|
رد: تجمع حوامل مارس 2014 - جماد الاول 1435
اهلين ومرحبتين قطوف دانية وعليكم الـسَلـامَ ُ وانتي اكثر ياقلبو والله ابد متفرغه دايماً والحمدلله انتي اخبارك واخبار البوبو عرفتي جنسه والاباقي واخبارك ام قطب واميرة امير ان شاء الله اطمنتو ع البيبيهات انا عن نفسي اراجع وح اولد ان شاء الله في مستشفى علوي تونسي بمكه ولسه ماحددت ح ولد عند مين من الدكاتره اللي هناك ع الثامن ان شاء الله ح اشوف
|
رد: تجمع حوامل مارس 2014 - جماد الاول 1435
أم قطب الدين
الحمد لله أنك بخير وعلى قولك شكلنا ما راح نشوف الصابايا من كثر أنشغالهم |
رد: تجمع حوامل مارس 2014 - جماد الاول 1435
هلا حبيبتي أم ميمو
اتمنى دايم تكوني بحير أنا أراجع في الأطباء المتحدون وكل مراجعة عند دكتورة لسا ما استقريت غلى دكتورة معينة مراجعتي الجاية عند دكتورة حنان الشمراني |
رد: تجمع حوامل مارس 2014 - جماد الاول 1435
صباااح الخير...كيفكم.... وكيف البيبهااات....
انا جاارتكم من تجمع جمادى الاخرة(ابريل) حبيت اسلم عليكم واسألكم بما انكم قبلنا بشهر واكيد مرت عليكم الاعرااض قبلنا>> الله يتمم حملكن ويرزقكن اللي تتمنن ويقومكن بالسلامة... المهم... انا مو بكرية بس ابي اسأل عن حركة الجنين .. كيف تحسووون فيها اقصد الحركة الفعلية >> ركل ورفس..... لانه بصراحة مااحس بشي بدايةً كاان نبض واااضح ولي اسبوووع ياادوب احس فيه مرة باليوووم نبض خفيف مرة ماودي الوسواااس يدخلني .. على فكرة انا هالاسبوووع دخلت الخااامس.. >>> وماعليش ع الاطاااالة .. |
رد: تجمع حوامل مارس 2014 - جماد الاول 1435
هلا أختي بريق اللجين
أنا يمكن لي ثلاثة اسابيع في الخامس ومابحس بحركات الجنين مرة الا زي النبض أو حركات كأنها رفرفة يختلف أنا هذا حملي الرابع ما شاء الله تبارك الله وكل حمل بختلف عن الثاني بحملي الأول كنت احس بحركة الجنين بنص الرابع أهم شي انهم يكونو بخير وعافية ولا تستعجلي راح يجيك الركل والتعذيب هههههههههه |
رد: تجمع حوامل مارس 2014 - جماد الاول 1435
كيفكم بنات وشوا أخباركم ان شاء الله تمام وكيف الحمل معاكم
|
رد: تجمع حوامل مارس 2014 - جماد الاول 1435
قطوف دانية كيف المستشفﯽ الاطباء كويسة
انا محتارة بينها وبين سليمان فقيه آنِ شُـآء آلَلَهّـ ع الشهر الثامن بنزل جده واشوف الله يكتب لنا كل خير |
رد: تجمع حوامل مارس 2014 - جماد الاول 1435
قطوف دانيه انا قالتلي الدكتوره 90% بنوته بس إحتمال يكون ولد وأعضاؤه صغيره مو مبينه
يارب يكون خطأ ويكون ولد وإنتي يارب يكون بنوته انا عن نفسي لو جاني ولد حرتاح من الخلفه فتره طويله تعبت 3 بيكفي |
رد: تجمع حوامل مارس 2014 - جماد الاول 1435
مسااء الخير
سامحوني اشغلتني الجامعة الله يشغلنا في طاعته انا اراجع في الطبي الدولي و لحد دحين ما استقريت على دكتورة لأنو مافي مواعيد بس المستشفى اهتمام و عناية عشان كدا بمشي و اولد فيها ان شاء الله .. تجهيزاتي اشتريت كم حاجة للبيبي من كارترز مرررة حبيته و لسه ما كملت شي من سرير البيبي و اغراضي و اغراض البيبي و كمان لسه ما فكرت كيف ازين غرفة المستشفى اخت زوجي تبغاني افكر فيها و انا لسه دايخة في الجامعة عشان هي تنفذها , متحمسة يا حياتي هههههههههه ابغى اروق شوية من الجامعة و اخلص اختباراتي و انزل السوق بإذن الله و افكر ... ماشاء الله مشيت الايام بسررعة ،لسه قريب كنت ابكي من الوحم هههههههه الحمدلله بس ، الله يجعل الأيام الجية سهلة و يرزقنا الولادة السهلة ياااارب و يحفظ اجنتنا و يرزقنا برهم و هدايتهم |
رد: تجمع حوامل مارس 2014 - جماد الاول 1435
اللهم آمين كادي
أنا ماأحب اشتري حاجات البيبي بدري اشتريها بداية الشهر التاسع علشان يكون فرصه للمشي اما بخصوص الولاده احب أولد في مستوصف اولد وبعد نص ساعه اروح على بيتي مااحب ريحة المستشفيات والقصص إللي تحصل فيها بخاف |
| الساعة الآن 01:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .