|
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
مسالخير صبايا ...
ام جوجو والله زعلتيني على جوجو وماعلى قلبى شر والله يعافيها يارب نيروز الله يتمملك حملك و مو شرط كل حامل تشعر بغثيان كل حامل وجسما بيختلف عن التانية وازا انت بالشهر الاول بيجوز تشعري بغثيان بالشهر التاني اهلا وسهلا ام ملاك اليوم يابنات طعميت نايا بيضة كاملة وكتير خايفة من الحساسية ان شالله ماكون اتسرعت يمكن كان لازم نص بيضة او لازم بلش بالبياض بعدين الصفار ياريت يلي عندا معلومات عن كيف بتكون الحساسية من البيض اتئلي |
رد: تجمع حوامل سوريا-دردشة ورود سوريا-دردشة الغاليات
مسا الخير على الجميع كيفكم صبايا وين هالغيبة
اختي ام ملاك يسلم ايديكي على النصايح نحنا ان شاء الله اخدنا موعد عند الدكتور يوم الخميس ان شاء الله عشان يحدد يوم العملية انا ماعندي غير جوجو وهلاء حامل بداية الشهر السادس نايوتا حبيبتي ان شاء الله ما بتتأثر نايا بالبيضة وكل طفل على حسب ما بتعودي انا بنتي كتير دلوعة مابتاكل شي والله جننتني |
رد: تجمع حوامل سوريا-دردشة ورود سوريا-دردشة الغاليات
مرحبا بنات وينكون ... ام ملاك وين يلي بدو يتنشط
باقي البنات بسبوسة و سروؤة وميار و سيلا وندى الشام وشام الهوى وشذا وزهرة وينكون طمنونا عنكون ام جوجو طمنينا عن جوجو لترجعي من موعد الدكتور والحمد لله نايا ماصرلها شي من البيضة |
رد: تجمع حوامل سوريا-دردشة ورود سوريا-دردشة الغاليات
كيفكون صبايا شو اخباركن طولت غيبتي صح يالله استنو تخلص الاجاز وبرجعلكن عفكرة قررت اخفف من ئعدتي عالنت لانو كل الناس عم يئلولي انتي صاير معك جنان الكتروننيhwaml15 ليوم رحت عالدكتورة وسمعت نبض البيبي بس ماشفتو يمكن بكرة بالزيارة التانية بالمناسبة باركولي دخلت الشهر الخامس انا هلئ رح اروح اعزل الحمام والمطبخ يما انو زوجي العزيز مشغول اليووم وماعنا روحة لمحل سلام صبايا ديرو بالكن عحالكن |
رد: تجمع حوامل سوريا-دردشة ورود سوريا-دردشة الغاليات
مبروك سيريا صرتي بالخامس يلا هانت
السادس والسابع والتامن حلوين بس التاسع غليظ كلو انتظار ومغص وطلق كاذب |
رد: تجمع حوامل سوريا-دردشة ورود سوريا-دردشة الغاليات
السلام عليكم عسولاتي
كيفكم اشتقتلكم كتير شايفيني قديشني نشيطة خخخخخخخخخخ ميار وينك غاطة تعي طمنينا عنك وعن البيبيات وهنودة الله يحميكم يارب سيريا ألف مبروك دخول الخامس يارب والله يقومك بخير وسلامة يارب جوجو 2 عليها ألف عافية يارب وإن شاء الله تقومي بخير وسلامة يارب الله يتمم حملك وحملي وحمل الكل ع خير وسلامة نايوتا كيفك وكيف عسولتك شو عندك أولاد وقديش عمرها بنوتك الله يخليلك هيا يارب وبنسبة للاكل قوي قلبك وطعميها انا أبني من عمر 3 شهور بلشت لحسوا من الاكل وهلق بلشت طعميه بس ع الخفيف من طبيخ البيت هلق صار عمروا 4 شهور وكم يوم وبنتي نفس الشي كانت ع 7 شهور تأكل من أكلنا والحمدلله هلق بتأكل كلشي ماعندها هي بحبها وهي مابحبها وبتحب كتير السمك والجاج واللحمة غرامها الحليب والبيض والجبنة ومافي شي بتقول عليه لا الحمدلله بسبوسة تعي طمنينا عنك ياقطة وعن حملك ندى الشام شو اخبارك اشتقتلك وكيف بنوتك وحملك الله يقومك بخير وسلامة يارب زهرة طمنيني عنك وعن حملك يارب تكوني بخير سروءة تروحي وترجعي بخير وسلامة ولاضيعي ولا لحظة منك انبسطي الله يسعدك يارب نيروز الله يتمملك ع خير وعادي مو شرط يصير معك غئيان أو أي شي حبيبتي كل حمل عن حمل بيختلف ومن وحدة لوحدة بيختلف يارب ماكون نسيت حدا وإذا نسيت أعذروني مع كل الود تحياااااتي (^_*) |
رد: تجمع حوامل سوريا-دردشة ورود سوريا-دردشة الغاليات
مساالخير جميعا ....
ام ملاك انا بس عندي بنوتة وحدة وعمرا متل مو مكتوب بالتوقيع سبعة و تلت عشر يوم اسما نايا يخليلك ابنك وبنتك كم شهر حامل ؟؟ عم تقولي عمر ابنك اربع شهور الله يعينك عالحمل ويقويكي |
رد: تجمع حوامل سوريا-دردشة ورود سوريا-دردشة الغاليات
شذا طمنينا عنك وعن كوكي خلصتي نفاس او لسا
تعي خبرينا عن شعور الامومة |
رد: تجمع حوامل سوريا-دردشة ورود سوريا-دردشة الغاليات
كيفكم شو اخباركم والله جوجو هلكتني من النق لانها مريضة بس هلاء الحمد لله صارت احسن بكتير
وان شاء الله اليوم العصر رح نروح على الدكتور يحددلها يوم للعملية بعرف رح ترجع تتعب بس الله يصبرني ويشفيها المهم ارتاح من هالمعانات كل شهر يارب لك الحمد على كل شيء |
| الساعة الآن 01:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .