|
رد: حبيباتى سيدات ليبيا تفضلو لأعرف ما حالكم
توة اكيد قريب المغرب ياذن عندك نسيبك توتي حاجتك ونمشي حتى انا نشقى بروحي
بالسلامة حبيبة |
رد: حبيباتى سيدات ليبيا تفضلو لأعرف ما حالكم
ههههههههههههههههه
عارفة الجدد مابحتش فيهن بكل لان صاحبتي قالتلي سخيفات وانا الحق عمري ماشريتهن ولا دورتهن كانت تجيبلي فيهن صاحبتي بالمدرسه.. وف العطله اندز ف خويا الصغير لهااا كان الوالد وخوالي يجبولي ف كتب ومجلات نعطي فيها تقرااا ونتبادلوا حتي هي وخواتها يحبن المطالعه نفسي اه ع المطالعه ف الجيل الجديد انقرضت عليك ايام بدلوها بمطالعه النت والنقالات توا |
رد: حبيباتى سيدات ليبيا تفضلو لأعرف ما حالكم
هههههه هداريز كوكتيــل
اليوم صح بنعدي نجهز سفرة الاكل حليب والتمر والعصير.. ونوض فروسي .. |
رد: حبيباتى سيدات ليبيا تفضلو لأعرف ما حالكم
سلامــــــــــــز عزيزتي
|
رد: حبيباتى سيدات ليبيا تفضلو لأعرف ما حالكم
السلاااااام عليكم
كيف حالكم اخواتي الغاليات ليكم وححححححححححححححححححححححشه كلكم وبارك الله في كل من سأل عليا ان شاء الله ماتفقدو غاااالي يااارب اوشي وفروسه صحا فطوركم وصيام مقبول ان شاء الله |
رد: حبيباتى سيدات ليبيا تفضلو لأعرف ما حالكم
ام فروسي الحلوة تسلمي حبيبتي وكيف حالك انتي والسنافر ربي يحفظهم وان شاء الله تكون سفرة اسكتلندا حلووووووه وتجيك زي ماتحبي وافضل تستاهلي كل خير ياغاليه
اوشي ياطيبه كيف حالك انتي وعويلتك ربي يخليهم ومبارك ماجدتتي في حوشك وان شاء الله تبيدهم بالهنا وفي الفراح وان شاء الله تكملي ع خير تستاهلي كل خير حبيبتي الغاليه اثري ان شاء الله الف لاباس عليك وطهور ان شاء الله كيف حالك توا انتي والصغار ان شاء الله تكونو بالف خير اختي شموسه مباااارك سفرة الصين وربي يسهلكم وتجي سفرة حلووووووه وتستمتعو وربي يعينك ع حوسة العيد ان شاء الله في ميزان حسناتك يارب سوسو الحلوة كيف حالك وحال حمود وريومه وان شاء الله تطلعي حااااامل انتي وشموسه ههههه والله حلوين الصغار متشوقه نستنا في نتيجة التحليل ان شاء الله الي فيه الخير يسهلهولكم ربي جي جي العسوله ربي يعاونك حبيبتي اكيد لاهية تجهزي شن كملتي حوستك والا مزال ربي يسهل عليك وتنوضي بالسلامه انتي والقمر ام اجنادين كيف حالك ياغاليه ان شاء الله تكوني بالف خير هدوشه الحلوة كيف حالك انتي وسومه ربي يحفظها وان شاء الله لاباس عليك حبيبتي ردي بالك ع روحك توا ماجاي غير الصقع |
رد: حبيباتى سيدات ليبيا تفضلو لأعرف ما حالكم
الحمد لله اني بخير وع فكرة نطل مرة مرة نشوف في اخباركم غير هذا وين سخر ربي وكتبت وحتي اني بديت زي جي جي التقعميزة بحسابها
امس درت الالترا ساوند والحمد لله اطمنت ع البيبي وأكدتلي انها بنووووووووته الحمد لله حتي شرياني في اللبس مامشاش بلاش ههههههه وان شاء الله نديرها اوخية قبل ماتكون بنية وتونسني وتهون عليا شويا الغربه يااااارب وان شاء الله اخترنا لها من الاسماء فااااااااااطمة فطومه ان شاء الله يارب تجينا بأخلاق بنت الرسول عليه الصلاة والسلام ياااارب بس قتلي وزنها 2200غرام ومزالي اسبوع ونخش التاسع نحسها بتجيني صغيرووووووووووووونه والا شن رايكم؟هل احتمال نزيد كيلو اخر والا صعب؟للاسف الترجيع في الوحم اثر ع وزنها بس الحمد لله ع كل حال غير تجي بسسسسس |
رد: حبيباتى سيدات ليبيا تفضلو لأعرف ما حالكم
ماشاء الله استمتعت بجوكم في العيد كلكم وان شاء الله توا نحكيلكم ع جو عيدنا مع انه السنتين الاخيرات ااااااااااه لاطعم لانكهة ويستر الله ع السنه هذه
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم اليوم أهليييين بأمولة ماشااااء الله قربتي ان شاء الله على خير ياااارب ومبرووووك انها طلعت بنوتة حلوة والاسم الاحلى ان شاء الله تكون ونيستك وتنسيك الغربة والوحدة وماتخمميش في الوزن تو تزيد احسنلك تجي صغيرة باش تساعدك في الولادة وماتتعبيش فيها وبعدين تو تزيد وتسمن والله تخافي عليها حتى اني جت صغيرة وساعدتني حتى انهم ماداروليش شق الحمد لله وتوا ماشاء الله زادت ربي يسهل عليك يارب |
رد: حبيباتى سيدات ليبيا تفضلو لأعرف ما حالكم
تعرفوا اليوم اول مانضت حسيت سوما قالقة مسكينة حتي وقفتها عالشباك تشوف في الجو وفرحانة وجعتني انها محبوسة قلت منطلعها بعد فطرنا وغيرتلها ورضعتها قلت لراجلي استنى منطلعوا معاك نتمشوا ونسقدوك للجامعة ماهو الجامعة قريبة علينا يمشيلها على رجليه مسافة ربع ساعة بالكثير
المهم طلعنا تمشينا شوي وفي نص الطريق حسيته صقع وولينا اني وسوما وماوصلتش للحوش نين اتصل بيا قاللي تعالي بسرعة في حفل تخرج في الجامعة تفرجي عليه الله سبحان الله عالزحمة ومع ذلك نظام وترتيب والطلبة كلهم لابسيم لبس التخرج الاسود والقبعة السوداء والدكاترة والمشرفين لابسين لبسة احمر بالازرق وقبعات زرق ورايحين منظمين والضيوف ماتلقوش كان اللي شاد باقة ورد والا هدية ودايرين الحفلة في الهواء الطلق جنب نافورة وشجر جو خيالي والدكاترة لما جو طابور ويستقبلوا فيهم بالطبول وموسيقى زي الزكرة وبعدين الطلبة قالوا النشيد كل في منهم صينيين وفي كنديين لكن بعدين راجلي قاللي تأخرت منعدي كان بتقعدي تتفرجي بروحك اقعدي قتله لا شن بيقعدني في هالزحمة تو نريح بينهم ههههههه |
| الساعة الآن 08:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .