|
رد: دردشة بنات مصر , دردشة حوامل مصر , تجمع بنات مصر
انا زعلولة موووووووووووووووت
آدى عيب الاخوات الكتير الدنيا زغاريط منولة أختى حصلها اجهاض من يومين ومحدش قالى كانت حامل فى شهر ونص ربنا يعوضها خير ان شاء الله بس هى كانت حامل فى السكرتة .. لأن ده البيبى التالت اخواتى غورااااااااااااب لما بيحملوا بعد البيبى الاول بيقولوا انهم حوامل وهم رايحين يولدوا الغريب بقى ان اختى فرحت بالاجهاض وبتفكر ترجع فى كلامها وتأجل النونو ده شوية ربنا يعوضها خير اللهم آميييييييييييييييييييين يلاااااااااااااااااااااا سلاااااااااااااااااااااااااااااااام |
رد: دردشة بنات مصر , دردشة حوامل مصر , تجمع بنات مصر
رانيا عاملة ايه ليكي وحشة انتي وكل البنوتات , يا بنتي الاخوات الكتير دول نعمة والله ميعرفش قيمتها غير اللي معندوش غير اخ واحد زي حالاتي كدة ربنا يخليهوملك يارب ويسمعكم عنهم كل خير وعموما اللي حصل لاختك ده خير ان شاء الله ربنا هيعوضها في ولادها ان شاء الله , بمناسبة الاخوات الكتير انا نفسي اجيب ييجي 5 6 عيال كدة يونسوا بعض ويسندوا بعض والله بتبقا عزوة كدة ولمة انا افتكر ان انا واخويا كنا رخمين قوي مع بعض مكناش بنعرف نلعب واحنا صغيرين لكن الاخوات الكتير بيلعبوا ويخلوا للبيت حس كدة ربنا يدي كل مشتاقة يارب ويجيبلي ابني بالسلامة يارب
|
رد: دردشة بنات مصر , دردشة حوامل مصر , تجمع بنات مصر
صباح الخير رانيا الباش مهندس وحشتينا ياقمر عاملة ايه رجعتي الشغل حمد لله علي السلامة
اخبار الاجازة ايه واخبار النونو ايه شكلك عرفتي النوع وطلع بوووووووووي الف مبروك بقي ربنا يجبهولك بالف سلامة يارب وتفرحي بيه هتسميه ايه بقي |
رد: دردشة بنات مصر , دردشة حوامل مصر , تجمع بنات مصر
السلام عليكم يا مقرايض
وحشتونى كل يوم عماد ينام من الساعه 10 بليل وطبعا هو بينام فى الاوضه اللى فيها الكمبيوتر مش بعرف الت واعجن معاكو حاجه تخنق ....... ادعو بالله عليكم لسماح صاحبتى هتعمل عملية منظار رحمى النهارده ادعولها ربنا يعوض عليها ويرزقها الذريه الصالحه هى وكل محروم وادعو برضو لولاء صاحبتى هتعمل اشعه بالصبغه النهارده ربنا يعوض عليها بالخلف الصالح |
رد: دردشة بنات مصر , دردشة حوامل مصر , تجمع بنات مصر
واحده عندها 55 سنه وجوزها 70 سنه وخلفو تؤام سبحانك ياربى سبحانك
يقول تعالى (( انما امره اذا اراد شىء ان يقول له كن فيكون فسبحان الذى بيده ملكوت كل شىء واليه ترجعون )) هحط اكم الفديو دلوقت تشفوه |
رد: دردشة بنات مصر , دردشة حوامل مصر , تجمع بنات مصر
سما قريت انك حابه تعملي بلح الشام دي طريقتي بيطلع جميل اوي والله وعملته كذه مره بصي ياستي المقادير هي
كوباية دقيق كوباية مايه ربع كوباية زيت 3 بيضات صغيرين او بيضتنين كبار ذرة ملح وذرة سكر كيس فانيليا معلقه صغيره خل عشان يطلع هش ود السر رشه بسيطه بيكنج بودر نبدأ بقي بالطريقه حطي المايه والزيت ع النار لحد مالمايه تغلي وبعدين انزلي بالدقيق بعد ماتنخليه ومعاه كل الحبشتكانات اللي فاتت دي ماعدا البيض وقلبي هتلاقي العجينه لمت معاكي ومش لازقه في الحله سبيها تبرد وبعدين اكسري عليها البيض واحده واحده وقلبي كويس اووووووووووووي وحطي في الكيس بتاع الكريم شانتي بس لازم البلبله تكون بؤها واسع عشان مايطلعش رفيع اوي اهم نقطه في الموضوع ده كله ان الزيت يكون بارد خالص وخلي بالك كمان انه بينفش اوي يعني خليه مقاس صغنن وانتي بتعمليه بس وهدي العين عليه هياخد حوالي 10 دقايق ع النار وبعد مايطلع سبيه يبرد خالص وضفيله الشربات ولو حبيتي تقلي تاني استني الزيت يبرد خالص ياسمسمه لأن لو الزيت سخن بيطلع طري اوي ومعجن انا اول مره عجن مني عشان الزيت كان سخن لكن بعد كده طلع زي الجاهز بالظبط وبألف هنا |
رد: دردشة بنات مصر , دردشة حوامل مصر , تجمع بنات مصر
رانيا معلش ياقمر ربنا يعوض علي اختك خير ان شاء الله
|
رد: دردشة بنات مصر , دردشة حوامل مصر , تجمع بنات مصر
ازيكم يا بنات عاملين ايه حد هنااااا
|
رد: دردشة بنات مصر , دردشة حوامل مصر , تجمع بنات مصر
رناااااااااا انتى هنا؟؟؟
قريت انك عاوزة طريقه البقلاوه او الزلابيه |
رد: دردشة بنات مصر , دردشة حوامل مصر , تجمع بنات مصر
ملك نيو لوك بعد غيااااااااااااااااااب طويل
منوره انا عملتها امبارح وطلعت حلوه بس برضه مش زي بتاعة الحلواني قوليلي طريقتك كده يالوكه وازي سيبمبتك الحلوه اخبارها ايه |
رد: دردشة بنات مصر , دردشة حوامل مصر , تجمع بنات مصر
بصى يا ستى هى ريقتها بسيطه خااااالص
شوفى كميه الدقيق اللى انتى عوزاها وتجيبى خمره لو بودر تبقى تحطيها علطول فى الدقيق ولو كانت عاديه تدوبيها فى ميه بسكر وتسبيها تخمر وبعدين تعجنى الدقيق بميه دافيه بس مش ساقعه ولا سخنه علشان لو اسخن من المفروض هتلاقى البقلاوه مش هتردى تقب فى الزيت نعجنيها لغايه ماتبقى العجينه سايبه خااااالص زى الميه كده وبعدين تغطيها وتسبيها فى حته دافيه علشان تخمر فى ناس بيحطوا على العجين حته بطاطس مهروسه عملاها قبل كده وهرساها كويس اوى علشان ماتبنش فى العجين ودى فايدتها علشان تكون مقرمشه وبعد ماتخمر تجيبى معلقه صغيرة وشويه ميه وتبلى المعلقه بالميه وتاخدى من العجين وعلى الزيت(غزير وسخن بس مش حامى اوى علشان البقلاوه مش بتستحمل حرارة عاليه) وكل مرة تبللى المعلقه وتاخدى من العجين بس حاسبى لتشيلى فى المعلقه ميه وتحطى على الزيت وهو سخن هتدعيلى وقتها طبعا هههههههه وبعدين تقلبيها وتطلعيها وعندك طريقتين للتحليه اما بالشربات بس يكون خفيف مش تقيل علشان يدخل جواه ويسكرها (وسلملى على الرجيم) او ممكن ترشيها بسكر مطحو وبيعطى شكل حلو وفى ناس بعد مايطلعوه من الشربات يرش عليه جوز هند بيطعمه برضه وياااارب تتطلع حلوة |
رد: دردشة بنات مصر , دردشة حوامل مصر , تجمع بنات مصر
ههههههههه
اصل عشريه اووووى مش بحب التغير ومرة غيرت زمان لقيت لولو حبيبتى قالتلى مستغرباكى لان فى الاول احنا كنا خلفيتنا لبعض عبارة عن الصورة الرمزيه والتوقيع اما الوقتى بقينا عشره هههههههه |
رد: دردشة بنات مصر , دردشة حوامل مصر , تجمع بنات مصر
تسلم ايدك ياملك هاجربها زي ماقولتيلي وهاتطلع حلوه ان شاء الله
انا دلوقتي بعمل تجربه كده لكذه حاجه عشان عايزه اعمل في عيد ميلاد لوجتي بلح الشام او بقلاوه هختار بينهم وهاعمل ميني بيتزا اهو يبان قدام الناس اللي جايه اني ليا في الحلويات واتأنعر عليهم حبه ههههههههههه وباباها بقي يشتري باقي الحاجه هو ده اللي انا اقدر اعمله بس ربنا يستر والنيولوك جامد علي فكره وبكره سلمي تحبي لما هاتخلي عينك في وسط راسك انا كنت زيك كده ولما لوجي حبت بقيت اصررررررررخ ليل ونهار وطول اليوم اقول بسسسسسسسسس كخخخخخخخخخخ وهيا ولا هنا مافيش حاجه بقت سليمه في البيت لسه امبارح قاطعه سبحه وعضت شاحن باباها بوظته ولسه ضحايا كتير راحت وضحايا كتير جايه هههههههههههههه |
رد: دردشة بنات مصر , دردشة حوامل مصر , تجمع بنات مصر
انتى رحتى فييييييييييييين
|
رد: دردشة بنات مصر , دردشة حوامل مصر , تجمع بنات مصر
ههههههههههههههه ربنا يخليهالك ياااارب
بس طالما انتى هتعملى حاجه منهم يبقى اعمل بلح الشام اضمن لانك جربتيه اكتر من مره وسيبك من البقلاوه الوقتى هههههه مش انتى بتعرفى تعملى تورت وهريان تورت كل شويه فين ابداعاتك ههههههه يلا وريهم الشطارة والتزويق ممكن تعملى جلاش بس اعمليه صوابع بيببقى احلى فى الاكل هو صحيح بياخد وقت اطول وفى ثوانى بيتنسف هههههه وهفكرك ممكن تعملى ايه كمان |
رد: دردشة بنات مصر , دردشة حوامل مصر , تجمع بنات مصر
انا جييييييت على ريحة بلح الشام
ميرسى يا رونى هجرب طريقتك ان شاء الله اصلة من الحاجات اللى بسمع انها بتطلع زى الجاهز بالظبط انما فى وصفات تانية مش هتتطلع زى الجاهزة قبدى العيش لخبازة واجيبة جاهز انما ده ان شاء الله هجرب ثانك يووووووو الزلابية فشلت منى 4قبل كدة بقت شاربة زيت كتير وشاربة شربات بقيت مش قادرة اكلها تقيلة مووووت ملك حلووووة النيولووووووك اوى |
رد: دردشة بنات مصر , دردشة حوامل مصر , تجمع بنات مصر
الجلاش الصوابع بيتعمل ازاى ؟؟؟؟؟
خلينا نضرب بقى هههههههه |
رد: دردشة بنات مصر , دردشة حوامل مصر , تجمع بنات مصر
سماااا ازيك يا جميل تسلمى ربنا يخليكى اصلى نفسى تحبى بقاااااااااااااااا ربنا يسهل
هاقولك بيتعمل ازاى بس اكل سلمى واجيلك يا جميل |
رد: دردشة بنات مصر , دردشة حوامل مصر , تجمع بنات مصر
جووود موورنينج
رانيا ويلكم باك يا جميل .. انا زيك على فكرة نفسى أخلف سبع عيال ان شاء الله بس يا عالم هينفع من السيزيريان ولا لاااااااء ربك كريم انا موش مضايقة اننا كنا اخوات كتير بالعكسسسسسسسسسسسسسسسسسسس يمكن كمان لأنى أصغر واحدة فاتشخلعت واتغندرت المشكلة يا حرام فى الكبير هو اللى بيتبهدل مع العدد الكتير يلا ربنا يرزقنى ويرزقك بالخير ان شاء الله رنووووووووووووووش صباحو حلويات على فكرة انا هقوم حالا اجرب بلح الشام لانه سهل اوى فعلااااا ملوكى قلبى صباح الخير يا جميل وألف هنا على سلووووكة اللى هموت واشوفها دى صباح الخير تووووووووووووووتى وسما |
رد: دردشة بنات مصر , دردشة حوامل مصر , تجمع بنات مصر
يانهار احوس الواد احمد مختفى بقاله حبه وانا قلت اسيبه طالما ساكت
ببص عليه لاقيت المجرم فى المطبخ ونايم على بطنه مكان الباسكت اللى طبعتها باليل وعمال يفرك فى الأرض بضوافره ابن لذين عاااااااااااااااااااااااااااا انضفه ازاى ده دلوقتى |
رد: دردشة بنات مصر , دردشة حوامل مصر , تجمع بنات مصر
منورين ياكتاكيييييييت
سما هايعجبك بلح الشام وهايطلع حلو ان شاء الله رانيا قالت هاتعمل دايت وانسي ياعمرو ههههههههه لوكه انا هاعمل ميني بيتزا وبلح الشام واحتمال اعمل موس شوكولاه واحمد هايجيب تورته وباتون ساليه وباتيه بالجبنه وشكرا كده اصل الجلاش الصوابع ده بيعلني خالص لسه كنت عملاه حادق خد معايا وقت طويل ابقي اعمله مره تانيه واكله انا مانا طالما تعبت فيه يبقي لازم انا اللي استفاد بيه هههههههههه مبدأي |
رد: دردشة بنات مصر , دردشة حوامل مصر , تجمع بنات مصر
حطيه في البانيو ورشي عليه حبة ديتول هههههههههههههههه
وانقعيه شويه |
رد: دردشة بنات مصر , دردشة حوامل مصر , تجمع بنات مصر
رنا أفكار للعيد ميلاااااااااااااد
الحوادق اللى تقدرى تعمليها فى البيت المينى بيتزا دى سهلة وسريعة وفى أفكار تانية لكن هتاخد وقت . اعملى فى البيت البيتزا وجوزك يجيب الباقى من بره الباتون ساليه والنواشف التانية اللى اشكالها كتير واسماءها غريبة دى واعملى ساندويتشات متنسيش شاورما , لحمة باردة وافردى زبدة ع الساندويتش متنسيش , كبدة , اعملى نوعين لو تقدرى واشترو التورتات والجاتو جاهز وصنف واحد حلويات شرقى محدش بيطيقها فى الاعياد ميلاد اعملى صينية جيلى بالكاسترد والفواكه والكريم شانتى ع الوش بيبقها لونها حلو كدا وسط الحاجات بسسسسسسسسسسس واشترى كانزات بيبسى متعمليش كاسات عشان المواعين وكدا وهاتى اطباق وشوك بتاعة عيد ميلاد بردو وان يووووووووس عشان ترميهم |
رد: دردشة بنات مصر , دردشة حوامل مصر , تجمع بنات مصر
رنا الدايت يوم السبت الجاى هههههههههههههههههههههههه
|
رد: دردشة بنات مصر , دردشة حوامل مصر , تجمع بنات مصر
كل ده يارانيا ده محدش جاي غير مامتي واخواتي وماماته واخواته
هانبقي 10 بس تورتايه دورين معاها باتيه بالجبنه وباتون ساليه او ساليزون ودي النواشف والميني بيتزا بقي وبلح الشام دي من افتكاساتي ويارب يطلعوا حلوين وموس الشوكولاه ممكن اعمله وممكن اعمل بدله جيلي فرواله او كريم كراميل لسه بفكر |
رد: دردشة بنات مصر , دردشة حوامل مصر , تجمع بنات مصر
ماحنا فعلا هانجيب كانزات وجيبنا شوك واطباق ومعالق ومناديل العيد ميلاد دي من بدري اصلي بحضر للعيد ميلاد من شهر 9 هههههههههههههه
من فرحتي كنت مستنيه اليوم ده اوي وفرحانه بلوجي خالص وحاسه ان الايام عدت بسررررررررعه يارب تبقي عروسه واشوفها في الكوشه ولو اني مش ناويه اجوزها من كتر حبي فيها هههههههه |
رد: دردشة بنات مصر , دردشة حوامل مصر , تجمع بنات مصر
الدايت يوم السبت السنه الجايه لا اللي بعديها ههههههههههههههه
|
رد: دردشة بنات مصر , دردشة حوامل مصر , تجمع بنات مصر
طيب تمام
حلو اوى بردو كدا فعلا الموضوع ع الديق يلااااا جووو أون يارونى ان شاء الله الحاجات تطلع حلوة وتتبسطوا |
رد: دردشة بنات مصر , دردشة حوامل مصر , تجمع بنات مصر
طب تصدقى يابت يا رنا انى انا كمان لما بتفرج على أفراح مسايا دى
بقعد أحلم كدا واقول عقبال بنوتى اشوفها زيهم فى فرحها من قبل ما أخلف احمد وبعد ما خلفته ياااااااااااارب ارزقنى ببناويت كتيييير يارب |
رد: دردشة بنات مصر , دردشة حوامل مصر , تجمع بنات مصر
يلا اسرحى بقى يابت يا رنا لما اقوم اجرب بلح الشام
واعمل لمحمد فجأة لما يجى وانا فاكرة حماتى كمان كانت بتقولى على موضوع الزيت بارد ده بت يارنا ابحثى وتمحصى وشوفى صوابع زينب انا اختى كانت بتعملهالنا قبل ما نتجوز كانت حلوة اووووى اعتقد انها سهلة كمان طالما اختى عملتها هههههههههههه |
رد: دردشة بنات مصر , دردشة حوامل مصر , تجمع بنات مصر
جوزي كان عايز يعمل عيد ميلاد كبير في بيت ماماته لأن هناك الشقه واسعه وعايز يجيب اراجوزا وكان بيفكر كمان يحجز قاعه في نادي وحجات كده قولتله حرام يعني اعمل عيد ميلاد يتكلف الفين جنيه ده حتي ربنا يحاسبنا
واتخانقنا زي ماتخانقنا يوم الفرح راح دفع 20 الف جنيه في فرح لما كنت هاتنقط ويجيلي شلل نصفي ههههههههههههههه لا ويقولي دول بعد الديسكونت كمان انا كنت هاعزم ناس كتير بس خفت الشقه تتبهدل وانا مش حمل انظف مره قبل مايجو ومره بعد مايجو والبت اللي كانت بتنضفلي طفشششششت من اهلها ومش لاقينها يعني كنت هدبس انا في الليله فطنشت وقولت كفايه كده |
رد: دردشة بنات مصر , دردشة حوامل مصر , تجمع بنات مصر
اعملى صينية جيلى بالكاسترد والفواكه والكريم شانتى ع الوش انا كنت هقلك الاقتراح ده اللى هو الترايفل بس اعملية فى كاسات ايس كريم تحطى فى القعر طبقة كيك حتى ممكن تجبية جاهز او بسكويت وبعدين تحطى طبقى جيلى فراولة بس يكون تقيل سنة وتقطعى فيه فراولة وموز وتسبية يجمد واخر طبقة كاستر فانيليا بس تصيبة بعد ما يبرد شوية ع الجيلى بعد مايكون اتجمد وممكن تزينى بكريم شانتية وفراولاية اوكريزية بيطلع وووووووواوا الوان وطعم حلو هينبهروا بيه |
رد: دردشة بنات مصر , دردشة حوامل مصر , تجمع بنات مصر
هاتعملي بلح الشام طب عيني فيه ها
ابعتيلي اتنين تلاته عشره كده لأختك رانا الطيبه هههههههههههه ام لوجي الطيبه |
رد: دردشة بنات مصر , دردشة حوامل مصر , تجمع بنات مصر
البنات اللي هيعملوا بلح الشام ياخدوا بالهم من الخطوات كويس
خصوصا حكاية ان لازم يكون الزيت بارد دي لاني عملته قبل كده و طلع معايا فطييير الشام مش بلح الشام ههههههه |
رد: دردشة بنات مصر , دردشة حوامل مصر , تجمع بنات مصر
انا عندي بوله كبيره علي شكل ورده حلوه اوي هاعمل فيها جيلي فراوله واقطع فيها موز واناناس واحطها بحالها كده ويمدوا اديهم كلهم ياكلوا منها زي الفته اللي في الجامع كده هههههههههههههههه
اصلي عشان اعمل 10 كاسات لازم افضي الفريزير كله وبرضه ممكن مايقضيش فعمل بقي الجلي في الورده الكبيره دي واحطها في النص زي التورته ياخدوا منها ويحطوا في بولات صغننه انا مالي بقي هههههههههههههههه |
رد: دردشة بنات مصر , دردشة حوامل مصر , تجمع بنات مصر
هرضع لوجي وجايه فاصل ونواصل
|
رد: دردشة بنات مصر , دردشة حوامل مصر , تجمع بنات مصر
عيال شوفوا اللى انا مشيراه ع الفيس بوك
Arabia nights رهيب ولاد اللذيكااااااااااااااا تووووووووووحفة خياااال يلا اسرحوا بقى شكلى ولا هنضف احمد ولا هسلق الفرخة ولا هعمل بلح الشام ولا هروق جوزى جاى كمان ساعة تفتكروا هلحق ؟؟؟ سلاموووووووووز |
رد: دردشة بنات مصر , دردشة حوامل مصر , تجمع بنات مصر
عاوزة رد فى الانجاز
العجينة بتبقى سايلة باين صح ؟ ولا ايه ؟ سمكها عامل ازاى ؟ |
رد: دردشة بنات مصر , دردشة حوامل مصر , تجمع بنات مصر
تلحقي ههههههههههههههه
ابقي قابلني ياسمعه خشي يابت امشيييييييييييي بدل ماجي اقتن عليكي للحاج محمد واخليه يطلعلك الخرزانه ويمدك |
رد: دردشة بنات مصر , دردشة حوامل مصر , تجمع بنات مصر
لا طبعا مش سايله خالص بتلم معاكي يعني ماتسبش اثر في الحله
|
| الساعة الآن 12:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .