|
رد: حبيباتى سيدات ليبيا تفضلو لأعرف ما حالكم
اقتباس:
هي لي ح تعب الرحله بالجو ... لان من نيوكاسل للسعوديه مافش.. حتكون الرحلة ترانزيت من نيوكاسل الي دبــي ... ومن دبــي الى السعوديـه.. وفي الترويحة كذلك ... لان مرة تعرفت في بحيرة البجع ع سعودية قالتلي هكي اخري من دبي للبحرين ومن البحرين للسعوديه زيدها بس هي كانت دورة لان الحجاج من قروبنا نفس الشئ.. لي حكيت عليه .. انا فكرتي ان من هنا خــير .. عشان تريحي من جو الوداع قبل السفر مانحبش.. وجو جية النااااس بعد تروحي .. نختصره في ترويحه وحده بعد بريطانيا بس زوجي مازال يدرس ف الفكرة وماوافقش ... وع سبب العياال قالي العمرة تختلف ع السياحه لاي دوله .. والعيال كيف بنديرولهم وقت الصلوات ف الحرم والطواف الحق نفسي فكرت ف هالاشياء لذلك سئلت اخواتي المهتماااات. هنا ؟ ممكن وحده سامعه او شايفه حد من هلها او قريباتها سافر باطفال صغار ؟ وشن دار ؟ مثلآ |
رد: حبيباتى سيدات ليبيا تفضلو لأعرف ما حالكم
اقتباس:
ورز وطبيخه ودايره مية مية مع سلاطاااات .. واحلى جو خلآص.. فطوري بندير دجاج بورق الالمونيوم بالكوشه فجأه خطر عليا في الصــبح ..... وبطاطا امبطنه وشربه ونفكر نفاجئ زوجي بحاجة يحبهااا .. |
رد: حبيباتى سيدات ليبيا تفضلو لأعرف ما حالكم
ربي يهني خالتك ويسعدها..
وان شاء الله البنات يكون عندهن فكرة علي مشية العيال للحج وصحتين وعافية فطورك انا ماصمتش كنت نحساب اخر ايام العلاج قبل الايمك هذين بس يلا خيرها في غيرها بس الحمد لله قررت نختم فيهن القران وناخذ الاجر باذن الله ونصيم يوم الوقفة وخلاص |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
شن الجوكم بناات....
فروسه ماشالله مبروك السفره الحلوه ياربي اتهني فيها واتجي كيف مااتحبي وبلنسبه لعمره خوذيهم اصغارك مافيهمش مشكله انا سلفتي شالت اعيالها 4 ماشالله وقالت الحق ماتعبوهاش انا الحمد لله مشيت ونا شباب في مع بابا اوعمتي اوعميوانتمنى نمشي مع زوجي واصغاري ياربي سخرها ليا... اوشي صحه صحه لحويتات حتى انا اموصيه عل حوتات جاهزه لفطور لاني صايمه الحمدلله انا اوزوجي اثري ان شالله لاباس عليك من مسالك وووه عل مسالك اومرارهنعيل اوعل شرب الميه من قبل الدكتوره اتقوليعليك اوعل شرب الميه كل قبل اوبعد صلاه اشربي شيشه اميه امتاع ربع لتر يعني في يوم الكامل تلقي روحك شاربه لترين اونص اميه "اوتباعدي عل المنقا "تونحكيلكم قصتها بعدين" ربي يشفيك اوبعيد السو عليك سوسو اهي اهي اهي مازالت ماجتني الدوه بس درت اختبار الحمل طلعلي خط واحد ان شالله مافيش حمل بس اول مانطلع توا انتاكد واندير تحليل وباقي البنات ان شالله اتكونوا ابخير ام نوزه مبرووك ختان حمووده ان شالله ابسلامته |
رد: حبيباتى سيدات ليبيا تفضلو لأعرف ما حالكم
امس مقدرتش انخش زوجي اتصل بيا الساعه 2اونص قالي عازم ثلاث وحدين عل العشاء اوشن تبيلي انجيبلك معيا اوشن ناقصك عموما بعثتلا مسج بلحاجات لي نبيهن عل اساس نبي اندير مكرونه امبوخه بلتقلا اومصارين اوشربه اوبطاطا امبطنه وامسير" اوبديت اندير في الشربه وامسيروالتقليا لانا هذينا الحاجات المتوفرات عندي اوعندي اشكارة مصارين انظاف طلعتهن من الفريز اوقعدت نرجا في زوجي يوصل تاخيلن وصلي الساعه 4اونص خذيت منا الشكاير اوبديت انقرض اونغسل اونحشي اوطبعا مانبيش نوصفلكن شكل المطبخ الساعه 5اونص كملت المصارين اوبديت في المكرونه اوخر شي قلت نبد في البطاطا نمشي اندور البطاطا مالقيتيش اتصلت ابرزوجي قالي جبتلك طلع ناسيها في السياره والوقت معش ايسد الساعه 6 اوشويا قرتت انديرلهم كباب مشوي مشيت ولعت الشوايه ابديت في الكباب الساعه 7 تقريبا كملت اوهظا كلا نا صايمه والمطبخ قعد دمااااااااااار شامل بديت في المطبخ اشويا اشويا اوحمرت المصارين اوساعه 9 جو الضوف والحمد لله انستر مع الضيوف وانستر مع زوجي درتلهم شاهي اومكسرات اوقهوه اوبقلاوه واكنافه اومشروب الساعه11 في ليل مش طلعت من مطبخ اوتعشيت والحمد لله"انا منحبش حاجة الزر التعطيل هذي اكثر شي اربكني "هذا عليش ماقدرتش انطل عليكم امس
علاشان هكي اليوم عقوبه مش دايره غدااااا |
رد: حبيباتى سيدات ليبيا تفضلو لأعرف ما حالكم
قصة المنقا يا اثري....
من قبل ونا حامل في شموسه كنت تقريبا في الثالث مشينا اونا اوزوجي لمصر اوعمتك شموسه جتها حاله عل المنقا كل ماانخطم من جنب محل انخلي زوجي ايجيبلي كبايته عصير منقا مسقع اوطبعا كبابي مصر تقريبا الكبايه ليترا كامله يعني في اليوم اقل شي نشرب 3_4كبابي عصير اوزوجي مسكين ايجبلي خايف ايتجي في خاطري اول يوم اوثاني يوم لعند ثالث يوم وصته امقمعزه في مطععم اسمه ابن البلاد شربت كبايت عصير اوعمتكم شموسه معش قدرت تفرد طولها اومعرفتش اصلا الالم من وين نسحاب روحي متسممه اونبي انموت ماشا زوجي رفعني لمستشفى اوحاط في باله انها حالت تسمم ولا اجهاض دارولي تحاليل لقوه نسبة الاملاح الالياف عاليا جدا هههههه قعدوا يضحكوا عليا ايقولي يا ضالمه 4كوبيات منقا في اليوم ده انتحار هههههههه |
رد: حبيباتى سيدات ليبيا تفضلو لأعرف ما حالكم
ماشاء الله ع العزومه الحلوة ربي يعطيك الصحة شموسه ...
لنقانها المانقا سمحة هههههههههه خصيصا مسقعه .. وفي مصر ايامات الشباب مع هلي مانجا وجولاطي الكبير لي ع كورنيش ف الاسكندريه روعــه لكن مع ابو فراس عاد الدنيا احدات ف مصر وعندنا مازرنهاش وبنسألك كم عمرهم اعيالها سلفتك بعد عدت للسعوديه؟؟؟ وعلى فكرة عندك حق تنتقمي اليوم ههههههه لنقاني مجربته شعوركـ وحسيت بك بجــد ... اصعب حاجة العزومات الفجائية ومع صيام اخري .. مأجورة ان شاء الله |
رد: حبيباتى سيدات ليبيا تفضلو لأعرف ما حالكم
ماشاء الله شموسه ماشيه العمرة من قبــل ..
باه كان صار من مشيتنا ف اخر السنه توا نستفيد من خبرتكـ ... ويارب تمشي انتي وزجك وعيالك في القريب العاجل بعد تسكنوا وتريحوا ... وصحة الحويتات الجاهزة مقدمآ ... بالنسبه للحمل الخيره في ما اختره الله كنك حامل .. ربي يتمملك ع خير ان شاء الله انا حاسه بوضعك وكل شئ واتمني ان مايكونش حمل بس نحن نتوقعوا هك عشان مثلآ .. ماتعقديش بعدها وبصراحه مافيش خير من تحليل الدم يقطع الشكـ باليقين عارفه عمري مادرته بول حشاااك .. اول زواجي بعد تأخرت يومين عدينا طول معمل .. ف بنغازي اسمه افريقيا نذكر ف الفويهات ههههه عليك شعور وقتها عكس شعور خبر الاء خخخخخخ بس الحمدلله الحمدلله ياااااااااااااااااااارب .. وحتى بألولي كنت مروح م العمل قلت لزوجي تكي تكي ع مختبر هذاااا مع ان مش ف بالي بكل صح انقطعت دورتي بس قلت عشان نرضع طبيعي ممكن وهكي .. عموما درت تحليل ديجيتااال وطلع ف عشيه حمل مدته اسبوعين ... صدمه هههههههههه شكيت ف روحـي لاني قعدت نسهف ع حاجات من برا وعندي احسن منهن ف حوش شعور غريب هك توقعته وحــم وفعلا طلع صاح ولله الحمد |
رد: حبيباتى سيدات ليبيا تفضلو لأعرف ما حالكم
اقتباس:
أمين يــارب .. والله يسلمكـ ..ماشاء الله ربي يكتبلك الاجر ان شاء الله وصيام عرفه بروحه أجره عظيم كما هو معروووف .. والحمدلله ديما نصيموا فيه سوا عند هلي او بعد جيت لعربي ... عارفه انا اخر سنتين كنت حامل ومانقدرش نصيــم .. لذلك فرحانه السنه هذه .. بهن ان شاء الله ربي يكملهن ليا ع خير وماتجينش الدورهـ .. مرة جتني في الايامات هذه قلبتها عزاااء ههههه وماما تقولي نيتك اهم شئ .. الله غالب اوشــي شريتوا حولي والا مازال خخخخخخخخخ اكيدة العويله يراجوا فيه .. له نكهة خاصة عيد الاضحي مع ان نحن الصبايا نفضلوا الفطر عشان اخف ف التعب بس استغفر الله عيد الفطر قعدنا اخر سنوات عالقينه للصبح ودوخه وجو تعب بس نكهاااات العيد لهن رونـق خاااص بجد ... ايامات حوش جدي كانت خالتي العروس اليوم .. اتدير ف الحلويااات والكعك ..وتغير في لمسات الحوش ومفارش اجواء مناسبات بس عن نفسي افتقدت لنكهة الاعياد زمــان |
| الساعة الآن 07:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .