|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته كيف حاااااااااااااااااالكم اليوم وشن ألأخبار
لابأس عليك هدية |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
صباح الخيرات عليكم |
رد: حبيباتى سيدات ليبيا تفضلو لأعرف ما حالكم
صباح الخير
اليوم نايضة بكري |
رد: حبيباتى سيدات ليبيا تفضلو لأعرف ما حالكم
جيجي
حتي انا من راي ام فراس لو تخليه بالراء الاسم احلي وفي النهاية وانتي وراحتك مجرد اقتراح |
رد: حبيباتى سيدات ليبيا تفضلو لأعرف ما حالكم
سامحونى بناااات بنقول كلمة لجيجي
صح هى حلوة لقطة نفس الحرف بس من ناحية ثانية مش حلوة بككككككل تحسى مافيش شخصية منفردة لكل واحد الجمي نفس الصبة بس لما يكون كل واحد منفرد بإسم خاص به وكل واحد إسم مميز تحسى بالشموخ فى أساميهم مش مجرد نفس القائمة وبس ههههههه شنو رايط فى إسم شموخ على سيرته يعنى |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
انا عكسك سوسو
لو ربي سخر واعطاني راح يكونوا بنفس الحرف مش شرط يكونوا الاسماء علي وزن واحد لكل إسم معناه مثلا شوفي في من مسمي فرح و مرح حرفين مختلفين بس علي نفس الوزن |
رد: حبيباتى سيدات ليبيا تفضلو لأعرف ما حالكم
امته بتمشي للعرس سوسو
|
رد: حبيباتى سيدات ليبيا تفضلو لأعرف ما حالكم
ام نوزه ربي يسهل عليك واتجيبي طبيعي
هدايه الف لاباس عليك راي سوسو وجنوده الزوز حلو وانا واخده قرار الاسم اللي يعجبني بنسميه وخلاص وربي يتمم الامور علي خير |
رد: حبيباتى سيدات ليبيا تفضلو لأعرف ما حالكم
تعرفوا مفطرتش ماخاطري في شئ
توه شاده طاسه مشروب سفن ومرتين نمشي انعبي من التلاجه وعارفه مش كويس بس هدا اللي جئ في خاطري بنات شن بديروا غداكم |
رد: حبيباتى سيدات ليبيا تفضلو لأعرف ما حالكم
بعد الفجر ان شاء الله بنمشي للبحر خاطري فيه
طبعا رنوده تكرها زي اغلب الصغار خوافه فحتقعد في السياره ونحضروا الشروق انا وحياتوو ونستمتعوا سويعه ونروحوا اندوشوا انا بنولي نرقد وهو بيمشي للعمل فبنحاول الليله انرقده بكري باش اينوض مصحصح |
رد: حبيباتى سيدات ليبيا تفضلو لأعرف ما حالكم
اذن الظهر بنصلي واندوش لرنوده
تعرفوا الضئ هارب من الساعه 10 ويجي تانيه ويهرب خايفه تفسد الاجهزه ربك يستر والجو سخوووون |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
أنا اليوم صايمة إن شاء الله وتوا تغدى زوجى ورقد درت طبيخة خضار وقلاية كبدة وكمونية وزيتون وخيار وهريسة وخبزةومشروب ميريندا |
رد: حبيباتى سيدات ليبيا تفضلو لأعرف ما حالكم
صحتين سوسو
|
رد: حبيباتى سيدات ليبيا تفضلو لأعرف ما حالكم
فى خبر ضاااااااااايقنى
اتصل صاحبنا السورى براجلى وقال العشية العيلة بيجو لو المدام موجودة وقاله زوجى هى صايمة بس توا نشوفها وشوية وإتصلت بيا المراة وقالتلى انى صايمة وهكى قلتلها خلاص تفضلو غدوة قالتلى خلاص وقال انها صانعة كنافة سوريةى بتجيبهالى بس يللى مضايقنى هوووو اهىىىىىىءءءء انها قالتلى جيتنا حتكون جية و وداع هىءء بيسافرو للأردن خلاص عشان قراية الصغار ماحصلوش هنا وعأساس زوجها بيقعد بس بصدق تعلقت بهم وطول جيت لراجلى وأرتميت فى حضنه وأنا نبكى لأنهم بيسافرو...... |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
هدا حال الدنيا سوسو يوم تجمع ويوم تفرق وربي يحفظهم ويسرلهم امورهم
ادعيلهم مساكين متشحورين |
رد: حبيباتى سيدات ليبيا تفضلو لأعرف ما حالكم
طبعا بيجو العشية مشوار ويروحو بس قررنا نشدوهم العشاء
|
رد: حبيباتى سيدات ليبيا تفضلو لأعرف ما حالكم
هدا حال الدنيا
وكلنا زوار فيها |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته ~~~~
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
جنودة ~~~~~~~~~~~~
لاباس على زوجك ؟؟؟ إن شاء الله أحسن تواااااااااااااا !!! بما أنه عنده حرارة يعني إلتهاب اللوز قاعد مستمر !! ليش ما ينحيهمش ؟؟؟ مداد ديما يتعبوا فيــــــــــــــــــــــــــــــــــه ؟؟؟ هديـــــــــــــــــــــــة .................. لاباس عليك ؟؟؟ شن أمورك أحسن توااااااااااااا ؟؟؟ ياروحي وجعتني """"""""سمووووووو"""""" مازال بكري علي التكشيخ والعراك مازال تعاوديها تشوفي نهارك ~~~ نحرش فيك بوووووووووووووووها أم نوزة ~~~~~~~~ أهلا بيك ربي يسهلك ولادة طيبة ميسرة ويقر عينك بشوفة حموووووووووووودي ~~~~~~~~~~~~~~~~~~~~~~~~~~~~~~~~~~~~~~~ |
رد: حبيباتى سيدات ليبيا تفضلو لأعرف ما حالكم
سوسو
يا حســــــــــــــــــــــــــــــاسة ويا صاحبــــــــــــــــة العشرة ** ربحتي معرفتهم ** أعطيتي أنمودج رائع للمرأة الليبية ** تعلمتي من ثقافتهم ** واسيتيهم وقت محنتهم فلك الأجر ....................... إشعاعات طيــــــــــــــــــــــــــبة ومنعشـــــــــــــــــــــــة لا تكدريها بحــــــــــــــــــــزن و """ غشاش """ وإن شاء الله تزوريهم في سورية الأبية كيف ما زاروك ياااااااااااااااخـــــــــــــية ............................... أم فروســـــــــــــــــــــــــي معك حــــــــــــــــــــــق ............... في موضوع الشراء والإنتقاء ولعلـــــــــــــــــــني بكلماتي الأولــــــــــــــــــى أردد ما يقال لي دوماااااااااا خخخخخخخخخخخخخ وقظتيني بحكاية فستان دودي صدقيني شعوري بأن طفلي أنيــــــــــــــــــــــــــق ............... أغلى من الألماس وشعور طفلي بالسعادة أثمـــــــــــــــــــــن من كنووووووووووووز العالم ~~~~~~~~ فصحتين على قلبك وقلوب العيلة كلهم ننتظر صورة فستان العســــــــــــــــــــــــــــل................. ..... |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اليوم عندي حفلة بنت صاحبتــــــــــــــــــــــــــي
مش تحسابوني عجوزة ؟؟؟؟ بس لأن أغلب صحباتي أكبــــــــــــــــــــــــــــــــــــــــــر مني بهلبة وحاليا لما نضجوا التسعينات صار عندي عدد محترم منهم كأصدقاء رائعيــــــــــــــــــــــــن فالعمر له بصمة ولكن لا يمنع من تبادل أصدق المشاعر وأروع الفوائد المهم عندي صاحبتي بتعطي بنت وبتجيب كنـــــــــــــــــــــــــــــــة مشيت أمس خديت ................ للعروسة ماكينة الفتلة ... وللعريس تحفة حلووووووووووة """ أسود بالأحمر """ وخديت للحوش أختها بالظبط غير أنها """أسود بالفضي """" ولقيت تحفة على شكل شنطة ،،،، بالذهبي المطفـــــــــــــــــــي عجبتني هلبة وحسيتها حلوة لبنت خوي العروســـــــــــــــــــــــــة خديتهالها وبعدين مرينا علي محل الشوكولاتة وعربنت عليها """ شوكولاتة عرس بنت خوي ........ برضواااااا واليوم درت غداي طاجين دجاج بالكوشة ،،،،،،،،،،،،،،، على فكرة سوسو شن طريقة الكمونية ؟؟؟ ناكل فيها في تونس وخاطري نعرف طريقتها ؟؟؟ وقتلك مرة بنت أختي جابت بنوتة ،،، وخصيتك بالخبر تعرفي علالالالالالالالالالالالالاش لأنها سمتها """"""""""" ريـــــــــــــــــــــــــــــم """"""""""" وبعد ما جابت بعتثلي وقتلي خويلة بالله ديريلي مسج علي اسم ريم نبعثه للحبايب وبســــــــــــــــــــرعة البرق كتبتلها كلمتين مشوااااااااا حالهم وخلاص هنأوني يا أحبتي بمقدم أحلى ريم وادعولي بدوام نعمتي والحمد للرب الرحيم ~~~~~~~~~~~~~~~~~~~~~~~~ والعاقبة عند المنتظرات للولادة و للحمل |
رد: حبيباتى سيدات ليبيا تفضلو لأعرف ما حالكم
ماقدرتش حتى نرقد ونرتاح بديت نفكر ونخمم شنو بندير غدوة إن شاء الله
|
رد: حبيباتى سيدات ليبيا تفضلو لأعرف ما حالكم
ششورت شعري
وبعد العصر بتجيني المزينــــــــــــــــــــــــــــة الحق في حفلات ليست من الدرجة الأولى في القرابة الغالب نمكيج بروووووووووووحي لكن هذه المرة ،،، شكرولي هذي المزينة وـني عمري ماشفت مكياجها مانقدرش نخاطر بيها في عرس بنت خوي ولا عرس سلفي قلت نجربها في عرس أحبابي طلعت حلوة .......... اللهم بارك ماطلعتش حلوة ........... بنشد تركينة وبنقعمز ~~~~~ وأكيـــــــــــــ حنطلع رائعة ــــــــــــــــــــــــد ~~~~~~~~~~~~~~~~~~~~~~~~~~~~~~~~~~~ دودي بنخليها مع الماما الله يحفظها ///// ومادام بنت أختي اللي معاها مازال ماتجوزتش وأني ندلع ونحط عندها ووليدي الغالي بيجي """ زوزي """ وبياخده الله يرعاهم أجمعيـــــــــــــــــــــــــــــــن طبعا فرحانة بالعرس ** في الصالة المتنقلة قدام الحوش ............. ما نمشيش للصالات ** مافيشي معازف ** فيه ناس أعزاز وخاطري نهدرز عليهم ** ماشيين خواتي ونساوين خوتي ........ جو مليح ** مش بعيد علينا ...مافيش شياط ريق وربي يسهل للجميع جنودة وسوسو شن أخبار أعراسكم ؟؟؟؟ |
رد: حبيباتى سيدات ليبيا تفضلو لأعرف ما حالكم
سلمك ربى يا أثرى بس بجد زعلت وعالعوم حنتأكد غدوة لأن ممكن مش كلهم بيسافرو
طبعا هما سلفتين كبار وحدة منهم عندها كنة مواليد93 عندها توأم بنات وكمان عندها بنت عاطيتها لولد عمها يعنى كنة السلفة ألأخرى و السلفة ألأخرىعندها كنة ثانية غير بنت سلفها وهذه يللى واخدة ولد عمها هى يللى راجلها صاحب راجلى مواليد73 وعندها 3 أولاد وبنت وسلفتها عروس لما جت هنا وتوا حامل ووووو والعزايز كل وحدة عندها عزارة ماشاء الله وكلهم بيجو ماعدا ألأولاد يعنى النسون والصغار |
رد: حبيباتى سيدات ليبيا تفضلو لأعرف ما حالكم
إمممممممممممممم
سوسو أحرف منــــــــــــــــــي شورك ؟؟؟؟ ردي بالك ترتاحي وتمدي رجليك !!! أسمعي ديريلهم أرز الشاورمااااااااااااااااا مميز ولذيذ ونوعين سلاطة وطاجين جبن ............ لأنك بتقلي خضرا للرز وسلامات ............................................. ولا ديريلهم طنجرة رشدة مبكبكة وكان معندكش قديد حطي لحيمات في عين الشمس مايجي غدوة العصر نين تلقيهم يابسات آآآآآآآآآآآآآآه أمتى يبدى عندي برنامج ضيوف معناها ياراحة مع السلامة !!!! |
رد: حبيباتى سيدات ليبيا تفضلو لأعرف ما حالكم
بالله
مسابقة وردة متاع الصحابيات والصحابة توافق الساعة قداش عندنا ؟؟؟؟ الله يباااااااااااااااااااااااااااااااارك زحمة يادنيا زحمة !!!! ربي يعينــــــــــــــــــــــــك |
رد: حبيباتى سيدات ليبيا تفضلو لأعرف ما حالكم
ماشاء الله ربى يسعدك أثرى
شنو مابديتيش تصيمى ؟؟؟ بالنسبة للعرس إن شاء الله ألأسبوع هذا وبصراحة لليوم مافيش حد مكيجنى غير يدياتى بس عن قريب عند مناسبة كبيرة وخاطرى ندلع نفسى شوية... توا نحكيلكم |
رد: حبيباتى سيدات ليبيا تفضلو لأعرف ما حالكم
هههههههههههههههههههههههههههههههههههههههههههه
تخيلى أثرى مدايرتلهم طنجرة مقطع ههههههههه منظر وهما غاطسين يلحسو خخخخخخخخخخخخخخخخخخخخخخ وبالنسبة للرز المرة الماضية لو تذكر درت رز بلاو مانقدرش ندير شبيه ليه وأصلا شنو هو رز الشاورما |
رد: حبيباتى سيدات ليبيا تفضلو لأعرف ما حالكم
الكمونية نفس ماديرى الكبدة العادية بس اديرى شوية لوسة وبعدين تعبيها بكمون الحوت
أنا مانحبهاش بس زوجى يمووووت فيها يعشق أى حاجة فيها بهارات |
رد: حبيباتى سيدات ليبيا تفضلو لأعرف ما حالكم
هههههههههههههههههههههههه
نحس فيه ماشي معاهم المقطع ................ مش حينسوا هالغطسة خخخخخخخخخخخخ ~~~~~~~~~~~~~~~~~~~~~~~~ صح درتي رز توا نقولك عليه ،،،،،،،،،،،،،، معناها بتطلعي من الرز أيه صمت خمس أيام ويوم الجمعة اللي فاتت مع أذان الظهر شرفت ................. مشيت نجري للمطبخ وتيت طاسة مية مسقعة وقعمزت بيها في الجنان أول ماسمعت زوزي خاش قعدت نشرب فيها وأني مستمتعة ............ فتح عيونه وقالي:::::: باهي حتى بتفطري تفطري قدام الناس في الجنان ؟؟؟؟ قتله يا غالي هذا شووال مش رمضاان خبط علي جبهته ~~~~~~~~~~~~ نسي خخخخخخخخخ يعني مازال يوم ونكمل ديني ومازال ست شوال ربي يقدرنااااااااااااااا |
رد: حبيباتى سيدات ليبيا تفضلو لأعرف ما حالكم
المسابقة أثرى قالو 8 بتوقيت السعودية زيدى أتأكدى
|
رد: حبيباتى سيدات ليبيا تفضلو لأعرف ما حالكم
ماشااااء الله أثرى باهى كويس بس ليش تصيمو الجمعة مش حلوة وتقصدى تسهفى فى راجلك حرااااااام عليك
|
رد: حبيباتى سيدات ليبيا تفضلو لأعرف ما حالكم
ماشااااااااء الله امشيت شوي انشوف في سلفتي وولدها القيتكم طايرين بصفحات
|
رد: حبيباتى سيدات ليبيا تفضلو لأعرف ما حالكم
شوفى فكرت ندير رششششدة بس والله ماعندى جهد للعناد وضرورى كان بنعاندها اليوم لأن غدوة عندى باش نلهى
وراجلى قالى كسكسى قلتله الرشدة عجبتهم لما دزيتلهم منها مرة وبعدين فكرت فى رز مبوخ أسهل وتوا خطرعليا ندير كسكاس رز وكسكاس ردة ناخ واتية ونفس طنجرة اللحم ونفس طنجرة بصلة سوسو الحلوة الفايحة ههههههههههه ومرات نزيد طبيخة قرعة الحلللللوة بصراحة تجينى حلللللوة بما أنهم يحبو هكى يعنى جغوم ..... وتوا مقوللكم عالمشقشقات وطبعا هذه معتبرينها جية النجاح ماجونيش |
رد: حبيباتى سيدات ليبيا تفضلو لأعرف ما حالكم
طبعا (توا أمولة بتفنص فيا ديما تقولى اتعبى فى أمك)
بنقول لماما اديريلى بيتزا والسبب اننا نبو كمية كبيرة وأمى عندها كوشة كبيرة واديرها فى حوشها أريح (بدون ريم والله ماتهفت بكل ) وامبطن (مرااااااات) ونفكر ندير الفطيرة(حشو من الوسط) ومش عارفة شنو ثانى مرات ندير مهلبية إن شاء الله وووووووو ومرات بسبوسة وعندى حلاوات العيد قاعدة وطبعا رفعتلهم منها لما مشيت فى العيد |
رد: حبيباتى سيدات ليبيا تفضلو لأعرف ما حالكم
سوسو ربي ايعاونك
اثري مرحبااااا درات غداي مكرونه البريمه اللي هي الموله او الملويه مش عارفه شن اتقولولها درتها في الكوشه راجلي ايمووووووت فيها حتي بالسبيقه اتجي انحبها سهله بس تاخد اماعين هلبه توه حطيتها في الكوشه ودرت سلاطه عربيه ومايونيز ومع فاكهه وقلعاوي ودلاع الحمد لله اليوم عندي صدااااااع فضيع ربك يستر اليوم دكتورتي موجوده احتمال نمشي وعزوزتي حتي هي قلتلها اتعاين شكلها امحصله برده بنقول لراجلي يرفعها |
| الساعة الآن 01:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .