|
رد: تجمع حوامل سوريا-دردشة ورود سوريا-دردشة الغاليات
نايوتا : كيفك يا حلوة .... طمنيني عنك وعن نايا ... انا اسفة ع الغيبة بس ااااخ مافي كهربا .. هنووودة بيبوسكن ... ام جوجو : كيفك يا حلوة وكيفا جوجو وكيف البوبو ^^ طمنيني عنك .. جوووري الشام : ووووووووييييييييييييييييينك يا جوري .. طمنيني عنك وعن يزونة سيدرة & ام يويو & زهرة الحب & زهرة سورية & نيهال & بيبي سكر & مع الله & هدوووووولة & رنووومة & عبووورة & ام عائشة & ام ملاك & وردة سورية & وردة حلب & شام الهوى ... وييييييييييينكن يا حلوااات طمنونا عنكن ... بعتذر اذا نسيت شي اسم بس كلكن بقلبي انتو وصيصانكن رح اقرا الصفحات اللي راحت عليي وبرجع احكيلكن اخباري |
رد: تجمع حوامل سوريا-دردشة ورود سوريا-دردشة الغاليات
سيلااا: كيفك يا عمري وكيف كروومة ... بوساتي الكن ... بسبوسة زوجها : والله يا ئلبي انتي بئلبي انتي والبوبو وانا ما ممكن انساكن بس بيكون الاسم سقط سهوا ههههه أخباااااااااااااااااري : رحت ع الدكتوووورة وشفت البوبو ... وطلع معايي توينز ... بتسدئو حسيت حالي حامل لاول مرة .. كان معي ابو مهند ومهند ما احلاهن وصار ابو مهند يئللو لهنودة : ليك يا هنودة اخواتك hwaml7 الوحام صعب شوي معي وعم اكل كتير الصبح بس بالليل ما بشتهي ... الله يعين ع قطعة الكهربا عم ابرد كتير كتير .... عطتني الدكتورة شوية فيتامينات وئال لازم ارتاح شوي زيادة مشان البيبيات ... بتعرفو تذكرت ام عائشة كان عندها بنوتة وبعدها مباشرة جابت التوينز ... زهرة سورية : اي انا وياكي بنفس الاسبوع الله يتمملنا ويتمم للكل ع خير يا رب الدكتورة حددتلي موعد كل شهر لنطمن ع البيبيات ... اليوم بدي اعمل كبة مشوية مشتهيتها كتير ... وجنبا سلطة لان ابو مهند عازم بيت اهلو كلهن .. يااااا الله والله تعبانة بس مو طالع بايدي شي ... ئللي اذا بدك تكوني مبسوطة وتولدي عند اهلك بدك تسايري اهلي ... مضطرة لان اول ولادة ولدت بلا امي .... وعم فكر اعمل فاصوليا ورز مع الكبة .... يلا حاجتي كريت كتير مهند بيبوسكن وهلا نايم باااي |
رد: تجمع حوامل سوريا-دردشة ورود سوريا-دردشة الغاليات
ميااااار اشتقتلك كتييييييييير
مبروك انك اتأكدتي انو توينز كتير حلوين امومة مضاعفة بدي أسألك مين عندك من قريبات امك عندو توينز لان التوينز يااما وراثة او مقويات متل دوا اسمو كلوميد بتقدر الست تجيب منو توينز طبعا هادا بيكون احتمال ونسبة مئوية مافي شي بيد الانسان كلو بأيد ربنا وكمان الطريقة التالتة انك تعملي اطفال انبيب بتصور انتي وراثة حتى لو وراثة بعيدة يعني خالات امك مثلا وصحتين عالكبة المشوية وليش الفاصوليا ورز الكبة والسلطة لحالها منيحة للعزيمة وناقصك تعب اسمعي كلام الدكتورة ولاتتهاوني بصحتك رح تصيري ام لتلت اطفال وحافظة صورة هنودة عندي كل مابشتقلكون انتي وياه بشوفا بوسيلي ياه وقليلو هدول من طنت نايوتا لسا نايا مابتعرف تبوس عم علما هههههه |
رد: تجمع حوامل سوريا-دردشة ورود سوريا-دردشة الغاليات
ميااااار اشتقتلك كتييييييييير
مبروك انك اتأكدتي انو توينز كتير حلوين امومة مضاعفة بدي أسألك مين عندك من قريبات امك عندو توينز لان التوينز يااما وراثة او مقويات متل دوا اسمو كلوميد بتقدر الست تجيب منو توينز طبعا هادا بيكون احتمال ونسبة مئوية مافي شي بيد الانسان كلو بأيد ربنا وكمان الطريقة التالتة انك تعملي اطفال انبيب بتصور انتي وراثة حتى لو وراثة بعيدة يعني خالات امك مثلا وصحتين عالكبة المشوية وليش الفاصوليا ورز الكبة والسلطة لحالها منيحة للعزيمة وناقصك تعب اسمعي كلام الدكتورة ولاتتهاوني بصحتك رح تصيري ام لتلت اطفال وحافظة صورة هنودة عندي كل مابشتقلكون انتي وياه بشوفا بوسيلي ياه وقليلو هدول من طنت نايوتا لسا نايا مابتعرف تبوس عم علما هههههه |
رد: تجمع حوامل سوريا-دردشة ورود سوريا-دردشة الغاليات
وامرك ل الله مشان مسايرة حماتك مع انو شي بيدايق انو تنحطي بهيك موقف ياتسايري
حماتك يااما مافي تولدي عند اهلك بس معلش قلبك كبير والله يبعتلك حناين اتحن عليكي لماتكبري |
رد: تجمع حوامل سوريا-دردشة ورود سوريا-دردشة الغاليات
وامرك ل الله مشان مسايرة حماتك مع انو شي بيدايق انو تنحطي بهيك موقف ياتسايري
حماتك يااما مافي تولدي عند اهلك بس معلش قلبك كبير والله يبعتلك حناين اتحن عليكي لماتكبري |
رد: تجمع حوامل سوريا-دردشة ورود سوريا-دردشة الغاليات
ميورة مبروك التوينز ماشالله
بس شو يلي خلاكي تشكي ان ممكن يكون توام عندكن حدا وراثة الله يتمم حملك عخير ويطعمك بنوتة وصبي يارب نايوتا جود بلش يطلع السن التاني والعض قويان ولاتستعجلي بكرا مابتلاقي الا طلع جود طلعلا ب7 اشهر ونص اول كنت حس تحت اللثة منتفخة شوي ولونها ابيض وباين بدو يطلع شي وصايرة هلا تبلش توقف عالداير ومجننتني اد مابتوقع لورا المشكلة البيت عندي سيراميك واضطريت حط سجادة بغرفة القعدة مشانها وعم تكره المشاية لان صارت تعتبرها حبسة الها بس الحمدلله بتلتهي عطيور الجنة بيبي هي جديدة تبع الاطفال طول لنهار عليها مصروع مخي منها ونايا كيفها مع الزحف وشو اخر حركاتا بوسيلي ياها* |
رد: تجمع حوامل سوريا-دردشة ورود سوريا-دردشة الغاليات
اهلييييييييييييييييييييين سروؤة منورة اليوم
انا رح جاوبك عن ميار لان كانت شايفة الدكتورة كيسين حمل لما راحت اول مرة والله كأنك عم تحكي عن نايا المشاية حبس هههه .....وعم تمشي عالداير .... وتوقع وانا كمان حطيت سجادة بغرفة القعدة مشانها هههههههه بس وبتمسك علبة المحارم مابكون منتبها عليها وبتنزل فتفتة واحيانا بلحقا تلحيق حاطة محارم بتما ومالي عرفانة شوبدي اشتريلها العاب تتسلى لهلأ مااشتريتلها شي مجمعتلها شوية اغطية قناني بلاستيك بتلعب فيهون هههههههه والله روح قلبا تزحف من اول البيت لآخرو بس انا مابحبا تزحف عنا بالرياض برد بخاف تاخد برد من البلاط انتي عالبحر ما يمكن مافي برد والجو حلو هلأ |
رد: تجمع حوامل سوريا-دردشة ورود سوريا-دردشة الغاليات
اهلا باحلى صبايا .. الله يبارك فيكن يارب ... والله يقدرني ع تحمل التعب ههههه .. والله يحكى ان جدتي قد انجبت توأما في ما مضى ... ممكن تكون وراثة .. هههههه والله ضحكت عم احكي قصة ... سروءة يا ئلبي : مشالله كبرت جود بسرعة يخزي العين ... الله يخليلكن ياها وتشوف ايام حلوة متلا اي لا تحكيلي ع طيور الجنة هههه انا راسي انصرع فيها وئت ابن اختي ههههه ومتل ما خبرتك نايوتا .. انا باول موعد شفت كيسين .. وتاكدت انهن توأم .... نايوتا : ههههه اي الله يرضا عليكي علمي كنتي البوس هههههههههههههه hwaml03 والله اضطريت اعمل كل هالاكلات ومافي كهربا حاسة حالي تعبت بس كلو باجره والله والمسا جايين بيت حمايي دعولي ائدر وئف ع رجليي تؤبشيني الله يحميكن يا رب ونشالله بتشوفي نايا احلى صبية .... ويييين باااقي البنات ... :) |
رد: تجمع حوامل سوريا-دردشة ورود سوريا-دردشة الغاليات
ههههههههههههه نااايا والقناني هههههه
حبيبتي اذا بتحب لعب القماش هي اللي بتكون دباديب وقطط ومن هالقصص جيبيلا وحدة الاطفال بهالعمر بيحبوهن ... هنووووودة جابتلو ستو من محل الاطفال كتاب بلاستيك فيه زرار بيطالع موسيقا .. وبيحب لعب القماش بيحك سنانو فيهن .... بلشت حس انو عم يسنن او يمكن بكير بس امي ئالتلي مو شرط يتاخر ممكن يسنن ع بكير .... صايرة عم لحسو لبن او عصير كل يوم اي يوم لا .... بيحب اللبن كتير كتير ... اما السيريلاك فحبو فترة وصار ما يئبل ياكلو مؤخرا الرضاااعة الطبيعية انحرم منها بسبب الحمل عم ازعل عليه والله محتارة كيف بدي عوضلو ياها ... بليز اذا شي حدا فيكن عندو افكار يخبرني ... |
| الساعة الآن 01:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .