المشاركة الأصلية كتبت بواسطة راجيه فرج ربها (المشاركة 597599)

السلام عليكم ورحمة الله وبركاته كيفكم كلكم بلا تخصيص وشكرا لكل من سال ودعاء وله بالمثل مشيت لطرابلس وشوفو الضحكه دخلت محل حنين للاطفال ولقيت وحده تشري هي وزوجها في ملابس مواليد ومعها طفل عمره هكي سنتان تقريبا طبعا ولت تنادي عليه ياايوب مشيت زي المهبوله سالتها انت سماك ايه ابتسمت وقالت لا واستغربت مني زعما هدي انت ياايه والله انا تدروشت قالي زوجي يا تاجوراء ماريتي عمر المراه خافت منك المهم حصلت لبنتي حاجات نازكه في محل ماما والله محل نازك كل نزله لطرابلس ناخد حاجات الصغار منه وتو فتحوله فرع جديد جنب النبراس كل الاعمار طبعا عمر بنتي حاجات بسيطه لكن وفت بالغرض لله الحمد شن امور البنات ان شاء الامور ميسره وللامهات يحفظ الله الصغويره وللحمال ربي ييسر الامور وللمشتاقه ربي يبل الشوق يارب العالمين ويشفينا جميعا قولن امييييين
معليش النت مفصول هالفتره كل مانحصل ندخل نطمن ان شاء الله المره الجايه بالبشرات الكن كلكن يارب

المشاركة الأصلية كتبت بواسطة أم سعد (المشاركة 597756)

تيمو .. إن شاء الله بنجيب في الأمل لأم دكتورتي تولد في الأمل والبشرى

وبالنسبة للخضراء صاحبتي جابت فيها بالعملية قتلي عناية صفر ... وحطولها ولدها جنبها وهي تعباااااانة هلبه

من غير طبعا زيادة الأسعار اللي صارت عندهم مش طبيعي وعلى شنو ؟؟؟ مافيش عناية مقومة

طبعا هذا اللي قالوه

والله أعلم في لحظة الولادة شنو يصير ...بالك نجيب حتى في السيارة

المشاركة الأصلية كتبت بواسطة أم سعد (المشاركة 599907)

السلامـ عليكمـ

صباح الخيراتـ

كيف حالكمـ كلكمـ اليومـ إن شاء الله كويسينـ

بوسي .. شكراً ليكـ لكن هذا بالكـ كانـ قبلـ سنة وتوا قالو تغيرتـ والله أعلمـ

على العمومـ أنا دكتورتي تجيبـ في الأمل والبشرى فقط