|
رد: دردشة حوامل أهل جدة - دردشة بنات جدة - تجمع حوامل مدينة جدة
السلام عليكم
كيفكم وكيف الحمل معآآكم...؟؟ |
رد: دردشة حوامل أهل جدة - دردشة بنات جدة - تجمع حوامل مدينة جدة
لذة
لا تهملي نفسك روحي لدكتوره وطمنينا عليك ان شاء الله مافيك شي بس كله توهم يارب ام دحماني الحمدلله على سلامتك وعقبالنا يارب |
رد: دردشة حوامل أهل جدة - دردشة بنات جدة - تجمع حوامل مدينة جدة
لذة , ام آدم
طمنونا عليكم ριηк ∂яєαм وعليكم السلام ورحمة الله وبركاته الحمل الحمد لله الله يسهل علينا وعليكي وانتي كيف الحمل معاكي |
رد: دردشة حوامل أهل جدة - دردشة بنات جدة - تجمع حوامل مدينة جدة
سلااااااام يارشيقات القواااام
تخيلو كنت حأولد وطلع انذااااار كاااااااذبhwaml15hwaml15hwaml15 الخميس جاني طلق ونزل علي دم ورحت طيرااااااان عالمستشفى الرحم مفتوح 2 سم ونص.. وجلست ساعه ونص مو راضي يفتح اكثرhwaml15hwaml15hwaml15 فخرجونننننني وقالولي لما يحمى الطلق تعاليhwaml4 ولازلــــت أنتظر أم أدم مادام عندك تأمين دلعي نفسك ياقلبي انا كمان التأمين حقي يغطي الفتيحي وكان نفسي أكمل فيه بس بعد الدكتوره الشريره حقتي وكلامها الدبش بطلت ورجعت لفقيه جووجي استعيني بالله ومدامك بتولدي في فقيه ان شاء الله ماتتعبي كحوله هدي اعصابك والولاده لما تجي مارح ينزل البيبي على طوول لازم في توسعات في الرحم تاخد وقت واذا انتي بكريه ممكن تطولي الله يقومك بالسلامة وشكرا عالمعلومات روزالينا التقلب في النوووم ماله أي علاقة بالتفاف الحبل السري انتي حتى ممكن تعملي رياضة خفيفه,, فلا تشيلي هم واتوكلي على الله لذه فعلا الحاله النفسيه ممكن تأثر عليكي بشكل كبير,,, اتغلبي على هواجسك بالصلاة والذكر طمنينا عليكي ριηк ∂яєαм وعليكم السلام اهلا بيكي حكينا عنك ,, انتي باي شهر وفين تراجعي الله يسهلك كل امرك حمدالله على سلامة أم دحماني وألـــــــــــــــــــــــــف مبروووك وعقبااااااااااااااااااااااااااااااااااااااااااالنا |
رد: دردشة حوامل أهل جدة - دردشة بنات جدة - تجمع حوامل مدينة جدة
السلام عليكم
كيفكم كروشات ،، وشحتوووني معليش أعذروني ما بدخل كثير لأني ماني لاقيه جهاز فاضي بالبيت .. وإذا لقيت جهاز خرف النت -_- بنات خلينا ندردش دردوشه نتسلى بيها وننسى آلامنا وتعبتا قولولي إيش أكثر شي انبسطتي فيه بالحمل وأكثر شي طفشك نفسيا أو جسديا عن نفسي انبسطت كثييييييير بحركة البيبي وللآن مع إنها صارت مؤلمة وثقيلة دم إلا إنها تسعدني وتخليني أحس إني بتواصل مع ولدي أكثر .. يعني أول ما أحس بالحركة أصير أكلمه وأطالع ببطني بابتسامه كأنه قدامي ... وأكثر شي كرهته بالحمل جسديا آلام الحوض إللي كل ماكبر البيبي ونزل الحوض كل ما صرت أحس إنه المكان بينفحر .. أحس زي ماس الكهربا .. وما يحتاج أقلكم عن تغييرات الأجواء هالأيام وكل ماحسيت بشوية حرارة أو إنفلونزا تصير الآلام مضاعفه .. الله يآجرنا ويصبرنا والحمدلله على كل حال .. أما نفسيا فاللي مآذيني تشققات بطني .. أنا متعقده من قبل ما أحمل لأني شفت بنات أختي بعد الولاده وجاني اكتئاب من أشكال بطونهم وأنا كنت متفائله وأقول لنفسي أنا طويله زي أختي وما بتشقق إن شاء الله زي أختي .. وبنص السابع طلعتلي تشققات صغييييييره وفرحت وقلت بسيطه .. زادت بالثامن بس مره كانت مقبوله لين نص التاسع ... يؤ يؤ يؤ بطني وجنوبي صارو خرايط .. وأحسه كل يوم يزيد أكثر ومو راضي يوقف |
رد: دردشة حوامل أهل جدة - دردشة بنات جدة - تجمع حوامل مدينة جدة
ام ادم
ليش ماكنتي تحطي كريم ولا زيت بصراحه الكل ينصحني أني أدهن جسمي أنا ايام ادهن وأيام اقصر بس يارب استمر وادهن لان جسمي مره جاف ياقمر حاولي تدهني من الحين وان شاءالله تختفي بعدين اما عن حركات الجنين ماحسيت فيها للحين لان باقي كم يوم اخلص الرابع وادخل الخامس ولحد الحين مافي شي جديد تغير فيني لان باقي الضيقه والنفسيه الخايسه مستمره الله يصبرنا ويسهل لنا |
رد: دردشة حوامل أهل جدة - دردشة بنات جدة - تجمع حوامل مدينة جدة
سلاااااااام للقوااااام هههههههه
ام ادم فكره حلوه عشان تهون العشر الايام اللي باقيتلي انا عشان تاني حمل ليا فما حسيت بالشهور وهيا تعدي بدأت احسب الايام لما وصلت الشهر الخامس اللي بسطني اكتر شي انو طلع ولــد الحمدلله الله يجيبه على خير وسلامة,,, انبسطت عشان ابوه مررره نفسو في ولد من ايام حملي في بنتي وهوا مو راضي يستوعب اني حامل في بنت ..كل ماعملنا اشعة يقول ياشيخة الاجهزة دي ماهي دقيقه احتمال يكون في خطأ..... خخخخخ واكتر شي تعبني الآلام اللي من بداية التامن وانا اعاني منها اسفل ضهري من اليسار ماسكني شي زي الكهربا,,,, كمان من فخدي الين اصباع رجولي الصغير (الله يكرمكم) شي زي السووط يضرب كمان اسفل بطني كل ماقمت من الجلوس او من النوم يشد عليا يخليني امشي حانية ضهري الين يخف شوية ولما دخلت التاسع بدأ الطلق باااارد مو راضي يحمى الى اليوم.. وتشققات بطني زاااادت عن الحمل الأول صارت الين فوق سرتي بعد ماكانت اسفل سرتي بس . وعلى قولك خراااايط ولونها احمر بشععععععع,,., مانفع لازبدة كاكاو ولازيت بطيخ الحمدلله الله يدينا الأجر يارب ودايما أقووووول الجـــــــــــــــــنة مو ببلااااااش |
رد: دردشة حوامل أهل جدة - دردشة بنات جدة - تجمع حوامل مدينة جدة
عمتو
يلا تهون ويارب يحيك الولد وتقومي بالسلامه وتفرحي فيه دعواتكم لنا لا تنسونا وقت والولاده ادعولنا ربنا يسهلها معانا تصدقو من لقافتي رحت اشوف صور ولاده والله ندمت أني شفتها وصرت متخوفه اكتر احس البكريه زي الطالبه اللي توها داخله اول سنه مدرسه ماتعرف شي |
رد: دردشة حوامل أهل جدة - دردشة بنات جدة - تجمع حوامل مدينة جدة
عمتووووووووووووووو ان شاء الله ربنا يهونها عليكى ويجى الطلق هين وتولدى بالسلامة
ام ادم بعد ما قرأت تصدقى جلست اسأل نفسى ايه احسن حاجة فى الحمل لم اجد وحسيت انه كله تعب فى تعب وكل مرحلة لها تعبها بس فعلا الجنة مش بالساهل الله يهونها علينا كلنا ويقومنا بالسلامة ويرزقنا اطفال سلام صالحين قولوا آمين |
رد: دردشة حوامل أهل جدة - دردشة بنات جدة - تجمع حوامل مدينة جدة
يا بنات عايزة اسألكم عن حاجة انا بطنى بتحجر وبيجينى مغص خفيف زى مغص الدورة هو دة الطلق ولا لأ ياريت اللى تعرف ترد على مع ان دة مش اول حمل لى بس انا نسيت الحاجات دى ومش فاكرة والله يسهلها علينا كلنا
|
| الساعة الآن 09:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .