|
رد: ** ليبيا زين علي زين ليبيا ورد وياسمين ** تجمع الليبيات
http://forum.hwaml.com/imgcache2/hwa...843174_972.jpg
تفضلوااااااااااااااااا معاي أني توا نستأذن خلاص عيوني بيتصكروااااااااااااااااااااااااااااا |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
كيف حالكم وخياتي في الله ام فراس واوشي وجوهرة واثري وام اجنادين وام ورد وام معاد وهدية الخالق ان شاءالله مانكونش نسيت حد |
رد: ** ليبيا زين علي زين ليبيا ورد وياسمين ** تجمع الليبيات
صباح الورد على أحلى وأغلى وردات...
اااااه ياقلبي نمووووووووووت في البراك اهههىىىىءءءءء سهفتوووووني... من رمضان ماذقتاش وانا نمووووت فيه .. خلاطري في كسكاس معبي ههههههه ... امس حتى هو نكلم في شموسة قالتلي غاي براك... يوم يللي روح بابا دارت ماما الغداء كسكسي عرس ههه وانا درت للعشاء خبزة ملفوفة وطاجين ممممم روعة ؟. |
رد: ** ليبيا زين علي زين ليبيا ورد وياسمين ** تجمع الليبيات
خخخخخخ صار تضحكي عليا يافروسة والله خاااااااايفة قريب نهبل ... حاشاك خالي شعره خفييييف لحد ما صار أصلع وخايفة تكون بتصيرلي وراثة موقف مقرف ربي مايحطكم فيه .... قصدكم نقدر بروحي ناخد فيتامين من الصيدلية .. ولو حد يعرف دكتور جلدية يقولي قصدي يكون كويس كويس مانبيش نتعب في المعاينة من واحد لواحد.. |
رد: ** ليبيا زين علي زين ليبيا ورد وياسمين ** تجمع الليبيات
أثري بابا كان في فنلدا لمدة شهر...
ربي يرحم أبك ويجعل مثواه الجنة.. طبعا بابا جاب توب لمحمد و2 فالينيا لريم وليا أنا قطعة راااائعة (فالينيا قماشها كأنه شعر أو نمر أو ههه مش عارفة) ولونها ظازرق كحلي.. وطبعا ياسبحان الله فرحنا بيهم هلللللللللللللللبة.. حتى أنا يا أثري بديت نفكر نبطل حمود لكن نقول لا مدام مقتنع ويبي يمشي وبنت سلفي وولد حماتي يمشو وهو متشجع خلي يمش مش مشكلة بس مش مغصبة عليه يعني كم من مرة جيت انوض فيه يقولي يا ماما بنرقد انقوله ماهوالمدرسة يقولي توا نمش العشيةنقوله هما بيمشو توا يقولي نبي نرقد اااااه يسخفني ونقوله خلاص نني .... يسخفنييييييييي وتعرفو نهارها لما حكيته الموقف لإمتعيني قالولي لا هكي يتعود((( قداش اضايقت)) قلتلهم وكان تعود يعني هو أصلا مازال صغير عمره 3ونص ومازال العام الجاي قاعد روضه ويللي بعده مستمع ليش نضايق فيه من توا يعني لو بنششدد عليه من توا مايجي وقت الدراسة الرسمية لين مايضايق ويروح الحماااااس متع القراية بالرغم من اني من العام الفات كنت نحط فيه مرة مرة في الروضة بس توا تغير الوضع وأنا قاعدة في الحوش مش نقرأ.. وعلى فكرة أنا صح قلبي يتقطع لما نلقى ولدي مضروب بس عمري ماعطيت الموضوع أكبر من قيمته يعني لو كان هولدي غالط خلاص نفهمه ولو كان مظلوم نفهم الطرف ألأخر ونكشخ عليه شوية ..... بس فيه أمهات والله حاالة تصدقو ولا ماتصدقوش من يمس حتى ولدها من الصغار تبدأ هي على كبرها تضرب فيه.. وبصفة عامة إن كان في حوش امتعيني ولا أهلى ولا عند والي مانعدلش ونخلي الصغار يتعاركو ويتفاهمو براحم يعني مش نزود ونبدأ نحامي عليه ولا نكلم أمه ولا .... لا لا لو جاني ولدي نرضيه وخلاص ههههه وفي معظم الأحيان ولدي يضرب ههههه |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
الله يسلمك ياغالية ومبروك الكنادر... وزي ماقلتلك .. يعني بغض النظر عن تبذير ولا مش تبذير أنا هكي سبحان الله ماعنديش عليهم يعني لما نشوف حماتي وعض البنات يعشقوووووووووو الكنادر بشكل رهيب يعني تاخد ب2 ومش بينهم فترة طويلة تاخد ثاني.. كان نقوللكم أخر وحدة خديتها في العيد وكانت كويسة مرييييحة طبية وأرضية وكانت ب20 نبي نعرف منكم أغلى كندرة خديتوها كم كان سعرها.. وكمان أغلى شنطة خذيتوها بقداش نبي نقارن نفسي .... |
رد: ** ليبيا زين علي زين ليبيا ورد وياسمين ** تجمع الليبيات
https://fbcdn-sphotos-b-a.akamaihd.n...11467820_n.jpg
https://fbcdn-sphotos-h-a.akamaihd.n...50786190_n.jpg ........ أوشي هل تقصدي بالأوميقا تري هو زيت كبد الحوت يللي في الصيدلية؟.... فروسة شن صار في حبوبك.. بصراحة بعد مافطمت ريم قررت اني نريح راسي من تخميم كل شهر ولبديت ناخد في حبوب |
رد: ** ليبيا زين علي زين ليبيا ورد وياسمين ** تجمع الليبيات
جيجي ياجيجي
حلوة لبستك في الإسبع بس صراحة ماعرفتش شنو هو القماش يللي قلتي عليه.. بس الباين حلو وهل تقصدي بالفوشي ( وردي أم برتقالي)) وقريبتكم هل هي زاوية أو طرابلسية ووويييين تسكن بالزبط بالك نعرفها هههههه وبصراحة لمتكم في حوش بوك الغالي ااه تهبببببل بالرغم من أننا ديما نتلاقو مع حماوتي ولا خالاتي ولا بنات عمي والله ماشاء الله ديما نتلاقو ونهدزو ونجيبو وناكلو ونحكو ونحنو وحتى الحلوى نديرو مع بعض عادي بس أكيد ألأخوات غير يارب نجيب بنات ويكون زي خواتي يااااارب... ربي يحفظكم.. بس مفروض السفنز درتوه براحكم خخخخخخخخخخخ نحنا والله ماشاء الله فالحي فيه ديما نديرو فيه .. تعالي نضيفوك ..... جيجي انت وين سكنتك بالزبط.. وراك تنسي الصور الحوش ياقمورة.. اوشي شن معناها قلتي (دليلة) لكن أنا صدقت سلفي شن معناها دليلة. |
رد: ** ليبيا زين علي زين ليبيا ورد وياسمين ** تجمع الليبيات
https://fbcdn-sphotos-f-a.akamaihd.n...18562523_n.jpg
بنات جايبين موضوع توا في التلفزيون وزخلوني نسألكم بدون إحراج هل تعاني من السلس البولي.. أه اليوم هبلتكم بالهدرزة وألأسئلة .. سلامتكم خلى انوض نعول على روحي... امس تعرفو ماخاطريش ندير غدي في ألأخي درت بكبوكي لأن ألأسبوع يللي فات كله نشكل على خبزة محشية على بيتزا على طاجين على خبزة ملفوفة على .... والله تهبل مستاحشينها ... درتها بالدجاج وطبعا في ألأخير لمستي ممممممم بسباس وبصل أخضر .. |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ياهلا بأثــري .. نورتينااا يافراشة الليل المضيئه .. ههههه ضحكتيني ع الوااجب واخيرا كملتيه وضحكتني الحبوبه دودي ومردها ماشاء الله أهم شئ أهم شئ انها بدت تمشي مع الحاجه هذه اول خطوات النجاح وامثابره في المشــي .. وافضل تمرين لتعليم المشي هو انك تقعمزي وتوخري خطوتين وهي تلحقك بسرعه دام ان بدت تمشي مع الحاجات خلاص حتبدأ تتشجع وتلحقك لعند ماتحاول تخطي بروحهااا عجبني الكلام فعلآ .. مشاابه لكلام زوجي وعن ان حيواجه الحياه ومطباتهااا فروسي عمره سنة و 10 شهور هو صغير مازال بس نحن كبرناه بدري ياروووحي من الولي ههه بس نا خايفه بعد انروحوااا ويتلاقي بعيال اعمامه وبنات اغلبهن لي في جيله مايعرفش يتعامل مع حد .. وبصراحه نبيه حتي يتعلم كلام لآن مازال مايتكلمش .. كلام مفهوم و واضح قصدي.. بس يفهم بالعيون والكلام وتواصلنا تمااام .. خطوات تعليم الكلام كلهن متوفرات .. نهدرز معاه نا وبوه ديما يرد علينا بس بلهجته هههههه نقراله في قصص ونعطي فيه قصص ع سنه ,, مازلت خطوة اللعب مع من من عمره هذه لي في الحضانه يمكن يستفيد منهاااا .. توا عطله كرسمسهم لعند 6 1 مش عارفه مرات ننسحب لان بجد سقع الطلوع وحاليا عنده كحه ليليه اليوم بنديرله طب عرب زيت زيتون باللبان المر |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
هههههه ضحكت لان ذكرتيني بنفسي شعري يطيح وبعد نحوله من الفرشاه او المشط كأن لفة سلك خياطه هههه من كثره هذا خاطئ لي يتاطيح في الدووووش اوميقا 3 في اغديه غنيه بهن بكثره مثل الاسماك والبحرياااات بصفه عاااااااامه عندك المكسرااات خصيصا اللوز الخزايني المعكرش هذا ( عين الجمل) اظن يقولوله هذا كويس حتي لتقويه الذاكره بصفه عامه اوميقا 3 كويسه لهاا طبعا هنا في بريطانيا لازم عندهم الحامل تاخد اوميقا وكذلك حليب الاطفال مدعم بهاااااااااا وهنا نوعين حليب بس عندهم لان هنا موطن الدراسات الطبيه واي دراسه طبيه طول ينفدوووها بعد يعرفوا ان نتائجها مذهله خصيصا زيت النخيل ف حليب الاطفااال مستحيل يحطوه نحن مستحيل حليب اطفال بدونه .. ونا عارفتها المعلومه هذه من قبل عمومآ بالنسبه لسؤالك ع سلس بول يصيرلي في اخر شهر حمل بس مش ديما الحق نادرآ نتيجة لضغط البيبي ع المثاااانه .. |
رد: ** ليبيا زين علي زين ليبيا ورد وياسمين ** تجمع الليبيات
جيجي ماشاء اللله ع الاجواء العائلية السمحه..صحه غدااكم
ديما نتخيلوا في حوش هلي بعد نزوجوا نا وماما ووخوااتي نجوا لهلي ونديروا جو هكي |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
فعلآ التربيه أهم شــئ .. وان شاء الله نتوفقوا .. نا توا حسيت بشعور هلي في تربيتنااااا وسلمك زغراده هههههههههههه الله يسلمك تعرفي تزغردي ع الطبيعه ؟؟ نا مانعرفش عندي خواتي شاطرات .. |
رد: ** ليبيا زين علي زين ليبيا ورد وياسمين ** تجمع الليبيات
سوسو دليله معناها ان دلوه ع العروس دل
أي الاصحاب او العيله دلوهم ع البنت هذه وشكروها له وهكي يعني |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
ام وسووونه
نورتينا من جديد وشن اخر اخبارك ان شاء الله بنوتاتك بالف خير |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمه الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
سوسو اقتبست ردك وماخليت ماكتببت فيه لكن طاااااااار
اللون الفوشي اغمق درجه في الوردي والصور والله انسيت ماقلت لراجلي تو انقوله باذن الله نسكن في سوق الجمعه وقريبتنا تسكن قريب من سومافرو جدايم والباقي مانعرف وواخدها واحد من الزاويه وهي طرابلسيه وحسب مانعرف ان هي واهلها ماشين لقريبتهم في الزاويه وبوها اموقف علي سوبر ماركت شافها في السياره وخطبها ههههههه ماشاء الله علي فكره حتي اني راجلي شايفني لما ماشيه للمدرسه زي البنت الفالحه من الصبح في هداكا الصقع طبعا من الاعدادي اني نلبس في جلابيه وشاربه كبيره شوي وجلبيتي واسعه نلعب فيها وامبينتني قصيييييره <<<فيحسابني قصيره هلبه طبعا معرفتش ان شايفني لين قالي يوم عرسنا ههههه مفاااااااجاه لين انسيت حشمي وقعدت انقصقص فيه ههههه طلع حب من اول نضره المهم ربي يحفظلك سنافرك وبوهم وعويلتك وتحققي كل ماتتمني |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
ان شاء الله تفرحوا بوخياتك ويرزقهم الذريه الصالحه وربي يهنيكم وتجوا كل يوم عند اهلكم بصغاركم لين ابقولولكم كل يوم اتجي وحده اقل دوشه ومنها ماتقطعوناش ونفرحوا بجيتكم ههههههههه<<هذا كلام اختي الصبيه الحق الجو احلي لما ايكون عدد الصغار خمسه او سته اما اكثر آآآآآآآه تعب ماشاء الله كل وحده يالله تلحق علي صغارها وبما ان ماشاء الله سبعه متزوجات وكلنا بصغارنا تبارك الرحمن مهرجان يوم الجمعه لما نتلاقوا باهي حوشنا كبير وجناناتهم كبااااااار كان هدا حتي سابع جار يضايق هههههه ربي يحفظنا ويحفظكم يااااااارب |
رد: ** ليبيا زين علي زين ليبيا ورد وياسمين ** تجمع الليبيات
اثري وام وسونه كيف حالكم وحال الصغار
|
رد: ** ليبيا زين علي زين ليبيا ورد وياسمين ** تجمع الليبيات
بنات اعذروني لو قل خشوشي للمنتدي او حتي انقطع
بصراحه درت جدول معين لحياتي بصفه عامه عندي قرآني بنراجعه ربي يسرلي ونلقي نفسي امتبته لاني من اول محملت مارجعتش الا قللللليل لايذكر وحصلت مدرست لغه انجليزيه محترمه ومدام بتجيني للحوش مش معروف آمتي تبدا معاي لان عندها 3غيري وحده قريب اتكمل معاه وتبدي معاي وربي يوفقني ونبي انزيد انعلم بنتي القران والاذكار والادعيه والحروف وحجات بسيطه واحتمال اندخلها المدرسه الباكستانيه مع شهر 4 وربي يسخر الحال واكثر من حاجه نتمني انحققها مادام جبت والحمد لله بنوتاتي بخير |
رد: ** ليبيا زين علي زين ليبيا ورد وياسمين ** تجمع الليبيات
اثري نبيك تحطيلي فتوي قياده المراه للسياره لو سمحتي
وبارك الله فيك مقدما |
رد: ** ليبيا زين علي زين ليبيا ورد وياسمين ** تجمع الليبيات
تصبحوا علي الف الف خييير
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
كيف حالكم خواتي ان شاء كلكن بخير وصحة وهنا ام وسونة... انستي ياحلوة كيف حالك وحال بنوتاتك ان شاء الله طيبين اثورة الغندورة ... كيف حالك يقلبي وحال العيال وبوهم .. دودوي من عمر رويتا سنة وشهر جاية 11/112012 والله يبارك فيك وفي عمرك وعملك وان شاء تطلع كيف مادعيتي فروستي حبوبتي .. نجيه فراس مازال صغير سنة ونص ربي يحفظه لك هو وخيته بالنسبة للزغاريت الله يبارك نعرف وكنت نعرف نرقص رقصنا العادي مع الرقص الشرقي بس بعدها الحمد لله ماعتش نرقص بس غناء ودرابيك لالالالالالالالالالالا منعرفش سوسو ياحبيبة .. حتى انا زيك مانحبش التبذير بس لما لقيت الكنادر صناعة ممتازة وسعرهن تمام بكل خذيت خذيت طبية عسلي لونها 25 والثانيات الوحدة 35 بس هنا اغلى من هكي لاني خذيت اخرهن والقيت عنده كنادر وشباشب وصنادل درجة اولى تخيلو بكم بعشرة دينار ليش لانه ارقامهن كبيرة وماحد يشري فيهن هههههههههههه وبالنسبة للدليلة كيف ماقالت لك فروسة يعني هي ما تعرفاش والناس دلوه عليها وشكروها له واجد بيش مشى خطبها جيجي الحلوة .. ماشاء الله علي لمتكم اتهبل الله يبارك ويزيد المحبة مابينكم وعجبني جدا انك نظمتي حياتك ويومك حتى انا ان شاء الله بعد الفرح والراحة بندير كيفك انغش منك هههههههه لاني حتى انا بنراجع اللي حفظته من جزء عم احسن مايطير هدهد يانسمة.. وينك غاطسة شن اخبارك واخبار سوما وبوها طلي علينا واحكيلنا اخبارك شموسة طبعا معاها عذرها لين ادير سفت وير لجهازها وحبيبة حاتم .. وينك ياعزيزتي وشن اخبارك واخبار البيبي وام معاذ ورد ورغودة وباقي البنات طلطلو علينا |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاتــــــــــــــــــــــــــــــــــــــــــــ ـــه
حياكن الله حبيباتي ~~~~~~~~~~~~~~~~~~~~ |
رد: ** ليبيا زين علي زين ليبيا ورد وياسمين ** تجمع الليبيات
هيا تصبحن علي خير
|
رد: ** ليبيا زين علي زين ليبيا ورد وياسمين ** تجمع الليبيات
جيجي ،،،،،،،،،،،،،،
موفقـــــــــــــــــــــــــة ؛ وزادك الله من نعمائـــــــــــــــــــــــــــه ومن أعظم النعم تسخير ما أنعم الله به عليك في طاعته فكل نعمة لا تسخر في مرضاة الله فهي وبال على صااااااااااااااااااااحبها والعياذ بالله ~~~~~~~~~~~~~~~~ على فكــــــــــــــــــــرة ،،، هل يعتبر العويتي بعيد عليك ؟؟؟ هناك الأخت """ أم حذيفة """ في مسجد بالقرب منه تعطي في درس كل ثلاثاااااااااااااااء رااااااااااااااااائعة ،،، أنصحك بها وبقوووووووووووووة من العصر إلى قبيل المغرب وهي من ألأخوات اللواتي درسن عند الشيخ مقبل الوادعي رحمه الله وعندها منه إجازة بالعطاء والتعليم وقد أثنى عليها كثيرا فحاولي أن تتابعي عندها بالإضافة إلى المسجد لمراجعة القرآن غزالة جبلنا الرايقـــــــــــــــــــــــة كيفك يا سمحـــــــــــــــــــــــــــــة ؟؟؟؟ قصة هالكنادر ما بتش تــــــــــــــــــم بكل !!!!! خخخخخخخخخ |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
به ماشاء الله عليك اوشي زغريد ورقص خخخخ تحي الثرات الشعبي الليبي بحذافيره يعني في مناسبتكم انا لاديت هك لا هك هههههههههه بالنسبه لشمووووسه... انا كلمت ام ارجوان عليها واعتذردت بسبب غيابهااا قالتلي لو ناسيه الرقم السررررري انغيره له لو وحده تحكي معاه ع الفيس في اقرب فرصه ياريت تقوللها |
رد: ** ليبيا زين علي زين ليبيا ورد وياسمين ** تجمع الليبيات
ع سيره الكنادر
مش غاليااات كنادرك اوشــي وين الطبيات الاصليات عندنا ف الاسكــافي ببنغازي اقل شئ 65 وعاديه جدا تلقيهااا سوسو اغلى شنطة شريتهاااا او شرتها ليا ماما أيامات الثانويه ونحتفظ بالسعر مش قايلته هههه واغلي كندره مانذكرش بالضبط بس مره كنت شوبنق مع خالي لوليده الوحيد بعد وفاة زوجته الله يرحمهااا كنت في اولى جامعه وقتها وشرالي بوت بي 195 ديناار نذكره قهوي محرووق ايطالي حاجة صح م الاخير لبسته لعند قبل مانزوج بصراحه ما بادش بكل .. طبعا مش ديما نلبس فيه بالشتاء وع لبسات معينه بصفه عامه نحب تنسيق الاحديه والكنادر والكاويشات ( سبيدروات) توا معش نلبس فيهن يادوب كنادر واطيه او بوتات ممسوحاااات عاد مع الحمــل وبعدها العويله خلاص معش فينا كريعيات هههه |
رد: ** ليبيا زين علي زين ليبيا ورد وياسمين ** تجمع الليبيات
مرحبا أثري..
شخبارك واخبار المدرسه وعليوة ودودي مازلت ترضع طبيعي..؟ اه ما اوعر الفطمه مرة قتي بتفطميها انظني قريب؟؟ |
رد: ** ليبيا زين علي زين ليبيا ورد وياسمين ** تجمع الليبيات
ماشااااااء الله تلات عسولات جو بعدي
باهي اللي جددت الصفحه باش شفتكم كنت بنرقد لكن العصفوره جماني طلعت تلعب عليا مش راقده ههههه ربي يحفظها بدت تعرف وتشوف كويس وتبي من جنبها تبارك الرحمن عليها اثري عيتي مش بعيد عليا شن اسم الجامع اللي فيه الاخت ام حديفه هي داعيه صح وزعما تقري فيه الجامع وتقبل اي وحده لان خواتي الزوز يقروا في قلم تاني عاللوح عند شيخه ماشاء الله قاريه 6 روايات وتكمل حاليا في السابعه وتعطي في شهادات معتمده حتي في دبي لكن وااااااعره مساكين خواتي مايطلعوش من دار باش يتبتوا ويكتبوا وياخدوا في المتن الجزريه وتنزلهم في طرق تعليميه عالاب توب << وحده لازم عندها لاب |
رد: ** ليبيا زين علي زين ليبيا ورد وياسمين ** تجمع الليبيات
هههههههه
الكنادر وما ادراك الحمد لله من لما عرفت ان لبسهم حرام حتي لو مطلعتيش للشارع او شافك حد سيبتهم والحق اثوره هي اللي نبهتني ربي يجزيها كل خير طبعا مانقدرش انصدقهم فاعطيت لراجلي حرقهم في الحوازه طبعا كانوا هللللللللبه ربي يسامحني اقل وحده ب50 توة خليت العمليات الوان غامقه ولطلعه من السياره للحوش عندي نازكات مجموعه وللاسواق والمشاوير بين كحل وقهويات وسبحان الله جربت في عرس في شهر تسعه بالكعب الحاف وكانت عندي تقه بنفسي هلبه وماحدش لاحظ لين قلتلهم لما اديري شئ لوجه الله تلقي نفسك مرتاااااااحه ويااااارب نتخلص من كل شئ حرام وربي يبينهولي لو كنت علي جهاله من امري يااااااااااااارب في امان ورعاة الله |
رد: ** ليبيا زين علي زين ليبيا ورد وياسمين ** تجمع الليبيات
صباح الفل والياسمين على بنات بلادي
كيف حالكم.. هههههههههههه فروسة علاش ماتبيش تقولي على السعر شكلها غاااااااااااااااالية .. هههه أنا ممكن أغلى شنطة ب 20 دينار.. الحق وبصراحة عندي ناخذ 2 رخاص ولا 1 غالية هذا تفكيري بصراحة يعني مثلا حاجتين 20 ... 20 ومختفات ونبدل بيهم ولا 1 ب40 .. وممكن مع الوقت تتغير قناعاتي لوشي هاتيلك زغرودة هههههههههه عندي وليمة عصبان ربي ييسرلي ويساعدي هههههههههه راجلي جايبلي دوارة جمل ماشاء الله .. يللي بتجي تعاون مش حنقوللها لا.. فروسة حنوصل كلامك لشموسة إن شاء الله بس هي ممكن المشكلة في الجهاز نفسه.. بنات بالنسبة لقروب الفيس.. خلي نقوللكم من البنات يللي فيه هدهد عيون سورينام حبل الوصل ام وسونة ام رفيدة سوسو ههههههه شموسة ساااااااااااالي |
رد: ** ليبيا زين علي زين ليبيا ورد وياسمين ** تجمع الليبيات
جيجي شن قصة الكنادر حرام هذه مافهمتاش
أنا نعرف إن صوت الكعب ص مش بتهي والحق نلبس فيها ممسوحة ممكن توضحيلنا شن تقصدي بالضبط طبعا عندي خبر حلووووووووووووو وأكيد حتفرحولي ماشااااااااااء الله عليا ههههههههههههههه بديت نمشي لمنارة قريبة علينا لو على رجليا مشوار تلت ساعة والحق جو مش عادي حتى المشي طريق ترابية بين الحوايز وحتى زوجي أصر نمشي على رجليا منه تغيير جو ومنه ريااااااااااضة هههههههه نمشي أنا وماما وبنت خال أمي هذا لحد توا وربي يزيد إن شاء الله.. مشيت الإثنين وأمس هو 3 أيام في ألإسبوع.. ما أجمل قراءة القران والتدبر في معانيه ... |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمه الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم
كيف حالكم في يوم هالجمعة وكيف كان يومكم طلعتوا ولا قاعدين في الحياش بالنسبة ليا اني بايته عند اختي من البارح توا كيف روحت لمة حلوة عندها اني ووخياتي تغدينا بازين وتعشينا رشتة برمة بالقديد كليت لين اعييييييت ههههههههههه |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاااته
|
رد: ** ليبيا زين علي زين ليبيا ورد وياسمين ** تجمع الليبيات
مرحبا بأخواتي الحبيبيات كيف حالكن وحال سنافركن وهلكن ان شاء الله اموركن تمام
وكنه التجمع مكسسسسسسسسسسسسسسد ليا يومين مافتحتش نلقى مافش شئ فاتحني الا صفحه وشوي للدرجه هذه مكسدين ههههه |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
مرحبا بأم وسونه وينك وشن اخبارك واخبار بنوتاتك وصحه غداااك الله ما احى لمة خوات .. احلى جووو وتاخدي راحتك ع الاخر ربي يحفظكم لبعض وصحه صحه الغدا والعشاااا اممممممممممممممم ما احلاها الرشتة بالقديد صحيحتينhwaml13 |
| الساعة الآن 11:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .