|
رد: تجمع اللي بيولدوا في شهر ربيع الثاني 1434
هدى تسلمييين ع المعلومه
وبشرينا عنك كيف تعبك |
رد: تجمع اللي بيولدوا في شهر ربيع الثاني 1434
اقتباس:
|
رد: تجمع اللي بيولدوا في شهر ربيع الثاني 1434
حواء واسالك الجنه وكل البنات تسلمون حبيباتي ماقصرتو امييييين
اسالك الجنه الله يرزقنا اولالاد واللله يتمم حملنا على خير خلاص روحي موعدك واروح موعدي ونطمن بعض ههههههه او نهني بعض او حتى نواسي بعض الله لايقوله |
رد: تجمع اللي بيولدوا في شهر ربيع الثاني 1434
بنات شوفو الموضوع. رايق
http://forum.hwaml.com/t51308.html |
رد: تجمع اللي بيولدوا في شهر ربيع الثاني 1434
منجد رايق بس انا ماصدق هالاشياء
بس بقولك وش طلع معي يارب انك تجبر بخاطري ويقولي الدكتور ولد |
رد: تجمع اللي بيولدوا في شهر ربيع الثاني 1434
حواء تخيلي
يقول 23% ولد 76% بنت |
رد: تجمع اللي بيولدوا في شهر ربيع الثاني 1434
الله يكتب لك الي فيه خير وصالح
اذا رحتى الدكتوره طمنينا شوو قالت الله ينولك الي ببالك |
رد: تجمع اللي بيولدوا في شهر ربيع الثاني 1434
السلام عليكم ورحمه الله وبركاته كيف الحال
|
رد: تجمع اللي بيولدوا في شهر ربيع الثاني 1434
وعليكم السلام 4 يو .. كيفك قلبو ؟ وكيف الوالد ؟
صبايا صباح الخير ؟ |
رد: تجمع اللي بيولدوا في شهر ربيع الثاني 1434
مسساء الخير ..
كيف حالكم .. اللهم ادم علينا الصحه والعافيه |
رد: تجمع اللي بيولدوا في شهر ربيع الثاني 1434
مساء الخير حبايبي
كيف حالكم وكيف النونو الصغير اللي بدا يرفس فاقده قلب طفله واوراق الخريف وام حمودي. وفيه بنات كثير مالهم حس ام جنو الحمدلله على سلامتك طمنينا عنك كيفك وهدى كيف الزكام معاك عساه خف انا فيني حساسيه جيوب انفيه تعبتني بالحيل |
رد: تجمع اللي بيولدوا في شهر ربيع الثاني 1434
بنات ماني متحمله الم جنبي والحبوب المسكنه مافادتني
مااعرف فيه ابر ولا لا قيد وحده اخذت ابره مسكنه بالحمل ؟؟ |
رد: تجمع اللي بيولدوا في شهر ربيع الثاني 1434
سلام للجميع سامحوني ما يقدر أقرأ كل إلي فاتني وانتو عارفين الظروف الي مريت فيها ... الحمد لله
بنات عندي لالكم سؤالانتم يمكن بتذكروا كيف جيراني خلو ابني عندهم حوالي خمس أيام ماكل نايم وكل شي الله يجزيهم الخير مع اني ما بعرفهم وما شفت جارتي من قبل وحابة أزورهم أشكرهم وآخذلهم معي هدية كويسة وأنا فكرت بطقم لحاف للسرير بحوالي 500 ريال أكتر أو أقل شوي بس قبل حابة أشوف لو بتأيدوني بفكرتي أو عندكم اقتراحات أفضل بليز احكولي بس صعب أكتر من هالمبلغ لنو الوضع شوي صعب لكن مش حابة أجيب أي كلام خصوصي الجماعة ما قصرو أبدا |
رد: تجمع اللي بيولدوا في شهر ربيع الثاني 1434
حبيباتي مش عارفة مين الي قالت بتشرب بقدونس وحبيت بس أحذرها اقرأي الموضوع
إذا كنتِ حاملا فاحذرى أكل البقدونس نصح الدكتور سعيد شلبى أستاذ الأمراض الباطنة والكبد بالمركز القومى للبحوث بضرورة تناول «البقدونس» لما له من فوائد طبية وغذائية عالية، إضافة إلى أنه منشط جنسى و فاتح للشهية و يساعد على تفتيت حصوات الكلى ويساعد فى علاج النقرس، ويزيل المغص.وحذر الدكتور شلبى من تناول السيدات الحوامل للبقدونس لأنه ينبه عضلة الرحم ولذلك يساعد على الإجهاض.ويحتوى البقدونس على زيوت طيارة، كما أنه غنى بالعديد من الفيتامينات مثل فيتامين (أ) الذى يساعد على إعادة بناء الأنسجة وتقوية النظر ويساعد على نضارة البشرة، وفيتامين (ب) الذى يعد مصدرا قويا للوقاية من السرطان، وأيضا يحتوى هذا النبات على فيتامين( ج) الذى يتسم بزيادة مناعة الجسم من العدوى والإصابة بالأمراض. كما أن البقدونس غنى بالكالسيوم و البوتاسيوم والحديد والكبريت والفوسفور.ويقدم الدكتور شلبى وصفة للبقدونس عن طريق غلي 50 جراما من بذوره أو أوراقه أو جذوره فى لتر ماء لمدة 5 دقائق أو نقعه لمدة ربع ساعة و يشرب كوبان منه يوميا.كما يمكن الاعتماد على البقدونس كأحد المنتجات الطبيعية التجميلية كما يقول شلبى، حيث يمكن استخدام عصيره أو منقوع البقدونس لغسل الوجه فى حالة الحبوب أو البثور . |
رد: تجمع اللي بيولدوا في شهر ربيع الثاني 1434
همسات لا تتهاوني بالوجع الي عندك وشوفيلك طبيب شاطر أنا تهاونت بصحتي وآخرتها نمت بالمشفى بسبب التهابات المسالك البولية الي وصلت عندي للكلى وصار ينزل دم مع البول ----الله يعزكم ---- ومع حرارة وانتقلت الالتهابات للجهاز التناسلي وصارت عندي افرازات فظيعة وبرائحة لا توصف الله يكرمكم ... وللآن هيني بتعالج والطبيب قالي ما بتوقع بالمراجعة القادمة تكون الجرثومة انتهت من عندك والله المستعان
|
رد: تجمع اللي بيولدوا في شهر ربيع الثاني 1434
أستودعكم وأنتظر ردكم على طلبي السابق
|
رد: تجمع اللي بيولدوا في شهر ربيع الثاني 1434
هلا هلا هلا هلا هلا هلا هلا هلا هلا هلا هلا هلا والف مليون ترحيبه غلا نسمه
اول شي الحمدالله على السلامه ثني شي الله يسخر لك كل خلقه في ارضه وسماه مو بس جيرانك والحمدالله على رجوعك لبيتك ولم شملك مع ولدك ثالث شي بالنسبه للهديه انا اشووف لو تسوين قهوه وشاهي وحلا وكيك ومجموعه حلوه من شاور جل وعطر ووالخ اتوقع اوفر وارقى من المفرش |
رد: تجمع اللي بيولدوا في شهر ربيع الثاني 1434
لالالالالالالالالالالالالالا تعالي مامدانا نشوووفك
|
رد: تجمع اللي بيولدوا في شهر ربيع الثاني 1434
يابنات هذي اسئله بتجمع رمضان سالتها هدووي علشان البنات وردت عليها الله يسعدها ويوفقهاويحقق امانيها ويعجل بنقلها عاجلا غير اجل
|
رد: تجمع اللي بيولدوا في شهر ربيع الثاني 1434
هلا هدووي منوره بنسوي معك مقابله للاخوات البكريات معك مقدمه اللقاء ريما < مصدقه نفسها ههههههههههههههههههههههههههههههههههههه انا مدري وش يبون يسالونك البنات بس يارب اسالك كل الاسئله الي بالهم ولو فيه سؤال ماكتبته وجا اتمنى منك قلبي ترجعين تاوبين عليه اقول ترى طولتها وانا مسوه فيها اتكيت نسيتي يوم تدخلين يعني هذا تمعك لازم تاوبين على كل شي غصب المهم ياحبي سؤالي الاول الحين نبي تقريبا شرح مبسط ووافي عن الولاده الطبيغيه ووش فيه مخدرات وبنوج واي نوع افضل وبالنسبه للخياطه والتوسعه لازم الكل يسونها؟؟ وكيف المها وكيف اتاكد ان خياطتي ممتازه؟ وكيف اهتم بهي المنطقه بعد النفاس وهل هناك اشياء او نصائح طبيه تساعد على نجاح التضيق وهل الخياطه التجميليه تنفع بعد الولاده ولالا وهل ممكن يخيطون وحده والده بدون توسعه وكم غالبا تكون مده الالم؟ وهل ينفع انحراف زوجي قبل ناتكمل الخياطه ال 40 ومششششششششششششششششششششششكوره ياروح قلبي انتي ياغلاي =================================== هدوووي ياقلبي نسيت اسالك بعد بالنسبه للاستحمام ينفع بعد الولاده مباشره ولالا ويعسلون شعروهم ولالا وينفع يحطون شي يكون معطر او حتى فيه عطر بسيط ولالا علشان استقبال الضيوووف ووووالخ وبالنسبه لسؤالي الخاص الحين مكان العمليه لو احاول اشيله شعره شعره ببرزان او بالحلاوه مافيه شرر على العمليه القديمه او ممكن هذا الشي يسبب لي مشكله وهل اهتمام الوالده بعمليه بنفسها من ناحيه تدفئه نفسها واهتمامها بنفسها من تحت وكل شي مثل الطبيعي ومره قلتي لي ان لازم الحامل يزيد وزنها 10 كيلو علشان البيبي سؤالي الحين انا زاد وزني بعد الولاده كيف اتخلص منه؟؟ صعب حييييييييييييييييييل يزيد وزني وماينزل!!! مششكوره غناااتي والله يرزقك الوظيفه الي احسن من وظيفتك ويرقيك وينقلك للجوف يااارب ويسخر لك زوجك ويرزقك بره وبر عيالك يارب =================================== اقتباس: الحين نبي تقريبا شرح مبسط ووافي عن الولاده الطبيغيه مادري كيف تبوني اشرحلكم الولاده ؟ لانها تختلف من شخص لشخص .. عموما الولاده او لحظه الولاده الحقيقه او المخاض يبدا من تقارب الطلق كل 5 دقايق الى 3 دقايق ، ويبدا التوسع من 4 سم الى 10 سم .. طبعا الفتره من بدايه التوسع الى وصول التوسع ل 10 سم مايلزمك الدفع ابدا .. كل اللي يلزمك اذا جتك الطلقه تاخذين نفس عشان تهدين نفسك ، لانك لو دفعتي بتعبين نفسك ع الفاضي لسا بدري جدا .. لما يوصل التوسع العشره يكون راس البيبي خلاص نازل جدا وممكن بعد يشوفون شعره ، هنا بس الدكتوره بتقولك اذا جت الطلقه ادفعي طريقه الدفع : خذي نفس عميق واكتمي وشدي لتحت .. نفس وضع لما يكون فيه امساك بالضبط .. اذا تابعتي كلام الدكتوره ماراح تحتاجين الا طلقتين او ثلاث وبينزل الجنين تلقائي .. لا تحاولين تصرخين وقت الدفع لان الصراخ او التنفس بعمق من الفم ممكن يسحب الجنين للداخل واكيد ذا مو بصالحك .. وبيإخر ولادتك ويتعبك ع الفاضي ، اقتباس: ووش فيه مخدرات وبنوج واي نوع افضل وبالنسبه للخياطه والتوسعه لازم الكل يسونها؟؟ وكيف المها راح اتكلم عن المستشفيات الحكوميه لان خاص ماجربت ، عموما التخدير انواع فيه الكمامه وابره الظهر وابره البيثادين بس بالحكومي المستخدم البيثادين ، بعد نزول الطفل مباشره يعطونك الابره وقتها ماراح تحسين بشي .. ممككن تحسين انهم يسوون شي بس شي غير مؤلم نهائيا وبعد بيرشون عليك مويه معقمه صفرا وتعتبر مخدر موضعي .. الخياطه راح تتخيط اي وحده سوولها توسعه ، طبعا تفرق عدد الغرز حسب طول الخط الجراحي اللي فتحوه لما ينزل البيبي لاخر عنق الرحم وتبدا الام بالدفع عشان ينزل .. هنا تدخل الدكتوره لمساعده الام بفتح شق جراحي حسب الحاجه ، تعرفين راس البيبي يفرق فيه صغير مايحتاج توسعه وفيه يحتاج لغرزه وفيه يحتاج لخمس غرز .. عموما دامهم شقوا الشق الجراحي بيرجعون يخيطونه ، طبعا ممكن يكون تدبيس او خياطه داخليه عشان يكون تجميلي اكثر .. اقتباس: وكيف اتاكد ان خياطتي ممتازه؟ وكيف اهتم بهي المنطقه بعد النفاس اهم شي التإكد من مجرى البول ، وماتطلعين من غرفه المخاض الا بعد ماتفرغين المثانه .. عشان تتطمنين انهم ماإخطوا وخيطوا المجرى بطريقهم ، كثير تصير وماتكتشف الوحده انها مخيطه الا بعد كم يوم ، وذا كله بسبب اهمالها هي ولانها قالت ايه رحت الحمام وهي مارحت .. مو تقولين قرف والا مالي خلق ظروري جدا تتاكدين ان المجرى سليم ، لان فتحه البول قريبه جدا من فتحه المهبل وممكن بالغلط تتخيط .. اما كيف تتاكدين انها سليمه ، ممكن تراجعين دكتورتك اذا واثقه فيها تكشف على خياطتك وتطمنك ، الاهتمام بالخياطه ، طبعا اهم شي التغذيه السليمه الغنيه بفتامين a ، والنظافه الشخصيه ، تتنقعين بمويه وملح افضل شي .. والمره بعد مره مفيده بصراحه عن نفسي مااثق بنظامات النفاس ماحب الخبط وكذا .. الحمدلله اهم شي اطلع من نفاسي بدون التهابات ومشاكل نسائيه من هوا وغيره ، وترجع المنطقه نفس ماهي ماحس بتوسع ممكن تستخدمين كريم ميبو ، يخفي اثار الشق ومره رهيب .. بس اهم شي تحرصين ماتكون المنطقه دايم رطبه عشان مايصير التهابات وفطريات .. اقتباس: وهل هناك اشياء او نصائح طبيه تساعد على نجاح التضيق وهل الخياطه التجميليه تنفع بعد الولاده ولالا وهل ممكن يخيطون وحده والده بدون توسعه وكم غالبا تكون مده الالم؟ شوفي عمتي تقول الحرمه لما تتوسع مثل خاتم سليمان ماتقفل الا ع الاربعين .. انا مدري ماثق بعمليات التجميل المنطقه ربي خلقها قابله لتوسع والتمدد وترجع نفس ماهي بعد .. بس ب الاهتمام ، مو وحده تاكل كل خلطه وتحط اي شي ... وتغذيتها سيئه ويجيها التهابات ومويات وحالتها حاله وتجي تقول انا خربت وتوسعت وابغا اسوي تجميل اي نعم خربتي بس مو السبب الولاده ، السبب انتي حبيبتي اهملتي نفسك وصحتك وتتشرطين ومو شرط الاهمال بالنفاس لا ، ممكن من قبل الحمل .. اللي ماتعالج نفسها من الالتهابات ولا تنتبه لنفسها ايام الدوره وتهمل بالحمل لا تتشرط بعد الولاده اذا اهتميتي بالمنطقه مافي شي راح يغيرها ابدا ، بالنسبه للانحراف .. انا عن نفسي لو يموت مايقربلي الا بعد الاربعين مو خوف بس الاربعين ذي حقي ف ولدي ومستحيل افرط فيه ، وفيه مثل يقولك .. ارفع رجلك اليمين يامحفوظ الاربعين معنى المثل : ان الطفل المولود اللي امه كملت فيه الاربعين وزوجها ماجاها يرفع رجله اليمين ، حفظت حقه وحقها .. عمتي تقولي عن خاتم سليمان .. ان الحرمه نفسه بالضبط لما تولد ، وكل يوم الخاتم يضيق ويقفل لاخر يوم يقفل نهائيا بس لو زوجها جاها الخاتم راح يوقف تقفيله .. انا اثق بكلام الحريم الكبار عشان كذا حتا لو نظفت اكذب عليه ، وانا اصلا امنعه لين الشهرين وتجيني الدوره ، منها عن الحمل ومنها بعد اخذ اطول فتره احس المنطقه متعبه خخخخخخ / اخيرا انا جدا اسفه كان الرد المفروض الصباح .. بس كنت مداومه ومع صاحبتي سواليف واشغلتني والله .. ماتحب تسولف الا عيوني بعيونها ههههههه ومابي احسسها اني سافهتها ، اي اسئله انا حاضره ♡ ================================================= اقتباس: بالنسبه للاستحمام ينفع بعد الولاده مباشره ولالا ويعسلون شعروهم ولالا وينفع يحطون شي يكون معطر او حتى فيه عطر بسيط ولالا علشان استقبال الضيوووف ووووالخ بالنسبه للحمام ، انا من اجي من المستشفا للحمام طوالي اتسبح حمامي العادي .. وانا عاده ماجلس بالمستشفا اطلع على حسابي اذا مافي نزيف او غيره واموري طيبه .. لكن النسوان الكبار ينصحون عن حمام النفاس خصوصا لو ماخذتي احتياطك وجاك برد ، حراره النفاس هي تعتبر قبر النافس من اخطر انواع الحراره سبحان الله ، وتستدعي التنويم لان النافس غير عن اللي عليها دوره او اي شخص اخر كل عرق بجسمها مفتوح فلو جتها حراره نفاس عواقبها خطيره ، عشان كذا لو شايفه نفسك مهمله وماراح تدفين حتى لو انتي بالصيف انصحك ماتاخذي شور وانتظري شوي لين تتقوين وبعدها خذي الشاور براحتك .. بالنسبه للعطورات ، ذا راجع لاستعداداتك .. هل استعدتي واخذتي معك توله دهن عود وشميتيها قبل الولاده سواء قيصري او طبيعي وجهزتي نفسك لاي شمم ممكن يجيك .. هنا نقول تعطري بهواك وحتى لو جوو الضيوف متعطرين ماعليك خوف لكن اذا ماجهزتي نفسك .. ورحتي على عماك .. بترجعين وفيك خط جراحي قابل للالتهاب واي شمه ريحه عطر بتفتح عليك الالام لا تطاق بتحسين المنطقه تتقطع وشد فضيع فيها ، ف دايم جهزي مع اغراض نفاسك ( قطران ) مادري تختلف تسميته ؟ عموما هو ساذل كثيف جدا .. ريحته تدوخك وتخدرك .. مو شين ابدا ، حطي بقطنه او شاش ودايم خليها جنبك وشميها حتى اذا جوك ضيوف حطي القطنه ب التيشو وخليها جنب خشمك ، لان بعض الحريم يجونك عطورهم ثقيله مره الله يهديهم فماله داعي تتعرضين لمشاكل الشمم بسبتها اقتباس: وهل اهتمام الوالده بعمليه بنفسها من ناحيه تدفئه نفسها واهتمامها بنفسها من تحت وكل شي مثل الطبيعي ومره قلتي لي ان لازم الحامل يزيد وزنها 10 كيلو علشان البيبي سؤالي الحين انا زاد وزني بعد الولاده كيف اتخلص منه؟؟ صعب حييييييييييييييييييل يزيد وزني وماينزل!!! القيصري مثل الطبيعي مافي فرق ابدا لا بالتغذيه ولا بغيره .. وممكن القيصري تكون نزفت اثناء العمليه اكثر ووجعها يطول اكثر عشان كذا لازم تغذي نفسها زين عشان تقوم ب اسرع وقت تقدر فيه بالنسبه للوزن .. الوزن الزائد الطبيعي للحوامل من ١٠-١٣ كيلو .. هذا طبيعي ويروح من دون جهد منك بعد الاربعين لانه يكون اغلبه مابين مويه ومشيمه وجنين ودم الخ .. لكن لو النافس طول الاربعين ماتتحرك و ٢٤ ساعه تاكل حلويات وغازات وكل شي دسم وتقول العشره مانزلت ؟ طبيعي كل هالسعرات الحراريه وتبينها تنزل ؟ النافس لازم تتبع نظام غذائي يغذيها هي وطفلها للرضاعه لا افراط ولا تفريط .. مو تخلي نفاسها مشروع تسمين وبعد النفاس والتسدح تبي تنزل وزنها ذا صعب انتي بعد الولاده بتلاحظين اقل شي تنزلين ٦ كيلو من اول يوم ، فما بالك لو اتبعتي نظام صحي كم بينزل ؟ / بالنسبه لسؤالك الخاص والله مادري ياحبي انا النتف بالحمل ماحبه للمنطقه الخاصه لانه دايم تكون حساسه جدا هالفتره اما عمليتك ف السؤال عمليتك تستحمل النتف او لا ؟ فيه طرق اخرى للنتف انتفي فيها مكان العمليه بس .. والباقي كمليه بالحلاوه افضل واظمن كذا |
رد: تجمع اللي بيولدوا في شهر ربيع الثاني 1434
مساء الخير / صداع مو طبيعي بيتفجر مخي ،
الحمدلله راح الزكمه ، بس لوزي مكانهم مرات يوجعني .. انا بعد عندي جيوب انفيه ولازم انتبه عشان الحساسيه ، والحين الصداع احسه من الجيوب لانه خشمي يإلمني |
رد: تجمع اللي بيولدوا في شهر ربيع الثاني 1434
مرحبا ياحبايب كيفكم وكيف كرشاتكم الوحام قافل النفسييييييييييييية
|
رد: تجمع اللي بيولدوا في شهر ربيع الثاني 1434
ماشاء الله تاج وهدوس وقت دخولهم واحد ههههههههههههههه
|
رد: تجمع اللي بيولدوا في شهر ربيع الثاني 1434
مرحبا بنسمه كيفك ياقلبي عساك احسن
حلو اقتراح ريما بما انها اول مره راح تدخلين بيتهم تأخذين معاك قهوة وشاي وحلى وكذا وبالنسبه للمفرش زين بس فيه بعض الناس ماتتقبل مفرش للنوم فيكون سبب نفسي وانا اقول خليه اي هديه ثانيه مو شرط مفرش هذا اقتراحي وريما وهدى شكرا الف شكر على المعلومات الطيبه اللي نزلتوها |
رد: تجمع اللي بيولدوا في شهر ربيع الثاني 1434
هلااااااا
تاهلن بنسمة المساء والباقيات هلا بكن |
رد: تجمع اللي بيولدوا في شهر ربيع الثاني 1434
نسومه حبيبتي سويت تحاليل مافيا ولاشي
والام من ضغط الرحم ع الكلى وابي مسكن لانه ماله علاج |
رد: تجمع اللي بيولدوا في شهر ربيع الثاني 1434
بناات لسى اذا مسحت احيان احصل افرازات بنيه
الدكتوره تقول الجنين كويس والمشيمه مرتفعه وانا احس بالحركه عادي قالت اذا ماوقف نكشف من تحت اخاف تزيده وش السالفه تتوقعون |
رد: تجمع اللي بيولدوا في شهر ربيع الثاني 1434
حواء انتبهي تفحصك داخلي ، اتوقع جرح يمكن
واقطعي الجماع نهائيا .. وريحي يمكن الدم خارجي الله يشفيك حبيبتي وتاكدي انك مو حتاجه ابر تثبيت |
رد: تجمع اللي بيولدوا في شهر ربيع الثاني 1434
صباااااااااااح الخيرررر ..
حواء استثنائيه .. انتببببببببببببببببهي لاتكشف من تحت .. ترا تزيد عليك الالم واحتمال يصير طلق عندك انتي ارتاحي على سريرك وكثري من شرب المويه وابعدي عن زوجك خلال هاللاسابيع ومايصير الا كل خير |
رد: تجمع اللي بيولدوا في شهر ربيع الثاني 1434
مرحباً كروشات ربيع انا جارتكم من تجمع جمادي اول الله يسهل عليكم وتولد وو قبلنا بالسلامة في احد من جدة وبتولد في مستشفى بخش او فقية اوبقشان. ترد علي
عشان اخذ معلومات لأنكم قبلنا بشهر فديتكم حياكم |
رد: تجمع اللي بيولدوا في شهر ربيع الثاني 1434
شعرفني انا محتاجه ابر او لا😭
الدكتوره تقول كل شي اوكي واذا ماوقف بتكشف الرحم مفتوح او لا او عندي التهاب بناات محتاجه فزعتكم باي معلومه يعني ما اخليها تكشف؟ |
رد: تجمع اللي بيولدوا في شهر ربيع الثاني 1434
شوفي ردود البنات عن الافرازات البنيه مو شرط معناه انذار اجهاض او الجنين مو بخير حرام خوفتوها حبيبتي اهم شي ارتاحي لاتبذلي اي مجهود واذا كنتي موظفه خذي اجازه وروحي الدكتور يعطيك مثبت كنت زيك نزلي افرزات بنيه في الاسبوع السادس والسابع ورحت الدكتور اعطاني ابر ودفاستون وقال مادام مانزل دم ان شاءالله مافي خطر اهم شي الراحه والحمدلله وقفت الافرزات وأخواتي يقولولي معناها ولد مادام نزل بني لأنهم في حملهم كذا وجابوا اولاد والعلم عند الله----------------------انا مثلك حبيبتي الاسبوع السادس والسابع نزلتلي افرازاات بنيه وكانت يوم تخف ويوم تزيد امي قالتلي عشان الارهاق لاني وقتها جايه من سفر بعد اسبوع شفته زاد رحت دكتوره خبله ماعندها سالفه خوفتني قالت يمكن ينزل الجنين مافي نبض وهو اصلا باقي الجنين ينبض بعد8 اسابيع ولا عطتني مثبتات ولا شي انا توكلت على ربي وقلت اللي ربي كاتبه لي بيصير والحمدلله قعدت اسبوعين ووقف من نفسه مع اني كنت اتحرك كثير والحمد لله الحين انا بنهاية السادس (الله يتمملي على خير واشوفه) ويتمم للجميع ويرقنا واياكم الذرية الصالحهسويت بحث وجمعت لك هالردود ......................... ألزمي الرااااااااااااااحة يابعد قلبي واتركي عنك كلام الدكتور انا ثلااااث شهور ينزل معي افرزاات بنيه ولا توقف إلا بعد الراحه ويوم ارتفعت تخيلي جلست ثلاث شهور الاولى عند أهلي لا ارقى درج ولا امشي كثيرر ومريحة مع حبوب التثبيت طبعااا ويوم جا ء الشهر الرابع ويتوقف الافرزات واسافر مع زوجي وعشاني مشيت كثير رجعت الافرزاات في الشهر الخامس يعني كل المسئله راااااااااااااااااااااااااااحة خوذي اجازة بأي طريقه والله يتمم حملك على خير --------------------- >>انا في الاسبوع الخامس نزل علي افراز بني وكذلك لاحظة اني اذا كثرت حركه ينزل معي لمدة يومين بس خفيف جدا جدا يعني مرتين صار لي بس مطنشته ....مابي افكرررر --------------------- عااااديه الافرازات ان شاء الله انا تنزل معي بوقت الدوره ولما رحت للدكتوره قالت لازم تسترخي على ظهرك ولاتبذلي اي مجهود بس صلي وارجعي للسرير -------------------------- ........... بما اني قريت كذا وحده كاتبه عن مشكلته مع الإفرازات وخاصه الحوامل وانا وحده منهن,,, وشفت كثير من الردود انه شي عادي بالحامل لكن الشي الي موعادي الأفرازات المائله للون الأصفراو الأخضر,,, المهم انا توقعته شي عادي واستمرت المشكله عندي من الشهر الرابع الى شهري السادس وطبيعي رحت مراجعه عند طبيبتي وقلت له ... تدرون وش قالت لي ؟ الأفرازات اثناء الحمل دليل على وجود التهابات اما بالرحم او داخل المهبل مما قد يؤدي للولاده المبكره,,, واصرفت لي مضاد ,,للرحم وتحاميل داخل المهبل لمده ثلاث ايام فقط ... والحمدلله انا الحين لي يومين استعمل التحاميل والحمدلله شبه زالت عني الأفرازات علشان كذا اقول لأزم تراجعين طبيتك وتشوفين,,, |
رد: تجمع اللي بيولدوا في شهر ربيع الثاني 1434
بالاختصاررررر يبي لك رااااحه ,,
لاتجهدي نفسك كثيرر .. |
رد: تجمع اللي بيولدوا في شهر ربيع الثاني 1434
لا وين تكشف ؟ سلامات بتفتحلك الرحم او تسبب بفتحه
خليها تشوفك بالسونار وتشوف وضعيه الجنين وحتا الالتهاب لو فيه خليها تاخذ مسحه منك بدون فحص فيه شي اسمه ( ثراوت سواب ) كتبتلك اسمه بالنطق ب الانقلش يجيك عود طويل نفس شكل عود الاسنان بس اطول واكبر شوي هذا يستخدم لاخذ مسحه من اللوز وبعد فيه دكاتره تستخدمه للفحص الداخلي ، انا عن نفسي احب هالطريقه لانها ماتلزم فحص داخلي وبنفس الوقت اقدر اخذ مسحه لعنق الرحم وينعمل لها تحليل ويبين فيه التهاب او لا وبعد انتي تاخذينها لنفسك مو لازم الدكتوره او ممرضه تاخذها لك .. حاليا ريحي نفسك ، بس اقولك الدم البني اخطر من الاحمر فلا تسكتين اذا ماتوقف .. لو اضطريتي تغيرين الدكتوره اذا ماريحتك غالبا الدم البني يحتاج ابر التثبيت او حبوب |
رد: تجمع اللي بيولدوا في شهر ربيع الثاني 1434
ابتسامه حبيبتي الردود اللي جبتيها لحوامل الاسابيع الاولى ، وتقريبا طبيعي ينزل دم ف الاسابيع الاولى
ويختلف من وحده لوحده ، فيه حريم دليل حمل عندهن ومايعرض الجنين لاي شي لكن بالاشهر الوسطى وهي بدا الدم معها بعد الجماع معناته السبب الاجهاد او جرح ب عنق الرحم .. |
رد: تجمع اللي بيولدوا في شهر ربيع الثاني 1434
ماشاء اله عليكم انا رايي من راي البنات حواء انتبهي
ويتقول هدى الدم البني اخطر وانا نزل مني دم احمر والى الان اخذ ابر التثبيت فكيف اجل البني الي يقولون اخطر اجل انتبهي من بدري ولاتغلطين او تسمعين كلمها على فكره بنت خالتي كانت حامل وفحصتها الدكتوره من تحت واجهضت بنتها فلما نزل مني الدم كلمتها قالت لي لو وش مايصير انتبهي تفحصك من تحت فيه جهاز يبين الطلق وفيه تحاليل تبين اي شي تبغى تشوفه لايلعبون عليك مثل مالعبو علي فمنجد انتبهي من دكتورتك ماعجبتني بصراحه |
رد: تجمع اللي بيولدوا في شهر ربيع الثاني 1434
انا انصحك بالابتعاد عن كثرت الجماع
|
رد: تجمع اللي بيولدوا في شهر ربيع الثاني 1434
كيفك موني وكيف نفسيتك حوولي وبشري وش صار عليك باسواق طيبه تخيلي لقيت نفس سريرك ب 300 ريال
|
رد: تجمع اللي بيولدوا في شهر ربيع الثاني 1434
صباح الخير
سلامات حواء ماتشوفين شر ارتاحي وابعدي عن زوجك وبيوقف الافراز. والف سلامة لكل كروشة تعبانه من وحامها او من الحساسية اللي تعبتها من العطاس |
رد: تجمع اللي بيولدوا في شهر ربيع الثاني 1434
صباح الخير .. انتظر دكتورتي متى تجي :$
احس قلبي دقاته وصلت حلقي هههههههه كل ذا عشان جنس البيبي متحمسه له |
| الساعة الآن 10:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .