منتديات حوامل النسائية - تجمع حوامل الأشهر الأخيره(السابع,الثامن,التاسع)

صباح الخير كروشات ماجاني نوم قلت اكتب الاكشن لكم تبع ولادتي 😭
اول شي اشكركل الي باركولي 💃💃💃💃

في الاحد تاريخ 22/10كنت مضايقه كثيرومخنوقه حاسه بتعب وثقل وتقلصات نروح وتجي وانا معي طلق طبعا من الثامن وكان مفتوح الرحم 2المهم يوم الاحد بالليل شربت خروع اربع ملاعق مع عصير فواكهه وبعدهاسويت لي زنجبيل مركز وحارررر وشربته وكانت الساعه 10بالليل واناطول اليوم من الضيقه والتوتركنت اسبح واستغفروادعي علاطول انه بكره اولداو مايخلص هالاسبوع الاواناوالد

المهم رحت انسدحت واتقلب في السوير مافيني نوم والى الان ماجاني شي جديدالساعه1ونص بدأ المغص كل عشردقايق وانتظرت لين اتاكد انه طلق وكان حارشوي انتظرت الصبح راحوعيالي المدرسه وتميت احوس بالبيت مضايقه موعارفه انام دقيت علازوجي ساعه ثمانونص قلت له شوف لي موعد مع دكتورتي الحين ماابي اروح الطورائ اول بشوف الدكتوره احسن المهم بالموت لقاموعد الساعه 10وانتظارقلت اوكي بروح قال طيب اتجهزي اناجاي وزجي يقول انتظري الحين بتروح والرحم مافتح زين قلت له بروح حتالو مافتح بسوي سوناراطمن علا البيبي لاني خفت عليه من الخروع المهم قبل لااروح اخذت دوش دافي قلت بشوف الالم يمكن يروح وماراح كان كل عشر دقايقوقبل اروح سويت كوب زنجبيل حارررر يكون بودره موطازج وشربته وجازوجي ورحت ودخلت علا الدكتوره الساعه عشر ونص علا طول هي حولتني تخطيط لانها عارفه حالتي من الثامن وشافت فيني طلق قالت بكشف قلت اوكي اكشفت قالت يالله تنوين ولاده وانا كذا مسويه 😱😱😱😱😱😱من الخوف
قلت لها كم فتح قالت اربع بس لازم تنويم انا فرحت وخفت نفس الوقت طبعا زوجي نزلني وراح العمل اتصلت عليه مبسوطه اقوله مفتوح اربع مومصدق يفكر اني اناطلبت من الدكتوره تنوميني خخخخخخ

جاعلاطول راح للدكتوره يسالهاوقالت خلاص تنويم اربع فاتح الرحم والمهم حولوني قسم التنويم وتمت الاجرأت شفت غرفة الولاده خقت عظامي بغيت ارجع البيت ههههههههه
طبعاعطوني حقنه تنزل البطن كانت الساعه 12ونص الظهروبعدهابدلت ملابسيواستعديت واناخابفه لان زوجي قال هالمره ماراح ادخل معك الولاده مااقدر كل مره اشوفك تتعذبين ماعاد اتحمل 😭😭😭😭
دخلني وراح العمل وبعد ساعه جات الدكتوره كشفت كانت وحده ونص قالت فتح سته 😢هينااناخفت اكثرقلت قربت الولاده
بعدماكشفت الدكتوره كانت دفشه بصراحه بغيتت اموت

الازوجي يتصل يطمن وانا اصيح كلمته قال اشفيك حطولك طلق صناعي ولاايش استغرب لانه توه من ساعه كان عندي مافيني شي
قلت له كشفت علي الدكتوره والمتني والالم يزيد وفتح ست الحمدلله طبعاهو ماتحما المسكين كسرت خاطره علاطول رجع لي خخخخخخ

المهن وقعدت لين خمس ونفس الطلق والرحم ست بس قالت الدكتوره بفتح موية الجنين عشان يزيدالطلق ويفتح بسرعه قلت اوكي بس الله يخليك لاتعوريني وهي والله ماهمها حسيتها تبي تكشف وبس

جابت الي يفتحون فيه المويه وجات وانا استغفروادعي بعا طول الوقت واقراتدعية الولاده وربي كنت مطمنه ومرتاحه وانتظرشوفة النونو

المهم كشڤت علي وفتحت المويه بعد ماطلعت روحي كانت دفشه بصراحه ولاتراعي ابدومن كثر ماصرخت زوجي انحاش بره الغرفهعشان مابشوفيني كذا

واخيرا فكت الماي تقول الجنين راسه تحت بس لسا فوق مانزل بالحوض عشان كذا بصعوبه يتم الكشف
الساعه خمس ونص قالت بعطيك طلق صناعي خفيف مره عشان يتتظم الطلق اكثر ويفتح الرحم اسرع والحمدلله انتهي دوام الدكتوره وجات ثانيه لبنانيه تهبل يدها خفيفها عكس الي راحت المصريه

ارتحت لها كثير واكشفت علي قالت نفس الشي ست واناصابني احباط بصراحه وخفت هينا وصرت ادعي واستغفر واسبح جات ست وشوي زاد الطلق وانتظم وبدا الجد لين سبع الا وانا خلاص قمت اتوجع بصوت عالي والمناوبات مبسوطين يقولن خلاص ان شالله شوي وتخلصي بس الجنين للحين تصدقون ماتزل بالحوض وانا احاتي لان المي نزل كله وسبحت الدنيافيه

المهم الممرضه قلبتني علاجنب قالت عشان ينزل الجنين وقلبتني والا تجي ذيك الطلقه حسيت النونو يدفع وانا افتح رجولي واصرخ وخلاص بدا الالم الحد والنونو الحمدلله نزل للحوض وصار يدفعبقوه

كشفت سريع الممرضه قالت لسا ماطلع الراس خليك علا جنب وانا احس انه اني اضغط عليه جات طلقه ثانيه واصرخ ونادت الدكتوره كشفت قالت الحمدلله فتح 9 اذا جاتك طلقه الحين قولي عشان اوسع ويفتح عشر لازم تولدين الخين المويه خلاص نشفت وجاتني طلقه وصرخت ووسعت الدكتوره شوي وقالت خلاص الحين انتي في وضع الدفع

واتجمعوا الممرضات وجهزوني للوضع الا انا اصرخ بيطلع بيطلع
قالت دفعي وانا من الالم نسيت كيف ادفع وهي تقولي كيف وانا ادفع واصرخ مره قالت لاتصرخين ادعي وادفعي علا تحت وصارت تشوف واسه بيطلع وانا ادفع وبغيت افقد النفس قلت ابي اكسجين عطوني اكسجين وهم يصرخون دفعي دفعي وبعدها الدكتوره سوت لي جراحه عشان تساعدني والحمدلله دفعتين ثلاث وطلع الراس قالت خلاص حبيبتي انا واح اساعدك واطلع الباقي وفعلا ساعدني وسحبته وطلع حبيب قلبي كنت بس ابي اشوفه واطمن عليه وكانت الدكتوره روعه ولادتها تعتبر حلوه ويدها خفيفه وعندها خبره وحمدت ربي بعد ماشفته حطووه علا بطني حبيته وهو كان يطالع فيني مروق ولا حاس بشي ههههههههههه فديته

طبعا زوجي لماقالت لي الدكتوره دفعي طلع بره من الخوف علي
ولماولدت وشفت النونو قلت نادوه جايركض مسكين يمسح علا راسي وحبني علا راسي وشكر الدكتوره وهي بهالوقت كانت تخبط وحاولت انسا الالم عشان ارتاح لاني طلبت بنج قالت انابسوي خياطه تجميله مايصلح تكثر بنج لان المكان ينتفخ من البنج وماتعرف تضبط الخياطه زين قلت طيب. دام كذا خذي راحتك

طبعا بعد ماطلع النونو وشفت زوجي جا قعدت اصيح زي الاطفال اول مره اصيح كذا ههههههه قلت خلاص مانبي عيال بعد 😂😂😂😂😂

طولت عليكم عذروني بس شكلي اندمجت مع الاكشن

وانصحكم بالزنجبيل اذا حسيتو بالطلق

وربي يهون علا كل حامل وييسر ولادتها يارب

والحمدلله لك يارب علا مااعطينني واكرمتني به