|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
يعنى نحرم نفسى من المسية ولا نمشى وهو مش عاجبه فهمتينى يعنى لو قالى لا مثلا وانا دلعت عليه وقلتله خلينى مشى وقال باهى وحسيت انه وافق هكى وخلاص ومش عاجبه ومش راضى فى داخله طول نقوله خلاص فوت الموضوع وتعرفى بعدها مسكين نايرضاش فيا وبالضحكة والرضا يقولى خلاص امشى عادى |
رد: دردشة بنات ليبيا , دردشة حوامل ليبيا , تجمع بنات ليبيا
شنو شنو غير بشوية علينا ياحليلى على الحساس
تو شوفي ياعسل هالجمله حسستني كانك اتسايري في بيبي او مش مصدقة الي انقال ذكرتيني في ايام التانوي كان وحدة قالت حاجة بعفوية وبطبعها يقولولها ياااااااااي ياحرام <<<قريبة من جملتك محبيتش نكتب شئ باش متفهميش غلط لكن كتبت باش انكونوا ديما صريحين مع بعض بس |
رد: دردشة بنات ليبيا , دردشة حوامل ليبيا , تجمع بنات ليبيا
مقاسى متدرج
وبصدق توا دولابى فيه عدة مقاسات يعنى من 40 الى 48 بتدرج مراحل الحياة عروسة حامل نافس طالبة وووووو |
رد: دردشة بنات ليبيا , دردشة حوامل ليبيا , تجمع بنات ليبيا
حاولي تستقري علي 44 انحسة مقاس كويس مش سمسنة ومش ضعيفة
انا والله حاليا قاعدة نلبس 40 لكن شهر تاني مااضنش ههههه البطن حتكبر ماقلتيليش كيف متخيلتيني بسسسسسسسسسسسرعة توة توة هههه |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
ياحليييييييييلى معاد عرفناشنو بنقولو ولا كيف بنرضوك هههه والله ياحبيبتى غير انتى حساسة زيادة عن اللزوم والجملة لا تعنى انى نساير فيك بالعكس كنت حاسبة روحى نحبك ومكبرة بيك وغير شن تبى بس |
رد: دردشة بنات ليبيا , دردشة حوامل ليبيا , تجمع بنات ليبيا
شن الجو جيتكم جيجي او سوسو توا نبعثلك احساب ام وسونه عل الخاص في الفيس
|
رد: دردشة بنات ليبيا , دردشة حوامل ليبيا , تجمع بنات ليبيا
جو في طاعه الله عجاج الحوش كلا قعد لونه برتقالي ياربي الطف بينا
اومش جو تطيب درت بيتزا اواندير امعاها شربه اوخلاص |
رد: دردشة بنات ليبيا , دردشة حوامل ليبيا , تجمع بنات ليبيا
نستعمل في شامبو لعلاج لقشره الراس خلالي شعري جاااااف اوناشف
|
رد: دردشة بنات ليبيا , دردشة حوامل ليبيا , تجمع بنات ليبيا
هلا والله بشموسة العسل صحتين البتزا والشربة نفس غداي زيادة طعمية وخبيزات محشية توة كيف عجنت العجينة وحطيت الشربة وطلعت وجبة طعمية واتية انديرلها الملح بس ونقلي ان شاء الله
والله عندك الحق الجو مش مساعد ابدا ومافكرتش لانكنس لا نمسح عندي حوايج حطيتهم في الغسالة وحكيت حشاكم حماماتي اول مانضت ورتبت ترتيب عادي وبس |
رد: دردشة بنات ليبيا , دردشة حوامل ليبيا , تجمع بنات ليبيا
والله حرت شنو بندير للغداء
الفريز منفض وبصراحة نحسها اللقطة هذه باهية مرة مرة حتى الواحد يشوف الفريز وينفضه مثلا انا لقيت كيس جمبرى طلعته درته فى الكوشة وكيس نقانق طلعت درت بيه قلاية ودرت سلاطة عربية ودحى مطبوخ وشية حواضر خخخخخخخخخ مش قلتلكم منفضة هههههه |
رد: دردشة بنات ليبيا , دردشة حوامل ليبيا , تجمع بنات ليبيا
اهلين شموسة
جيجي انا نفضل نضيف أكثر من الملح للطعمية مثلا فلفل بزار كمون بهارات وحتى مرات خبزة مرحية ودحى وكسبر |
رد: دردشة بنات ليبيا , دردشة حوامل ليبيا , تجمع بنات ليبيا
شموسة ماعرفتش كيف نخشله الحساب
هى شنو اسمها امينة |
رد: دردشة بنات ليبيا , دردشة حوامل ليبيا , تجمع بنات ليبيا
بنات انفكر ان شاء الله قبل رمضان باسبوع كل يوم اندير حاجة ونحطها في الفريز بصراحة بدل منضيع 3ساعات في المطبخ اتكفي ساعة بين شربة وسلطات وتجهيز السفرة ونستغل ساعتين في العبادة والطاعات وربي يقدم اللي فية الخير
والسنة هادي منفكرش نطلع خصوصا في العشر الاواخر ان شاء الله حتي حوايجنا العيد انا وبنتي بنخيط خياطة لبسه انا ولبسة هي واللبستين تانين تو نطلع يوم ان شاء الله ساد نشريهملها وانزيد لبسة انا واكسسوارات وكندرات والنواقص كلها سبحان الله مع ان اختياري صعب لكن في حوايج العيد بسرعة مانختار ولحق الكل يقولي لبساتك يهبلوا العام اللي فات خديت لبسة شفون كانها كومتشيتة سيور وفيها سبتة عريضة تحت الصدر وفوق ركبتلها دجاكيت بيج والكمامات في الحواشي نفس لون الكومتشيتة لونها لون السنة اللي فاتت زي البرتقالي او الوردي عرفتوة وشريتلها خراص طوال لان الدجاكيت فيها رقبة واكسسوارات |
رد: دردشة بنات ليبيا , دردشة حوامل ليبيا , تجمع بنات ليبيا
اختيار موفق جيجي
انا نفكر فيها كل عام بس منلحقش نديرها وبالنسبة لينا نرمضو مع امتعينى هما هكى يبو ولما نقول لزوجى خلينا فى حوشنا مايرضاش المهم نحنا كل واحد يدير حاجة انا وسلفتى وزوز حمواتى صبايا وعزوزتى عندها زوايل متفضاش بينا وأصلا مش معقولة احنا مجموعة ونخلوها تعول معانا غلا احياانالما نكونو ماشيين لعيالاتنا |
رد: دردشة بنات ليبيا , دردشة حوامل ليبيا , تجمع بنات ليبيا
بس حنحاول نديرها لعام هذا إن شاء الله
على ألأقل الحاجات يللى تصبر زى البتزا الطعمية الكفته لا أظن طاجين خضرة مثلا |
رد: دردشة بنات ليبيا , دردشة حوامل ليبيا , تجمع بنات ليبيا
حتي انا انضيفلها ياسوسو غير انسيت بنكتب ملح وبهارات
انتي اللي ذكرتيني فيها ليا ايام عليها بنات شنو الحاجات اللي فعلا تصبر في الفريز كانها كيف جاهزة انا البيتزا بس اندير فيها ومجربتها وحتي الجزيرة تقعد زي ماهي بنتها وطازة باهي المطن والسويسرول والسكاوب وامبطن الفلفل الحلو ومبطن البسكويت المالح والمقبلات شنو يصير فيهم |
رد: دردشة بنات ليبيا , دردشة حوامل ليبيا , تجمع بنات ليبيا
قاعدين ماتغدناش
حتى انا إن شاء الله العام هذا بناخد لبس من قبل رمضان وحمود خذيتله الزبون ساده وخديتله كدس هههه(كدس) فالينيات عنده نقص فى الشورتات بس وبالنسبة ليا توا ناخد لبسة حلوة يعنى حاجة بسيطة لما نمشى لخوالى او عيالى وفى العيد إحنا نعيدو ع عمامى كلهم ماشاء الله فأكيد كاب |
رد: دردشة بنات ليبيا , دردشة حوامل ليبيا , تجمع بنات ليبيا
باهي سوسو علاش ماتقترحيش علية عالاقل العشر الاواخر منة اتعيشي جو رمضان في حوشك ومنة تفضي للعبادة وشوفي شن ايقولك
انتي واضح الحمد لله مرتاحة مع اللمة والعيله بس انا في رمضان بالذات منحبش الكثرة والدوشة تلهيني عالاستغفار والتسبيح |
رد: دردشة بنات ليبيا , دردشة حوامل ليبيا , تجمع بنات ليبيا
شنو هى الجزيرة
جيجي المبطن نتوقع انه يصبر |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
بس رمضان هذا بدات مانقدرش عمى وداداى وحماتى الكبيرة بيمشو للعمرة إن شاء الله فى النصر رمضان الاخير وشكله جاينى التعب تخيلو سلفتى بتجيب موعدها العيد بالزبط يارب عينى وقدرنى عندى زوز حموات متزوجات وحدة قلتلكم انها فى المايا |
رد: دردشة بنات ليبيا , دردشة حوامل ليبيا , تجمع بنات ليبيا
https://www.google.com.ly/url?sa=t&r...47008514,d.bGE
شوفي الرابط هدا هادي الجزيرة بس مختلفة علي طريقتي ان شاء الله اشرحها مرة تانية عزيزتي |
رد: دردشة بنات ليبيا , دردشة حوامل ليبيا , تجمع بنات ليبيا
ربي ايعونك ياسوسو والله وذكرتيني حتي انا سلفتي اتجيب في نص رمضان يعني سفرة كااامله لازم نرفعها وبصراحة هي حتي تنزكم ماطيبش يعني منفكرش حتي انها ادير شربة ربي يهديها ويسهل عليها وماشاء الله تجيب طبيعي وتروح في نفس اليووم
لاني لو بندير حاجة والله لوجة الله وربي يعطيني الاجر ان شاء الله انا عادي لو مش حامل لكن في رمضان انكون في السادس يادوب اندير حاجتي خوفا من التعب والدوالي ونبي انخلي جهدي للعبادة وان شاء الله ربي يسر الامور كلها يااااااااارب |
رد: دردشة بنات ليبيا , دردشة حوامل ليبيا , تجمع بنات ليبيا
فى المانيا
|
رد: دردشة بنات ليبيا , دردشة حوامل ليبيا , تجمع بنات ليبيا
ربى يسهل عليك والله تعب مابعدك
انا حاجة وحدوة عليا وع الصغار نتعب ومانلحقش نعبد ربى استغفر الله العظيم |
رد: دردشة بنات ليبيا , دردشة حوامل ليبيا , تجمع بنات ليبيا
يمىىىىىىىىىىىى شكلها تجنن وحتى البيتزا المحطوطة
جوعتينى قاعدين نراجو ماتغدناش ااه |
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
هههههههه تعودي عالغداء موخر زيني توة كيف طلعت البتزا والخبيزات من الكوشة ورتبت سفرتي وغطيتها كلها لان زي ماقلت مايحبش الغداء السخون مع الخمسة يروح اتكون بردت مع ان البتزا والطعمية مايتكلوش الا سخان صبرت روحي بوحدة بيتزا وطعمية هههه |
رد: دردشة بنات ليبيا , دردشة حوامل ليبيا , تجمع بنات ليبيا
تعرفي ياسوسو انا يوم اندير الجزيرة اندير السويسرول لان الحشوة نفسها فنختصر علي نفسي
|
رد: دردشة بنات ليبيا , دردشة حوامل ليبيا , تجمع بنات ليبيا
السﻻم عليكم كيف حال الجميع
|
رد: دردشة بنات ليبيا , دردشة حوامل ليبيا , تجمع بنات ليبيا
معقولة مافي حد
انا توة بنمشي لحوش بوي خواتي اتصلوا بيا تعالي انهدرزوا ديما في الثلاثاء تنلاقوا وتيت توة روحي ولبست رنودها وكل شئ تمام لكن راجلي من من نص ساعة القيتة راقد في مكانة بنزيدة ساعة وبنوضة هو ميحبش يرقد هلبة مجرد يريح بس وخلاص نتلاقوا علي خير ان شاء الله |
رد: دردشة بنات ليبيا , دردشة حوامل ليبيا , تجمع بنات ليبيا
وعليكم السلام ورحمة الله وبركاتة
كيف حالك ياعسولة وينك عودي واخدك منا |
رد: دردشة بنات ليبيا , دردشة حوامل ليبيا , تجمع بنات ليبيا
ام وسونة مبارك عليك البنوتة والف الحمد لله علي سﻻمتك
|
رد: دردشة بنات ليبيا , دردشة حوامل ليبيا , تجمع بنات ليبيا
كلنا الحمد لله بخير كيف حالك انتي ووليدك
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
سوسو واثري وشموسة مارديتوش علي سؤالي سوسو وين طريقة الباسطي |
رد: دردشة بنات ليبيا , دردشة حوامل ليبيا , تجمع بنات ليبيا
ام ناريز وينك البارح رقدتي
خشي وطمنينا عليك ياغالية |
رد: دردشة بنات ليبيا , دردشة حوامل ليبيا , تجمع بنات ليبيا
جنودة مسائك عطر كيف حالك اليوم ان شاء الله بخير
ماشاء الله جيتوا لما قلت بنطلع هههههه |
رد: دردشة بنات ليبيا , دردشة حوامل ليبيا , تجمع بنات ليبيا
اني اﻷيام هدي النت مش فيدي الاسبوع الجاي ت الاسبوع الاجاي تتو نشدها في جرتكم
|
رد: دردشة بنات ليبيا , دردشة حوامل ليبيا , تجمع بنات ليبيا
اهلين جيجي كيف حالك وحال بنيتك. اني عندي زوز اوﻻد وبنظتة
|
رد: دردشة بنات ليبيا , دردشة حوامل ليبيا , تجمع بنات ليبيا
قصدي بنوتة
|
رد: دردشة بنات ليبيا , دردشة حوامل ليبيا , تجمع بنات ليبيا
ماشاء الله ام معاد توقعتك عريسة ربي يزيد ويبارك ويحفظلك صغارك
تو انشوفوا التهدريز العسل منك لما ايجي النت والا ياويلك هههههه |
رد: دردشة بنات ليبيا , دردشة حوامل ليبيا , تجمع بنات ليبيا
8ههههههه واني ديمة عروسة بأدن الله.اني مواليد التسعين .النت عند غاليا ياحنة
|
| الساعة الآن 09:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .