|
رد: تجمع حــوامل التوائم
هلا وغلا شخباركم ... أميرة الشعر يا قلبي الف الف مبروك وحمدلله على سلامتك ..حساسة الف الف مبروووووك ..وحمدلله على سلامتك ويارب تطلع الصغيرة بخير وسلامة .... حياتي ياليت تقولون لنا عن العملية والخياطة شلون ومتى وقف الالم ...وشو اعطوكم أدوية ومتى بديتو تاكلون ؟؟؟؟ وهل صحيح ما تقدرون ترضعون البيبيات ...؟؟؟ ومتى مشيتو ؟؟؟ بليز جابووو على هالأسئلة ؟؟؟
|
رد: تجمع حــوامل التوائم
نورة نايف وحشتينا شخبارك ... واخبار البيبيات ادعولنا الله يهونا علينا كلنا يارررررب ...طمنينا عنك ولا تقطعينا .. واللي ولدو كثار نونة العسولة وام البنين وتوأمي واميرة الشعر وحساسة والله فيه اسماء ثانية ما تحضرني اللحين ... لا تقطعينا يا نورة ...
|
رد: تجمع حــوامل التوائم
حزن الزمان / ابشري ياقلبي بجااااااااااااااوب ع كل اسئلتك بس خليني ارتااح شوي وبعدها بتمليين من سوالفي وقصة حياتي :)
|
رد: تجمع حــوامل التوائم
يا بعد عمري ما تقصرين والله ... الله يريح قلبك مثل ما تريحينا ...
|
رد: تجمع حــوامل التوائم
اااااااااااااااااااااااااااااااالف مبروك اميرة الشعر والحمدلله على سلامتك ويتربون بعزكم ............. ماقلتي شنو شعور امك يوم عرفت انهم توام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
|
رد: تجمع حــوامل التوائم
حنان الهاجري ... تمم الله حملك على خير ...
أنا حامل توأم ذكور والحركة قليلة بس الثامن شوي زادت وحركتهم للداخل ما أحس فيها كثير ... بنتي يوم كنت حامل فيها كانت حركاتها كثيرة بس أولادي الباقين قليلة ... وفيه بنات يقولون إن الذكور أكثر حركة ... يعني بلأخير كل جنين وكل حامل مختلف عن الحوامل الثانيات ... لا تخافين إذا حركة أجنتك قليلة ... الزمان ... هون الله حملك .. القيصرية مو صعبة مثل ما يصعبوها ... صحيح هو جرح بس تقدرين تحملين طفلك وترضعينه بعد ما يسمحوا لك بالأكل ... بس أهم شيء في القيصرية المشي كلما مشيتي بعد العملية كلما طبتي بسرعة ... والجرح خياطته كبس يغطونها أول يوم من العملية وثاني يوم يفتحونها وعادي تسبحين بعد الفتح إذا كانت كبس ، وتمسحين بالمسحة الطبية الجرح وشوي تضغطين عليه وأنتي تمسحين ... أما الأدوية يعطونك في المستشفى حديد + مضاد حيوي +حبوب بيتادين ... هذا اللي حصل معي في العمليتين القيصريتين السابقتين .. أهم ما في الأمر الاستخارة وتوكيل الأمر لله ولا تشيلين هم مادام عندك رب .... |
رد: تجمع حــوامل التوائم
حيا الله أمهات التوأم الحوامل سابقا ... الله يحفظ لكم الذرية من كل عين ...
أميرة الشعر ... الحمد لله على سلامتك وألف مبرووووووووك على أولادك عاد لازم ترقينهم وتهتمين فيهم من هالناحية مثل إهتمامك لملبسهم ومأكلهم ومشربهم ... نورة نايف ... أمس أهوجس بك أقول ما ردت البنت ولا قالت لنا عن أكشن الولادة ... حساسة حيل ... الله يعافيك قولي لنا عن ولادتك بالتفصيل قبل ما أروح ... |
رد: تجمع حــوامل التوائم
حوامل وأمهات التوأم ... الله يسعدكم وعن كل شر يبعدكم ويجمعني بكم في الفردوس الأعلى ...
بنات بإذن الله بعد إسبوع راح أسافر ويمكن ما أرجع إلا بعد 3 شهور ...وبانقطع عنكم لأن بيت الوالدة ما عندهم نت ، إن قدرت إن قدرت راح أدخل بس ممكن أبد ما أقدر خلال 3 شهور ... وبما إن أبو الشباب راح تبدأ إجازت العيد عنده اليوم ، فقلت يمكن ما أقدر أقولكم غير هالحين ...صح أبدخل خلال هالاسبوع وبعده باشد الرحال ... فالله يعافيكم ويسعدكم حللوني إن كان آذيت أحد أو جرحت أحد ، ولا تنسوني من دعواتكم ... يا رب ما أرجع إلا وأسمع الأخبار السارة عن ولادات توائم بصحة وعافية ، وعن حمل أخواتنا ندى ووصايف وكل وحدة تتمنى الحمل بالتوأم ... |
رد: تجمع حــوامل التوائم
حســـاســـه ووو نوروه نــايف..
الــــــــــف الــــــــــف مبــــــــــروووووووووكــ,,, والحمد لله على سلامتـــكم,, وسلامة الحــــلوين والله يـــحفظــهم لـــكـم.. |
رد: تجمع حــوامل التوائم
السلام عليكم
مبروك عليكم العيــــــد هذا أول رمضان مااصومه اهي اهي ماحسيت فيه ألف ألف مبروووووووك أميرة الشعر وحساسه حيل يتربون بعزكم نوره نايف ماطمنتينا عن أولادك بالحضانه ولا طلعوا اميرة الشعر كلنا نبي نعرف موقف أمك لما عرفت انهم توأم وماعلمتيها لاتكون زعلت منك hwaml4 حساسه بناتك مثل بناتي اول ماولدوا صغاااااااار بس ماشاءالله الحين كبروا صاروا عرايس هههههههه والله يعينك ع التربيه ترا التوأم متعبيييييين يبكون سوا وتصيرين مشتته بينهم hwaml5 شازل تروحين وترجعين بالسلامه يالغاليه والله ماشفنا منك الا كل خير واستفدنا كثير منك لغة الحب أحس انك تأخرتي المفروض يولدونك التوأم الأفضل مايطولون اكثر من 38 اسبوع |
| الساعة الآن 07:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .