|
رد: تجمع حوامل ليبيا
صباح الانوار ام سعد
وان شاء الله يومك مبارك وفكيك من الغشاش والله الحال من بعضه انا زيك مش عارفة راسي من رجليا ... بنجيب هني ولا في الحوش الجديد خاليها على ربك وردي بالك على النونو راهو غشاشك يئترفيه.. وديري زيني توكلي على ربي وغيري جوك .. |
رد: تجمع حوامل ليبيا
مسالخيرات والليرات ياصبايا ... كيف حالكم وشن أخباركم ؟؟؟
أختي الايمان شكرا جدا على سؤالك عليا أنا بخير والحمد لله آية كيف حالك اليوم وشن صاير معاك في الحوش ودوشة السوق ؟؟ نسرينا شن أخبارك وانشالله يارب تحللي تطلعي حامل ياااااااااااارب لكن انشالله مايكونش وحامك زي وحامي لأني بجديات نحس في روحي نهايتي في قرقارش لو نقعد هكي ... اول امبارح درت مشكلة مع راجلي هكي كبرها وقعدت نبكي للساعة 4 الفجر هكي من غير سبب مقنع .. |
رد: تجمع حوامل ليبيا
ادعو لي بالله عليكم تعرفوا والله نكون كويسة وعادية لحد مانشوف راجلي تقولي حاجة تخنق فيا .. وهو مسكين من النوع الحنون وخايف عليا هلبا .. لكن اني مانتحملش حتى يقرب مني .. حاولت نغصب علي روحي ماقدرتش .. يااااااااااااااااااااارب ساعدني .
|
رد: تجمع حوامل ليبيا
عشقة الصحراء يومك مبارك
وربي يهونها عليك قوليله يساعدك لان الحوامل حساسات هلبا>>تحكي على عمرهآ<< وبنسبة للمحوال مزال شوية والسوق من الصقع معادش مشيناله قعدة في الحوش وخلاص. |
رد: تجمع حوامل ليبيا
يا بنات شن رايكم نحكوا نكت لبعضنا عالأقل الواحد يضحك شويا .. ولا كان حد صاير معاه موقف مضحك يحكيلنا .. ربي يفتح عليكم
|
رد: تجمع حوامل ليبيا
هههههههه غير حساسات والله تقولي مركبة آلارم سيارة كل مرة نعيط .. وبالنسبة لراجلي والله حنين مسكين وتعبان معاي هلبا .. بالنسبة للسوق احسنلك ماتطلعيش هالفترة لأن الجو صقع ولا سمح الله تاخدي بردة وانتي قريب ولادتك .. خليك في الحوش أحسن وأسلم والمحوال ربي يسهلك فيه انشالله
|
رد: تجمع حوامل ليبيا
مرة فيه واحد أصلع مات بوه شد شعر أخته ههههههههههههههه ( مع العلم ان راجلي أصلع) هههههه
|
رد: تجمع حوامل ليبيا
والله يا آية لازم منه التفكير
ويستر الله عاشقة الصحراء .. ديمة استعوذي من الشيطان ... وردي بالك راجلك يولي عليك ويشدلك شعرك |
رد: تجمع حوامل ليبيا
اانا روحت يانسرين قلنا خلي الراجل يرتاح يوم ويشتاق
|
رد: تجمع حوامل ليبيا
ياروحي يام سعد والله وجعتني حماتك
تخايلي وحدة ماشية بتجيب يقولها عيلك ميت والله صعبة يارب احفظ اجنتها وونستنا بشوفتهم احياء يرزقون بلا زيادة ولانقصان اللهم ياارحم الراحمين |
| الساعة الآن 09:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .