المشاركة الأصلية كتبت بواسطة ام التوينز3 (المشاركة 2478051)

انا اخباري مره متضايقه تخيلو انا في منطقه بعيده عن اهلي واهل زوجي وماعندي غير الجيران الله يحفظهم هم مسليني بس المفاجاءه زوجي مرابط يوم العيد حاسه بحزن غير طبيعي حسبي الله عليهم ضيعو علينا فرحت العيد واكيد الجيران كل واحد بعيد مع اهله بابقى انا واولادي لوحدنا

المشاركة الأصلية كتبت بواسطة دلع الأحساء (المشاركة 2478088)

اجل كيف راح يكون حالك بالعيد
اتخييل تلبسين العيال جديد وتلبسين جديد وتجلسون تتابعو التلفزيون ةالله حاله كذا
وصعبه تروحين بيت جيرانكم لان الكل لهي مع اهله

المشاركة الأصلية كتبت بواسطة بنوته القمر (المشاركة 2478478)

بصررررررررراحه عندي سوال ممكن شوي محرج بس والله ماني عارفه لو الولاده طبيعي كيف تغسلو تحت يعني بالدش العادي ولا كيف وسوال ثاني معليش البراز كيف انا مابغا يدي تجي علي الخياطه ابدااااااااااا لان حترعب

المشاركة الأصلية كتبت بواسطة marawy (المشاركة 2479044)

مرحبا ،، اليوم رحت للمستشفى وسويت التراسوند ملون رباعي وناسه والله صرت مجنونه وزوجي اجن مني ،، هههه واضح وايد وفديتها تبان واضحه وتمص اصابعها فديت قلبها ربي يحفظها ويقر عيني بها يارب ،، واكدت لي الدكتورة انها بنوته وروتني بين رجولها ان مافيه اي شي وانها 100 بالمئه بنوته ،، وقالت لي انها تشبه زوجي كثير وخشمها على كلام الدكتوره حلو ولما سألتها قالت نفس ابوها هههههههه فديته زوجي خشمه حلو ،،

بصراحه تجربه حلوة واحس ودي ارجع اعيدها مره ثانيه في نهاية السابع او بداية الثامن ،، عطتني صور لوجهها وهي تمص اصابعها وعطتني سي دي فيه صور لكن الفيديو صار مو واضح لانها اعطتنا ظهرها وغطت وجهها ،، فقلت لها لا تخلينه ،، ورويت امي وخواتي واستانسوا حيل