|
رد: دردشة بنات فلسطين, دردشة حوامل فلسطين, تجمع بنات فلسطين
لين عقبال 120 لابنك الله يخليلك يا كيف طريقة الكعكة لنعمل متلها انت هلا وين باي بلد؟
|
رد: دردشة بنات فلسطين, دردشة حوامل فلسطين, تجمع بنات فلسطين
تسلميلي جاره حبيبتي انا هلا بالاردن
طريئه الكيكه بتاخدي 8 معالئ سكر بتحطيهم بصينيه الخبز وبتدوبيهم عالنار حتى يسير زي الكراميل وبتحركي الصينيه وبتتركيها على جنب الطبئه التانيه بتجيبي البلندر (الخلاط) بتحكي فيه 4 بيضات ومعلئه فانيلا ونص معلئه خل تفاح ونص كوب حليب ناشف ونص كوب سكر و2 كوب ماء وتخلط بالخلاط كتير منيح بعدين بتصبيها فوء السكر بالصينيه وبتتركيها بتحضري هلا الكيكه وهي الطبئه التالته والاخيره بتجيبي 3 بيضات مع 2 معلئه فانيلا كاسه زيت دره تلتين الكوب كاكاو كاسه حليب سائل 2 كوب دقيق تلات معالئ بيكنغ باودر ونص معلئه صغيره كربونه ورشه ملح تخلطيها مع بعض كتير منيح وصبيها فوء الكراميل جيبي صينيه اصغر من صينيه الخبيز يعني صينيه الخبيز خليها 32 قطرها والصينيه التانيه 28 او 30 قطرها حطي فيها مي ونص ليمونه مشان ما تسود الصينيه وحطيها بالفرن على درجه حراره 280 درجه وبتحطي فوئها صينيه الكيك وتسكري الفرن بعد تلت ساعه وطي الفون لدرجه 180 وما تفتحي الفرن عليها قبل نص ساعه بتاخد تئريبا بالفرن ساعه حتى تجهز بس تجهز بتفكي الاطراف بالسكين وبتئليبيها بصينيه التئديم واتركيها لتبرد تماما وصحتين وهنا كتير طيبه وان شاء الله بتعجبكم |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا شتقتلكم
انا مشغولة قاعدة بجهز للسفر شو صار معك جارة بخصوص الشغل لين انا عماتها قبل هيك اسمها الكيكة المائية بس الصينية اللي فيها المية اكبر من صينية الخبيز يعني بتقعدي الصينية الخبيز في صينية المية كيفك حواء وعسولة واحساس و غموض وين سما مختفيه اهلين نبض قلب |
رد: دردشة بنات فلسطين, دردشة حوامل فلسطين, تجمع بنات فلسطين
لولو حبيبتي ونحن اشتقنالك والله تروحو وترجعو بالسلامه ان شالله بس لوين مسافرين وخاصة انك حامل ؟ بالنسبه لشغلي والله نفس الحال حسبي الله ونعم الوكيل بس برجع بقول الأرزاق بيد الله ومحتاجه دعواتكم باني اثبت بعملي لين تسلم ايدك انا بحب اعمل حلويات وان شالله رح اعملها وأقلك .انت أصلك من وين من فلسطين؟ وكم ولد عندك وشو اسم ابنك . انا عندي ولد عمره 3 سنين و7 شهور وقبل ما اولد بيكون اربع سنوات اسمه يزن وما شالله عليه مجنني ولسانه كانه ختيار كبير
|
رد: دردشة بنات فلسطين, دردشة حوامل فلسطين, تجمع بنات فلسطين
الله يحميلك اياه جاره ويخليلك اياه انا من الرمله وعندي ولد واحد اسمو مالك اليوم طبئ ال 5 سنين انا اجلت الحمل التاني لانو مالك الله يحميه مجنني رياضي بشكل وما بشجع الا برشلونه وطموحو يلعب بفريق برشلونه هههههههههههههههه الله لا يورجيكي يوم مبارات برشلونه ومدريد بتمشكل مع كل المدريديه مع خوالو وسيدو هههههههههههه
تسلمي لولو على مرورك انا بعرف كيكه كريم الكراميل هيك اسمها وزي ما كتبت الطريئه حمام مائي يلي بتحكي عنها كانها قدرة قادر بس بتكون الكراميل كميتها كتير كبيره والكيكه نص الكميه هاي وبالاول بتستوي الكراميل بالفرن تئريبا ساعه الاربع بعدين بتحطي خلطة الكيك عالكراميل وبتحطيهم بصينيه فيها مي انا هيك بعرفها ماجربتها ولا مره بس كيك الكراميل كتير عملتها وبحب كتير الحلويات والاكلات الغريبه بحب اتعلمها واعلمها بكون ممنونه جاره منك ازا بتعملي شي غريب وبتكتبيلنا الوصفه |
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي لين ما شالله عن هالجيل فضيع انا نفس الشي اجلت حملي بسبب صعوبة لوحام بالاول ولادتي كانت موت فتعقدت وكان ابني نكد وسبحان الله حملت وصار حملي شهرين ومش عارفه وما بان باي تحليل ولا التراساوند ,,,,,,,,,,,
|
رد: دردشة بنات فلسطين, دردشة حوامل فلسطين, تجمع بنات فلسطين
سبحان الله ربنا يتمملك على خير حبيبتي ويهونها ويسهلك ولادتك انا بمالك كنت ائضيها نايمه واخدت ابر تثبيت ليوم الابر الله لا يدوء حدا يلي صارلي هاد غير اي حركه اعملها بنزل افراز بني ولما فتت بالتاسع بس تئريبا 10 ايام ولدت بسرعه بنص ساعه كنت والده الحمدلله وبحملي هاد سافرت بالبر 7 ساعات روحه ورجعه وما حسيت بشي وبس رجعت فحصت لانو الاغلب ألي شكلك حامل وجهك نصحان وطلعت حامل وشعرت بالبويضه لما التصقت بالرحم وبصراحه كان شعور حلو مع خوف كانت تئيله كتير وكل ما تحركت كان مكان الحركه في حرئه لحتى التصقت والمتني كتير فصت تاني يوم سونار بينت البويضه بشكل واضح مكان الالم تماما وألي الدكتور البويضه كتير واضحه والك اسبوعين تئريبا حامل هاد ازا مش اقل وألي غريب انها بينت حزك اوي وربنا يتممها على خير وحام كان مختلف عن مالك كنت اكل الحلويات واشتهيها بمالك كرهتها كتير بهاد بشعر بطني تئيل مع انو لهلا مو مبين اني حامل وما حد بسدئ اني بالرابع ربنا بعين كنت بس اشعر بالاستفراغ بفتره الصبح بس
حبيتي اسفه كتير اكيد عجئتك معي :)) |
رد: دردشة بنات فلسطين, دردشة حوامل فلسطين, تجمع بنات فلسطين
اهلين بنات
توا لسا اجت الكهرب مين بتقطع عندهم بالشكل هادا |
رد: دردشة بنات فلسطين, دردشة حوامل فلسطين, تجمع بنات فلسطين
لولو نيآآآآآآآآآآآلك يآ البي :))
حتسافري ع غزة صح ؟؟ موفقة يآ البي وولادة ميسرة ان شاء الله سلميلي ع غزة كتيييييييير انا كان المفروض اروح غزة بشهر 4 بس يلا مافي نصيب بعد ما اجهضت كيفكو بنآت ..! ان شاء الله كل شي تمام لين اول شي هابي بيرذ دي لمآلك وان شاء الله عؤبال المية يارب :) بتعرفي انا بحملي كنت زيك بالزبط كنت مقضيآهآ نوم وحآمي كان نووووووووووووم وازا بتحرك حركة بسيطة بينزل افرازات بنية بس تطورت لدم وراح الحمل والحمدلله ع كل حال مع انه كنت مرتاحة 24/24 .. نصيب نبض قلب انتي شكلك بغزة عشان هيك الكهربا بتقطع هو لسا النظام زي ماهو؟؟ انا الحمدلله ما بتقطع خآلص بتونس الله يكمل الك ع خير يارب انا كنت حامل واجهضت بس كنت ناوية اسمي ازا ولد يوسف وازا بنت حلآ ان شاء الله الحمل الجاي يكون سليم ويكمل ع خير |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا
انا والله لسه ما شفت بنت ولا ولد بس جوزي كتير حابب ييجي ولد بس بالنسبه الي اللي من الله حياه الله شو من الله حلو |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكوووووووووو
انا اليوم كثير متذايقة وزعلانة |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير يابنات
جارة انا بدي اسافر على غزة عشان اولد عند اهلي ماعندي حدا في الامارات حواء ليش مدايقة ربنا يفرجها عليكي كيفك غموض وين باقي البنات مختفيات |
رد: دردشة بنات فلسطين, دردشة حوامل فلسطين, تجمع بنات فلسطين
توصلي بالسلامة يا لولو ان شاء الله ويارب ولادتك تجي سهلة
متذايقة من هالدنيا ومن حماتي عامليتني شغلها الشاغل وانا حملي تعب كثير والي كم يوم تعبانة زيادة وهي عاممليتني شغلتها زهقت يا بنات مش عارفه شو اعمل لا بعرف ارتاح ولا انام ولا حتى اعمل شي ويلي هم الشغل ولا هم البيت ولا هم الحمل وحتى زوجي كل حد علي من جهة وانا كثير مضغوطه مش ملاقيه حد يستوعبني بتعرفوا كيف الحامل بتكون ....... مطلوب مني اكون عادي على طول ممنوع اتعب ممنوع اشكي طيب ياربي والله مش قادرة كثير تعبانة وصرت ملاحظه يوم من الاسبوع الي هو يوم اجازة زوجي كان مبارح بتزيدها علي عشان تعمل مشاكل .... انا وقتي على قدي كل نهاري بالشغل بروح يا دوب ارتب البيت واعمل اكل بلاقي حالي اخر النهار بدي اموت ما في حد حاسس فيا بتضل تحكي لزوجي كنا نحمل ما كان يصير فينا هيك ولا نعمل هيك وهو ماسكلي هالحكي مبارح انخنقت وطلعت الصبح بدون ما اصحي على شغله الله يصبرني يارب ويشغل حماتي عني ويبعد شرها عني ويهدي زوجي يارب |
رد: دردشة بنات فلسطين, دردشة حوامل فلسطين, تجمع بنات فلسطين
وانتي بالف خير غموض ان شاء الله ربنا بيكتبلك فيه حسنات وربنا يعطيكي غيرو ويسلك حملك ويجيبلك اياه بالسلامه اهم شي ان شاء الله بس تحملي انك تقرئي سوره يوسف اول تلات شهور لانها بتثبت الجنين ان شاء الله ربنا بيعطيكي
لولو حبييبتي لاتدايئي ولاعلى بالك الحموات هيك ازا مش اكتر اهم شي لاتخليها تأسر على علاقتك بزوجك وربنا يهديها ويبعد شرها عنك ضلك سبحي حسبي الله ونعم الوكيل وسبحي اللهم من ارادنا بسوء فرد كيده الى نحره واشغله في نفسه ربنا ان شاء الله بشغلها عنك وببعدها عنك انا حماتي رايئه وما بتتدخل فيي بالتحديد بس انا بنخنئ من سلفتي من اول حملي سلام الله ما سلمتو عليي هاد غير تأليف الئصص والمصيبه الكبرى انها دارسه شريعه الف خط تحت شريعه حسبي الله ونعم الوكيل ودائما بسبح هاد التسبيح والحمدلله ربنا برفع معنوياتي وببعدها عني ان شاء الله رح ابعتلك دعاء تضلك تقرئي مشان تبعد شرها عنك ويحببها فيكي |
رد: دردشة بنات فلسطين, دردشة حوامل فلسطين, تجمع بنات فلسطين
اسفه صبايا لخبطت بالاسم حواء مو لولو
|
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي حواء كرري هاد الدعاء
اللهم صلي على محمد وآل محمد يارب عبدك قد ضاقت به الاسباب وأغلقت دونه الأبواب وبعد عن جادة الصواب وزاد به الهم والغم والاكتئاب وانقضى عمره ولم يفتح له الى فسيح مناهل الصفو والقربات باب وانت المرجوّ سبحانك لكشف هذا المصاب يا من اذا دعي اجاب يا سريع الحساب يا رب الأرباب يا عظيم الجناب يا كريم يا وهّاب رب لا تحجب دعوتي ولا ترد مسألتي ولا تدعني بحسرتي ولا تكلني الى حولي وقوّتي وارحم عجزي فقد ضاق صدري وتاه فكري وتحيّرت في امري وانت العالم سبحانك بسري وجهري المالك لنفعي وضري القادر على تفريج كربي وتيسير عسري اللهم احينا في الدنيا مؤمنين طائعين وتوفنا مسلمين تائبين اللهم ارحم تضرعنا بين يديك وقوّمنا اذا اعوججنا وادعنّا اذا استقمنا وكن لنا ولا تكن علينا اللهم نسألك يا غفور يا رحمن يا رحيم أن تفتح لأدعيتنا ابواب الاجابه يا من اذا سأله المضطر اجاب يا من يقول للشيء كن فيكون اللهم لا تردنا خائبين وآتنا افضل ما يؤتى عبادك الصالحين اللهم ولا تصرفنا عن بحر جودك خاسرين ولا ضالين ولا مضلين واغفر لنا الى يوم الدين برحمتك يا ارحم الرحمين. |
رد: دردشة بنات فلسطين, دردشة حوامل فلسطين, تجمع بنات فلسطين
بارك الله فيك لين وجعله في ميزان حسناتك يارب والله يعينك على سلفتك عندي سلفه بفترة الخطبة عملت معي هيك لانها سمعت حكي اني انا بحكي عنها والفضل لحماتي وهدفها انها لما تتزوج ما نكون صاحبات وتتفق عليها بس هلا لتزوجت بدات تفهم كل واحد سبحان الله . حواء قلبي معك والله لاني حاسه فيك وبنفسيتك من ورا هالشي انا بقول أطلبي من زوجك تروحي ترتاحي يومين عند اهلك والله بترتاحي وبترجعي احسن لسا اتوقع لتخلفي الامور بتصير اكتر وان شالله لا يارب *
|
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا هلا بيكي لولو حتنوري غزة
وقلبي معك ياحواء اصبري الكل بيحكي هالحكي كنا نحمل وماكنا متلكم بعين الله انا حغيب يومين ياصبايا لأني تعبانة وسخنة كتييييير والله فتت بس اطمنكم عليا وادعولي والله تعبت كل شهر بمرض ...بس الحمد لله على كل شي |
رد: دردشة بنات فلسطين, دردشة حوامل فلسطين, تجمع بنات فلسطين
تسلميلي جاره ربنا يهونها ان شاء الله علينا بالنسبه لسلفتي انا غريبه عليهم بتعرفي اهل الخليل ما بغربو بس النصيب جابني عندهم بنات حماي ما بحبوها عملت اكتر من فصل فيهم فبئهروها فيي وانا ضايعه بالنص سرت الائي سوء معامله وانا مو عامله شي هيك مزاجيه ايام بترضى عليكي وايام ما بتطيئك ما بتعرفي شو السبب بعدين اكتشفت ان بنات حماي السبب بالنهايه انا سرت اتجاهلها واعتبرها مو موجوده مع انو ياخساره السلفات لازم يكونو خوات مو هيك بس شو بدنا نعمل بالنفوس المريضه والنفوس المريضه الواحد يتجنبها احسن ربنا يهونها
كيف امورك جاره وكيف الحمل اليوم معك بكرا انا رايحه عند اهلي ويمكن ارجع اخر خميس او سبت حسب العجئه عندهم واحتمال اراجع الدكتوره اختي حكت معي بتئلي حلمت فيكي لابسه فستان عرس ابيض ربنا يجيب يلي فيه الخير |
رد: دردشة بنات فلسطين, دردشة حوامل فلسطين, تجمع بنات فلسطين
سلامات احساس انثى وان شاء الله بترجعيلنا بالسلامه دفي حالك منيح ربنا يحميكي
|
رد: دردشة بنات فلسطين, دردشة حوامل فلسطين, تجمع بنات فلسطين
يسعد مسااااااااااااكم صبايا
كيفكم اليوم؟؟ لين العمر كله يااااااااااااب لمالك وربنا يخليكم لبعض ويقومك بالسلامة ان شاء الله لولو بتنوري غزة كلهااااااااااا والله والله يقومك بالسلامة يارب احسااااااااااس الف سلامة عليكِ حبيبتي وترجعي بالسلامة يارب حوااااااااااااااء قولي يااااارب يعني هاي ابتلاءات من الله المهم علاقتك بزوجك تكون منيحة الله يهديها ويبعد شرها عنك ويسخرلك زوجك يااارب ويييييييييين غمووووووووووووووووض وسمااااااااااااااا عنجد يا بنات طمنونا عليكم ؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
لين الافضل الأحلام السيئه ما تتفسر والأحلام الجيدة تقال للأشخاص الثقة وفي نص حديث بهاد الشي لكن مش حاضرلي هلا انت اهلك بالأردن كمان إحساس سلامتك الف سلامة الله يحميك
|
رد: دردشة بنات فلسطين, دردشة حوامل فلسطين, تجمع بنات فلسطين
تسلميلي عسوله كلك زوء
اهلي بالاردن جاره بس انا بمحافظه وهم بمحافظه تانيه للاسف :(( |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم فل بنات كيفكم شو اخباركم
وكيف حملكم انا الحمدلله بخير واهون من مبارح |
رد: دردشة بنات فلسطين, دردشة حوامل فلسطين, تجمع بنات فلسطين
كيفكم صبايا غزة و كيف حملكم وكيف جميع البنات
حبيت اصبح عليكم اليوم الشمس طالعة بعد يومين مطر |
رد: دردشة بنات فلسطين, دردشة حوامل فلسطين, تجمع بنات فلسطين
هلا كيفك نبض
|
رد: دردشة بنات فلسطين, دردشة حوامل فلسطين, تجمع بنات فلسطين
كيفيو صبايا
الله يعينك ياحواء على حماتك أنا شايفة أنو تسمع كلامها بكون افضل وبتريحى راسك وبعدين مافيها شى لو ساعدتيها مرة بالاسبوع بتكسبى ثواب والله بباركلك فى البيبى الى جاى وبعدين كماتدين تدان بكرة ابنك لما يتزوج راح كنتك تعمل فيك نفس الشى الله يعوضك ياغموض على البيبى الى راح بس لازم تعرفى شو سبب الاجهاض عشان لو صار حمل تتفادى حدوث الاجهاض وبعدين لازم تتعالجى عشان الحمل ماتسكتى على حالك وهلا عمرك صغير لأنو المراة كل ما زادت فى العمر قلت فرص التبويض عندها وبالتالى قلت فرص الحمل وكلام الناس مابيرحم وموضوع الحمل بالذات مابتاجل مابترعفى شو راح يصير بكرة وومكن الدكتورة يعطيكى منشطات ويصير حمل ازا الله راد |
رد: دردشة بنات فلسطين, دردشة حوامل فلسطين, تجمع بنات فلسطين
السلام عليكم:
ان شالله على طول حواء هداوة البال يارب .... ايام وبتعدي لين يلا توصلي لاهلك بالسلامة ان شالله سما ابصر وين غاطسه ........... اشتقتلها........ بنت الضفتين هلا فيك |
رد: دردشة بنات فلسطين, دردشة حوامل فلسطين, تجمع بنات فلسطين
اهلا فيكى جارة
|
رد: دردشة بنات فلسطين, دردشة حوامل فلسطين, تجمع بنات فلسطين
يسعد اوقاتكم صبايا منورات
بنت الضفتين المشكله مش اني اساعدها اولا انا مو مقصره معها هي مخليتني شغلها الشاغل هيك بدون سبب بتدور على نهفات ومشاكل من ولا شي والله بكون انا وزوجي ما شاء الله علينا قاعدين ونضحك ما بعرف كيف المشكله بتصير وقت تفوت الله يهديها يارب ويكتبلي ما اقصر بحق زوجي واهله انا من هالناحية لو كل العالم يسالوها تحكي كنتي ما شاء الله عليها ما تاركه شي تلومني علي صدقيني الله شايف كلشي صبايا هاتو شي نحكي في |
رد: دردشة بنات فلسطين, دردشة حوامل فلسطين, تجمع بنات فلسطين
صبايا كيفكم اليوم؟
انا من امبارح حاسة حالي كتير تعبانة ومو قادرة اعمل شي وهيني من الصبح بالتخت لسا هاد شي طبيعي بالحمل؟ |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير جميعا مايا طبعا طبيعي ..........الحامل بتتعب من ولا شي
\ وينكم بنات تعو نحكي شو............ |
رد: دردشة بنات فلسطين, دردشة حوامل فلسطين, تجمع بنات فلسطين
سلامات مايا بأول الحمل طبيعي تتعبي ريحي حالك وربنا يهونها عليكي
كيفك جاره نحن هنا ههههههه |
رد: دردشة بنات فلسطين, دردشة حوامل فلسطين, تجمع بنات فلسطين
انا اسفة جارة فكرت الحق عليكى مو على حماتك بدك تصبرى شو بدك تعملى انا حماتى لما عرفت بخبر حملى انجنت عشان صارلى سنوات مافى حمل وكانت مقررة انو تزوج زوجى وبطلت تحكى مع زوجى حكتلو مابدى منها اولاد وكيف بتعالجها للحمل مابيعجبها زوجى يصرف عليا سواء مرضت او أى شى بتحكيلو قاعد بتصرف عليها وبما اانو ماعنا بيت فكنا ببيت العيلة فكانت تخلى زوجى ينام فى غرفة وأنا بغرفة كأنو بنعمل شى حرام استغفر الله العظيم شو بدى اعمل حسبى الله ونعم الوكيل ولسة مصرة انها تجوزو
|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
مافي سبب خطير لآسمح الله وكمان انا زوجي دكتور وفي حملي كان معايا كل خطوة بخطوتها وكنت اخد مثبتات وراحة تامة بس خلص نصيب بعدين انا لسآ ما الي 6 شهور متزوجة وحآليآ بعد الاجهاض احنا الي مابدنا حمل غير لما نرجع ع بلدنا يعني لما نستقر زوجي هيك بدو .. يعني الحمدلله ما في شي بيخوف :)) انا حملت عطول بعد ماتزوجت وماكتب ربنا انه يتم ان شاء الله لما ربنا يريد واحنا نكون مستعدين بيتم الحمل وبيكمل ع خير |
رد: دردشة بنات فلسطين, دردشة حوامل فلسطين, تجمع بنات فلسطين
بعينك الله يا بنت الضفه على حماتك وربنا يسترها معك اللهم انا نجعلك في نحورهم ونعوذ بك من شرورهم ربنا يحميكي ويبعد كيدها عنك
|
رد: دردشة بنات فلسطين, دردشة حوامل فلسطين, تجمع بنات فلسطين
كيفكو بنآت شو الاخبآر :))
الشتآ عآمل كسل مش طبيعي انا بصحى عال6 المغرب ياجماعة بدي حل خخخ مايا .. اول الحمل شي طبيعي تتعبي انا كنت ما افارق السرير بالمرة 24 ساعة كيفكم صبآيآ وكيف الحمل معكم |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير ياصبايا كيفكم
الله يعينكم ياصبايا على حمواتكم اهلين بنت الضفتين عرفينا على حالك ومن اين منطقة سلامتك احساس انتبهي لحالك السخونة مش كويسة للحامل كيفك جارة شو اخبارك حواء كيفك وكيف الوحم معك غموض كيف حالك سما وعسولة مختفيات لين كويس انو اهلك عندك في الاردن قراب منك |
رد: دردشة بنات فلسطين, دردشة حوامل فلسطين, تجمع بنات فلسطين
بنات لا تحكوا عن الحموات الله يخليكم ... شو ما كانوا ابداً مو متل حماتي انا حملت أول ما اتجوزت وسقطت بعد اربعين يوم ولما عرفت حماتي صارت تحكي علي اني حملت بسرعه عشان جوزي يضل معي ويلزق فيي و والله ما كان بنيتي اي شي لانه هيك صار بدون قصد وبعد شهر رجعت حملت وجبت بنتي الله يحميها و ولدت بنتي في 27/6/2011 يعني هلأ عمرها سبع شهور وبرضه حكتلي هيك اتطمنتي رح يضل جنبك بتحكي هالحكي لانه جوزي كان عايش بأمريكا 25 سنه وكان متجوز امريكيه وجاب منها بنتين وطلق من عشر سنين انا مو غبيه اني اخلف عشان اعلقه فيي . هي الامريكيه جابت تنتين وبرضه ما ضل معها واكتشفت اني حامل بشهر 11 ( نوفمبر ) اصرت اني انزل الحمل واقنعت جوزي بهالموضوع انو ما بصير حملت هلأ واني لازم انزله وتخيلووووووووووووووو حكت لجوزي مرتك كانت مسافره ؟؟؟؟؟؟؟؟؟؟؟؟ قصدها استغفر الله اي صح اجتني الدوره في 15/10 و سافرت في 18 ورجعت بتاريخ 22/10 فكيف ؟؟؟ حكيت لجوزي موافقه بس على شرط نسأل رجل دين بهالموضوع ( الفتاوي ) وحكيت في بالي انو الشيخ اكيد رح يقول حرام عرفت حماتي من جوزي انا رايحين عند الشيخ لنسأله انجنت وقلبت الدنيا وصارت تدعي علينا تنقلب فينا السياره وييييييييييييييييييي واحنا بالطريق جوزي رجعله عقله وقف السياره ورجعنا على البيت وقلي اللي في بطنك مني مو حرام اعوذ بالله هو اهم من الدنيا كلها وكانت كلمات مؤقته لانه تاني يوم بس رجع لعند امه فهمته انو مو وقته انو على شو مستعجلين ولا حقين على الولاد مع انو جوزي مو صغير عمره 43 بس هلأ الحمد لله اقتنع جوزي وخصوصاً كل اللي بشوفني بقول فيي ولد وهو نفسه بولد والحمد لله من يومها ما دخلت بيت حماتي بس ما فيي احكي الا حسبي الله ونعم الوكيل بكل ظالم |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم عسل بنات
عبير الله يكون بعونك كيف تحملتي هيك وضع ما الك فيها عامليها رسمي اصلا عيب عليها تحكي بقصة شرف ونسب اولاد ابنها بعدين الله يهديكي انتي انتبهي لزوجك وريحي وكل ما تحكيله امه شي هو بشوف العكس انا صح حماتي مغلبيتني بس زوجي 99% معي وبعرف انها امه هيك وحكالي بعد ما تزوجت صايرة تغار وصايرة حساسة زيادة لهيك سايريها ....... الله يكون بعونا انا عارفه عنهم هيهم عاشو حياتهم يخلونا نعيش ويتركونا بحالنا اقلك نهقة مبارح صارت ضليت اضحك انا بس من جوا انقهرت انا صارلي فترة مع الحمل بكسل اعمل اشي ما عدت اهتميت بحالي مثل اول يعني بكون عادي باواعي البيت وما بحط ميك اب وهيك امور هلا مبارح شفت حالي مصحصة لما روحت من الشغل قلت والله الا افاجيء زوجي رحت غيرت كلشي فيا حطيت ميك اب اوفر يعني طلعت من الاخر هي وقت يروح زوجي من الشغل بتكون مفضية حالها عشان ما اعرف استقبله وعشان ما يبوسني وهو فايت شوفي لوين هي اجت مبارح قبله ... لما شافتني هيك بتقلي شو شكله عندكم مناسبة قلتلها لا .... مو ضروري يكون في مناسبة عشان اكون هيك ..... من هون بلشت المشكله حكتلي بدل ما تحكيلي من زوءك وخليكي عندنا ومش عارفه اش وانا كل الي عملته حطيت ميك اب وغيرت الوك تاعي .... فكيف بالمناسبات ...... حماتي بتغار بتعرفي شو بتقلي وزوجي ابنها ..بتحكي نفسي يكون زوجي مثل زوجك شوفو لوين بتتمنى واحد مثل ابنها الها |
| الساعة الآن 12:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .