php?t=1824760 واكتبي في قول عنه وايد مواضيع تتكلم عنه وعن فوايده. اني كنت اخذه قبل الحمل للشعر والبشرة وصفته لي دكتورة سميرة المتروك (دكتورة جلديه) ومن حملت وقفته وتوني من فترة دريت انه زين لذكاء الطفل فابي اخذه بس ماصار جانس اروح الصيدلية اخذ نوع ثاني غير اللي عندي، لانه اللي عندي مكتوب عليه استشارة الطبيب قبل الاستخدام فخفت اخذه. أحلام أم هونيها وتهون والله يعدي الايام على خير ويرد ليكم بالسلامه ان شاءالله شمس الصباح ماتشوفين شر كله بأجره ان شاءالله |
رد: ديوانية البحرين - دردشة حوامل البحرين - البحرينيات
شخباركم ؟؟
هلا بـ"طفلي حياتي".. الحمدلله بخير ,, بفضل دعواتكم ,, ومشكورة على سؤالش عني |
رد: ديوانية البحرين - دردشة حوامل البحرين - البحرينيات
السلام عليكم حبايبي
اليوم كان عندي تحليل سكري ابو اربع مرات طلعت روحي وعلى آخر شيء حسيت روحي خلاص مافيني طاقة ياااارب يطلع مافيني سكري وافتك حروف واني اقرأ ردش قلبي وقف وربي الشاهد الحمدلله في الحديد ولا فيكم طلعي صدقة على طول وفي ادعية خاصة وأحراز عن العين اقريهم على طول راح تحصلينهم في القوقل شموسة واخيراً طمنتينا عليش عسى ربي يخفف عنش هالآلام ويعطيش الصحة والعافية عشان ادرسين ولادش مساكين بنت الاياويد حبيبتي الله يكون في عونش شكله حالتش متعبة عن جد اهم شيء النوم وانتي بعد تروحين الجامعة ربي يكون في عونش ويقومش بالسلامة ياااارب فتوت وانتي من اصير عليش الطباخ ادزين في جبدهم سمج صافي وعيش ابيضhwaml02 صيري نفسي يومية طبخة سنعة بس عاد مو اني اله اطبخها اروح بيت ابوي يومية اتغدىhwaml02 طفلي حياتي مشكورة حبيبتي على السؤال اني بخير دامكم بخير ربي يحميش من عين الحساد ويحفظ ليش البيبي ان شاءالله ام خليل وفجورة وام امل واحلام ام شخباركم حبايبي؟؟؟ بنوتة حلوة وام حماني وام عائشة وروز وفرح عمري مايبينون هالايام؟؟ ياااارب يكونون بخير صحيح فلونة حمدلله على سلامة اختش ذكرتيني يوم ولدت اختي قبل جم شهر ما كانت شايلتني الارض ما كنت ابي ارجع شقتي كنت كله ابي اكون بيت ابوي الله يخلي لكم وعقبال مايجي ولد أو بنت خالته عما قريب ان شاءالله |
رد: ديوانية البحرين - دردشة حوامل البحرين - البحرينيات
هلا بيش حنونة ...
إن شاء الله تطلع نتيجة السكر إيجابية .. الله يعينش .. للحين ما نسيت التعب النفسي الأكثر من الجسدي |
رد: ديوانية البحرين - دردشة حوامل البحرين - البحرينيات
هلا بنات
اني اسبوع الياي يوم لاحد موعدي بو 4 مرات وخايفه من الابر لان ايدي الثانيه مايبين العرق وبتصير بس ايد وحده يسحبون منها وحازبه حدي |
رد: ديوانية البحرين - دردشة حوامل البحرين - البحرينيات
ما عليج شر حنين
ايي ،، احين زوجي رايح الشغل يقول لي تبين تروحين بيت ابووج قلت له باجر ابي اروح من الصبح hwaml02 خبرج اول بيبي يصير في بيتنا،، الله يحفظه |
رد: ديوانية البحرين - دردشة حوامل البحرين - البحرينيات
تركي عنج الخوف والله بيسهل الامور ، ماتدرين ساعات تكون اهناك دكتورة شاطرة في هالسوالف انا بعد عروق يدي ماتبين وايد خذوا من معصم يدي يوم حق نتيجة الحمل الله ايسر امورج بس اهم شي انج ماتخافين ترى ماتألم الابرة كلش عادية
|
رد: ديوانية البحرين - دردشة حوامل البحرين - البحرينيات
فلونه لو منج اروح من الليلة ، الله يخليه لكم اياه حلو البيت الي في ياهل عقبالج ان شاء الله ويصير ثاني حفيد
|
رد: ديوانية البحرين - دردشة حوامل البحرين - البحرينيات
من المعصمممممممممممممممممممم ما يألم ؟؟
اذا ما يألم بقول ليهم مايصير 4 مرات من ايد وحده اهيء اهيء اهيء |
رد: ديوانية البحرين - دردشة حوامل البحرين - البحرينيات
اقتباس:
لو مكانش وبيتنا فيه ياهل صغير الجو روعه جان ما افوت الروحه بس يا الله قعدي بروحش في شقتش وهناك الياهل ويو ويوhwaml02 |
رد: ديوانية البحرين - دردشة حوامل البحرين - البحرينيات
طفلي ،، لو على كيفي جان مارجعت شقتي
بس يبي ياخذني الصبح الساعة ست hwaml03 شيقومني عاد هالحزة انا اهني وكل ساعة اتصل شاسوي |
رد: ديوانية البحرين - دردشة حوامل البحرين - البحرينيات
هههههههههه يعني مابتروحين الصبح عفر قولي الظهر عقب الغدا خخخخخخخ
اذا الصبح بياخذش المفروض يخليش عن لا تضطرين تقعدين بروحش وتروحين الصبح جني سويتها فزوره بس اعتقد فهمتين قصدي هيهيهيهيهي |
رد: ديوانية البحرين - دردشة حوامل البحرين - البحرينيات
طفلي حياتي
على طاري الاوميغا 3 اليوم وحده ويانا عندها صناعه ايرانية وجربته في كاس الفلين،،، ماصار فيه شي عفر مو زين يختش اللي عندها |
رد: ديوانية البحرين - دردشة حوامل البحرين - البحرينيات
هلا ام خليل
يمكن خلت حبه وحده صغيره في ماي وايد؟؟؟؟؟ انزين ريحته ويش تشوفه اذا زين باخذ منه ايراني افضل |
رد: ديوانية البحرين - دردشة حوامل البحرين - البحرينيات
اقصد افضل من ناحية استخدام الجل اللي يغلفون به الزيت الجيلاتين اني سألت شرعا قالو انتين مو متأكده مال ويش ماله داعي تحكمين على حرمته
|
رد: ديوانية البحرين - دردشة حوامل البحرين - البحرينيات
طفلي،، اتصدقين قريت كلامج اكثر من ثلاث مرات
ومافهمت شي << مفهية لا بس انا الصبح ابي اروح اتريق بعصيدة واجوف الياهل يسبحوونه ،، والبسه :p احبهم الي توهم مولوديين |
رد: ديوانية البحرين - دردشة حوامل البحرين - البحرينيات
انتين تقولين ريلش بياخذش الساعه 666666666666666666666
ليش ما تنامين الليله وتقعدين الصبح تاكلين العصيده ويش فايدة قعدتش بروحش الحين وهو في الشغل ؟؟؟؟ يعني الصبح اذا له نيه يوديش ماله داعي يفكر ياخذش اذا وداش الحين فهمتين هع ما اصلح مدرسه ماعرف اوصل المعلومه |
رد: ديوانية البحرين - دردشة حوامل البحرين - البحرينيات
وانا يتراولي تركو عنكم هالاوميغا الي تاخذوونه
اذا الياهل بيصير ذكي على امه وابووه لا اوميغا تنفع ولا غيرره ترى كثرة الادوية حق الحامل مب زينة |
رد: ديوانية البحرين - دردشة حوامل البحرين - البحرينيات
مللتج لا طفلي ،،،
تحسفتي انج سولفتي معاي لووول اي فهمت ،، بس احين عندي مواعين ووايد طبخت الريوق بلاليط والغدى دياي في الفررن وسويت حق العشى جرييش واحين ظهري احسه بينقص باجر باخذ اجازة باكل كله في بيت ابوي |
رد: ديوانية البحرين - دردشة حوامل البحرين - البحرينيات
لا بالعكس ما تحسفت ولا شي حلو السوالف
بس اهم شي فهمتين قصدي والحين شكلي فهمت عدم روحتش عشان المواعين الوايد؟ بس يا الله روحي باجر وتريقي عصيده بالعافيه |
رد: ديوانية البحرين - دردشة حوامل البحرين - البحرينيات
اي مواعين وايد اذا لج نية تساعديني حيااج :p
طفلي شنو خاطرج من اسماء حق بنتج او ولدج ؟ |
رد: ديوانية البحرين - دردشة حوامل البحرين - البحرينيات
انا لي نية مواعين؟؟؟؟؟؟
اكره شي في حياتي المواعين ولازم اخليهم يخمرون اذا ريلي ما هنا لان يهذر اذا تأخرت ماغسلتهم وبالنسبه للاسماء اذا بنت ان شاء الله زينب واذا ولد عباس وانتي شنو الاسماء؟ |
رد: ديوانية البحرين - دردشة حوامل البحرين - البحرينيات
على قولة ريلي يقول غسال المواعين يصفي الذهن :p
انا خاطري في خولة او يوسف اذا الله تمم لي حملي على خير بس زوجي للحين مو مقتنع فيهم ،، شرايج حلوين او لا |
رد: ديوانية البحرين - دردشة حوامل البحرين - البحرينيات
اثنينهم حليوين هو ويش يبغي؟
|
رد: ديوانية البحرين - دردشة حوامل البحرين - البحرينيات
والله يختج كل يوم له اسم ولا ادري يبي شنو
ساعة يقول احمد وامس يقول سلماان واذا بنت يبي نور للحين ما استقر على اسم |
رد: ديوانية البحرين - دردشة حوامل البحرين - البحرينيات
هههههههههه هذا مو محدد ويتحجج على اللي اخترتينه
ماعليش اسكتي عنه هو بيسمي اللي تبين |
رد: ديوانية البحرين - دردشة حوامل البحرين - البحرينيات
اتهقين جذي
يقول لي انتي في غرفة الولادة وانا باختار الاسم انا باروح اغسل المواعين وبارقد تصبحين على خير |
رد: ديوانية البحرين - دردشة حوامل البحرين - البحرينيات
اي اتوقع يقص عليش يقول لا بس هو بيسمي اللي تبين
وانتي من اهل الخير في امانه وحفظه بااااي |
رد: ديوانية البحرين - دردشة حوامل البحرين - البحرينيات
بطني يعووورني
ماقدر استحمل الالم امتى اولد وافتك |
| الساعة الآن 02:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .