|
رد: تجمع حوامل ليبيا
تسلمي يا ايوتة كلك ذوق
|
رد: تجمع حوامل ليبيا
شن غذاكم اليوم والله حائرة شن نبي انطيب ؟؟؟
|
رد: تجمع حوامل ليبيا
السلام عليكم
نسرينا .. أنا موجودة وأهلي مش مروحين لنهاية الشهر تخايلي ... يعني نكون خاشة شهري نخمم كان نجيب قبل وقتي وهم مش موجودين ... نهار أبيض كان هذا آية ... كيف حالك.. مشيت للدكتورة وطمنتني قتلي وضعك طبيعي جدا وكل أمورك تمام والحمد لله حنين .. ربي يعينك إن شاء الله كيف حال الجميييييييييييييييييييع؟؟؟ |
رد: تجمع حوامل ليبيا
كيف حالكم ياصبايا ... يا حوامل
آية آسفة جداً مش قصدي نهائياً التلقيح ... وتسلمي على السؤال يانسرينا والله متحشمة منكم .. أكيد عاذريني والله الوحام مخليني على أعصابي ومن أبسط حاجة تنترفز ومافيش حد فادني بحاجة .. تعرفوا يا حوامل تعبانة هلباااااااااااااا .. طبعا تعبي عصبي يعني الوحام جايني عالبكي والكآبة ومش متحملة نشوف راجلي ولا نسمع حتى صوته وحوشي نروح له بالسيف ويخنق فيا ... من ناحية تانية ماعنديش ترجيع ولا حتى حاجة .. وامبارح بايته عند أهلي ويمكن حتى اليوم .. ادعولي بالله عليكم يفوت هالوحام علي خير والله بنهبل ... وآسفة مرة تانية |
رد: تجمع حوامل ليبيا
على فكرة قررت نفتح ملف في عيادة المختار عند دكتورة ممتازة اسمها "إيناس " لما كنت بنت وعندي مشاكل في الدورة كنت نمشيلها وامبارح تذكرتها والحمد لله خلاص قررت .
|
رد: تجمع حوامل ليبيا
اقتباس:
ربي يفوت مرحلة وحامك على خير وكلها فترة وترجعي زي قبل انا في وحمي كرهت حوشي وكرهت حتى نفسي وراجلي لاكن حاولت ما نبينلاش تصدقي مسكين كنت في حوش بوي بايته يتصل ينشد عليا وبعد ما يسكر يجيني غثيان فضيع وحشاك نرجع على طول وبعدين الحمد لله بعد الرابع رجعت زي ماكنت ورجع حبي لية ولي حوشي والحمد لله ربي يكون في عونك يارب وربي يتبت حملك ومتهمليش نفسك وصحتك اهم شي صحتك وصحت الجنين.. ..ولا تنسى ان الله لا يكلف نفساً الا وسعها .. وان شاء الله اجرك حاصل |
رد: تجمع حوامل ليبيا
مصحة المختار ممتازه فيها الدكتورة رانيا مشاء الله عليها
اسالي عليها وربي يتمملك على خير. |
رد: تجمع حوامل ليبيا
اختي عاشقة الصحراء بالنسبة لمستشفى الخضراء بصراحة وعن تجربة خدماتهم اكثر من ممتازة اني جبت فيه بنتي من تقريباً سنة ونصف عنايتهم كويسة واهتمامهم بالمريض رائع مع العلم اني جايبة بالعملية والله يتمملك على خير
|
رد: تجمع حوامل ليبيا
بوسي انا غداي مكرونة صالصة
ام سعد الحمد لله وربي يتمملك حملك على خير يارب وانا بخير والحمد لله معاد اني معادش نقدر انقعمز يا متسطحة يا نتمشى في الحوش لان ضهري يوجع فيا .. وربي يكتبلنا الاجر. |
رد: تجمع حوامل ليبيا
تسلمي يا آية وربي يخليك يارب والله متحشمة منك فوق ماتتصوري .. جت فيك انتي اليوم ههههههههههه .. واختي بوسي الله يخليك يارب عالإجابة وياريت بس لو تقوليلي سعر الولادة الطبيعية في الخضرا والعملية .. وربي يجزيكم كل خير
|
| الساعة الآن 07:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .