|
رد: تجمع حوامل سوريا-دردشة ورود سوريا-دردشة الغاليات
نغومة ( يا رب ارزقني طفلا ) = كيفك حبيبتي ... مشتائتلك كتير .. هنودة بيبعتلك 10 بوسات ههههه
شو طابخة اليوم .. سروءة : ييي منووورة التجمع يا غالية والحمد لله ع سلامتك ... كيفك وكيفا جود كنتي الامورة ... مشالله نشالله بتشوفيها احلى عروس .. مشتائتلك كتير وهنودة كمان ... والله يا ئلبي لسا الموعد قرب دعيلي اعرف هههه رح موت من الفضول بس انا حاسة انهن بنوتات .. عاشقة جوجو : كيفك يا حلوة .. مشالله العمر كلو يا جوجو الحلوة .. بس لسا زغيرة بدها وئت لتتعود ع الخلطة بالولاد الزغار الله يتمملك حملك ع خير ... نايوتا : هلا وغلا بالحلوة شتئتلك انا كيفك يا حلوة وكيفا نايوشة الحلوة ... والله بصراحة حبيتها كتير كتير جهزو حالكن جايين نلبسن محابس ..ههههه جورية شامية : اهلا وسهلا يا حلوة نورتي التجمع تشرفنا بمعرفتك انا ميار 25 سنة الا كم يوم هههههه \\ يعني عيد ميلادي قرب جهزو الهدايا .. ام مهند وهلا مشالله حامل بتوينز ... ساكنة هلا بحمص .. زهرة سورية : سلامة ئلبك يا حلوة والحمد لله ع سلامتك ... شتئنالك لا بئا تئطعينا ... باقي البنات وينكن طمنونا عنكن .. |
رد: تجمع حوامل سوريا-دردشة ورود سوريا-دردشة الغاليات
مسالخيييييييير يا حلويييييييين
شو وينكم ماعم تفوتو كتير ؟ انا والله عاملة ريجيم وعندي فحص ومريح حالي من الطبخ ههههههههه اصلا ماعم نعد بالبيت من دكتور لدكتور الله لا يوجعكن ولا يشغل بالكم تحاليل زوجي مو منيحة لاحول ولا قوة إلا بالله ... ادعولي أمانة يا غاليييين يلا احكولي شو طابخين وشو عم تعملو هالايام ؟ |
رد: تجمع حوامل سوريا-دردشة ورود سوريا-دردشة الغاليات
hwaml7hwaml7hwaml7hwaml7أهلين وسهليييين بكل البناااات هلا ميوره والله اشتقتللك اللك فقده كان ما في نت عندك صح والبوسات وصلو طيرولي عقلي هههه الله يحميه بسم الله ما شالله يااارب يخليه ويحميه اليوم طا بخه مقلوبه وجنبا سلطه
جوريه شاميه(هبه) انشالله بشفا وما عليكن شر بس تحاليل شو تحليل مشان الحمل صح؟؟؟ والله بنات عم فكر قريبا بدي روح شوف وضعي ورح ع المشفى اعمل تحاليل**** هرمون الحليب وكلشي ؟؟ وانتو شو عاملين اليوم شو ترتيباتكن |
رد: تجمع حوامل سوريا-دردشة ورود سوريا-دردشة الغاليات
اقتباس:
|
رد: تجمع حوامل سوريا-دردشة ورود سوريا-دردشة الغاليات
صباح الخير ياحلوين كيفكووووون
ميار حبيبتي كتير انبسطت برجعتك عالمنتدى مرجعتي يغلي غلي ماشاءالله أديش هنودة حليان وصاير شب وكتير طالع لزيز وهو نايم بس ياألبي انحرم الرضاعة الطبيعية انا بزعل لما الولد بينحرم صدر امو صحة وهنا عالبامية وهلئ نسيت شو كنتي طابخة مبارحة بس اتزكرت الفطاير لاني متل نغومة بحبن هههههه انا مبارح تعشينا ببيت سلفتي رز وسبانخ ويخنة بطاطا بلحمة واول مبارح هنن كانو عنا وعملتلن مغربية وكٌسكٌس واليوم سخنت منها وتعشينا |
رد: تجمع حوامل سوريا-دردشة ورود سوريا-دردشة الغاليات
نغومة يارب ارزقني طفلا
اهلين حبيبتي كيفك والله حبيتك من ألبي كتير انتي مهضومة وحبوبة يخليلي ئلبك شكلك شاطرة بالطبخ مع انو عمرك ظغير وكيف بتلحئي الطبخة عالساعة٢؟بس شو هاد محشي اخضر مافهمت شو قصدك باخضر بس ازا بتعرفي تعملي حلاوة جبن حموية مافي مهرب بدك تعمليا وتعزميني هههههه شو رح تطبخي اليوم انا بما انو لسا الساعة عندي واحدة باليل ناوية انشاءالله بكرى اطبخ كبة دراويش مئلية وفطاير سبانخ مشتهية الكبة كتير وميورة زكرت شهيتي بالفطاير هههههه |
رد: تجمع حوامل سوريا-دردشة ورود سوريا-دردشة الغاليات
سروؤة حبيبتي اشرقت الانوار وتفتحت الازهار برجعتك
الحمدلله عالسلامة حبيبتي منيح رحتي عمصر وعملتي سياحة حتى لو كان بشغل بتنعد سياحة ايه اخبار جود الحلوة وحشتنا ئوي بما انكن كنتو بمصر لازم نحكي معكن باللهجة المصرية هههههههه نحني كنا حاجزين رحلة الي ولجوزي عهاواي بعد اسبوع بس بعدين جوزي قرر كمان يحجز لاهلو وصارو اهلو يئولو لشو هالروحة ومدري شو يعني عنّا كمان ئمت ألتلو ازا راحو معنا مارح يخلونا ننبسط ورح يعسرولنا مشاويرنا وحماتي رح تنكدني كالعادة ألي معك حق وانا كمان متردد اني آخدن لان رح ينكدونا بنئن ئمنا اجلنا الحجز لبعد مايسافروا لعند ابنن بشهر آذار بكون انشاءالله بالشهر التامن شو عم تطبخي هالايام نورينا |
رد: تجمع حوامل سوريا-دردشة ورود سوريا-دردشة الغاليات
جورية شامية هبة
اتشرفنا فيكي حبيبتي الله يرزقك الذرية الصالحة قريبا ويكتب الحمل الك ولنغم بهالشهر يارب برحمة رب العالمين آخ عسوريا حبيبة ألبي انتي وميورة من ريحتها الطيبة الله يحفظكن يارب كيف الوضع عنكن انشاءالله الامور هادية والله ازا الواحد راح عالجامعة بينخاف عليه يمكن انتي قريتي تعريفي عن حالي بوسيلي سوريا واهلها واحد واحد وبلشي من عندك ههههههه |
رد: تجمع حوامل سوريا-دردشة ورود سوريا-دردشة الغاليات
آخر اخباري
بيت حمايي مبارح راحو عبيت سلفتي الف الحمدلله لان عندن مواعيد عند الدكاترة صحيح هنن هنيك بس للويكند بس الحمدلله برتاح شوي واليوم مضيتو شرب متة وانا متسطحة طول النهار بس عملت كاتو كتير طيب وفئت من الساعة سبعة ونص ولهلئ مانمت على ئد مو مبسوطة مابحب ضيع ولاساعة بالنوم بس شكلي فرطت وبدي روح نام يالله حبيباتي تصبحوا عخير بكرى انشاءالله برجعلكن وبحكيلكن باقي الاخبار وعلى فكرة انا كتير جوعانة بس مارح آكل لاني زايدة ٧ كيلو وشكلو الخير لئدام لاني متوحشة عالحلويات |
رد: تجمع حوامل سوريا-دردشة ورود سوريا-دردشة الغاليات
اقتباس:
|
| الساعة الآن 06:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .