رد: حبيباتى سيدات ليبيا تفضلو لأعرف ما حالكم
 

انحط فيه يا جنودة بكاسات هك دورت واجد نفس متاعي بس مالقيتش هذه اقرب صورة

http://up.3dlat.com/uploads/134901120314.jpg


وبصدق اللي يجي تعجبه الفكره
انحط فيهن ديما بسلطة القواكه نا وابوفراس والكيك هذي لي حكيت عليها ...
وبرمضان لو جوني ضيوف برانيه اندير فيها ف الكاسترد بالكيك... او الكاسترد اللي نصها جيلي
وديما يقولو حلوة الفكرة...

ومرة تباسي المسكرات واخدتهن مني جارتي .. جتني صديقة حطيتلها فيهن مكسرات مع الشاهي وعجبتها الفكره هههههه

رد: حبيباتى سيدات ليبيا تفضلو لأعرف ما حالكم
 

في فرحي ... السفير الحار كان من احدي انواع الموالح
دارته ليا صاحبتي هديه سفير مفروم بالجينة والبطاطا بالبشاميل والحق كان روعه
وتعبت فيه مسكينه شلطتها الكوشه وكان فرحها بعدي بشهر ..

رد: حبيباتى سيدات ليبيا تفضلو لأعرف ما حالكم
 

شموسه ردت وغابت من جديد

وفي بنات معش خشن ان شاء الله خير

اوشي واموله وام نوزه وام معاد واثري وتوما وميرنا وهمسة

رد: حبيباتى سيدات ليبيا تفضلو لأعرف ما حالكم
 

جيجي ان شاء الله والدك حاله وصحته افضل من قبل

رد: حبيباتى سيدات ليبيا تفضلو لأعرف ما حالكم
 

السلام عليكم ورحمة الله وبركاته

رد: حبيباتى سيدات ليبيا تفضلو لأعرف ما حالكم
 

كيف حال الحلوات وكل عام وانتو بخير

رد: حبيباتى سيدات ليبيا تفضلو لأعرف ما حالكم
 

ام فراس اني جيت ...

انا روحت لوحشي يوم الثلاثاء والهيت في الحوش

وعصومي وروى حصلو برد من تغييرة الجو

وحضرت فرح ولمتين ... واليوم كساد ... بلكي نطلع للسوق اليوم والا بكرة

رد: حبيباتى سيدات ليبيا تفضلو لأعرف ما حالكم
 

اللَّهُمَّ اجْعَلْنَا إِلَى جَمَالِ آيَاتِكَ نَاظِرِينَ، ولِرَوَائِعِ قُدْرَتِكَ مُبْصِرينَ، وَإِلَى جَنَابِكَ الرَّحِيمِ مُتَّجِهِينَ، وَاجْعَلْنَا عَلَى نَهْجِ النَّبِيِّ المُصْطَفَى - عَلَيْهِ أَفَضَلُ الصَّلاَةِ وَأَزْكَى التَّسْلِيمِ - سَالِكِينَ، وَبِسُنَّتِهِ وَهِدَايَتِهِ عَامِلِينَ، وَبِآثَارِهِ مُقْتَفِينَ، وَمَتِّعْنَا اللَّهُمَّ بِصُحْبَتِهِ فِي جَنَّاتِ النَّعِيمِ. اللَّهُمَّ اجْعَلْنِي أَخْشَاكَ حَتَّى كَأَنِّي أَرَاكَ، وَأَسْعِدْنِي بِتَقْوَاكَ، وَلاَ تَجْعَلْنِي بِمَعْصِيَتِكَ مَطْرُوداً، وَرَضِّنِي بِقَضَائِكَ، وَبَارِكْ لِي فِي قَدَرِكَ، وَانْصُرْنِي عَلَى مَنْ ظَلَمَنِي.

اللَّهُمَّ بَلِّغْنا رَمَضَانَ.. اللَّهُمَّ بَلِّغْنا رَمَضَانَ.. اللَّهُمَّ بَلِّغْنا رَمَضَانَ..

اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..

اعاده الله علينا و عليكم و على الامة الاسلامية باليمن و البركات

رد: حبيباتى سيدات ليبيا تفضلو لأعرف ما حالكم
 

توة انرد عليكم اشسوي اخرى

لكن قبل

شموسة انستينا ...

سوسو الحمد لله علي سلامة امك


جيجي ... ربي يشفي بوك ويرجعه لكم بصحة وسلامة


جنودة ياغالية ... ربي يرزقك من واسعه.. بس عندي ملحوضة

انت ادرى بنفسك ... هل انت ممكن ترجي 3 سنوات اخرى وهل عمرك يسمح بالانتظار

انا من وجهة نظري ونصيحة اخت انك تتوكلي على الله وتزرعي

وربي يرزقك عاجل غير اجل

رد: حبيباتى سيدات ليبيا تفضلو لأعرف ما حالكم
 

السلام عليكم ورحمة الله وبركاته