المشاركة الأصلية كتبت بواسطة ام معاد (المشاركة 3621873)

جيجي نوضي صلي ياسرك من التقعميز.اني والله ماني مصلية

المشاركة الأصلية كتبت بواسطة هدية الخالق (المشاركة 3622227)

ام معاذ يعطيك السلامه ضحكتيني تخيلت لقطتك ههههه وخطرتي عليا طيحاتي في الحمل تلات مرات نطيح مسكينه بنتي هههههه عمرها طويل مكرشه في الحياة بايديها ورجليها
أول طيحة طبعا كنت مانعلمش بروحي حامل كنا كيف جايين لكندا لينا أسبوعين ممكن طلعنا ندهوروا في حديقة جنبنا وكان معانا حماتي وراجلها وبنياتها المهم الرجاله والصغار مشوا في جهة واني وحماتي نتمشو في جهة تانيه فجأة ما نشوفولكش غير كلب صغير حشاكم جاي جيهتنا خلاص وين تلقينا احني ما تبانش غير غبرتنا واني بالذات الكندره في جهة والوشاح طاح مني من غير العياطات ههههه بعدين استسلمت جيت طايحه راجلي لما سمع العياط انتبه وعرفنا جي يجري لز الكلب طبعا مدرب الكلب مجرد قاله قوو عدا طول واصحاب الكلب قعدوا يتأسفو ويضحكو مستغربين كيف خفنا من الكلب ههههه لأنه هما صديقهم معندهمش مشكله معاه
المهم والله ماننساه الموقف نتفكر فيها راجلي صورنا أني وحماتي كيف طايحين ووجوهنا صفر ونعيطو وبعتها لاهله ههههه
كلا الطيحة التانيه في الحوش حتي هيا في بداية الحمل راجلي غالي عليه البصارة ديما يجيبلي في حاجة من الفريز ويحطلي فيها فجأة علي ضهري والا رقبتي من وراء مش ننخلع امشي المره هذيكا كنت منطرحه عالسرير وجاني بالقفاء بدون مانعلم حطلي كيسه امتاع لحم متلجه من الخلعة نضت نجري منهرب جيت طايحه علي اربعه قريب تكسرت وااك نتفكر فيها ماحرها عالزليز هههههه
وأما الطيحة التالته في الشهر السادس نازلين من الدروج منطلعو راجلي قالي بسرعه منلحقو عالباص والدروج كانوا مبلولات صابه المطر قتله ها أني نمشي بالدرجتين هكي متعوده في حوش اهلي كل درجتين في خطوة وماكملتش كلمتي نين جيت طايحه علي بطني نتفكر فيها راجلي طبني وخايف يقولي شني تحسي مافي شي نزل واني غامه وجهي بأيديا دايره روحي نبكي واني نضحك هههه
والله أيام وذكريات حلوه أول حمل كله مواقف

المشاركة الأصلية كتبت بواسطة جوهرة ليبيا (المشاركة 3622443)

امالا مادامك حلفتي حتي اني ماني نايضه امصليه ونشوفوا من بيصلي الاول بعد الحلفه هادي

ههههههههههه hwaml02

المشاركة الأصلية كتبت بواسطة هدية الخالق (المشاركة 3622471)

اهلين جيجي حتي أني مننظملك إنتي ومعأد والله ماني مصليتها باهي هي ههههههه زمان لما صغيره لما نسمع مراه تقول منصليش نستغرب ونقعد نعاود فيها نقول حي حرام كافرة ماتصليش هههههه طفوله بريئه

المشاركة الأصلية كتبت بواسطة جوهرة ليبيا (المشاركة 3622453)

اهلا هدهد

سلمها ياربي والله ضحكت لين عيت لكن ستر ربي طيحاتك كلها خطيره الحمد لله جت علي خير

موضوع التلجه زي راجلي بالزبط مرات لين نبكي وانقوله بالله معادش اديرها

وتطورنا بدينا لما نمشوا للحوازه ايحطلي نمله كبيييييره خخخخخخخخخخخخخ مرا قرصتني صيحت باقوي ماعندي

غير الحوازه كبيره كان في حوشي التموا الجيران ههههههههههههه