|
رد: دردشة بنات فلسطين, دردشة حوامل فلسطين, تجمع بنات فلسطين
بناااااااات انا حطق واكل ملوخية بوراني
المهم حماتي شافتني حخطبها قالتلي هاتي اعملك اياها وياريتهاااااااااااا ماعملتها منظرها استغفر الله ورق متل ماهيا ولا نونة مقطعة وانا حطق اكللللللها |
رد: دردشة بنات فلسطين, دردشة حوامل فلسطين, تجمع بنات فلسطين
مسك السنين بيعين الله
وكتر خيرها اللي بدها تريحك عارفة روحي عند اهلك زيارة واطلبي يعملولك اياها زي ما بتحبي وصحة وهنا |
رد: دردشة بنات فلسطين, دردشة حوامل فلسطين, تجمع بنات فلسطين
هههههههههه قلبك ابيض يااااعسولة
مفكرها موقف خيري يعني هههه طيب هيا كل مرة بتطبخها مفرمة هالمرة ليش لا مانا اي شي بطلبو من اهلي يسوا لاني بعرفش اطبخ |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم يا بنات عسولة و مسك وكل المتواجدين و اللي مش متواجدين
مسك حبيبتي متل ما قالتلك عسولة روحي على مامتك و خليها تطبخها و تاكليها عندها بالهنا و الشفا بس انتي بتقولي ملوخية بوريني شو يعني مفرومة و اذا مفرومة شو النوع التاني ورق أصلو أهلي مرات بيطبخوها ورق و ما في كتير بيعرفوا طبيخ الملوخية الورق الا المجادلة و مش كلهم |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكِ يارب ام عزمي
والله حاسة حالي اليوم مستولية ع المنتدى ههههههه مسك برضه الكلمة الحلوة طالعة واللي مش حلوة طالعة قوليليها يسلمو ايديكي واطلبيها من امك بتعملك اياها وكلي قد مابدك منها صحة وهنا |
رد: دردشة بنات فلسطين, دردشة حوامل فلسطين, تجمع بنات فلسطين
مسالخير على سيرة الملوخية
|
رد: دردشة بنات فلسطين, دردشة حوامل فلسطين, تجمع بنات فلسطين
ايام وانا حامل كنت مروحة من الجامعة و بديش غير اكل ملوخية
والله واتصل في ماما و حماتي المهم اعلنا حالة الطوارئ لعند ما لاقينا ملوخية حسيتها ازكى ملوخية بحياتي باكلها مع اني ما بحب الملوخية |
رد: دردشة بنات فلسطين, دردشة حوامل فلسطين, تجمع بنات فلسطين
تصبحوا على خير يا بنات بدي أطلع
لو رجعت وضلت الكهربا جاية برجعلكم سلامات |
رد: دردشة بنات فلسطين, دردشة حوامل فلسطين, تجمع بنات فلسطين
مع السلامة يا عسولة
|
رد: دردشة بنات فلسطين, دردشة حوامل فلسطين, تجمع بنات فلسطين
يا بنات بدي أحط صورة بنت أخي مكان صورتي الرمزية و احكموا عليها أكيييييييييييد حتقولوا قمرررررررررر
الصورة اللي بدي أحطها صورتها وهي صغيرة بس هلأ عمرها سنة ونص |
رد: دردشة بنات فلسطين, دردشة حوامل فلسطين, تجمع بنات فلسطين
تصبحي عخير عسولة
هبة اكيد لازم تحسيها أزكى ملوخية مهو هدا الوحام ههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم جميعا
هلا ام عزمي كنت بدي اسئلك انت من وين بخانيونس يعني وين انتي ساكنة انا بيت حمايا سكان خلف حي الامل عند مدرسة شيخ جبر |
رد: دردشة بنات فلسطين, دردشة حوامل فلسطين, تجمع بنات فلسطين
الليلة حظر تجول في تونس
فايعة الدنيا هون بين السلفيين والملحدين والشرطة عنجد الله يستر |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...554442_192.jpg
صبـــاحكم طيّــب كَــــ ....طـــيب قلوبكــــم صبـــاحكم جميــل كَــــ ....جمــال تواجــدكم حبيت اصبح على الحلوين و اشكر كل من سألت عني جارة القمر-عسولة فلسطين-ام عزمي تسال عنكم دائما العافيه حبيباتي بنتي لانا كانت شوي تعبانه من تقلبات هالجو و بفضل الله صارت احسن كنت حابه ارد على كل مشاركاتكم و مواضيعكم بس وقتي ما سمح اشوفــــكم علــــى خيـــــر |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...564615_241.jpg
غاليتي عيون المها يسعد صباحك ويومك الحمدلله على السلامة ( لانا ) الله يبعد عنها وعنكم شر المرض ان شاء الله.. ادام الله عليها الصحة والعافية وحفظها لك من كل سوء... دمتم في رعاية الله وحفظه ان شاء الله.. http://forum.hwaml.com/imgcache2/hwa...564614_247.gif |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير يا حلوين
عيون المها الحمدلله على سلامتها لانا غموض انثى طمنينا عنكم |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا
كيفكم معلش ما فوتت امبارح وانتوا ما شاء الله ما قصرتوا حاكين كتير بدي يومين تشوف محادثاتكم بدي احكيلكم انه سلفتي ولدت الحمد الله والله اعطاها عبد الرحمن الله يحفظه يارب زي القمر بجنن ما شاء الله عليه بس ياحرام ولادتها كانت صعبة كتير الله يكون بعونها وينسف مستشفى الشفا نسف لانه حيوانات الي فيه مو دكاتره حسبي الله ونعم والوكيل |
رد: دردشة بنات فلسطين, دردشة حوامل فلسطين, تجمع بنات فلسطين
سلامتها لانا عيون المها
الله يشفيلك اياها يارب ويحفظها من كل سوء |
رد: دردشة بنات فلسطين, دردشة حوامل فلسطين, تجمع بنات فلسطين
بينك زور والله الك وحشة
الحمدلله على سلامتها سلفتك , واللي بولد بالشفا لازم يكون بحسابه يضل كم يوم عندهم عشان هما مش فاضيين يولدو حدا بينك انت وين ناوية تولدي؟ |
رد: دردشة بنات فلسطين, دردشة حوامل فلسطين, تجمع بنات فلسطين
الله يخليكي هبة تسلمي ياعسل
والله انا لما شوفت سلفتي هيك بالشفا وماحدا دور عليها قررت ما اولد هناك وزوجي بقولي بدي اوديكي على مستشفى الصحابة ان شاء الله |
رد: دردشة بنات فلسطين, دردشة حوامل فلسطين, تجمع بنات فلسطين
اه والله الصحابة كتتيييييييير منيحة
|
رد: دردشة بنات فلسطين, دردشة حوامل فلسطين, تجمع بنات فلسطين
بقولو احسن من الخدمة العامة
|
رد: دردشة بنات فلسطين, دردشة حوامل فلسطين, تجمع بنات فلسطين
ان شاء الله
والله خايفة من الولادة كتيييييييييييييير الله يعيني على هديك الساعة |
رد: دردشة بنات فلسطين, دردشة حوامل فلسطين, تجمع بنات فلسطين
والله انا رحت اولد وكانو رايحة العب بما اني رحت 3 مرات قبل الولادة الحقيقية
هي اخر الولادة اللي بتغلب شوية بس بالاول يعني كآنها دورة الله يسهلها عليكي يارب |
رد: دردشة بنات فلسطين, دردشة حوامل فلسطين, تجمع بنات فلسطين
يــــــــــــــــــــارب
الله يسمع منك ويهونها عليه وعلى كل وحده حامل والله الولادة بشكل عام بترعب تخليص روح من روح يارب كون معنا |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم فل يارب
عيون المها ألف سلامة ع لانا ما تشوف شر يارب وربنا يحميلك اياهم ويكون بعونك بينك روز... حمدلله ع سلامتها..والله اني حسيت فيها وكنت أدعيلها بالذات بالشفا أنا مسمياها المسلخ تخيلي وضعي الله يبعد عنكم الشر وعن جميع النسوان كنت ابكي بحرقة وهما لا احساس بيقولي الدكتور هناك انتي مفكرة حالك الاولى يللا خلصينا بطريقة جلفة كتير انا عمي دكتور ووصاهم علي احترموا حالهم بس اللي غاظني أكتر فيه دكـ تورين لاحظي مش كاتبة دكتورين ....وصلت اجوا يشوفوني قديش موسعة هاد لما اجيت أنزل البنت التانية لأنه بينهم 12 ساعة وكنت أبكي من شدة الألم شافوني ببكي والله انهم قالولي وبتعيطي كمان طيب مش شايفينك وراحوا ..... أعتقد هيك ناس حرام تكون معهم شهادات طب لأنه يفرض المحترم اني حالة موت مثلا حتى لو ببكي يتركني ويروح والا يهون علي فتحتي علي الجرح هبة صباحك فل سهى صباحك معطر بذكر الله وين ام عزمي وحواء وجارة غموض حبيبتي الله يحميكِ طمنينا عنك |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير يا بنات كيفكم شو اخباركم
الف الحمدلله على سلامتها سلفتك يتربى بعز اهلو عبد الرحمن ان شاء الله بنات لي وضع المستشفيات عندكم صعب كثير وسيء نحنا عندنا مستشفى حكومي واحد ووضعه كويس المشكله بتكون بالناس الي بشتغلوا فيها والحق على وزارة الصحة انتو عارفين انه الوضع مو منيح بالشفا بس بسمع بتروحوا هناك شو جابركم الوحدة تامن ولادتها من اول يوم بالحمل قصدي ماديا وتروح مستشفى تامن على حالها في وعلى البيبي بعدين مره حكو البنات عن تكاليف الولادة بغزة لا تذكر بالنسبة للتكاليف عندنا هون بالضفة بالهناية ما بتسوى لا سمح الله يصير مع وحدة شي او البيبي نتيجة اهمال طبي ويروح تعبها على الفاضي |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحك عسوله منورة
كيفك اليوم شو اخبارك |
رد: دردشة بنات فلسطين, دردشة حوامل فلسطين, تجمع بنات فلسطين
الحمدلله تمام
ياحواء طمنينا عنك بتعرفي الشفا ما بتحطيه ببالك نهائياً بس بتضطري تروحيه لأنهم بيحولوا عليه يعني مثلا لو انه الوحدة بكرية وعندها ضغط او سكري او توأم ما بتحملوا مسؤوليتها الباقي بيحولوها ع الشفا أنا من تجربتي هناك وقف معي دكتورين الله يذكرهم بالخير يارب وطاقم الممرضين كانوا مناح ولعلمك اللي كانوا يتدربوا مش الموظفين أما الباقي حدث الا حرج....خسارة فيهم اسم دكتور |
رد: دردشة بنات فلسطين, دردشة حوامل فلسطين, تجمع بنات فلسطين
هلا عسوله حبيبتي الله يكون بعونك
فعلا هما مو دكاتره هما متل ما حكيتي بالزبطة واسفة ازا فتحت عليكي مواجع مو قصدي منوره حواء حبيبتي المشكلة مو بالمستشفى المشكلة بالدكاتره الي هناك وازا رحتي على مستشفى تاني وكان وضعك صعب بحولوكي على الشفا على طول حسبي الله ونعم الوكيل والله خايفة من ولادتي الصراحة لاني شوفت سلفتي ماتت وخلصت الله لا يوفقهم |
رد: دردشة بنات فلسطين, دردشة حوامل فلسطين, تجمع بنات فلسطين
طيب يا عسولة في مستشفيات خاصة حبيبتي هي انا ما كان وارد احتمال اني اولد بالحكومي مع انه وضعه كويس وما بدفع في شي بس زوجي ما رضي ولا حتى اهلو انامن اول حملي شوي شوي بوفر على جنب وكل الفكة الي بالبيت بشيلها على جنب هلا معي مبلغ كثير منيح هاد غير الي حاطينوا للولادة
وبالوضع عندكم لو الوحدة كل يوم بتشيل عشرة شيكل على جنب او اقل حتى لانه تكاليف الولادة عندكم مو كثير يعني عندكم كمان المستشفيات الخاصة بحولو على الشفا مش معقول هيك لي اسمه مشفى خاص لازم يكون موفر في كلشي |
رد: دردشة بنات فلسطين, دردشة حوامل فلسطين, تجمع بنات فلسطين
صباح الفل بينك
لا حبيبتي عادي هيك وضعنا الحمدلله ع كل شي من ربنا |
رد: دردشة بنات فلسطين, دردشة حوامل فلسطين, تجمع بنات فلسطين
بعين الله حواء
المشكلة انك بتكوني ناوية تولدي بمستشفى خاص ومحضره حالك وكل شي تمام المستشفى الخاص مابتقبلك لانك بكريه وبخافوا يولدوكي بحولوكي على الشفا على طول والله شي بقرف |
رد: دردشة بنات فلسطين, دردشة حوامل فلسطين, تجمع بنات فلسطين
بعدين بينك لا تخافي والا شي اتركيها ع رب العالمين هو أرحم عليكي من أمك
وكلها تساهيل والله وربنا يارب يسهل وييسر ولادتك وما تتغلبي انتي وكل الصبايا حواء شوفي هو المستشفى العيب مش عليه ع اللي مسمين حالهم دكاترة انا وضعي كان بيختلف لهيك فورا ع الشفا بس ان الله راد وربنا كتبلي الحمل من جديد وتمملي على خير مش واصلة الشفا نهائيا عارفة كنت حابة اولد بناتي برة غزة لياخدوا الجنسية بس ماديا ما زبطت الامور ههههه للمرة الجاية ان شاء الله |
رد: دردشة بنات فلسطين, دردشة حوامل فلسطين, تجمع بنات فلسطين
الله يكون بعونكم يارب والله شي بقهر
الله يهونها يارب وتجي سهلة من عند ربنا والله يغير هالحال باحسن حال |
رد: دردشة بنات فلسطين, دردشة حوامل فلسطين, تجمع بنات فلسطين
آمييييييييييين يارب العالمين
|
رد: دردشة بنات فلسطين, دردشة حوامل فلسطين, تجمع بنات فلسطين
يا بنات أختي توجيهي السنة دعواتكم لها
حاسة حالي أنا توجيهي هههههه ومتوترة بكرة عندهم ورقة أولى انجليزي |
رد: دردشة بنات فلسطين, دردشة حوامل فلسطين, تجمع بنات فلسطين
امين يارب العالمين
عسوله والله اسم توجيهي مرعب يارب كون مع كل طلاب توجيهي يارب ونجحهم يارب العالمين |
رد: دردشة بنات فلسطين, دردشة حوامل فلسطين, تجمع بنات فلسطين
ياااااااااارب
الأحلى بتطلع النتيجة برمضان يللا ان شاء الله يوم النتيجة بنفطر اول شي حلوان نجاحهم بتفوق يارب العالمين وهي آدان الضهر بيأدن |
رد: دردشة بنات فلسطين, دردشة حوامل فلسطين, تجمع بنات فلسطين
امين يارب
ان شاء الله بتكون اختك من المتفوقات يارب |
| الساعة الآن 01:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .