|
رد: ديوانية البحرين - دردشة حوامل البحرين - البحرينيات
هلا فيج حبيبتي ، والله متعبتني امس افتريت في سوق المنامة كامل وللحين مصممة انها ماتطلع مستانسة شكلها ، اي ان شاءالله بطمنكم بس شكله صج لين يقولون طلق البنت بارد عكس الولد ايي حار وحامي
|
رد: ديوانية البحرين - دردشة حوامل البحرين - البحرينيات
ايبنت الأياويد بسئلش ليش ياخذون عليج فحص من تحت لان اني أذكر بولدي ما اخذو لي فحص الا حزت الولادة وفي اي اسبوع يسون الفحص
|
رد: ديوانية البحرين - دردشة حوامل البحرين - البحرينيات
في الاسبووع 39 قالت لي بجيكج من تحت بشوف الوسع اذا طبيعي او لا، لان اعتقد ان جريب الولادة الرحم يتوسع شوي يتهيأ حق الاكشن الي بصير ، اما اذا حست ان مسكر عدل يمكن تحولني حق طلق صناعي او الله لايقول قيصري ماعرف والله شسالفة لاني بجر مافهم في هالسوالف ، الا بسألج بخصوص الماي الي ينزل قبل الولادة تحسين قبل لاينبط الكيس يعني فيه مقدمات؟ ولا على غفله وايد خايفة من هالسالفة
|
رد: ديوانية البحرين - دردشة حوامل البحرين - البحرينيات
في ناس ما تحس بس عن نفسي بولدي الأول اول شي جاني ألم الظهر على خفيف من المغرب طبعا والفجر الله يعزش قام صادني اسهال لمده تقريبا نصف ساعه وبعدين رد رجع الألم اكثروحسيت بشي انبط ونزل على ماي قليل بس مو شرط ان ينزل ماء عليش لان بولادتي الثانية بدون الم نزل على دم على خفيف وحسيت كاني بسوي الكبيرة فاهمة صح
انتي لاتفكرين اساسا من يجيش الطلق بتعرفين سبحان الله الوحده تعرف انها بتولد لان الطلق يختلف بوايد عن الم الأيام العادية تركيها على الله |
رد: ديوانية البحرين - دردشة حوامل البحرين - البحرينيات
الله كريم ان شاء الله ، شوفي دردشة مرحلة الولادة في مواضيع حلوة ، وحده استغربت منها كاتبه ان صادتها الام خفيفة وراحت المستشفى الا مفتوحة 7 سم ؟!!!! لو زين انا جذي هههههههههههه
|
رد: ديوانية البحرين - دردشة حوامل البحرين - البحرينيات
انا استاذن الحين بروح الجامعة الاقيكم في اقرب وقت باذن الله
|
رد: ديوانية البحرين - دردشة حوامل البحرين - البحرينيات
اقول ترى مو لازم تحسين بألم فظيع احيانا ألم بسيط وتولدين اكره لحظة فيها الألم يشتد هو وقت طلوع البيبي وبعدها كل شي يختفي من تسمعين صوته اجمل لحظة وأسعد لحظة لما يحطونها على صدرج واعيونها مفتوحة مخلوق كنتي تبغين تشوفينه واخيرا وصل لا تخلين الخوف يسيطر عليج لان الخوف يخليش تتألمين أكثر أنتي بس فكري ببنتش انها قريب بتشوفينها وتحضينها وخلي الباقي على الله
شوقتيني اني اولد خاطري أشوف بنتي قرعة لو مثل اخونها شعرها خفيف وناعم تشبهني ولا تشبه ابوها الله يجيبها لي سليمة يا رب |
رد: ديوانية البحرين - دردشة حوامل البحرين - البحرينيات
اقتباس:
البارحة بالغصب غمضت عيوني من الوجع غازات وألم من تحت البطن وللحين حالي أني هالإسبوع أدخل الخامس إن شاء الله ،وبكرة عندي موعد المغرب الله يستر لاتنسون تحشروني ويالدعاء في الماتم ويارب الليلة أقدر أطلع hwaml80 إيه حبيبتي أني أقرأ في المواتم طالعه على الوالدة الله يحفظها ملايه يقولون صوتي حلييو أخذ على العراقي يمكن على أمي بس ويش فايده خيو المواتم تسأل عني وأني محبوسه في سجني كل سنه أطبع بصمتي ويبدوني لاكن الله كريم اليوم من الظهر رايحه بيت أهلي ويارب أطلع الليله |
رد: ديوانية البحرين - دردشة حوامل البحرين - البحرينيات
hiiiiii Ladies
|
رد: ديوانية البحرين - دردشة حوامل البحرين - البحرينيات
الله يبلغج يا شمس والله ان كلامج بلسم على الجروح يزاج الله خير وماقصرتي كلامج ريحني الله يريحج دنيا وآخره ويبلغج في ضناج يارب العالمين
|
| الساعة الآن 08:38 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .