|
رد: ديوانية البحرين - دردشة حوامل البحرين - البحرينيات
احلام ام مشكوره يالغاليه الله يتمم لج يارب ويحفظ لج البيبي وتجوفينه باكمل صحه ويكون ذريه صالحه
ويحفظ لج عيالج ويرفعون راسج يااااااارب جزاج الله خير على كلامج وان شاءالله اللي في الخير الله كاتبه لي بجوف شنو اقرر ان شاءالله اي شي كان خير يارب |
رد: ديوانية البحرين - دردشة حوامل البحرين - البحرينيات
الله يكتبش لش كل خير ياارب ياقمر بنت راشد
توكلي على الله في كل أمورش ولاتنسين الصدقة فهي تدفع البلاء المبرم يارب إتمم لش على خير وتكمليين شهور حملش بالسلامه وتيبيين أحلى بيبي ومشكورة على الدعاوي الحلوة |
رد: ديوانية البحرين - دردشة حوامل البحرين - البحرينيات
hiiii
Good Afternoon |
رد: ديوانية البحرين - دردشة حوامل البحرين - البحرينيات
شخبار بنت الاياويد ؟؟
ما ولدت ؟ |
رد: ديوانية البحرين - دردشة حوامل البحرين - البحرينيات
شخباركم كروشات ؟وشخباركم رشيقات ؟
وحشتوني والله ما يندرى عن بنت الاياويد انا صار لي فترة ما دشيت بس ان شاء الله نسمع خبر ولادتها |
رد: ديوانية البحرين - دردشة حوامل البحرين - البحرينيات
فديتج احلام ام كلامج عين العقل الله يحفظج ويحفظ كل المسلمين يارب
ام امل هلاااا والله ماعتقد ولدت لانها توها من شوي راده علي ههههههه |
رد: ديوانية البحرين - دردشة حوامل البحرين - البحرينيات
قمر بنت راشد
لاحقه ع السفر اذا ولدتي سويي الي تبينه بس الحين اهم شي انتي والبيبي |
رد: ديوانية البحرين - دردشة حوامل البحرين - البحرينيات
الفتاه الذهبيه مشكوره يالغلا
والله حيرتوني خخخخخخخ ماشاءلله يوم قريت بالنت قريت كل خير وان شاءالله المغرب ارووح للدكتوره واجوف شتقولي الله يسهل علينا كلنا يارب |
رد: ديوانية البحرين - دردشة حوامل البحرين - البحرينيات
سلام عليكم
مأجوورين بنات ،، والله يعطي كل وحدة اللي تتمناه بحق غربة الحسين عليه السلام حنوووووون،، شنو قررتو تسمون البيبي علي او ميثم ؟ وابي منج طلب .. اذا قدرتي حطي لنا اهني اصور من شغل هاذي البنية الي قلتي عنها ام زينب.. لانه عقب شهر محرم ان شاء الله بابتدي اسوي التوزيعات وللحين محتارة حدي ماعرف شسوي بنت الاياويد ،، الله يسهل عليج حبيبتي ... والحكة انا ذابحتني احس جسمي كله مشدوود والمشكلة كل ماحك يطلع لي خطوط في جسمي :( مادري شنو الحل من احين صادني اكتئاب على جسمي وافكر اذا بتروح او لا قمر بنت راشد ،، انا وزوجي مخططين السنة نروح الحج بس الله كتب لي الحمل وبس قعدنا ما رحنا واذا الله اراد السنة الياية ان شاء الله بنروح وانتي كيفج شموووس .. شخبارررج ويا الماتم ..؟؟ والباقي المختفين ان شاء الله خيرر غيبتهم .. |
رد: ديوانية البحرين - دردشة حوامل البحرين - البحرينيات
السلام عليكم ومأجورين
شخباركم بنات hwaml7 فلونة اني بخيرررررر حاليا زوجي يوديني الماتم ويرجعني بس بعد مو حاسه بالعشرة عدل لاني ثقيله وما أقدر اروح كذا ماتم مثل كل سنة حتى العزاء بس اسمع صوته الليلة عندنا شيخ حسين يشيل خاطري اروح بس زوجي قال روحي بروحش بالسيارة وارجعي بعدين واني خااااايبه بحاول تاسع وعاشر اروح كذا ماتم عن خاطري هذة ايام لا تعوض الله يعودنا بحال أفضل من كل حال اي فلونة على طاري الحكة لا تحكين ترى مو زين لان تزيد تالي عندش الخطوط وخصوصا انها ما تروح بعد الولادة ودائما خلي ليش فازلين وخصوصا قبل النوم علشان تساعد على تمدد الجلد واذا بغيتين تحكين امسحي باطراف الأصابع مو تهرشين الجلد هرش hwaml5 |
| الساعة الآن 04:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .