|
رد: حبيباتى سيدات ليبيا تفضلو لأعرف ما حالكم
لماذا لايوجد أحد
|
رد: حبيباتى سيدات ليبيا تفضلو لأعرف ما حالكم
الســلآم عليكم ورحمة الله وبركاته
كيف حالكن اخواتي الغاليــات راسي صداع صداع صداع امس نا وابوفراس ماجانش النوووم هكي قعدنا ل 5 ونص وبعدها خشيت وسيبته ,, وقعد يبرم ف الحوش مضايق لدرجة خفنا ان في شئ صاير لهلنا بلكــي ,,\\ عمومآ زوجي مل من الروتــين ورايف ع البلاد وسيارته وسفاري اصحابه هههههه مايحبش التقيد فتحناها ساعه صفــا وقعدنا نهدرزوا بعد صلاة الفجــر لعند 8 ونص وبعدها رقدنا ,, ناض فروساااا ساعه 1 قعد يخبطلنا ع سرير ناض ابوفراس دارله حليب ,, ونا زي حلم نحس فيه لان الولي عملتها الساعه 1خ عمله باهيه لكتوفها ,, غيرتلها ونا راقده تقريبآ عمومآ قالي ماديرش فطــور توا نطلبوا وعدا للحلواني لي جنبنا جاب منه موالح جاهزة قتله به ح ندير شربه لازم لاني عارفته وعارفه نفسي نحبوا نفطروا عليها |
رد: حبيباتى سيدات ليبيا تفضلو لأعرف ما حالكم
راجلي طلع توا واكيد بيبتصل يقولي النتييييييييجة ربي يستر
طبعا هو سكر راسه وقالي مافيش تحليل لبعد العيد لو جت الدورة باهي لو ماجتشس معناها بنمشو نحللو ضروري قلتله والله مانقدر نعيش على اعصابي لبعد العيدد وووو وبعد نقاااااش ههه وحديث استسلم ورفعني اليوم خخخخخخ |
رد: حبيباتى سيدات ليبيا تفضلو لأعرف ما حالكم
اهلا فروسة خير لابأس
هذا السهر والصيام خليك مدروووووووووووخة وخلاص |
رد: حبيباتى سيدات ليبيا تفضلو لأعرف ما حالكم
اقتباس:
اهلا حبيبتي معليش سامحيني توا كيف انتبهت لكلآمكـ بعد سوسو حكت ع الموضوع وانكـ حاكيه عليه قعدت نراجع ف الصفحات وندور ع هدرزتنا امس وصح جاي كلامك في اخر صفحة هذا عليش ما انتبهتلش,, عموما ,,,,, حتي في المنتدي هنا فيه صندوق السيرش او البحث وتلقيه في اعلى الصفحة الرئسيسه للمنـتــدي.. اكتبي اسم الموضوع حرفي هكي بدون اضافه زينه او سلاشات .. وحيطلعلك اذا كان موجود اولآ ........ وتحرير مشاركه معناها شخص من الاداره وعادة ام ارجوان او المشرفات العامات .. او مشرفه قسم انتي حاطه موضوع عندها تقدر تدير تعديل لموضوعك .. مثلآ فيه روابط مخفيه .. او تعديل عنوان .. وعادة ام ارجوان تحرر ف المشاركات وتضيف في ايقونه الموضوع المميز يعني نفس بعد اتديري انتي تعديل مثلآ لمشاركتـك .. وهالفتره مستلمه مواضيع .. العنواين المبهمه وحظر الاعضاء لي يحطوا في فايروسات العناوين المبهمه مثل .. ساعدوني .. استفسار يعني عنوان مش واضح ومفهوووم حتي لو مر عليك بقسمكـ بم انك مشرفه وعندك خيارات والصلاحيه التامه بقسمكـ تقدري تعديل للموضوع وتخشي ع الاسم وتغيره مثلا وحده تسأل عن عدد الرضاعات الصناعيه باليوم وكاتبه اسم الموضوع ساعدوني .. تديرلها تعديـل وتخشي ع اسم الموضوع وتكتبي .. استفسار كم عدد الرضاعات باليوم؟ وهكدا .. وهي بالتالي ح تجيها رسالة تحرير مشاركه اوتوماتيكيآ من المنتدي باسمـك وان شاء الله انكون افدتك اي استفسار اخر تفضلي حبيبتي .. وع فكرة ف الاداره اغلب المشرفات النشيطات ولي مركزات ع تنظيم اقسامهن والردود خصيصا ع الاستفسااارات واثراء المنتدي بكل ماهو جديد .. عارفتهن ام ارجوان .. واكيد لاحظتي اخر فتره التقيمات والاوسمه للمشرفه النشيطه والمميزه والقسم المميز والمشرفه المتعاونه بس للاسف توا الاوسمــه رايحات لان في مخربين ... لاعبين بالمنتدي .. ونحظروا فيهم رايحين كاثرين.. |
رد: حبيباتى سيدات ليبيا تفضلو لأعرف ما حالكم
الحق ياسوسو من الســهر .. كلا الصيام الحمدلله
والتحليل متاع ساعتين هذا ديجيتال يقولوله .. هرموني اسمه اتش سي جي .. يعني حددلك حتي كم صاير حمل لو في لو اعلي من 5 الهرمون يعني في حمــل .. بصراحه داروه ليا في الاء وتعقدت لان فيه انتظار هههههه خصيصا وقتها كنت خايفه بكل لكن ف فراس تحليل بعد 10 دقايق يطلع عليك لحظة ما أجملها نزلنا مع بعضنا وقالت اشويه دقايق عدينا ركبنا السياره ونزل زوجي جاب خبزه ساخنه نذكرها ههههههه لان درناه 10 صبح بعد غابت الدورة بيوم وكنت عروس ماسكرتش شهر وبعد ردينا للمختبر .. قعدت خايفه ههههههه قتله انزل انت جيب النتيجة .. جا ركب السياره ومافش اي تعبير .. يعدها فجأه ارتسمت الفرحه ع وجه وبحث فيا وقالي مبارك حامـــــــل...... |
رد: حبيباتى سيدات ليبيا تفضلو لأعرف ما حالكم
أمولــه ,, تتربى بعزكم فطـــوم ان شاء الله ,, وربي يحفظها ونفس ماقالن اخواتنا الوزن طبيعي عارفه في التاسع تبدا الزيادة الكبيره للجنين هذا ليش يقولوا الحامل تثقل واااجد ..
وعجبتني منك كلمة اوخيه ع بنيتك بحثتت في لولي طول وقلتها لها هههه |
رد: حبيباتى سيدات ليبيا تفضلو لأعرف ما حالكم
جيجي ان شاء الله ع خير وسلآمه .. اخترتوا اسم والا مازال ؟
|
رد: حبيباتى سيدات ليبيا تفضلو لأعرف ما حالكم
شمــوسه فكرة القديد حلوة بكــل بنعلق عليها من اول امس نسيت
خصيصا انكم ماشين لمدينه مافيهش .. اكل حلال خصيصا العويله بسلامتهمـ .. يملوا من المعلب والاكل الخاص لهم .. لازم اكل ساخن من ايدين الماما دافئ وحانط ههههههههه خطرتي عليا ايام الفندق هنا فروسي حسيناه نقــص وعاف اوكالهم خخخخخخخخخخخ رايف ع رز ومكارين وكسكو امه خخخخخخخ بس ع فكرة بوادر الدوره برضه دليل حمـــل ههههههه مانبش نفجعكـ لان طبعي بعد نحمل اول شهر كأنها بتجيني تقعد تطلع الحبه ومفاصلي يسطرن وبطن تنتفخ اشوي وصدر يؤلم لمسه هذا ليش ف فراس كل اللي يحقني يقولي شكلك حامل وانا مستبعده الموضوع لاني نحس بالاعراض وموعدها قرب |
رد: حبيباتى سيدات ليبيا تفضلو لأعرف ما حالكم
هدية اجواء حلو عشت معاك فيها في التخـــرج ..
وسما اكيد تلبسي فيها ف قامجو الطلوع صح .. المبطن هذا وفي لي ضد المطر .. طبعا مع غطاء الكروسه متاع الريح والمطر |
| الساعة الآن 07:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .