منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

جوهرة ليبيا 10-18-2013 12:00 AM

رد: حبيباتى سيدات ليبيا تفضلو لأعرف ما حالكم
 
اهلا شموسه واوشي


منووووووووو موجوده توه ؟؟؟؟؟

هدية الخالق 10-18-2013 12:45 AM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته
كيف حالكم يا بنات
تعرفوا أني معيدة اليوم خروفنا وصلنا اليوم بس أهي أهي أهي hwaml4
أمس يوم عالمي ذبحنا وعلي أساس بيقطعه الجزار ويكون واتي الستة العشية
روح رجلي من الذبح الساعة 4قال كملنا الساعة واحد الذبح وباقي الوقت للساعة أربعة وهوا يلود مسكين يدورلي في مصارين قتله كان نعلم بيك راه قتلك خلاص مش لازم قالي لا كيف خاطرك في عصبان المهم حصل مصارين غلاظ وجونا نظاف ماشاء الله وراشين عليهم ملح زدت غسلتهم ونقعتهم في خل وليم من أمس واليوم لما شرف الخروف الصبح درتهم واهم عالنار قريب يطيبوا
المهم شن صار شن سبب التأخير؟
قال زحمة مالحقوش يكملوا التقطيع عندهم 46ضحية تبي التقطيع وهما يسكروا بكري الساعة 7ونص
لما مشالهم ولقاه مش واتي رقاله الحق بعتلي رسالة قالي مصارش قتله باهي شن ندير عشي قالي حرجان وطارت النية مانبي شي ههههههه
قتله باهي ندير شواء من اللحم اللي شريناه شري وخلاص قالي أبدا داير اضراب عالشواء لين يجي الخروف وطبعا بما إنه هو خبير في الطبخ ويعرف أكتر مني قريب قالي ماتديري شي تو نجي لما جي خدي افخاد دجاج وتبلهم ودارهم في شواية الضي ودار رز بطريقته الخاصة عالسريع وكل شي تمام ولما قرب يوتى العشي جارنا فلسطيني بعتله رسالة قاله جايين بعذ شوي منعيدوا أني خلاااص زاد رقالي قريب عيطت مش وقتهم بكل الساعة تسعة ونص في الليل وراجلى عيان وجيعان والحوش سوما سلامتها قالبه الألعاب ضميت ألعابها وغيرت حوايجي وضميت حوسة العشي وفتحت الرواشن عالاخر علشان صنة الدجاج المشوي وبعد كملت قعمزنا نستنوا مشوااااار بعدين جو وقعمزوا مشواااار روحوا قريب ال11ومنتعشوا سما علقت ورأجلي قالي منعرفش ناكل وهيا تعيط قتله كلا أني بالنسبة ليا عادي ههههه قالي ويقولو حنان الام وينه ؟طبعا كلينا بالدور اللي يتعشى الأول يجي يشدها والثاني ياخد دوره في العشي ههههههههه
واليوم الصبح جاب الخروف وعدا طول عنده قراية قبل منحاول نقسم اللحم بروحي لكن ماعرفتش قلت نخليه لين يجي والمشكله هوا معزوم عند أصحابه مصريين معناها بيروح متأخر لكن قالي ماتمسيشي لين نجي أني لأنه يعرف يقسم اتلات تلت صدقه وتلت هدية وتلت امتاعنا
وهااادي قصتي الحزينة هههههه

هدية الخالق 10-18-2013 12:52 AM

رد: حبيباتى سيدات ليبيا تفضلو لأعرف ما حالكم
 
ماشاء الله علي جنوده الحمد لله أنه صار منا مشروعهم فرحتلها هلبة ربي يوفقها ويعطيها علي قيس نيتها
لكن ماشاء الله عندها صبر وتعرف تدس الخبر وتديره مفاجاة أني والله مانصبر ولا تنبل في فمي فولة هههههه
سلمي عليها أموله وتعالوا أنتي وياها زوروني هههه كندا وأمريكا أقراب من بعض يفصل بينهم نهر بس

sosolibya 10-18-2013 05:06 PM

رد: حبيباتى سيدات ليبيا تفضلو لأعرف ما حالكم
 
السلام عليكم كيف حاااااالكم كلكم

امس مشيت لبيان أخت صديقتي نفس صديقتي متع يللي مشيتيلها المدة الفاتت في بيان ختها

وماشاء الله توا نحكيلكم


واليوم لمة أهل خالي نافس


ووووو ثاني يوم العيد مشينا لخوالي والمغرب مشينا بنيدو على السوريين حلفولنا نقعدو للعشاء...

جوهرة ليبيا 10-18-2013 08:55 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمه الله وبركاته

جوهرة ليبيا 10-18-2013 09:12 PM

رد: حبيباتى سيدات ليبيا تفضلو لأعرف ما حالكم
 
وينكم يابنات غياااااااااااب هلبه ربي يسعدكم


انا صليت المغرب وروحت من الظهر في حوش بوي حبيبتي امي الغاليه طيبتلي قديدي وجبته لحوشي قاعد دافي



المفاجاه الحلوه اليوم كانت
















بوي تاج راسي امشي خطوات هلبه برووووووحه اللهم لك الحمد يااااااارب

جانا من دارة لوسط الحوش بالقيله طبعا والله ماعرفت شن انقول تمتمت بالحمد ونضت تغمرت بوي الغالي وقعدت نبكي وبكيته معاي ربي يهديني


الله لايحرمني من شوفته يمشي بيناتنا وهو بتمام صحته ويحفظلي امي وخواتي وخوتي يااااارب

sosolibya 10-18-2013 11:36 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته

الحمد لله جيجي فرحتيني الحمد لله يللي تحرك بوك بروحه الحمدلله

sosolibya 10-18-2013 11:42 PM

رد: حبيباتى سيدات ليبيا تفضلو لأعرف ما حالكم
 
الحمد لله يللي اطمنا على جنودة

الحمد لله
إن شاء الله ربي يهنيها ويناولها يللي في بالها

بس بصراحة زعلت ليش مااحكتلنا وصدقت هدية كيف صبرت ماتقولش

أنا كنت متوقعة غيابها مثلا انها بادية في علاج أو شىء..

ومشروعها توقعته مشروع محل أو شىء هكي..

بس لا امولة بدت تتكلم زبطت الموضوع

امولة تعالي جاي احكيلنا بالتفصيل

جوهرة ليبيا 10-18-2013 11:46 PM

رد: حبيباتى سيدات ليبيا تفضلو لأعرف ما حالكم
 
اهلين سوسو ياغاليه

مشكوره لانك فرحتي لفرحتي الله لايحرمني منك ولامنكم كلكم

جوهرة ليبيا 10-18-2013 11:48 PM

رد: حبيباتى سيدات ليبيا تفضلو لأعرف ما حالكم
 
حتي انا زيك سوسو وهديه مانقدرش نصبر منقوللكم شئ لانكم زي وخياتي وعارفه دعواتكم الحلوه


ربي يوفقها جنوده يااااااارب


الساعة الآن 12:28 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .