|
رد: .·¤ تجمع الحوامل اللي ولادتهم في محرم¤·.
صباح الخير ،،
اليوم الساعه 11 بروح اسوي سونار رباعي ملون ،، متحمسه بشكل مو طبيعي ،، ربي يطمن قلبي واجي اطمنكم ،، وبالمره قلت بسأل الدكتورة عن السفر وبخليها تكتب لي تقرير ،، ام التوينز ،، ربي يتمم لج على خير وتقدرين كل يومين تطلعين تقضين شغلات بسيطه لو حابه ،، وان شاء الله تولدين بالتاسع وتشوفين البنوتات الحلوات جنبج مو بالحضانه ،، ربي يحفظهم ،، |
رد: .·¤ تجمع الحوامل اللي ولادتهم في محرم¤·.
ام اسكندر ،، تسلمين يا قلبي ،، وربي يسمع منج وما اتعب السفره ان شاء الله ،،
لاحول ولا قوة الا بالله :( شي يحزن ويعور القلب ،، ربي يصبر قلبها وهذا مو شي هين ،، والله لا يروينا في اهلنا ولا اعيالنا اي سوء ياربي ،، احس نفسي خنقتني العبره وانا اقرا قصتها ،، ربي يصبرها ويلهمها الصبر والسلوان ويعوضها خير يارب ،، عظم الله اجركم حبيبتي الله يجعلها اخر الاحزان ،، |
رد: .·¤ تجمع الحوامل اللي ولادتهم في محرم¤·.
اعز الناس ،، ربي يتقبل منا ومنج صالح الاعمال ،، اي والله مر رمضان بغمضة عين ،، ربي يعوده علينا ان شاء الله ،، ممكن من الصيام تكسل النونو ،، الدكتورة تقول لما تنامين اوقات يصادف النونو تنام معاج لان معدل السكر ف الدم ينخفض شوي يخليها خامله وتبي تنام ،، ربي يحفظها بعد الفطور بتشوفينها شلون بتتحرك ،،
بالنسبه للشريط انا ما امشي عليه ،، امشي على ان كل 16 من كل شهر ميلادي ادخل شهر جديد ،، وبهالطريقه احس افضل ،، لكن الشريط احسه يكون بشكل رسمي ههههه يعني رسميا ادخل شهر جديد ،، لكن بالتاريخ اسميها حسبتنا او حسبة الدكتورة هههههه بس بشكل عام الدكتورة كل مره اروح لها تقول لي دخلتي هالشهر واكون باقي لي بالشريط وقت لين ادخل شهر جديد ،، لو تقدرين تروحين مجمع فينيسيا بالخبر فيه محل بالطابق الارضي لما تدخلين من البوابه رقم 5 تروحين يمين وبتلاقين المحل على ايدج اليمين ،، اخذت طقمي منه وعنده مدسات حلوة ،، واطقم صغيره للنونو حلوة ،، وفيه محل بالطابق الفوقي يصير جنب الالعاب تقريبا وعندهم اسره حلوة وغريبه واطقمهم الصغيره بعد حلوة ،، والهرم وطابا شغلاتهم حلوة ومن سنتر بوينت اخذي المراضع وادوات التنظيف وهالسوالف واخذي للنونو كم قطعه من اطقم الوفرهولات البجايم حلوين واسعارهم مناسبه بعد ،، اما البدلات وهالسوالف لا تكثرين بدلتين يكفون احس ،، بعد النفاس نشتري البدلات وانا من الحين جاتني هدايا بدلات وفساتين ،، |
رد: .·¤ تجمع الحوامل اللي ولادتهم في محرم¤·.
مشاعل ،، اي والله صدقتي ،، اوقات التخفيضات هي انسب وقت انج تشترين من المحلات هذي ،، من فتره تكلمني صديقتي تقول شاريه لبنتها فستان من مذركير قيمته في حدود ال 300 ريال وبعد فتره شافت نفسه بالضبط ونفس الالوان في (ريد تاج) تقول انقهرت وكرهت الفستان حتى ! المحلات الصغيره هذي تحصلين عندهم شغلات مو موجوده في مذركير وغيره ،، وانا احس سنتربوينت اسعاره معقوله وايد ،، واحب بضاعتهم ،،
فديته اخوج ربي يحفظه لكم ويخليه يارب ،، علميه شوي شوي بأن فيه نونو في بطنج وقولي له ان راح يجي له اخو صغير ،، بنت خالي نفس الشي اختها الصغيره متعلقه فيها حيل ولما حملت كانت تقول لها اول بأول بالبدايه ما فهمت عليها وماصدقت ،، بس بعدين عرفت وصارت تعصب وتهاوش اي حد يبي يقعد جنبها ودوم تمسك بطنها ،، والحين ما شاء الله تشيل اولادها وتلعب معاهم وتراعيهم ولا كأنها من متلازمة داون ،، ربي يحفظهم ،، |
رد: .·¤ تجمع الحوامل اللي ولادتهم في محرم¤·.
اقتباس:
|
رد: .·¤ تجمع الحوامل اللي ولادتهم في محرم¤·.
دلع ،، كتبت لج رد طوووويل ههههههههه بس لللأسف انمسح :( متعيزه ارجع اكتبه ،،
|
رد: .·¤ تجمع الحوامل اللي ولادتهم في محرم¤·.
بقوم اجهز نفسي عشان اروح للمستشفى ،، ان شاء الله بعدين ادخل اطمنكم ،،
دعواتكم ،، |
رد: .·¤ تجمع الحوامل اللي ولادتهم في محرم¤·.
اقتباس:
الله يربط على قلبها ويجبر ماصابها لازم هي الحين تحت تاثير الصدمه بعدين راح ترجع وتحمد الله على ما بلها الله يصبرها |
رد: .·¤ تجمع الحوامل اللي ولادتهم في محرم¤·.
اقتباس:
انا زوجي مره ما يحب نونو معانا بالغرفه يقول ازعاج ووراي دوام بعدين بيننا بس باب سحاب اذا فتحته صارت غرفه وحده وهذا نظامي من اول بيبي ومرتاحه كذا وكل وحده على ما تحب |
رد: .·¤ تجمع الحوامل اللي ولادتهم في محرم¤·.
اقتباس:
|
| الساعة الآن 12:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .