منتديات حوامل النسائية - مسابقه أجمل قصه لتحقيق حلم الإنجاب

اقتباس:

المشاركة الأصلية كتبت بواسطة فوضت امري لله (المشاركة 2529514)

هذه مشاركه وميض النجوم

________________________________

تزوجت وانا كنت ادرس بالجامعه .. وزوجي موظف .. طبعا مر على زواجنا شهر .. شهرين .. ثلاث .. سنه سنتين .. وبدأو الناس يسألوني ليه ماحملتي ؟؟ اقولهم ماابغى الحين وانا فعلا ماكنت خايفه قلت اكيد هالشيء عادي وانا مابغى اطفال الحين توني عروس .. مرت 3 سنين زيادة وصارو 5 سنوات زواج وللحين الناس على هالسؤال ليه ماحملتي ؟؟ مليت من كثر مااقولهم ماابي الحين وقلت لهم الله ماكتب .. وفعلا انا وزوجي قررنا نسوي تحاليل وكانت نايج تحاليلنا سليمة لكن سبب التأخر غير معروف وزوجي ماكان مهتم مره عادي وانا بدأو الوساويس والقلق يجوني وقلت لازم آخذ منشطات يمكن البويضات فيها شيء .. وخذت ابر منشطة مافي فايدة .. ومرت سنه وصارو 7 سنين زواج وماصار حمل .. قررنا انا وزوجي نروح الحج .. ولما رحنا للحج كنت بدعي ربي انه يرزقنا بطفل لكن مادعيت قلت في نفسي احس اني مصلحجية جايه عشان ادعي ربي وسكتت ومادعيت .. وكانت الدورة مفروض انها تجيني بنفس اليوم الي بنرجع فيه من الحج لكنها مانزلت طنشت .. وبعد مارجعنا من الحج مرت 4 ايام والدورة شفتها تأخرت قلت لنفسي يابنت قوومي سوي تحليل مابتخسرين شيء وكنت واثقه ان مافي حمل بس جاني فضول وقلت يلا .. ورحت سويت وانتظرت النتيجة واشوف السستر تقولي مبروك مدام انتي حامل ! كانت هالكلمة كأنها سهم في قلبي ماصدقت نفسي ابدا وقلت لالالازم مستشفى ثاني اتاكد ورحت مستشفى ثاني ونفس الشيء مبرووك مدام انتي حامل والفرحة لاتووووصف سبحان الله بدون ماادعي ربي الله عرف الي بقلبي 4 ايام من رجعت من الحجل وطلعت حامل ورحت سويت لزوجي مفاجأءة لما جا بينام حطيت تحت البطانيه قبعات وجواريب مواليد ولما شافها زوجي دمعت عيوونه وقال صدق ؟؟ ولاتكذبين؟؟؟ وقلت له والفرحة لاتووووصف ونورت حياتي بنتي الله يحفظها يارب .. طبعا لما بنتي كبرت وصار عمرها 5 سنوات تسألني ماما ليه كل الناس عندهم اخوات وانا ماعندي ؟؟؟ وانا ارقع لها اي سالفة ومشت عليها وبعدين البنت كبرت وصار عمرها12 وتعرف في شيء اسمه عقم وتأخر حمل و هالسوالف و قلبي يتقطع على بنتي الف قطعه اذا سمعت خبر وحده حامل من عايلتنا دموعها تنزل وتبكي زي الأطفال واقول لها يا ماما ربك كريم لاتخافين انشاء الله بيصير عندك اخت او اخو والحين عمر بنتي 14 او 15 المهم قررنا انا وزوجي نسوي اطفال انابيب مافي الا هالحل وسوينا اطفال انابيب 5 مرات وكل المحاولات بائت بالفشل وبنتي حبيبتي تبكي تقولي اختي موجوده ؟؟ ولا لا في شي في بطنك ولالا؟؟ وانا ابكي معاها اقول لها لا ياماما ياحبيبتي انشاءالله الله يعوضنا وجلسنا بيأس وحزن و صديقتي دلتني على مكان لاطفال الانابيب ممتاز جدا جدا ومن اول محاولة تنجح قلت لزوجي عليه ما وافق قال رجال مستحيل اخلي رجال يكشف عليك لان في الخمس محاولات الاولى كانت حرمه الي تسوي لي العمليه وحاولت في زوجي مو راضي .. ولما اقتنع !! قال بشرط أتزوج ! طبعا انا ماكان عندي خيار الا اني اوافق بس ما قلت له مباشرة اني موافقه قلت له طيب متى نروح للدكتور انا مستعده نفسيا وجسديا قال بكيفك اي وقت تبين و فعلا رحنا وحددنا موعد وكشف الدكتور وفحص البويضات وعطاني ابر وعلاج وسوا لي العملية .. وقالي ممنوع تتحركين من السرير بس للحمام فقط وقال الدكتور بعد عملية ترجيع الاجنه ب 14 يوم تحللين تحليل الحمل طبعا طلعو مني 4 بويضات ورجعو لي 3 لان الرابعه مو زينه المهم .. وبالاسبوع الاول نزل مني دم خفييييف ولونه بني كلمت الدكتور قلت له قالي عادي وطبيعي بس بنزيدك المثبتات وزادني مثبتات ومر الاسبوع على خير وجا الاسبوع الثاني و حسيت بألم فضيع جدا جدا وقاتل مثل الم الدورة بس بشكل فظيييييييييييييييييييييييييييع واصرخ من الالم وبعدها بساعه حسيت بشيء نزل ورحت الحمام والا اشووف بلاوي دم احمر كثيييييييييييييير مره ومعاه قطع وكتل بكيت وقلت لبنتي وبكت وقالت اختي ماتت وقلبي متقطع عليها وتم ينزل الدم ينزل لمدة 7 إلى 8 ساعات ووقف وماعد شفته استغربت وكلمت الدكتور قالي 90% انها دورة بس حللي تحليل حمل الهرموني لانه دقيق جدا ويطلع نتيجة الحمل حتى لو كان تووه لان تحليل الدم العادي مايطلع الحمل بسرعه المهم وقلت يلا بحلل شبخسر وحللت تحليل حمل هرموني وقالو النتيجة بكرا وانا اعصابي نار نار وراحت بنتي المدرسة وانا انتظر الساعه تجي 8 الصبح عشان اروح اشوف النتيجة ورحت مع زوجي واتفاجأ الممرضه تقول مبروووك انتي حامل !! قال لها زوجي متأكده ؟؟؟؟ قالت له ايوا ودخلت للدكتورة بروحي وقلت لها دكتورة في حمل ؟؟؟ قالت ايوه ماشاء الله تبارك الله والنتيجة عاليه جدا واحتمال انهم توأم ! وفرحتي لاتوووصف وكنت انتظر اللحظة الي بنتي تجي من المدرسة عشان اخبرها بهالخبر الي طول حياتها تبغى تسمعه وطبعا جهزت الكاميرا وخليتها على جنب وجات بنتي من المدرسة وعلى طوول اول مافتحت الباب هااه ؟؟؟ شصار ؟؟ قلت لها مافي حمل وتحطمت بعدين قلت لها طيب تعالي بقولك شيء عشان تهدين شوي قالت لي شنووو؟؟ قلت لها الله كريم صح ولالا؟ قالت اي اكيد .. ماما يعني انتي ح .. ؟؟ قلت لها اي وهي تبكي تقوول ماما يعني في شيء في بطنك ؟؟؟ يعني في اخت بتجي ؟؟؟ يعني في احد داخل ؟؟؟ وانا ابكي قلت لها اي يا ماما في شيء داخل وتبكي حبيبتي بنتي والفرحة غمرت قلبها ... الله لايحرمني من فرحتها يارب و الله يبلغني بشوفة بناتي أحلى عروسات طبعا انا حامل ببنت وحدة مو توأم .. والله يجيبها بالسلامة ..
وانا الشيء الي فرحني اكثر ان بنتي الحين مبسووووطة مره وتحقق حلمها لانها تقطع قلبي كل ماتسمع احد حامل تبكي مره وتقول لمتى ؟؟ والناس يحملون عشان يقهروني وعايلتنا ماشاء الله اغلبهم كل سنتين او ثلاث يحملون

الله يحفظ لي بناتي ويرزقني ويزرقكم كل خير يارب

عارفة يابنات اني مررره طولت بحاول اختصر واتمنى اني زرعت الامل في قلوب المتأخرات عن الحمل والله يبلغكم ويبشركم بالحمل

ماشاء الله تبااااارك الله قصه رااااااعئه بكل تفااصيلهاا وفيهاا امل كبير

الله يفرحك في بنااتك وتشوفينهم في اعلا المنااصب ياااارب

السلام عليكم ورحمة الله وبركاتة

انا مثل اي بنت تحلم بالزواج والامومه بما انني البنت الوحيده لامي وابي وكانت عائلتنا صغيره

كنت احلم اني اكون عائله كبيره تاخر زاوجي صار عمري 25 الحمد لله ربي اكرمني وتزوجت

وكنت انتظر الحمل عدى شهرين خمسه ثمانيه وفي كل مره تتاخر الدورة اسوي تحليل بالبيت

وتطلع النتيجه سلبيه واروح واتاكد بالمختبر وبرضوه سلبيه لانها كانت تتاخر شهر واكثر

قررنا نروح نشوف السبب في تاريخ 5/1/1433اول زياره لنا للدكتوره اخذت مني تحاليل

كامله واشعه ومن زوجي تحليل السائل المنوي وكان همي وتفكيري كله بزوجي ماابي يصير فيه شي

انا اتحمل واقدر اشيل الهم هو لا حساس مره مايتحمل ابد كنت ادعي ربي انه يكون فيني ولا فيه

من بكرى رحنا ناخذ النتيجه الحمد لله نزلت دموعي من الفرحه وحبيت يد الدكتوره يوم قالت لي

زوجك سليم قلت لها وانا قالت استني عشان الدكتوره بتكلمك علطول اتصلت عليه وبشرته وانبسط

مره وقالت ونتيجتك قلت له انا عادي ان شاء الله مافيه شي كبير الحريم اصلان مشاكلهم كثيره لاتشيل هم

دخلت عالدكتوره وقالت اسمعيني انتي عندك مشكلت تكيس المبايض والتكيس عندك كثيييير والتبويض

عندك 2 يبيلك وقت عشان العلاج وكتبت لي متفور بسسس.. قالت اذا قررتي تسوين تنشيط وابر وتفجير

وماادري ايش تعالي ماعندنا علاج الا كذا ..... ضاقت فيني الدنيا وبما ني بعيده عن اهلي وكمان ماعندي

خوات ادق واسولف معهم وامي مريضه ضغط وسكر مااقدر افضفضلها عن همومي قررت اكتم هذا الشي

بصدري ومالي الا ربي حتى زوجي ماابي احسسه بضعفي وماابي ازيده هموم لان زوجي دوامه مره

صعب وضغط ومشاكل ...

وشهرين جالسه افكر اخذ تنشيط او لا لازم الحق عمري كل اللي تزوجو معي

ولدو ماشاء الله تقريبا 8 من معارفنا كلهم بنفس السنه تزوجو كلهم خلفو ماشاء الله وبدو الناس

يسالون امي ؟؟؟؟؟؟؟
هاه بشري بنتك ماحملت ويسالون مرت اخوي كمان عني ..بوقتها كنت مستمره عالمتفور ماتركته

مرتين باليوم حتى وانا معي الدوره كنت اكله حسيته هو العلاج الوحيد لمثل حالتي قريت عنه كثير في النت

و بشهر اربعه قررت اروح لدكتوره في مستشفى حكومي عشان كنت عارفه بتطول السالفه

ويمكن حالتنا الماديه ماتسمح وبنفس الوقت المستشفى اللي بروح له تبع دوامه قلت عشان تقدر تستاذن

منهم اذا صار موعد و...دخلت عالدكتوره وحكت لي نفس الدكتوره الاولى تكيس كثييييير وصعب

وقالت اول ماتنزل الدوره تدقين تاخذين موعد عشان اشعه الصبغه وبعدها راح نبدا بالتنشيط والعلاج

طبعا تاخرت بشهر خمسه جتني بشهر سته تاريخ 5/6/1433 رحت بعدها بعشر ايام سويت الاشعه

والحمد لله والنتيجه بعد اسبوعين رحت عشان اخذها دخلت عالدكتوره وفتحت الكمبيوتر ماحصلت الاشاعه

قالت لازم تعيدينا اشاعتك مفقوده موجود اسمك انك دخلتي الاشاعه بس صور الاشاعه مو موجوده

قلت لها لييييش حرام عليكم ومن ذا الكلام وبكيت وطلعت منها محبطه ونزلت لزوجي وكنت تعبانه وضايقه

قالي يابنت توكلي على الله يمكن انها خيره واخذ مني الموعد الثاني ورماه في الزباله وقال خلاص انسي

مافيه مستشفى ولا مواعيد .. انتظرتها تنزل عشان بكلمهم من غير مايدري وبحجز موعد وبعدين اخبره

عدى شهر سبعه كامل قلت عادي هي دايم تتاخر وبعدين شهر ثمانيه على اخره وصرت افكر معقوله لا

كيف والتبويض 2 لا لا بستنى قبل رمضان بخمس ايام قلت لازم تنزل بنزلها بحبوب عشان اصوم

لانها كانت تطول معي قالي لا بجيب تحليل قلت مافيه داعي مااحس بولاشي ولا اي اعراض زي كل مره

يعني بدخل 3 شهور معقوله مافيه اي وحم ...قالي عادي عشان نطمن كلها 10 ريال نزل وجاب تست

ورماه علي كانت الساعه 2 باليل قالي لاصار الصبح حلللي وبعدين كولي حبوب انا رحت وماستنيت

الصبح عناد كذا ومره افتحه ومره اسكره متردده اول مره احلل واكون خايفه ومردده اخاف انصدم

توكلت على الله وقلت اصلن متعوده اشوف خط ليه هالمره خايفه منه .....واخيرا قررررت

حللت وطلع خطين واضحين مره اول مره اشوفهم ماصدقت احس دورة المياه تكرمون ظلمت

مااشوف زين طلع بعيوني زي الدوائر طلعت برى اتاكد رحت تحت النور الا والله خطين معقوله

على طول رحت له كان بالطبخ وانا مخبه التست وراي وقفت قدامه وحطيته بوجهه قدام عيونه

وريته اخذه صار يقدمه ويبعده عن عيونه قال اخييييييرا بصير ابو... يالله وانبسط وقالي

يوووه بعيده 9 شهووور وصرنا نحسب متى الولاده ومره نقول نبي ولد ومره نبي بنت وصار كل شوي

يتحسس بطني يالله تتوقعين وينه اللحين هنا او هنا ... كل ذا وانا خايفه احس فرحتي مخنوقه

كانه احد يقول لي انتي مستحيل تكونين ام على طول قلت له يمكن يكون التحليل فيه خطاء ترى

عادي تصير لاتفرح واجد يوووه اتضايق حاول ينسى ويقول عادي اللي يكتبه الله رضا ..بكرى

ماقدرنا ننام قال بكرى بجيب تحليل ثاني وماراح اجيب ابو عشره وحللي الصبح اضمن لنا

قلت اوكي وحللت الصبح والحمد لله تاكد ورحت على طول شفته في الاشاعه وسمعت نبضه

بكيت بكيت كثير ودعيت الله ربي يتممه على خير ويرزق كل وحده تتمنى الامومه

انا في الشهر الخامس اللحين ربي رزقني من غيرتنشيط ومن غيرمشاويرالمستشفيات

والتعب النفسي والانتظار ونظرات الناس اللي ماترحم

نصيحه يابنات الصدقه الصدقه الصدقه والاستغفار ووكلي امرك كله لله .......

اسفه طولت عليكم ادعولي ربي يتمم حملي على خير ويحفظلي امي وابوي وزوجي

وجنيني والله مالي بالدنيا غيرهم .....والله يرزقكم ويفرحكم بالذريه الصالحه يارب