|
رد: ديوانية البحرين - دردشة حوامل البحرين - البحرينيات
نسيت أسألش .. وانتين ماعرفتين بنفسش واذا حامل أو لأ وأي شهر ؟
|
رد: ديوانية البحرين - دردشة حوامل البحرين - البحرينيات
انا بدخل التاسع
دعوااااااتك |
رد: ديوانية البحرين - دردشة حوامل البحرين - البحرينيات
الللاااي اللي يتمم عليش ويسهل عليش ولادتش ان شاءالله ..
حدي خاطري أدخل التاسع ,, باقي واجد |
رد: ديوانية البحرين - دردشة حوامل البحرين - البحرينيات
لا والله الشهور تمضي بسرعه
وبتدخلين التاسع والله يسهل عليك انا في الشهر الثقل زاد وتجي نغزات وحكه في البطن شدييييييده |
رد: ديوانية البحرين - دردشة حوامل البحرين - البحرينيات
السلام عليكم شخباركم جميعا حبيت انقل لكم آخر اخباري من الساعه اربع ونص الفجر بدى فيني الطلق لي الحين ورحت المستشفى قالولي واحد سانتي وسوولي تخطيط بين ان فيه طلق بس قالت لي دام بيتكم جريب من المستشفى وقعي انتي وزوجج واذا اشتد الالم تعالي على طول انتي لانج بجر بطولين شوي ، بس حبيت اسألكم دام اني انفتحت 1سم تهقون متى اولد؟
طفلي بخصوص الحبوب انا الدكتورة قالت لي اقطع حبوب الفوليك اسد واتم على هالحبوب اليفيت الي عندي بس انتي استفسري احسن |
رد: ديوانية البحرين - دردشة حوامل البحرين - البحرينيات
سلاام بنات .. مأجوورين
بنت الاياويد .. واايد زين حانت لحظة الصفر ،،الله يسهل عليج ان شاء الله بحق غربة الحسين (ع).. وترى اذا ابتدى الطلق يختلف من وحدة للثانية ونفس ما قالو لج البجر يطول عندها الطلق .. اختي نفسج صادها ورجعوها البيت وزاد عليها الطلق المغرب وديناها ولدت الساعة ثنتين ونص في الليل وايد طولت .. وان شاء الله يارب مايأذن المغرب الا انتي والدة و اذا عندج نبتة مريم اغلي لج ويا الماي تفيد وايد وخل يقرون عليج سورة مريم والزلزلة واكلي اناناس او شربيه عصير والزعفران والعسل بعد وهاذي كلها مسهلات من بعد رب العالمين .. الله يقوومج بالسلامة وشغلي نفسج بأي شي لا اطالعين الوقت واذا زاد عليج الطلق او نزل ماي او دم على طول روحي المستشفى ... وان شاء الله سهالات يارب بس وين رحتي السلمانية او محرق؟؟ طفلوو .. انا مو موجودة وبعد تعقرين علي يا النحيسة يعني ما اسلم من السانج مولية.. هاليومين من الحركة والمشي احس ظهري وايد يعورني واقل شي ماقدر اتنفس حالي حال الاوادم .. وصاير لي حرار في بطني وحكة لانه جلدي مشدوود وما في جانس يتمدد زود.. الله المستعاان وعليه المعول في الشدة والرخااء .. انا بعد ابي اجرب حبوب الي قالت عنه بنت الاياويد بس خايفة ابلع شي بدون ماا استشير دكتورة وانتي بسج من الوسواس ترى ما تحسين بالزيادة في الوزن الا في نهاية الاشهرر وانتي توج في السادس الزيادة تكون جرامات بس .. وانتي تبين ياهل دبدوب عشان يتعبج في الولادة hwaml02.. الله يتمم لج ولنا على خير بحق هذا اليوم ان شاء الله ولا تنسونا من الدعاء .. واهم شي الخلقة التامة مابي اعور قلبي ولد او بنت الحمدلله نعمة من رب العالمين سلامتنه احلاام ام وبنوتة ... ماعليكم شرر والله يشافيكم من كل مكرووه بس شربو اشياء دافية وحتى الماي خلوه دافي افضل وعصير اليمون والنعناع يفيد وحتى البرتقال فيتامين سي طبيعي.. ولبسو ثياب شتوية لانه وايد بررد شموووس ... حلوووين تجهيزاتج وعجبني الفراش الوردي الي فيه فراشات من وين اخذتيه ما فهمت عليج مذركير او اشراقة رضيع ؟؟ ملبوووس العاافية ان شاء الله .. وفكرتج حق التوزيعات حلووة وايد بس يبيلها مزااج وانا احين من الثقل يالله اخف بعمري حق شغل البيت ورووحة الماتم .. حنوون .. وايد حلووو الستاااند وحتى شغلج في الفراش البرتقالي نعوومي .. بلى انا قلت لج ابي اجوف شغل ام زينب باطرش لج ايميلي وباجوف شغلهاا لانه ما لي خلق اشتغل على شي برووحي .. ان شاء الله بادش وبتجوفنيني عقب هاللوية ام ميثمي والباقي شخبارركم ؟؟ |
رد: ديوانية البحرين - دردشة حوامل البحرين - البحرينيات
اقتباس:
مأجورين اي خيوتي يصير انش ما يتغير وزنش والبيبي طبيعي اني لحد اسبوعين كان نمو البيبي طبيعي واني وزني مو متغير ابدا بس الحين بدا يوقف نموها في البداية اني كان كلش عادي لكن بعدين تغير الحال ان شاء الله البيبي ما فيه الا العافية ولا توسوسين واذا تحبين روحي سوي التراساوند عشان تطمنين ان كل امور البيبي زينة والله يطمن قلبش ان شاء الله |
رد: ديوانية البحرين - دردشة حوامل البحرين - البحرينيات
بنت الاياويد الله يسهل عليش ان شاء الله وتولدين بالسلامة ياااااااااا رب
هانت هاانت ماباقي ان شاء الله الا ساعات بسيطة وتشوفين النونو في حضنش فلونة ماعليش شر ان شاء الله وربي يسهل عليش يبي ليش ترتاحين في هالفترة عشان ظهرش لا يتعب وبالنسبة للحكة والحرار في البطن استخدمي زيت زيتون طبي ادهني فيه مكان الحرار واذا كان قصدش حكة تصيدش من تمدد الجلد استخدمي كريم التشققات من بالمرز واجد زين يلين الجلد ويروح الحكة واذا ماعندش وماليش خلق تاخذينه استخدمي اي كريم دهني انتين تحبينه بعد يفيد اني كنت احسب هالكريم يمنع التشققات وما يتشقق الجلد طلع بس يلطف الجلد واكو تشققت دبتي كلها الله يعين لو بتي حجمها طبيعي ودبتي كبيرة جان راحت علي |
رد: ديوانية البحرين - دردشة حوامل البحرين - البحرينيات
اي فلونة نسيت بعد
هذا اليفيت فيتامين عادي تقدرين تستخدمينه اذا انتين حاليا تستخدمين حبوب حديد وما تستخدمين اي شي ثاني اسألي الدكتورة اذا تاخذينهم مع الفيتامين او تقطعينهم اني عموما كنت اخذ اليفيت وحبوب الحديد الوردي اللي وياهم فوليك اسيد قالت لي الدكتورة مايحتاج تواصلين على الحديد لأن جسمش مو قاعد يمتص الحديد والفوليك اسيد اصلا موجود في نفسه الفيتامين (اني عندي الفا تلاسيميا فجسمي ما يمتص الحديد) فصاير اني بالنسبة لي الفيتامين اليفيت بروحه كافي |
رد: ديوانية البحرين - دردشة حوامل البحرين - البحرينيات
صارت الساعة 1 وما انتبهت اكيد الحين امي رجعت من الماتم
مثلا اني هالسنة انحرمت من الماتم يوم اروح ويومين اتعب واقعد في البيت اول يوم رحت افتر راسي واغمى علي في الماتم وجابوا لي ماي وحالة واللي تجيب لي حلاوة واللي تهمز راسي والحالة قايمة وبس خفت اروح الصبح قمت اروح في الليل وبعد الله ماكتب اواصل كل يوم يالله وش بيدنا نسوي الله كريم بروح بيت ابوي بقعد ويا امي شوي >>> شوي يعني الى الليل خخخخ مأجورين والله يعودكم |
| الساعة الآن 07:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .