|
رد: دردشة حوامل أهل قطر - دردشة بنات قطر - تجمع حوامل قطر
تجهيزات الغرفه انصحكج روحي كازا للمناسبات بس ترى غالي شوي .. او روحي ولادتي غير ترى مب غاليه بحدود ال 5000 ريال ...
اما اذا على الجلابيات انصحج تفصلينهم في الخياط واي خياط بالريان او معيذر او بالغرافه وخذي لج كم وحده للنوم وللبيت من نعومي او السوق .. والله يسهل عليج يارب |
رد: دردشة حوامل أهل قطر - دردشة بنات قطر - تجمع حوامل قطر
صبــــااااحـــــوو ..
يــــلا بنااااات شدوو حيييلكم في مسااابقة الطببببخ للمشرفه رووح الوررد ربي يعطيها العافيه .. وراح تحصلو ع وسااام والاداره جالسا تعمل ع تثبيت هالااوسمه يعني من قددك بيسير عندك وسااام وتميـــز في المنتدى .. وتفضلوو هووون بتحطوو اسماائكم منشان تضعكم رووح الورد في قاائمة المشتركات وحوتي مشااركتك بالقسم نفسو واكتبي مشاركه بالمسابقه وبسس .. http://forum.hwaml.com/t53584.html#post980118 |
رد: دردشة حوامل أهل قطر - دردشة بنات قطر - تجمع حوامل قطر
بنات من جربت تنسيق المناسبات للولاده ؟؟
وبعد وين احصل اشياء للزينه احطها في غرفه الولاده ؟؟ اشوف بعضهم يحط دانتيل وعليه شموع وبعد وين اسوى توزيعات حلوة ؟؟ مثلا هدايا وشوكلت احس مليت من لانفدوم :( |
رد: دردشة حوامل أهل قطر - دردشة بنات قطر - تجمع حوامل قطر
شرايج تجربين لولي بوب اللي بالغرافه .. والا ام شهد عندها وايد توزيعات حلوه تحصلين لها بفلكر
وفي محل كب كيك بالعزيزيه بعد الكيك حلوو عنده ... |
رد: دردشة حوامل أهل قطر - دردشة بنات قطر - تجمع حوامل قطر
وين هذا لولي بوب ؟؟ اى صوووب في الغرافه
|
رد: دردشة حوامل أهل قطر - دردشة بنات قطر - تجمع حوامل قطر
السلام عليكم والرحمة ،
هلا ببنات قطر والله ، أناا حاامل في الشهر التاسع وباقي اسبوعين وشوي وراح أولد إن شاء الله وخاايفة مررررة ، طبعا أول ولاادة ، وعندي ملليييييووون سؤال ، وياارب ألقى عندكم أجوبة لأسئلتي ، إن شاء الله رااح اربي في حمد ، وأبي اسأل الحين أناا كنت أراجع في الإماارات وصار لي بس شهرين هني في قطر ، ورحت موعد مررة وحدة قبل أسبوعين في حمد ، وموعدي الجااي إن شاء الله الإثنين وتقريبا رااح يكون آخر موعد لأنو ولادتي إن شاء الله الخميس 12/5 طييب الحين لماا أروح الإثنين بيعطوني موعد الولادة ولا كيييف ؟؟ وممكن أختتاار الدكتورة ولا مو على كييفي لأنه في شغلة خلااااااص تعبتني وما أرقد الليل ترى قرييت انو في رجاال دكاترة في الولادة ؟؟؟ صح هالكلام ولا لأ ؟؟ مستحييييل أربي عند رجااال ، طمنوني الله يطمن قلوبكم فأبي أعرف إذا أقدر أختار دكتورة ولا كيف ؟؟ وحاجة ثانية أخواتي الحين موعد ولادتي 12/5 طبعا إذاا حسيت بأعراض الولادة برووح المستشفى وإذاا يوم موعدي ماا حسيت شو اسوي أروووح المستشفى ولا لأ ؟؟ >> أحس أسئلتي خببلة بس شو أسوي =( ترى أناا لحالي في قطر ما عندي حددددد أبد بس حماتي الله يحفظهاا رااح تجي بس اخااف تتأخر وتجي بعد الولادة أحس عمري مبهدلة أول ولادة وما في حد جنبي إهئ إهئ بصيييييييييح ، أرجوكم جاوبوا على اسئلتي الله يريح قلوبكم ، |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
السلام عليكم اول ماتروحين الموعد ، بيشوفون نبض الجنين اذا اوكي عيل بيشوفج الاسبوع الجاى ولين ما تخلصين شهرج بيتشوفج الدكتوره وتتاكد من نبض الجنين في ناس ينزل عليهم ماى دافي وهذا دليل للولاده او الام مثل الدوره او دم كل هالامور دليل للولاده الدكتوره بتشوفج وبتقرر وادا صار يوم 12/5 وماحسيتى بشي وكان يوم موعدج روحى للدكتوره ونصيحه هالفتره لاتتاخرين عن اى موعد واى الم او شد في البطن على طوول روحى الطوارى ومساله عن الدكاتره الرجال .. عموما في مستشفى حمد ما يولدون الا دكاتره نساء وكلهم كفو عندج حليمه التميمى ، الدكتوره نجلاء ، فاتن ، خلود هذيلا الى يقومون في الولاده وعموما لين دخلت الولاده انتى اصلا تحت اشراف دكتورتج واهى بالاغلب تولدج وربي يسهل ولادتج |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
يعني ما في دكاترة رجاال ، الحمدلله ياا رب ، الله يجزاك خيييير يا أمووورة ويطمن قلبك مثل ما طمنتي قلبي ، والله كنت خاايفة من سالفة الدكتور أكثر من خوفي من الولادة ، أناا الحين أرااجع مسائي عند الدكتورة علياء ، يعني هي بتولدني ؟؟ مشكورة أختي اميرة على الرد واللع يسعد قلبك ياا رب ، |
رد: دردشة حوامل أهل قطر - دردشة بنات قطر - تجمع حوامل قطر
الله يسهل عليج يارب وتقومين بالسلامه ..
وطمنينا عليج |
رد: دردشة حوامل أهل قطر - دردشة بنات قطر - تجمع حوامل قطر
بنات ابي اسالكم على انه ثاني حمل لي ..!!
بس الحمل الاول ماكنت في قطر توني دريت اني حامل وابي اسال متى ابدا اروح الدكتوره احس الوقت المناسب من الشهر الثالث ..!! بس انتم وش رايكم ..!! وثاني سؤال وين ابدا اراجع .. اي مستشفى ..!! وتنصحوني اخذ اي دكتوره ؟؟ |
| الساعة الآن 01:41 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .