|
رد: دردشة حوامل أهل جدة - دردشة بنات جدة - تجمع حوامل مدينة جدة
ياحظ ركز ثواني
أنا ما أفضل آخذ أي شي بدون استشارة الطبيب .. دكتورتي قالتلي حليب دافي محلى بعسل وتمر بس .. وألف حمدالله عالسلامه .. ام جياد الله يحييكي معانا بحمل وبدون h&h سبحان الله عمل زوجي كان واعده بتأمين من شهرين وما جا وفقدنا الأمل خلاص وقبل أمس أعطونا التأمين ولله الحمد .. فقلت خلاص أدلع نفسي وأروح أحسن مستشفي ... صليت استخارة ورحت المركز الطبي الدولي imc وقلتلهم أبغى أي استشاريه - أحسن من اخصائيه - قالولي كلهم لازم حجز وأقرب شي بعد أسبوعين .. مافي غير وحده ممكن تكون انتظار وانتي وحظك قلت أوكي .. والحمدلله دخلت عندها .. اسمها سحر العيدروس سعودية ومرررره حبوبه وماتبخل عليكي بأي معلومه وتعطيكي معلومات عن الولادة وتجهيزاتك لها .. بس حسيتها مستعجله شوي كأنه الزياره الأولى فتح ملف .. يعني أسئله عامه وسونار عالسريع .. وقالتلي المره الجايه أجيب معايه التحاليل الكليه إللي يسووها ببداية الحمل وكمان تقرير السونار التفصيلي إللي يتسوي عند أخصائية أشعه وإللي ماكنت أدري عنها شي لكن بالصدفه مره كنت عند أهلي بالطايف ورحت أراجع بالسادس وقالتلي الدكتورة هذي الأشعه المفروض تنعمل بالشهر 3 أو الرابع عشان نتطمن علي البيبي لو الله لا يقدر فيه تشوه .. وسوتها ليه واحتفظت بالتقرير وإن شاء الله ما أحتاج أعيدها ولا التحاليل .. وكمان قالتلي بنسويلك مسحه من تحت لأنه كل وحده فيها فطريات طبيعيه لكن إذا زادت عن حدها تضر البيبي وهو نازل بالذات عيونه .. وسألتها عن إبرة الكزاز قالتلي مو ضروريه وإحنا ما نعطيها ... مممم إيش كمان .. أيوه سألتها عن التخدير وقت الولادة قالت نعطيكي كمامه وإبره بالفخذ هذي أول مره أسمع عنها .. يخففولي الألم بنسبة 75٪ وإذا ما اتحملت يعطوني إبرة ظهر لو طلبت .. قلت لا ما أبغاها من دحين .. وبعد الولادة يخدروني تخدير أقوى عشان الخياطه .. يعني تمام التمام .. الشي الوحيد إللي ماعجبني إنه وقت الولادة إذا ولدتي عند الدكتورة المناوبه عادي لكن إذا تبغي دكتورتك وسوولها استدعاء عشانك تزودي فلوس 2500 أو 4000 حسب درجتها ( أخصائيه أو استشاريه ) أنا قلت ما يهمني لأنه ماشاء الله كل دكاترتهم يمدحو فيهم .. بس هذا إللي صار وإن شاء الله الأسبوع الجاي أحككيكم إيش بيصير معايه .. همسات قلبي خليكي على كلام الدكتورة وإذا مره مو مرتاحه لاتقطعي الحبوب من نفسك راجعي دكتورة ثانية @ملكة الخيال@ ألف مليون مبروك .. ربي يرزقكم بره ويصلحه لكم .. بقية الكروشات أعتذر عن الإجابه بخصوص المستشفيات ،، والله ماعندي علم لأني جديدة بجدة |
رد: دردشة حوامل أهل جدة - دردشة بنات جدة - تجمع حوامل مدينة جدة
hwaml13 بالتوفيـــــــــــق للجميع والله يتمملنا على خير ويقومنا بالسلامه .. آمين hwaml7
|
رد: دردشة حوامل أهل جدة - دردشة بنات جدة - تجمع حوامل مدينة جدة
ملكة الخيال ألف الحمدلله على سلامتك وجعله الله لك قرة عين وأسعده في الدارين ياليت بعدين تحكينا كيف المستشفى من ناحية الاهتمام والنظافة والممرضات والقابلة اللي تكون معاكي وتتابع حالتك وكم يوم جلست اذا طبيعي او قيصري همسات قلبي اذا الدكتورة مرتاحتلها وممتازة وفاهمه امشي على كلامها او اكشفي عند دكتورة ثانية ثقة . لأن اذا عندك تقلصات ضروري تاخذي مثبت انا الدكتورة كتبتلي المثبت من ثاني اسبوع مع العلم ماكنت احس بشي بس قالتلي افضل خذيها لأنك تأخرتي في الحمل ونبغى نحافظ عليه طبعا انا اخذتها على شكل حبوب .. همس الروح تمنيت افيدك بس ما عندي خلفية عن مستشفى العسكري Omm adam الطبي الدولي دلع مرة حلو وحدة من صحباتي ولدت فيه تقولي خدمة فندقيه الله يكتبلك اللي فيه الخير .. انا رحت البارح عند دكتورة نجوى وشكيت لها من الاستقبال قالتلي الممرضة تجي بدري توزع الأرقام تقدري تاخذي رقمك او اي احد يعدي ياخذ الرقم وتجي بعدين حتى لو تاني يوم بس تكوني دافعة .. سألتها عن الولادة قالتلي السنتين الأخيرة الوضع تغير كثير للأفضل لأنهم غيروا جنسية القابلات قلتلها انا بصراحة مررررة مرتاحتلك وحبيت تعاملك بس خايفة من الممرضات وطمنتني من ناحيتهم الحمدلله دخلت الخامس كتبتلي فيتامين وكالسيوم وطلبت منها مكملات عشان تزيد من ذكاء الطفل ونموه بس ما أيدتني قالت لي ما احب كثرة الأدوية انتي كثري من الأسماك والفستق والخضار والفواكه عندي ملاحظة في كلامك قلتي انه في اشعة تتعمل في الثالث او الرابع عشان التشوهات طيب انا طلبتها اول الدكتورة بس رفضت اسويها فكرتها تضحك عليا وانا دحين دخلت الخامس كيف اروح اطلبها والا أخليها مرة وحدة في السادس مع الرباعي خفت بصراحة ياليتني سمعت كلامها انتي متى سويتيها |
رد: دردشة حوامل أهل جدة - دردشة بنات جدة - تجمع حوامل مدينة جدة
بنــآآت شخبــآآركن
حـآسه بطفش موو طبيعي خـآطري أروح لآهلي بس زوجي رــآآفض ع إنه مو مستفيد مني بشي ههههههههههههه يــآآربي ليته يقعد في البيت أو يوديني لأهلي طفشششششششششششششششت :( |
رد: دردشة حوامل أهل جدة - دردشة بنات جدة - تجمع حوامل مدينة جدة
Omm adam سؤال تاني ممكن اعرف نوع التأمين لأن زوجي كان بيشترك في بوبا ولما اتصلنا قالوا مايشمل حمل وولادة اول سنة اشتراك وبطلنا على بالي كل شركات التأمين نفس الشي ... |
رد: دردشة حوامل أهل جدة - دردشة بنات جدة - تجمع حوامل مدينة جدة
أهلين نبع الحنان خلاص هانت بعد بكرة الأربعاء تقدري تروحيلهم بعضهم ما يحب يطلع نص الأسبوع وسوي زي اشغل نفسي بتجهيزات البيبي طبعا مااشتريت شي بس ادور في النت واسجل في الدفتر الطلبات .. |
رد: دردشة حوامل أهل جدة - دردشة بنات جدة - تجمع حوامل مدينة جدة
بنات مين تستخدم ابر كلكسان بليز ساعدوني ابي اعرف طريقة الجرعة الدكتور قلي اخذ 20 ولما رجعت البيت الاقي ترقيم الابره من 1الين 10 هل رقم 2هو 20 و4 هو 40
|
رد: دردشة حوامل أهل جدة - دردشة بنات جدة - تجمع حوامل مدينة جدة
هلا عزيزتي نورتينا ماعندي اي خلفية عن هذه الابرة لكن لو سألتي الصيدلي بعضهم يفهموا ويفيدك أو راجعي دكتورك وان شاء الله البنات يفيدونك ... |
رد: دردشة حوامل أهل جدة - دردشة بنات جدة - تجمع حوامل مدينة جدة
السلآم عليكمم
بنآـت بسآلكم تعرفون مسشتفى الفقيه ومستشآرك الطبي.. ويآسر.؟؟<<كلهم خآص آلي جربت فيهم ولآرآجعت تقولي لآني آحس العسكري مآعرفوآ لي:( |
رد: دردشة حوامل أهل جدة - دردشة بنات جدة - تجمع حوامل مدينة جدة
هلا قلبي h&h مشكورة جزاكي الله خير
|
| الساعة الآن 12:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .