|
رد: تجمع حوامل ليبيا
مساء الخيرات كيف حالكم كلكم ؟؟ آية . ليبيا . نسرينا . عيون . ميمونة . بوسي . حنين . حبل الوصل انشالله تكونوا كلكم بخير ياااااااااااااارب .. بوسي تسلميلي عالرد أني أمس مشيت للخضرا عند دكتورة منيرة فعلا استريحت والمستشفى قداش نحبها من قبل مش عارفة ليش ههههههه
ليبيا شن أخبارك ؟؟ بالنسبة لمية الرقية والقرآن حاجة مش ممكنة انها تضر العيل يعني معقول قرآن وكلام ربي يقتل الجنين بالعكس وجربي مية زمزم وكوني متيقنة من فايدتها لأن ربي قال أنا عند حسن ظن عبدي بي ... وبالنسبة ليها يبيعوا فيها في عطار أبناء العاشوري في نادي الاتحاد ولو ماعندهمش اسأليهم وين ممكن تلاقي .. وربي يفتح عليك يارب . ميمونة انشالله تكوني حامل يااااااااااارب وتكون هذي علامات حمل انشالله ونفرحوا بيك .. بالنسبة ليا الحمد لله نحس في هم الوحام والأعصاب بدو يخفوا شويا يعني حاسة إني بديت نتحسن عالأقل من ناحية راجلي معاش نشم في ريحة مزعجة لما يقرب مني والحمد لله .. ادعولي |
رد: تجمع حوامل ليبيا
اهلييييييييييييييييييييييييين بنسرينا وحنين هلا والله حي الله هههههههههههههه عارفة روحي باردة ههههههههه
|
رد: تجمع حوامل ليبيا
بووووووسي / هلا هلا
من قال باردة ،،، عسل يا خواتي عسل ههههههه . |
رد: تجمع حوامل ليبيا
سلمك نسرينا ويجبر بخاطرك
طبعاً السؤال المعتاد ( شن غذاك اليوم؟؟؟؟؟)ههههههههه اني ناوية اندير رشيدة مبكبكة وانتي؟؟؟ |
رد: تجمع حوامل ليبيا
عاااااااشقة //
مرت خوي لما وحمها طار ،، قعدت نغنيلها ما طيرته طاار بروحه ... وما طيرته طااار بروحه هههههههههههههههههههه عقبال لما تخشي للمطبخ وا طيبي الكسكسي والعصبان والفتات والمبكبكة ههههههههه . |
رد: تجمع حوامل ليبيا
ههههههههههههههه حلوة يانسرينا لكن اني مش حنقول عدا وخلاني ... ياناس نعاني ... بالعكس الله لا يرده وووووووووووووووه متت منه ... تعرفي خاطري في عصبان وفتات وامبطن نستنى امتى نديرهم ونستمخ بيهم هههههههههه ربي يخليك ياعسل وانشالله نفرحوا بيك قريب انتي والوحام يااااااااااااااااااااااارب
|
رد: تجمع حوامل ليبيا
السلام عليكم
كيف حالكن ؟؟ |
رد: تجمع حوامل ليبيا
وعليكم السلام ام السعد ... كيف حالك ؟؟؟ وشن جو البرد معاك ... الصبح الجو يجمممممممممممد
|
رد: تجمع حوامل ليبيا
أهلين عاشقة الصحراء .. أنا الحمد لله مازال البردة مأثرة فيا ..
انتي شن أخبارك؟؟ |
رد: تجمع حوامل ليبيا
اني بخير والحمد لله يا أم السعود ... امس مشيت للمستشفى ودرت جهاز وشفت البيبي صغييييييييييير .. ماحلاه ... تعرفي نتفرج عالشاشة ومش مصدقة ان فعلا فيه حاجة في بطني يمكن لين تكبر بطني باش نبدا نحس ونصدق لأني لحد توا نحس في روحي عااااااااادي ماعنديش أي شعور بالأمومة ... بس الوحام متعبني ونبي نرتاح هذا اللي نعرفه...
انتي شن جوك وشن عندك جديد ؟ ربي يسهللك ولادتك يارب |
| الساعة الآن 07:14 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .