|
رد: تجمع حوامل سوريا-دردشة ورود سوريا-دردشة الغاليات
اهلين ميورة الف مبروك التوينز الله يسهل عليكي حملن وولادتن يارب انا كنت اتمنى احمل بتوينز بس زوجي مابحب بألي صعب وانشاءالله يكونو بنت وصبي
وصحة وهنا عالكبة والله طيبة انا اول حملي توحمت عالكبة الدراويش هاي المحشية والمقلية وعملتها اكتر من مرة دائما طلي علينا طمنينا كيفو هنودي الحلو بوساتي الك والو مممواااااااه |
رد: تجمع حوامل سوريا-دردشة ورود سوريا-دردشة الغاليات
ام نايوتا كيفك وكيفها الامورة نايا
ليش حبيبتي عنكن كمان برد؟والله نحنا عنا برد كتير اكتر من سوريا وكلن هون عم بأولو هاي اول سنة بصير هيك برد مر الاسبوع بسرعة وبكرى جاييتني حماتي بس كان هالاسبوع بجنن كلو رومانسية وحب من زمان ماعشت هيك جو حلو وارتحت كتير مضيتها متل ماألتيلي اكل كلو خفيف تسخين وطبخ عالخفيف ونسهر جنب الشومنيه للساعة ٢او٣ وزوجي كتير انبسط بس الله عليم ايمت رح ينعادو هيك ايام لان بيت حمايي بس اجو لعندي بيلزأو متل الغري بوساتي الك وللامورة نايا hwaml51 |
رد: تجمع حوامل سوريا-دردشة ورود سوريا-دردشة الغاليات
سروؤة كيفك وكيفا جود الحلوة
زهرة سوريا الله يثبت حملك وتأومي بخير وسلامة انتي والبيبي انا شفت كيس الجنين كنت بآخر يوم بالاسبوع السابع بس عن طريق المهبل وشفت القلب كيف عم ينبض طمنيني عن حملك وانتي باي اسبوع ؟وضروري تاخدي فوليك اسيد وفيش اويل انا من أبل مااحمل نصحتني الدكتورة آخدن ولهلأ مستمرة عليهن مع مولتي فايتمين لانن كتير ضروريات ومشان لعية النفس انا ماصار معي بس بسمع البسكوت المملح عند مابتصحي بفيد انتي وين ساكني بسوريا ولا السعودية؟ |
رد: تجمع حوامل سوريا-دردشة ورود سوريا-دردشة الغاليات
عاشقة جوجو ماشاءالله شو هالجوجو كتير حلوة وبريئة الله يفرحك فيها يارب أديش عمرها البركة فيه انشاالله وشو اسمها؟
انا هلأ بالاسبوع ٢٢ وعشرين اظن دخلت بالشهر السادس وعم حس بشكل واضح بحركة البيبي الحمدلله وبطني عم يكبر بس مو كتير سالت الدكتورة عن هالشي آلتلي حجم البطن مالو علاقة في ناس بطنن بيكبر كتير بس بكون لانهن عم يسمنو مو بسبب حجم البيبي انا ابني الحمدلله وزنو وحجمو كويس وطبيعي وكمان وزني من لما حملت نازلي خمسي كيلو لان اكلي قلان وعم امشي كل يوم نص ساعة وانتي شو اخبار حملك؟ سيلا كيفك ياروحي وكيفو كرومي واهلك كيفن وشو وضعن انشاءالله بخير سيريا شو اخبارك صايرة غطاتك كتيرة لتكوني ملتهية بعمل المحاشي والكبب هههههه شو عرفتي جنس البيبي ألبي حاسسني انو صبي بس انتي باي اسبوع؟وايمت تاريخ الولادة انشاالله؟ |
رد: تجمع حوامل سوريا-دردشة ورود سوريا-دردشة الغاليات
شذا الحمدلله عسلامتك وسلامة كوكي معليش حبيبتي اتحملي كام يوم وبترتاحي وبتشفى كوكي وبترجع لحضنك وبيتك انشاالله
بس حبيبتي شو ماصار معك استشيري امك او حماتك لبين ماتروحي عالدكتورة هنن مجربين وبيعرفو ندى الشام شو وينك ياروحي من زمان غاطة شو اخبارك واخبار واخبار البيبي |
رد: تجمع حوامل سوريا-دردشة ورود سوريا-دردشة الغاليات
مرحبا ياحوامل كيفكون ان شاء الله مناح؟ انا ببداية حملي يعني بشهر الاول ولسه ئدامي مشوار طويل بـ اذن الله
مغص ببطني بيجي وبيروح ثواني يعني بس اتسطح بروح وحسيت بحموضة بمعدتي هل شي طبيعي؟؟؟؟ ربي يتمم حملنا ع خير يارب |
رد: تجمع حوامل سوريا-دردشة ورود سوريا-دردشة الغاليات
صباح الخير بنات
نايوتا جيبيلا العاب خشخيش او لعب قطنية تكون جود بتحب العاب الكورات بتصير بتدحرجا ةبتلحقا ميورة الله بتممملك عخير ةيعينك عنجد بكرا مسؤولية صعبة بس الحمدلله ان حتكون جنب اهلك كيفو هنودة بوسيلي ياه وشربي صناعي وفيكي اشربي برتقال نيروز الف مبروك الحمل الله يتمم لك عخير يارب بس لمعلومية هالدردشة مو بس للحوامل في بنات كتير كانو معنا موحوامل ويلي ولدو بقيو هون اهلا ةسهلا فيكيودايما خليكي معنا بالنسبة للمغص هاد شي طبيعي كتير خصوصي اول 3 اشهر اكتر شي حيكون اول شهر بعدين حيخف عليكي وحتحسي ان عم يزيد كل مايجي موعد دورتك انت وحامل حيكون المغص عم يزيد بموعد الدورة وهلا اللعية حتبلش معك طبعا كل حامل هي وطبيعة جسمها لازم تبلشي بحبوب حمض الفوليك |
رد: تجمع حوامل سوريا-دردشة ورود سوريا-دردشة الغاليات
بسبوسة كيفك
الحمدلله ارتحتي من حماتك شوي عقبال ماتخلصي منا عطول وتحملي كل باجروو والله راح يعوضك ان شالله |
رد: تجمع حوامل سوريا-دردشة ورود سوريا-دردشة الغاليات
اقتباس:
انا هلئ بالاسبوع التامن و يوم الخميس شفت البوبو ياروحي و شفت نبضاتو ما قدرت اسمعن لانو عملت الفحص عالبطن خفت دايقو اذا عملت الفحص مهبلي مع انو الدكتورة قالتلي انو بيبين اوضح و بتسمعي دقات قلبو بس انا قلت المهم اطمنت عليه و ان شاءالله المرة الجاية بسمعن باذن الله ، عم اخد بس حمض الفوليك فيتامينات وهيك لسا ما وصفتلي الدكتورة ، يسلمو ع النصيحة مشان اللعية صايرة عم اكل بزر عم حسو بخففا شوي هي الحمدلله خفت عن اول ايام بتجي و ايام بتروح* وان شاءالله عندي موعد بعد 3 اسابيع قالتلي الدكتورة مشان تصوير الرقبة الخلفية والله خفت من هلئ و صرت فكر رجعت وكلت أمري لرب العالمين* ادعولي يا حبيباتي انو الله يرزقني الطفل السليم المعافى الخلقة التامة آمين يارب أنا و كل الحوامل* ميووورة ام هنووودة العسل ألف مبررروك يا قلبي ماشاءالله لا قوة الا بالله اللهم صل على سيدنا محمد الله يحميلك ياهن يارب و تقومي بخير و سلامة ،انتبهي ع حالك و بلا هالشغل كلو و الله عم اشتهي مية شغلة بس مالي نفس عالطبخ الله بيعين ،وكل يوم لا تنسي تقرأي المعوذات ع حالك و الله يحميكي و يحميلك هالبيبات يارب و تقومي بخير و سلامة و ياروحي هنودة رح يصير هو الاخ الكبير هههه الله يحميه و يحفظو يا رب ** نايوتا ،سروءة ، سيريا ، سيلا ،شام الهوى ، شذا حداد ، نيروز أهلا و سهلا فيكي حبيبتي والله يتمملك على خير و ريحي حالك قد ما بتقدري* بقية الصبايا الغايبات الحاضرررات بقلوبنا اشتئتلكن كتييير و طلو علينا يا حلوين* |
رد: تجمع حوامل سوريا-دردشة ورود سوريا-دردشة الغاليات
مسااااا الخير صبايا ... كيفكن ... مناار الحلوة : كيفك يا ئلبي وكيف الحمل معاكي .. والله زوجك معو حق التوينز متعبين كتير وهلا التعب مضاعف لان هنودة لسا زغير بس الله بيعين... هنودة بيبوسك وبيئلك انو بيحبك كتير كتير ههههه \\ هالصبي ما موفر حدا ئلبو كبير يؤبرني ههه نيروز : منورة التجمع حبيبتي وهالشي اللي عم يصير معك عادي اهم شي تسطحي وئت تحسي بالتعب وكلي بزر او قضامة او كعك بتروح الحمضة واللعية ... الله يتمملك ع خير حبيبتي ... سروؤة : كيفك حبيبتي .. هنودة بخير بيبوسك وبيبوس خطيبتو ههههههههه \\\ والله حاسة ابني الحج متولي وكلو بما يرضي الله ههههههههههه .... تسلميلي اديش بحبك يا حلوة .. ديري بالك ع حالك وع جود ... زهرة : تؤبشي ئلبي الحمد لله انك اطمنتي ع البوبو الله يتمملك ع خير يا حلوة الله يبارك فيكي ويبعتلك ذرية صالحة تقر عينك فيها يا رب... انا من هلا عم اتخيل الغيرة الثلاثية ههههه الله يجيرني عنجد رح نام اد مافيي لان بكرة اكيييييييييييييييييييد مافي نوم ههههههه بقية الصبايا ... بحبكن كلكن .. نايوتا وشذا ... طمنوني عنكم .. اليوم ما مبينين.... اخباري : انا والتوينز بتمام الصحة والعافية وهنودة حياتي بلش يحاول يتحرك ويزحف بس لسا بكير خخخخخ بيضل ئالب ع بطنو ومالو حيل يتحرك هههههه ... ترقبووو صووووورة قريبا لدنجوان التجمع .... انا بتمنى يكونو التوينز صبي وبنت .. لان نفسي ببنت حلوة تصير رفيقة لجود ولجين وملاك ونايا وندوشة ولكل بنوتات التجمع .... اليوم عملت فتة جاج ... بس والله حسيتها طبقت ع نفسي لان تقيلة .... بس شو بدي اعمل ابو مهند طلبها هههههه يلا حاجتي كريت كتير وين الصبايا |
| الساعة الآن 03:07 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .