رد: تجمع حوامل التوائم
 

رد: تجمع حــوامل التوائم
 

توينز 2010
ألف مبروك الحمل .. وربي يهون عليج ويسهلها . لا تخافين مرينا باكثر من اللي حسيتي فيه ..
ورب العالمين ما قصر .. عدت الايام على خير وهذا احنا ننظر ختامها وساءلين المولى عزوجل ان يجعل ختامها مسك ونلد بالسلامه . لا تخافين لكل سؤال جواب ولكل مشكلة حل وبالنهاية التيسيير من رب العياد . ربي يهون عليك الايام وتعدي على خير فقط نصيحتي الاخوية لك قراءة سورة البقرة يوميا والاستغفار 1000 مرة يوميا . هذا دواءك وعلى الله شفاءك .
أقسم لك بعزة جلال الله لم يهون علي سواهما البقرة والاستغفار .. وكنت ادعو الله بحق القران والاستغفار ان يهون حملي وعذابي ومراة ايامي ولم يخذلني ربي . اسأل الله لك السلامة يا توينز والله معك .

رد: تجمع حــوامل التوائم
 

ساره... لا تحاتين حبيبتي... دام المستشفى قالولج ما تحتاجين ربط يعني ما تحتاجين.. وأنا كنت خايفة بالأشهر الأولى وشافوا لي طول عنق الرحم وقالوا لي ما احتاج.. والحمد لله اكاني متفائلة وباقي لي اسبوعين وادخل التاسع.. ادعولي يا رب يسهل ويتمم علي على خير واجيب بناتي بصحة وعافية وما يحتاجوا حاضنة

بالنسبة لحركتهم بالعكس افرحي كل ما تحركوا.. لأن حركة البيبيات دليل على صحتهم ولازم تخافي إذا ما يتحركوا

حزن الزمان... حبيبتي هانت الصبر جميل... والله بيعطيج على قد نيتج وعلى قد صبرج.. وكل ما تفائلتي كل ما صارت الدنيا حلوة وتيسرت أمورج.. أنا وايد تفائلت بولادة هجران.. وانتي إن شاء الله راح تولدي بأوانج وتجيبيهم بصحة وعافية وانتي راح تكونين بصحة وعافية بعد
أنا وايد اسأل عن الأوزان لأني ما ابيهم يحتاجوا لحاضنة.. وما ابي أجيبهم أوزانهم صغير... بس اللي الله كاتبه لي بيصير ... الله الحافظ هو اللي عطانا هالتوائم وهو اللي يحفظهم

بالنسبة للزكام والبلاعيم.. انا الحمد لله صرت زينة بس البلغم مأساة... أنصحج بالشوربات والسوائل.. بقول لج أنا شسويت

1. كنت لازم آكل برتقال
2. أشرب عصير برتقال فريش على طول أو عصير ليمون فريش
3. كثرت من الشوربات وخاصة الدجاج عشان نسبة البروتين لأن الواحد ما يشتهي ياكل واحنا بمرحلة لازم ناكل فيها
4. كثري من الماء وخليه يكون فاتر مو بارد ولا حار.. يعني زوين
5. سوي لج غرغرة ماء دافي وملح.. يفضل قبل النوم
6. أنا كنت ما اقدر أواصل نوم فكنت أقعد الفجر من ألم البلاعيم وأسوي لي ماء دافي مع عصرة ليمونة وملعقة عسل وأشربه مثل الشاي ساخن.. وربي أنام وأنا مرتاحة وروح البلاوي اللي في بلعومي وأنفي

بالنسبة للشوربات
سوي شوربة غنية بالدجاج والبصل.. يعني حتى لو تكون دجاج تسلقينه مع بصلة مقطعة قطع كبيرة وشعيرية وتضيفي لها الكركم والفلفل الأسود والبهارات اللي تحبيها

تشربي فيها طول اليوم وتاكلي الدجاج المسلوق معاها.... مفعولها عجيب أنا من أزكم أسوي هالشوربة لأنها تريحني وتشفيني أسرع


توأمي فرحة عمري... وحشتينا موت!!! شلون سهى وسجى؟ ربي يحرسهم ويحفظهم لج.. وشلون نموهم؟ تحسينهم كبروا وايد؟؟


هجران.. ألف مبروك الولادة.. فرحتيني بجد وتفائلت كثير.. والحمد لله أن ربي سهل عليج وجبتيهم سليمات من كل شر وضر وما احتاجوا إلى حضانة.. عوذي نفسج حبيبتي وعقبالنا يا رب

نورة نايف.. مبروك طلوع عيالج ويتربون بعزج إن شاء الله عاد زورينا وكتبي لنا تجاربج .. ربي يحفظ لج كتاكيتج

البرنسيسة...للحين صامدة؟ دخلتي التاسع خبرينا شلون الأوضاع؟؟؟

رد: تجمع حــوامل التوائم
 

الف مبروك على الحمال يا توينز و الله يعينج على الطريج الي جدامج بس تهون انشالله و كل حاله تختلف عن الثانيه فما تقدرين تعممين تجربه على الكل بس اذا حملج مافي مشاكل انشالله فلا تحاتين و الله سبحانه يسهل امورج.

رد: تجمع حــوامل التوائم
 

توينز 2010
عواطف السلمان

شكرا على نصايحكم وبلتزم على سورة البقره والاستغفار
والله كريم

رد: تجمع حــوامل التوائم
 

توام روحي ............... سلاماااااااااات يا الغالية ماتشوفين شر والله يتمم عليك يارب والله ضاق خلقي عليك ........... بس ماعلية ان شا الله مايكتب الله الا اللي فية خير وكثري دعاء واقري قران والحافظ الله .
بنات انا اكل حبتين حديد يعني المفروض يصير فيني امساك اعزكم الله بس انا صارلي كم يوم فيني اسهل ....... واخاف يكون فيني دود في بطني ميييييييييييييتة خرعه يقولون اذا صار اسهال احتمال يكون دود منو عندها فكرة ردوا علي .

رد: تجمع حوامل التوائم
 

جزاكي الله خير

انتي الي جاوبتيني رغم انك مو بالثامن الله يهونها عليكي ويتمم حملك علي خيررر

توئم روحي الف سلامه عليكي والله يتم حملك علي خير

رد: تجمع حــوامل التوائم
 

خواتي سبحان الله يستجيب لنا باوقات ما نتوقعها سبحان ربي العظيم هو ارحم بعباده
كنت خلاص بستقر على عمليه لان واحد من البيبيهات راسه فوق والثاني تحت بس سبحان الله سرت المستشفى اليوم وقالوا لي الاثنين راسهم تحت سبحان الله ربي حبيبي اللي نزل راسه وقالوا لي في احتمالات بولادة مبكرة باي وقت مع اني بالاسبوع ال 30 وان ولادتي بتكون طبيعيه باذن الله
انا خايفه خواتي من الولادة اخاف يغيرون وضعيتهم اثناء الولادة
اوزانهم الحين كيلو ونص بالتقريب
طمنوني خواتي
وربي يتمم على اختنا توام روحي ويوقف عنها الماي ان شا الله ويحفظ اجنتها ويطمن قلبها يا رب يا قادر

رد: تجمع حوامل التوائم
 

عواطف انتي باي اسبوع وكيف اوضاع اجنتك

رد: تجمع حــوامل التوائم