|
رد: تجمع حوامل سوريا-دردشة ورود سوريا-دردشة الغاليات
اقتباس:
صحة وهنا عالفاصوليا بلحمة زوجي بحب بزيت اكتر بعمل كتير فاصوليا بزيت لاعمل شي مرة بلحمة ولاتحكمي على طيابة اكلي لتدوئيه تعي مع بيت حماكي عالسعودية بكسبك بعزيمة وبتدوئي طبخي hwaml71 وصحة وهنا عالعجة والمكمور انا كتير بحب المكمور باينتك طباخة ماهرة مين علمك الطبخ انا بعد مااتزوجت صرت اطبخ كنت مابعرف اطبخ شي ببيت اهلي وكلو اتعلمتو من ماما الله يخليلي ياها على عيني بسألك زوجي مشان موضوع جية بيت حماكي عالسعودية وازا شي يوم حسيتي انو علي ماعم يتحرك كتير كلي شي اكلة حلوة او شوكولا واتسطحي على بطنك وشوفي كيف بيتحرك على عيني بكتبلك طريق البيدزا ولا كترتي عليي ولاشي بدنا خدمة تحرز انا اليوم عاملة فخاد جاج مع بطاطا بالفرن |
رد: تجمع حوامل سوريا-دردشة ورود سوريا-دردشة الغاليات
صباح الخييييييير ...صبايا سوريا الحلوييييين
آخخخخخخخخخخخخ...اشتقت لسوريا ...الله يخلصنا بقى .... طبعا ..أخباري ..بنوووتي ما بتخليني نام ..ياحرام هي مو كتير بتبكي ..بس متلا ازا بدا ترضع بتضل شي ساعتين ترضع شوي ..وتدشى ..وتنام ..وبترجع بتتذكر أنو بدا ترضع ...يع...وهييييك ..وبصير بدها تغير الدايبر ..وبعدها بتنام ..وبتفيق تبكي من المغص والغازات ..ولدكتور قلي عادي بتضل تلات شهور هيك ... آخ ..ومافي نوم بعد اليوم مافي نووووم ..خخخخخخ...اشتقتلكن كلكن نايوتا ...بسبوسة ...ميورة...سروءة...سدورة ..عاشقة جوجو ..شام الهوى ..ندى الشام ..زهرة سوريا ..سيريا ..نيروز..سيلا ..أم ملاك ...ولا تواخذوني ازا نسيت حدا ... عاشقة جوجو ..عفوا ..أناما انتبهت ..بس عملية شو من غير شر ...الله يقومها بالسلامة ..طمنينا حبيبتي |
رد: تجمع حوامل سوريا-دردشة ورود سوريا-دردشة الغاليات
كل عاااااااااااااااااااااااااااااااام وانتوووو بخيييييييييييييييييييييييييييييييييييييييييييييييي ييير
نشالله ال 2013 بتكون سنة خيييييييير يااااارب انا بعرف طولت غيبتي بس صرلي 3 ايام بلا كهرباااااااااااا hwaml15 انا وهنوووودة بخير والتوينز مناح كمان وموعدي مع الدكتورة صار قريب ... الوحاااااااااااااام مجنني عم اشتهي كتير شغلات بس ماني عم اكلهن اهئ اهئ اعدة هلا عم نئرش نمووورة ههههه _ تفضلو هنووووودة صاير شب يخزي العين عنوووووو نازل بربربربربربربربربر من الصبح للمسا بس بدي اعرف مين علمووووو يعملها هههههه ماني عم اطبخ بهاليومين لان تعبانة وطول الوئت بالتخت انقطعت الكهربا برجع |
رد: تجمع حوامل سوريا-دردشة ورود سوريا-دردشة الغاليات
اقتباس:
رح تفوت عالمدرسة البنت ولسا ماشفناها ههههههههه |
رد: تجمع حوامل سوريا-دردشة ورود سوريا-دردشة الغاليات
اقتباس:
وهنودة يسلملي صوتو احلى نغم وبعدين فوق مو عم يعزب حالو وعم يسليكي |
رد: تجمع حوامل سوريا-دردشة ورود سوريا-دردشة الغاليات
1 مرفق
طريقة البيدزا لمنار
العجينة كل كاسة طحين ملعقة خميرة كبيرة ورشة ملح ورشة سكر وماء دافي انا مابعير ماء على حسب نوع الطحين بزيد وبعجن لحتى تتشكل معي عجينة بضيف ملعقتين زيت ذرة وبعجنا شوي وبتركها تتخمر السوس تبرشي بصلة صغيرة وتبرشي بندورة وبتضيفي رب البندورة وملح وفلفل وبس تغلي خليها عالنار لتاخد قوام السوس ورشي بهارات البيدزا قبل ماترفعيها عن النار شي دقيقتين بهارات البيدزا مكونة من زعتر بري ومردقوش وحبق وفلفل اسود بتصور بقسم البهارات بتلاقيها وبعدين بترقي العجين وبتضيفي فوقها السوس وعالوش حطي زيتون وفطر وشرحات فليفلة خضرا آخر شي جبنة وانتي كمان شو بتحبي اتضيفي عالوش شي راجع لزوقك وىخر شي رشي شوي بهارات بيدزا على وشا ودخايها الفرن على درجة حرارة 190 شي نص ساعة تقريبا بدي قلك ملاحظة عالعجينة بعدها شوية عجن بعد التخمر لان بتكون كلها ثقوب وحاولي ماتدعكيها كتير رشليها طحين واتدعكيها شوي لان بيبطل مفعول الخميرة كترة الدعك وريحيها شوي بالصينية قبل ماتضيفي السوس طبعا بتدهني الصينية بشوية زيت |
رد: تجمع حوامل سوريا-دردشة ورود سوريا-دردشة الغاليات
باروكلي يابنات مبارح طلع سن نايا بس شوي منو لسا ماطلع كلو وكتير فرحت لما شفتو ههههههه
ورح ساويلها سليقة قريبا نحنا منساويها وقت بيطلع اول سن للبي بي طبعا عادة قديمة عند الشوام بس مو إجبارية وانا بس اتعلم طريقتو ان شالله بدي ساويه المكون الرئيسي فيه هو القمح ومنار انسيت قلك نزلت صورة الخميرة يلي بستعملها وهي بتضيفيها عالناشف فوق الطحين انا بحب هادا النوع من العجائن أكتر من النوع يلي بينضاف بيض بالعجينة ونفس العجينة بعمل مناقيش بزعتر وفطاير بجبنة ومحمرة بيطلعو كتير طيبين |
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
كيفكم شو اخبارك انا بخير عم طول الغيبة شوي
بس ان شاء الله بس تخلص جوجو وترتاح برجعلكم كل يوم حبيبتي نايوتا مبروك سن نايا والله وانا بحب السليقة وباكلها لهلاء ههههههههههه حبيبتي شذا جوجو رح اعملها عملية للوز لانها كل شهر مريضة منهم ان شاء الله بكرة الاحد عمليتها الساعة 7 ونص الصبح ادعولي ما تعذبني كتير لاني والله كتير تعبانة رشح وسعلة وكريب اقوي كتير جايني والله ما عارفة هي رح تقعد جنبي ولا انا جنبها ههههههه سلامي لكل بنات التجمع ما بحب اذكر اسماء عشان ما حدا يزعل مني |
رد: تجمع حوامل سوريا-دردشة ورود سوريا-دردشة الغاليات
صبايا بلدي الحلووات الغالياات اشتئتلكن كتاتير بس و الله مالي على بعضي هالكم يوم ،طول الوقت يا بنات مشغول بالي حاسة حالي ما عم اعرف افرح بحملي كل شوي بقول بركي لا سمح الله البيبي فيو شي مع اني من الاول استودعتو عند رب العالمين بس هيك وساوس ، وخصوصي لما قالتلي الدكتورة بالموعد الماضي انو رح تساويلي الموعد الجاية فحص الرقبة الخلفية عند الجنين وانو هالفحص بيبين اذا لا سمح الله الجنين عند متلازمة داون والله يع بنات من يومتا و بالي مشغول في ناس قالولي ساووي عادي و في ناس قالولي لا تساووي و أنا خايفة و محتارة بعدين قررت اعملو صحيح انو أملي برب العالمين كبير انو يعوض صبري خير بس بنفس الوقت الوساوس ما عم يفارقني
بسلم عليكم وحدة وحدة و ببوسكن انو و الامامير الصغاار و بحبكن كتتير وأمانة تدعولي الله يرزقني الطفل السليم المعافى |
| الساعة الآن 04:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .