|
رد: حبيباتى سيدات ليبيا تفضلو لأعرف ما حالكم
الوان حوشي اثزرة غالب عليها اللون السكري... بس كل مكان امدخلة فيه لون مع السكري
مثلا المربوعة سكري مايل للبني ... مع حائط بورق بني والفايبر نحاسي بني على اسود والصالة سكري سادة وداري درتلها لونين ناعمين فوشي غامق مع بنفسجي هادي ودار ردينة لون اخضر هادي وغرفة نومها بني غامق ودار العيال ازرق في سمائي دارلها الزواق اشوية حركات كانها بحر مموج وسماء بسحب وبالنسبة لدار المقعد الصالون فيها دمي غامق وفيه ورق اصفر علي اخضر فزوقتها سكري متداخل بالاخضر الخفيف طلع مع ورق الصالون روعة وزخرفلي الجبس بالوان ماشية مع لون الصالة لان فيها قوس جبس دار له الوان حلوة ومخربشة وبالنسبة للصالة امتاع مدخل النساء لاني دايرة المطبخ عالطريقة الامريكية ويفتح فيها ودايرة فية حجر من برا درجات البني والاخضر الهادي ..فكان الزواق بني عالاخضر طلع روعة مع الحجر ودايرة فيها قوسين واحد كانه ساس جاي قريب من الباب والثاني عند حد حجر المطبخ ورخرفهن طلعن لا قوة الا بالله وخلاص ان شاء انكون رسمتلك اللوحة بشكل تخيلتيه معاي |
رد: حبيباتى سيدات ليبيا تفضلو لأعرف ما حالكم
ماشاء الله اوشــي .. الوان مميزه
السكري في القهوي قصدك الكابتشينو روعه اللون هذا وعلى فكرة السكري والابيض يعطن في جو توســيع للحوش.. يعني حتي لي عندها مساحه دار ضيقه مثلا ديما ينصح بهالالوان |
رد: حبيباتى سيدات ليبيا تفضلو لأعرف ما حالكم
وتوة تصبحن علي خير وفي حفظ الرحمن
|
رد: حبيباتى سيدات ليبيا تفضلو لأعرف ما حالكم
أمين ياااااااارب امبدري دعيت هالدعوة لكل من خاطره في بيت الله ..
قبل مغرب والافطار الله عليك لحظات جميله حسيتها اثناء متابعتي لقناه القران الكريم .. السعوديه روعه بجد |
رد: حبيباتى سيدات ليبيا تفضلو لأعرف ما حالكم
اها فروسة قاعدة
نعم هو الكابتشينو ... وفعلا الصالة الداخلية درتها سكري بس طلعت اكبر حجما ومنورة اكثر |
رد: حبيباتى سيدات ليبيا تفضلو لأعرف ما حالكم
الدعاء بظهر الغــيب
|
رد: حبيباتى سيدات ليبيا تفضلو لأعرف ما حالكم
تقبل الله فروسة وان شاء الله اجرك حاصل حبيبة
هذي روى قريب تاكل كراعي تعضعض اتطلع في 3 سنون حبيبتي امغي اتنق خليني نمشي نحايل عليها ونرقدها تصبحي علي خير ياقلبي وبوسي لي العيال في امان الله |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم كلكم اليوم
شكل عاصفه الشهر الفات بتجئ توه صوت ريح وقوي يااااااارب سترك وعفوك ورضاك اصوات الريح تخووووووف بنمشي نجري لحضن راجلي وبنتي خااااااااااااايفه منحبش الشتاء وهالاجواء سبحان الله وتوه صوت مطر قوي نتمني الشفاء لهدهد واثري الغاليات ومتشوفوا شر ياااااااااااارب ام ناريز انا اندير في سبوع في حوشي بما انه كبير والحمد لله اجواء عائله ولمه حلوه شموسه موعد ولادتي 12 حداش باذن الله السبت انخش شهري انا بنتي جبتها عاشر يوم في شهري والله اعلم هالحلوه آمتي سلااااااااااااااااااااااااااااااااااااااااام |
رد: حبيباتى سيدات ليبيا تفضلو لأعرف ما حالكم
عزيزتي اثري بالنسبه للحار الطبيعي مامنه ضرر .. بس تخطي المشروبات السكرية تماما لأنها تشجع نمو البكتيريا. والشيء الوحيد الذي يجب أن يشربها في هذه الفتره هي الماء و الشعير ومغلي الرند او البقدونس وكذلك يقولون بأنعصير التوت البري...له مفعول السحر في علاجها لكن نحن مش متوفر بصورة كبيره عندنا بس انتي لو لقيتيه خليه مشروبك المفضل
هنا مش مسيبته ديما يجيب فيه ابوفراااس .. طبيعي لاني بجد ألمهن عندي بعد يجني قوووي ولا يطاق |
| الساعة الآن 01:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .