|
رد: اهلا باهل الجود والكرم **اهلا بسيدات ليبيا**
سلمك يا جيجي يا اوخيه
|
رد: اهلا باهل الجود والكرم **اهلا بسيدات ليبيا**
خودي يا حنة عجينة الجلاش عجينة البكلاوة وحطي تلات وريقات علي بعض ومش لازم تدهني مابينهم بس الاخيرة ادهنيها بالزبدة وحطي خلطة المكسرات الي تحبيها غر مخلطة بشوية سكر ناعم وميه باش ما تتفترشش وحطي في جيهة وحدة ولفيها زي السويسرول وقطعيها وستفيها في طاجين مدهون اكويس بالزبدة وعاودي ادهني سطح البكلاوه بالزبدة ودخليها الفرن ما تاخدش هلبا ديري ايونك عليها وبعدين عسليها وهي سخونه وايضا مش هلبا عسل زي التبنين تطلع احلي وتتقروش وصحتين والف عافية ومدايرة وحدة تو انزلك صورها اني العجينة امدايرتها في الحوش والله مش عادية حتي راجلي حطيتله منها في حافظة مشي دوق منها زميله ايراني في القرايه مشي طلب منه الطريقة هههههههخخخخخ
|
رد: اهلا باهل الجود والكرم **اهلا بسيدات ليبيا**
3 مرفق
طبعا هده امدايرتها في الحوش العجينة وعندي صورة واني مطلعتها من الطاجين لكن شكلها امتسحت والي مرشوش عليها الفستق محشية من داخل بالفستق واما الصادا محشية باللوز |
رد: اهلا باهل الجود والكرم **اهلا بسيدات ليبيا**
هي سلاام بنات
في امان الله جيجي |
رد: اهلا باهل الجود والكرم **اهلا بسيدات ليبيا**
اقتباس:
[QUOTE=أم أجنادين 80;3657159][color="red"]ماشاء الله علي لمتك امولة كاملة متكاملة ولا تعتبر بسيطة لانك مش منقصة حاجة ربي يحفظك وحلوة فكرة البوفيه المفتوح خصوصا لما الوحدة تكون بروحها ومافيش من يحط معاها في الصحون او يوزع علي الضيوف وين جاراتك ليش ماجوش هما ليبيات [/col باااارك الله فيك جنودة تسلمي يارب هذا من ذوقك وان شاء الله نحضر لمتك هنا في امريكا ياااارب بالنسبة لجاراتي قصتهم قصة طويله والملخص وقت الجد مالقيتش من ساعدني وخلاص ان شاء الله يوم تاني نحكيلكم لانه مليت لدرجة شادة في زوجي نبي نحول من جهتهم مرة وحده ياااسر |
رد: اهلا باهل الجود والكرم **اهلا بسيدات ليبيا**
اختي الغاليه هدايه
عظم الله اجركم والله العظيم تعجز كلامتي ع التعبير عن شعوري لما قريت خبر خوك ان شاء الله ربي يرحمه ويغفرله ويجعل مثواه الجنة الله ياربي الصبر قداش توووووجع وسبحان الله اكيد المغتربات يحسو بالي تحسي بيه هنا في الغربه تحسي الحزن مضااااعف لانه في ليبيا تبدي بين الاهل والاحباب وتواسو بعض بس هنا للاسف تقعدي بروحك وتحسي شئ في قلبك وغصة توجع وخلاص ربي يعون في عونك حبيبتي ويصبرك وماليك الا الدعاء تعرفي اني خويا الله يرحمه الغالي ليه سنتين توا والله نحلم بيه ديما اوقات يوميا وكان عطل عطل مانشوفاش اسبوع لاولامس حلمت اني اني وهو نشوفو لحوشنا من بعيد وجيت ناديته قتله ياحمد بنقولك حاجه ابتسم وقالي شن قتله استاحشت اهلي وبديت نبكي بالعبرة في الحلم مشا قالي حتي هما مستاحشينك وضحكلي ومشا والله زي مانحكيلكم لما نضت بديت نبكي طول والله حسيته كأنه فعلا كان معاي وتعرفي ياهدية واني ديما نحلم بيه لانه لما مات الله يرحمه صبررررت والله نار في قلبي وتخيلو اني الي نصبر في عماتي ونساوين عمي وكلهم مصدومين فيا اني قعدت ندعيله وبس ونطلب في الصبر ليا ولاهلي والحمد لله ربي مايردش دعاء حد من عباده صح تجيني لحظات نبكي نبكي لين نحس روحي خلاص بي الدعاء ماممشاش من لساني بكل والله لتوا وفي كل صلاة ولين نموت لذلك نصيحتي ليك حبيبتي ام سوما استغيثي ربي وادعيه هو بس يقدر يساعدك وربي يكون في عونك ياغاليه والله حاسة بيك اسفه ع طول الرد بس والله اثرتي فيا هلبا |
رد: اهلا باهل الجود والكرم **اهلا بسيدات ليبيا**
الغاليه ام اجنادين
نصيحتي ليك زي ماقالو البنات توكلي ع ربي وابدي من توا في رحلة العلاج وكملي لغة تعرفي حتي زوجي سيب اربع شهور لغة لانه نجح وقال تمام لغتي لكن والله ندم لين خلاص قال ياريتني كملت لغة لانك كل ماتزيدي تزيد تتحسن وزيادة زي ماقالتلك خولة الاكاديمي صعب هلبا وظغط في القرايه امتحنات ع واجبات والله صدقيني مش ح تلقي وقت تلهي لروحك بكل وتوا اللغة رحمة في الدراسة مقارنة بالمواد لذلك كملي لغه وماتنسيش انك لو كملتي ومزالك شهور ع المدة الي عاطيتهالك الدوله ح يخلوك غصبن عنك تروحي لي ليبيا لانه هنا قانونهم تقري اقل من 3 مواد يسفروك طول يعني ماتقوليش نكمل باش نفضا للعلاج وربي يسهلك ان شاء الله كل خير وماشاء الله تعرفي باش نطمنك هنا هلبا بنات حتي هما تأخرو في الحمل وبفضل ربي والعلاج ماشاء الله كلهم حوامل والله في الي 5 و6 سنين لذلك العلاج فرصه وربي يسهلك ان شاء الله |
رد: اهلا باهل الجود والكرم **اهلا بسيدات ليبيا**
الغاليات جي جي واوشي وسوسو وخوله وفي في واثري وام معاد
ان شاء الله تكونو بالف خير يارب |
رد: اهلا باهل الجود والكرم **اهلا بسيدات ليبيا**
ام فروسه كيف حالك وحال الحلوين صغارك والاهل ان شاء الله تكونو بخير
بس ماقلتليش ع طريقتك في الطاجين اني كتبتلك طريقتي |
رد: اهلا باهل الجود والكرم **اهلا بسيدات ليبيا**
السلام عليكم
كيف حالكم وخياتي كلكم وصحيتوا على سؤالكم عليا وربي يخليكم ليا يارب وخيه ام سومة الله يرحم وخيك ويجعل مثواه الجنة وربي يرزقك بالصبر فعلا فاجعة الاخ مافيش من اصعب منها الله غالب هذا حال الدنيا ان لله وانا اليه راجعون وخيه امل ليبيا حتى انتي ربي يصبرك على وخيك ومدام تحلمي بيه معناها لازم تتصدقي بحاجة على اسمه وخيه ام رنودة تسلميلي ياغالية والله فرحانة انك دائمة السؤال عني في كل صفحة نلقاك سألة عليا وان شاءالله لاباس على عويناتك وخيه اوشي ماشاءالله وتسلم ايديك على هالصفيرات هكي بنات بلادي ديمة رافعين الرأس وخيه ام فراس ماشاءالله عليك عزومتك تسفه ربي يحفضك لراجلك وصغارك وخيه ام معاد طبعا اني مش متفاجأة من انك اخت ام روفيدة لان وخيتك من اعز الصديقات على قلبي وهي قالتلي ربي يحفظكم لبعض وخيه ام اجنادين كيف حالك وربي يرزقك بالذرية الصالحة من اوسع ابوابه وخيه خولة والله ماهندي فكرة على سؤالك لان في جيابي كله ناخد فيه جاهز ربي ينوضك بالسلامة وخيه ام فاطمة لمتك ماشاءالله عليها وتسلم ايديك وخيه سوسو لاباس على وليدك وربي يعاونك ويحفظك لعويلتك |
| الساعة الآن 11:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .