منتديات حوامل النسائية - تجمع سيدات ليبيا الغاليات..

منتديات حوامل النسائية (https://naqatube.com/index.php)

- ملتقى عضوات حوامل (https://naqatube.com/forumdisplay.php?f=69)

- - تجمع سيدات ليبيا الغاليات.. (https://naqatube.com/showthread.php?t=280678)

رد: تجمع سيدات ليبيا الغاليات..

اهلا بيك اوشي وربي يحفضلك صغارك

رد: تجمع سيدات ليبيا الغاليات..

سلمك يا اوشي عارفتها نسوة انبصر عليك وام ورد اكويسة وغدوة اتخش شهرها

رد: تجمع سيدات ليبيا الغاليات..

السلام عليكم ورحمة الله وبركاته
كيف حالكم اليوم

رد: تجمع سيدات ليبيا الغاليات..

ام معاذ يعطيك السلامه ضحكتيني تخيلت لقطتك ههههه وخطرتي عليا طيحاتي في الحمل تلات مرات نطيح مسكينه بنتي هههههه عمرها طويل مكرشه في الحياة بايديها ورجليها
أول طيحة طبعا كنت مانعلمش بروحي حامل كنا كيف جايين لكندا لينا أسبوعين ممكن طلعنا ندهوروا في حديقة جنبنا وكان معانا حماتي وراجلها وبنياتها المهم الرجاله والصغار مشوا في جهة واني وحماتي نتمشو في جهة تانيه فجأة ما نشوفولكش غير كلب صغير حشاكم جاي جيهتنا خلاص وين تلقينا احني ما تبانش غير غبرتنا واني بالذات الكندره في جهة والوشاح طاح مني من غير العياطات ههههه بعدين استسلمت جيت طايحه راجلي لما سمع العياط انتبه وعرفنا جي يجري لز الكلب طبعا مدرب الكلب مجرد قاله قوو عدا طول واصحاب الكلب قعدوا يتأسفو ويضحكو مستغربين كيف خفنا من الكلب ههههه لأنه هما صديقهم معندهمش مشكله معاه
المهم والله ماننساه الموقف نتفكر فيها راجلي صورنا أني وحماتي كيف طايحين ووجوهنا صفر ونعيطو وبعتها لاهله ههههه
كلا الطيحة التانيه في الحوش حتي هيا في بداية الحمل راجلي غالي عليه البصارة ديما يجيبلي في حاجة من الفريز ويحطلي فيها فجأة علي ضهري والا رقبتي من وراء مش ننخلع امشي المره هذيكا كنت منطرحه عالسرير وجاني بالقفاء بدون مانعلم حطلي كيسه امتاع لحم متلجه من الخلعة نضت نجري منهرب جيت طايحه علي اربعه قريب تكسرت وااك نتفكر فيها ماحرها عالزليز هههههه
وأما الطيحة التالته في الشهر السادس نازلين من الدروج منطلعو راجلي قالي بسرعه منلحقو عالباص والدروج كانوا مبلولات صابه المطر قتله ها أني نمشي بالدرجتين هكي متعوده في حوش اهلي كل درجتين في خطوة وماكملتش كلمتي نين جيت طايحه علي بطني نتفكر فيها راجلي طبني وخايف يقولي شني تحسي مافي شي نزل واني غامه وجهي بأيديا دايره روحي نبكي واني نضحك هههه
والله أيام وذكريات حلوه أول حمل كله مواقف

رد: تجمع سيدات ليبيا الغاليات..

فيفي ما عرفتكش علي نفسي كويس أني من الخمس مواليد 92 متزوجه من سنه وثمانية شهور وكنت نقراء في كلية سنه تالته ماكملتش وقفت قيدي لابعد مانروح أن شاء الله وعندي بنيه اسمها سما عمرها سنه إلا شهر وخلاص وصحة الكيكه أني جتني أبصر كيف أهي أهي الكراميل جاني متشقق ويتفترش معرفتش خيره .....
وباهي مفيش فرق في التوقيت بينكم وبين ليبيا احني فرق تسع ساعات في التوقيت الصيفي وتوا فرق عشر ساعات
ورمضان ياذن المغرب التسعة ونص والعشاء 11
فروسه كيف حال لولي اليوم أن شاء الله أحسن و صحتين البسبوسة كولي وماتحرميش روحك مادام جسمك كويس مايمنعش مره مره بريك ليش واحد يحرم في روحه
جيجي إن شاء الله لاباس عليك حاله أعراض الدورة كانه وحم بالذات أول دوره بعد الجياب صعبه تجي قويه ومتعبة اشربي سواايل ساخنه ودفي كويس وماتعبيش روحك هلبه
أوشي ميت هلا وسهلا كيف حالكم وشن اخبارك واخبار الصغار ودراستهم حتي أنتي وحشتينا مووت
وين سوسو اليووم
أتري ليك وحشه
جنوده وموله وييييينكم يومها جنوده خشيتي شويه مساالتيش ولا طمنتينا عليك قلتي إنك مشغوله علي المباراة وخلاص ؟؟؟؟
شموسه لاباس علي سنونك وينك شن صار فيك
خوله وحبيبه حاتم وام نرجوسه وين مغطسات
ام وسونه كيف حالك وحال البنيات وشن جو التدريس
ام ورد أن شاء الله التمام علي خير وربي يسهل عليك وتشوفي مولودك بالف خير
حماتي اليوم جابت بنيه حسها سفهتني بالجياب هههههه

رد: تجمع سيدات ليبيا الغاليات..

ههههههه هد هد قسما ضحكت ضحك لين بنتي تقولي خيرك تضحكي ياماما

رد: تجمع سيدات ليبيا الغاليات..

مسااااااااااااااء الخير وألأنوا والسكر ياعسولات بلادي ..

وعارفين عمتكم سوسو ماتجيش وايدها فاضية ..

تفضلوا ياحلوات والشاهي عليكم..

http://forum.hwaml.com/imgcache2/hwa...630713_458.jpg

http://forum.hwaml.com/imgcache2/hwa...630712_365.jpg

http://forum.hwaml.com/imgcache2/hwa...630712_328.jpg

....

وياهلا ويامية غلا بالحبوبة الغالية فطوووووووووووم شن الجو وشرفتينا وأنستينا ياغالية وليش ماشرفتينا من زمان ..

طبعا أنتي توا تخيلتيني عزوز لاللاالالالا ههههههههههه

ربي ييسرلك حملك وولادتم ويسهل غربتك يارب..

أختك سوسو من الزاوية ليبيا ,, متزوجة من 2008 وعندي حمودة وريم متخرجة مواليد 92

وهذا أحلى طرف ليك..

https://fbcdn-sphotos-h-a.akamaihd.n...84893141_n.jpg

قريييييييييييييييب نهبل عليها خاااااااااااااااااااااطري فيها الكنافة ليييييييييييييييين خلاص..
نبي نجربها قولولي هل موجودة هنا .. يعني طرابلس..

طبعا ركزو مش اليابسة نبي يللي تكون سخونة وجديد لأن مرة وصينا صاحبنا دارهالنا جابدة ويابسة وشادة روحها يعني باردة مش ساخنة زي الصورة..

رد: تجمع سيدات ليبيا الغاليات..

سوسو كيف الحال حاﻻ اﻻكةى كيت تعرفي كل ما تخشي ةتطلعلي نص الصفحة شكله من توقيعك واللنه نتكﻻم بجد

رد: تجمع سيدات ليبيا الغاليات..

اه حت اني نمووووووووت فيها

رد: تجمع سيدات ليبيا الغاليات..

اقتباس:

المشاركة الأصلية كتبت بواسطة ام معاد (المشاركة 3622309)

ههههههه هد هد قسما ضحكت ضحك لين بنتي تقولي خيرك تضحكي ياماما

إن شاء الله دوم الضحكه يا ام معاذ حتي أني قاعد لليوم الموقف يضحك فيا حتي لما نكتبلكم فيه نضحك بروحي بروحي hwaml02 ههههههههه