|
رد: تجمع حوامل سوريا-دردشة ورود سوريا-دردشة الغاليات
مسالخير صبايا ....
تسلمي ياسيلا عالدعوة الحلوة وانتي الله يحميكي ويحمي كرومة سيريا والله كلو الحق معك وهي اعراض الوحام عادي في اقوى لسا ولا تقولي يطفش الرجال ما يطفش بالعكس خليه يتشارك معك الحدث خطوة خطوة وكمان هو رح يصير اب بكرا ليجي البيبي بيقول اسقالله ايام الوحام هههههه مابعرف ازا افهمتي قصدي ههههههه وبس تعرفي جنس البيبي خبرينا سروؤة وصلو بوساتك كيفا جود الامورة |
رد: تجمع حوامل سوريا-دردشة ورود سوريا-دردشة الغاليات
ام علي بسبوسة
ام محمد عاشقة جوجو ام مهند ميار زهرة ام عبد الرحمن وينكون اشتقنالكون اليوم طعميت نايا لحمة مسلوقة وصايرة عم طعميها التفاحة الصبح فريش بلا سلق وعم لحسها من الطبخ وماشالله عليها باينتا مارح اتعزبني بالاكل وصايرة طول النهار قصص وروايات وحكي طبعا كلو مو مفهوم ههههه احيانا بتناديلي بابا ولابوها ماما ههههه |
رد: تجمع حوامل سوريا-دردشة ورود سوريا-دردشة الغاليات
مسا الخير على الجميع كيفكم شو اخباركم
والله انا لاحظت انو الخميس والجمعة ما كتير البنات بتفوت يمكن لانو عطلة والناس بتطلع برا البيت الله اعلم انا وجوجو كنا اليوم بدنا نروح على حديقة الحيوانات يالي بالملز بس الجو ما كان مساعد للطلعة يالله ان شاء الله بكرة الجمعة منطلع |
رد: تجمع حوامل سوريا-دردشة ورود سوريا-دردشة الغاليات
مسا الخير ..فايتة فضفضلكن شوي ...ما بعرف ازا قلتلكن أنو كوكي تنيمت يوم بالحاضنة وطالعناها ...ورجعت تعبت ..طبعا مافي شي صعب ..هو الئرلان ..أكيد بتعرفو ..بس يا قلبي عم يزيد معها ما بينقص ..
أما عن اليوم ...رحنا حللنا لكوكي طلعت النسبة مرتفعة وكتبولهارتنويم بالحاضنة ..وهلق هيي هنيك ..وأنا هون ..عم بشتقلها ..ربي يعينها ويشفيلياها ..قولو آمين .. ولما شفتن بياخذوها مني ..صرت أبكي ..وأنا عم رضعها ..وما رضعتها من الصدر التاني ..وفجاة لما رجعت البيت ..ألم ألم ..غير محتمل بصدري وصار يمد للباط وماعدت قادرة حرك أيدي ..وكان عندي موعد عند الدكتورة ..كشفترعالقطب لقت القطب الداخلية ملتهبة ..فحطت يياشة فيها يود معقم وفوتتها سيوي لجوا ..ولييي ..انوجعت ..بس محتمل برضو ..وسألتها عن صدري قالت فرجينياه ..وقالت منيح حكيتي ..هاي الغدد اللبنية منفخة ..وقنوات الحليب ميدودة ..مشان هيك حجر الصدر ..وحتى ما عاد طالع وﻻ نقطة ..قالت تسطحي ..وبلشت تعصر فيييه ...الله ﻻ يذوقكن اللي ذقتو ..ألم فظيييييييع فظيع يا صبايا ..غير محتمل ..وأخر شي صرت بعدلها أيدها وأبكي وصرخخ وأنا حاطة أيدي عتمي ..فات جوزي ومسك بايدي ..وصرت شدلو عليها ..والدكتورة تعصر وتحط كل ثقلها ..وصدري متل الحجر ..وبلشت تطالع منو تلحليب المحتقن نقطة نقطة ..وصشافوني رح يغب ع قلبي وقفت لحطكة ..وقالتلي بدك أساعدك ..وﻻ تجيني بكرى معك خراج ..أول مرة أسمع بهالشي يابنات ..قالتلي منيح لحقناكي ..كان بداية خراج ..صار زوجي يقلي .شبك شدحا اللي تصثحك ..وما طالعت صوتها بالوﻻدة هلق بتصرخ ..قالتلو الدكتورة هاد الوجع دبل وجع الوﻻدة ..الله يعينها ..وبلشو تنيناتهن ...وهييييك ..لحد ما صرت أرجف كلي سوا وماعاد تحملت ..خافو عليي ..قالت كملو لحالكن بالبيت ..وحطي كمادات ماي ساخنة ووأعصري الكتل واضغطي ع حالك ترى بترتاحي ... ولما رجعت عالبيت صرت أبكي ..وأبكي ..وأعصر ..هييييك لحد ما طالع اللبأ ..تخيلو ..لهلق لسا عم يطالع لبأ قد مانو محقن .. وهلق كوكي بالحاضنة .أنل بالبيت مشتاقتلها حبيت أحكيلكن مشان ما يصير فيكن متلي ..يا صبايا ..نصييييحة ..ضخو كل يوم من الصدرييين كتير كتير ...حتى لو كل ساعة ..والله حابة جنبكن اللي صار فيي ... وأنا لحالي ما بعرف أنو ﻻزم فرعو كلما تعبى وسﻼمتكن جميع وما تشوفو شر ...وتقومو بالسﻼمة ومشكورين كل من سألت ع كوكي |
رد: تجمع حوامل سوريا-دردشة ورود سوريا-دردشة الغاليات
قصدي عن اليرقان ...الصفار ...بس عم بكتب وعقلي مو معي ..
|
رد: تجمع حوامل سوريا-دردشة ورود سوريا-دردشة الغاليات
شذا سلامتا كوكو
لاتاكلي هم هبك احين وبتروح الصفار بسرعة هيك صار ببنت حماي بس ااحمدلله طلع ابنها مافيو برقان بعد ماتعالج بلحاضنة راح الصفار ومشان صدرك انا اول مرة بسمع فيه الحمددلله يلي لحقتي بس تعزبتي والله ان شالله كلو باجرو يارب ديري بالك عحالك وحاولي ماتزعلي وتحبسي مشان حليبك واوعك اوعك ترضعي بنتك انت وبكيانة او زعلانة وطمنينا عنها بس تطلع بسلامة نايوتا اي هبك ها قوي قلبك وطعميا مبارح طعمبت جود سمك ههههه بس طبعا مو وجبه يعنب علغدا كل شوي حطلا قطعة بتما عقبال وقت بيطلعو سنانا وبتصير بتاكل كل شي بدون هرس |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا .....
زعلتيني عليكي كتير شذا والله انا بعرف انو بيسكروقنوات الحليب قريبتي قلها الدكتور تعي لعندي بعد اسبوع من الولادة مشان افتحلك قنوات الحليب اتهاونت بالموضوع وماراحت طلعلها خراج واتعزبت كتير بس هلا شذا بعد ماينفتحو قنوات الحليب عندك ماعاد يتسكرو انشالله هيك قلها الدكتور لقريبتي وان شالله معافاية وماتشوفي شر والله يعافيلك كوكي ومتل ماعم تقول سروؤة ان شالله بتطيب وبترجعلك بتزينلك بيتك انا نايا زينة بيتي والله |
رد: تجمع حوامل سوريا-دردشة ورود سوريا-دردشة الغاليات
ان شالله سروؤة يطلعو سنان جود ونايا انت جود طلعلها سن عالقليلة
انا نايا ولا سن لسا بس مالي مستعجلة عالعض يطلعو على مهلون ههههه قليلنا شو آخر حركات جود خانم وبوسيلي ياها |
رد: تجمع حوامل سوريا-دردشة ورود سوريا-دردشة الغاليات
ام جوجو بس تروحي عالحديقة حكيلنا خرج آخد نايا
|
رد: تجمع حوامل سوريا-دردشة ورود سوريا-دردشة الغاليات
صبااااااح الخير يا حلوااااات ..
كيفكن .. شذااااا : مبرووووووك جية كوكي الحلوة وسلامتها وسلامتك يا روحي اسفة طولت بالغيبة ... طولي بالك ونشالله بتشوفي كوكي بالبيت قريبا ... طمنيني عنك هنوووودة باعتلا بوسة لبيبية الجديدة ^^ |
| الساعة الآن 08:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .