|
رد: .·¤ تجمع الحوامل اللي ولادتهم في محرم¤·.
مشاعل ،، حلوة الحركه ودايما الامهات يكسرون مجاديفنا ههههه انا كل ما اقول شي لأمي تقول انتي فاضيه ولا تسوين شي يلفت يعطونج عيون انتي والبيبي ههههه لحد ما رحت وجهزت كل اغراضي وهي تقول صبري بدري صبري بدري ههههه لو عليها كانت تبيني اجهز بعد الولاده ،، والسبب تخاف من العين والحسد ،، ربي يحفظها ،،
انا اخذت مفرش نفاسي طقم مع سرير البيبي وكل شي من مجمع فينيسيا بالخبر ،، شغلاتهم حلوه وراقيه ،، زوجي من الحين يفكر يشتري للنونو ذهب ،، ههههههه ويقول لأمي حتى لو ولد بعد بلبسه ذهب ،، ربي يبلغنا فيهم يارب ،، انا مفكره امشي من نص السابع او نهايته ان شاء الله شوي شوي لين اوصل التاسع ازيد المده والمسافه ،، لان الكل يقول ان الولاده تحتاج عضلات رجل قويه ههههه الله يعين ،، مشكورة ياقلبي ان شاء الله هالاسبوع قبل العيد بروح للدكتورة واسألها افضل ،، وراح اخذ منها تقرير طبي ان كل شي طبيعي بأذن الله ،، |
رد: .·¤ تجمع الحوامل اللي ولادتهم في محرم¤·.
ملكتني ،، فديتها البنوته تبي تحسسج انها موجوده عشان ماتنسينها ياقلبي عليها ربي يحفظها ان شاء الله من كل شر ،، ههههههه امممااا تاخذين بنصيحة ام اسكندر وتضربينها ههههه تحملي لا تتهورين ام اسكندر شريره هههه
بس حسيتي بالحركه بدري ماشاء الله لكن احنا نحسها متأخره خصوصا ان اكثرنا بكريات بالتجمع ،، مشكوره ياقلبي على المعلومات المفيده ،، تقريبا نفس كمية الاغراض اللي اشتريتها ،، مع شوية زيادات خفيفه عليها ،، وبالنسبه للسرير ،، صح كلام زوجج ما تصلح السله الا لاول اسبوعين او بالكثير فتره الشهر ،، لكن بعدها يكبر النونو ،، السرير افضل ،، مع اني ماجربت لكن اشوف بعيني شلون البيبي يكبر ما شاء الله بعد اول اسبوعين ،، |
رد: .·¤ تجمع الحوامل اللي ولادتهم في محرم¤·.
ام اسكندر ،، زين انج قلتي لي والله مافيني اتبهدل ،، بروح للدكتورة وبقول لها تعطيني تقرير طبي هالاسبوع وبالمره بسوي تلفزيون رباعي ملون ،، وما راح اخبرهم شي مثل ماقلتي لحد مايكتشفون ،، بس سؤالي لازم ما اربط حزام الامان صح ؟ الله يستر وتعدي السفره على خير ،، بحاول البس لبس واسع بحيث ما يبان ،،
عليها بالعافيه الكتكوته وتلبسهم بالعافيه يارب ،، انا اغلب تجهيزاتي محايده ومايله للولد اكثر من البنت ههههه بس اقول ما يبان كثير وبتكون صغنونه ،، والله يستر من الموعد الجاي يغيرون رايهم ويقولون لي ولد ! |
رد: .·¤ تجمع الحوامل اللي ولادتهم في محرم¤·.
نوقا ،، هههههههه اتخيل تنقزين مع كل حركه ،، والله غصب بيضحكون عليج خواتج ،، لو كنت معاج بالبيت بضحك عليج بويهج هههههه مو بقلبي بس ،، ههههههه فديتج والله بس بجد الحركه احسها بقلبي قبل لا احسها بيدي او اشوفها ،، واستانس لما تتحرك اقعد افكر واقول سبحان الله شلون انسان حي بداخلي ويكبر يوم عن يوم وصار يتحرك بداخلي ،،! ربي يحفظ اجنتنا من كل شر يارب ،،
|
رد: .·¤ تجمع الحوامل اللي ولادتهم في محرم¤·.
روعة النسيان ،، فديت قلبج ،، جربي تشربين عصير فيمتو بارد او اكلي ثلجة وبتشوفين كيف بتتحرك النونو ،، انا لاحظت من كم يوم لما اكلت كريم كراميل تحركت النونو بشكل حتى اختي جنبي حست بالحركه ما شاء الله لما حطت ايدها وجربت اكل مره ثانيه بعد ساعه او ساعتين تقريبا ورجعت تحركت نفس الشي هههههه الظاهر بنتي تحب الكريم كراميل طالعه لابوها ههههه
صح كلامج بالنسبه لنوم النونو ،، انا في بداية حملي كنا انا وزوجي مخططين نسوي غرفه للبيبي لكن بعدين امي اقنعتني اني ماراح استفيد منها واقنعت زوجي ان لما يكبر البيبي نأثث له غرفه نوم تكفيه لعمر 6 سنوات إذا مو اكثر ،، وزوجي لما قلت له هالكلام قال اصلا انا ما يطاوعني قلبي ان النونو تنام بنفسها بعيده عنا ،، ههههه وكأنه يبيها من الله ،، |
رد: .·¤ تجمع الحوامل اللي ولادتهم في محرم¤·.
بقايا ،، ربي يسلمج من الشر يالغاليه ،، إذا على زوجج اكيد راح يقتنع مع الوقت بالاسم ،، وحاولي تسايرينه بالكلام لحد ما يقتنع ،، الرجال مثل الطفل تقنعينه بشويش بشويش ههههههههه مو تروحين تعطينه حلاوه ههههه لا ياخذج الحماس زياده ،،
اللهم سترك ،، ربي يتقبل مننا ومنج صالح الاعمال ياقلبي ،، وبعد العيد مالج عذر لازم كل يوم تشرفينا بالتجمع من الفجر لين الليل ،، ههههههه اي والله رمضان عدى بسرعه ،، ولا حسينا به ،، وان شاء الله رمضان الجاي كتاكيتنا بحضوننا على السفره ،، ربي يحفظهم ،، |
رد: .·¤ تجمع الحوامل اللي ولادتهم في محرم¤·.
بنوته القمر ،، ياهلا فيج بيننا ،، وربي يتمم لج على خير ان شاء الله ،،
ام التوينز ،، ربي يسلمج يالغاليه ،، وربي يطمنج دنيا واخره فديتج ،، وعليهم بالعافيه التوينز الغرفه الجديده وان شاء الله يملونها بضحكهم ولعبهم ،، بس نصيحه تقضين بنص السابع ع الاقل لانج حامل بتوينز واحتمالية الولاده المبكره تكون كبيره بسم الله عليج ،، ربي يقومج بالسلامه يارب وتجين تبشرينا ،، |
رد: .·¤ تجمع الحوامل اللي ولادتهم في محرم¤·.
ميشو صبري جايه الهذره بس رحنا نتسحر والحين بنصلي ههه
مراوي فديتك اجل تنصحيني اخذ من الهرم وطابا ارخص وبخصوص الوالد امي ماتبي تنام وياه خلاص اكبرو. ومن مرض امي نفسيتها زفت وماتحب تنام.وياه تتحمق عليه انا اليوم قالت لزوجي شرايك اولد في صالة بيت اهلك لان كل اهل زوجي وحمياني متزوجين وساكنين ويانا بس فوق يعني كل واحد بشقه والشقه الي انا فيها فيها غرفه لي وغرفه لامه ومطبخ وحمام وصاله صغيره ولو بولد اولد في الصاله ودي واحس اريح نفسيا من بيت اهلي بيت اهلي حيييييل يجيب الكئابه سبحان الله لان هناك الوالد مريض وامي تعبت من طلباته وشياله والكل يشتكي منه واختي ساكنه وياي نفس البيت بيت اهل زوجي لان ماخذه حماي وان شاء الله ماتقصر بس اليوم لمحت لها وقت السحور قلت لها عادي لو اولد في صالة بيت زوجي لان امي بتشيل ابوي ونفسيتها صفر واخوي بيبدء يكسر ويبني قبل لاولد وبيكون المكتن ضيق حسيتها مو متقبله مادري يمكن خافت تشيلني معن هي طبعها حييل خدومه وتحب تخدم الناس وتخذ ثواب فيهم يمكن مافهمتني عدل بشوف لقرب وقت الولاده وحسيت وضع بيت اهلي مايساعد بكلمها كان تقدر تشيلني وانا احس مايبيلي شي لان الضيوف مو كثير واذا على الطباخ انا ما احب رز فيه ثوم باكل حالي حال اكلهم واهي اختي متعوده تعطيني رز وقت الغدا يعني ماتوقع بكلف عليها وتصبخ لي ابروحي وطبعا بعطيها لحم ورز واذا على العشا اي شي اكله ولا زوجي يطبخ واذا ع الضيوف مافي ضيوف واجد وخاصه ولاتي وقت اختبارات والناس تدري اني ادرس يعني لو.بيجون يابيجون بعد الاختبارات ياقبل وبيجون مره وحده |
رد: .·¤ تجمع الحوامل اللي ولادتهم في محرم¤·.
دلع ،، ايوه توكلي على الله واخذي من طابا والهرم وسنتر بوينت اخذي منه كم غرض ،، بصراحه رحت مذركير الاصلي واخذت لي كم شغله بس وطلعت ب 970 ريال تقريبا بدون ما اخذ شي يذكر !!! والقهر اني شفت نفس البضاعه موجوده في سنتر بوينت بسعر ارخص بكثير ،،
انا ما اشجع اني اشتري للبيبي شغلات غاليه كثير من الحين ،، لاني اول شي ما اعرف قياس النونو لما بجيبه بالضبط ،، والبيبي معروف انه يكبر بعد اول اسبوعين من الولاده ويتغير جسمه ،، حرام اشتري شغلات غاليه وبدلات وهو بيكون في المهده ما راح تبان ،، انا حتى الفساتين ما اشتريتها كلها جاتني هدايا من اهلي ،، والا لو علي انا ما اشتريت فساتين الا بعد اطلع من النفاس ،، واكثر الملابس اللي اخذتهم وحسيتهم مريحين للبيبي هم الاوفرهولات البجايم الكامله اللي تغطي الرجول بعد ،، دام تحسين نفسج بترتاحين في بيت اهل زوجج اكثر من بيت اهلج توكلي على الله وخلي نفاسج هناك ،، وممكن اختج ما فهمت عليج او لأنها ماتقبلت عشانج بكريه ومعروفه البكريه نفاسها يكون في بيت اهلها كالعاده ،، الا لو صارت ظروف خلتها تتنفس في بيتها ،، بس من رأيي كلميها وكلمي امج بالموضوع لا قربت الولاده واخذي رايهم ،، ممكن عندهم رأي ثاني يفيدج ،، وبنفس الوقت يكونون هم مرتاحين عليه ،، وبكل الحالات امج ما راح تخليج ان شاء الله وكل يوم او يومين بتمر عليج هناك وتجيب لج معاها كم شغله للنفاس وتعتني فيج ،، وحتى ام زوجج ما اظنها بتخليج وما تعتني فيج ،، ربي ييسر لج امورج يارب ،، |
رد: .·¤ تجمع الحوامل اللي ولادتهم في محرم¤·.
ياهلا مراوي اي والله انك صادقه الهرم عندهم شغلات تجنن ومذر كير مرررره يبالغ بالسعر والله عندنا شارع اسمه الخزان احيانن اخذ منه الجزم الله يكرمكم والله القي عندهم جزم اطفال نفس حقت مذركير وب15 ريال وان صارت غاليه ب25 ريال اذا بتاخذين للبيبي من الماركات خذي وقت التخفيض والله شي يقهرر انا شريت تشيرت ب10 ريال واشوف سعره قبل التخفيض تخيلي ب65 ريال بالله مو شي يقهر ،،
دلع امس كنت بقولك اذا امك متبهذله مع ابوك الله يقومه بالسلامه ليه ماتنفسين فبيتك يمكن اختك زي ماقالت مراوي عشانك بكريه اويمكن خافت امك تتضايق عاد احنا اذا بالبيت مريض او ترميم مايجون زوار واجد يستحون انتي جسي نبض امك قوليلها مابي اكلف عليك واتعبك واكون زود عبء عليك |
| الساعة الآن 07:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .